BFÖ-blaðið - 01.11.1989, Síða 4

nær má þá vænta þess eftirlitsleysis að ölv-
unarakstur sé úr sögunni? Það væri vissulega
hámark þess gæsalappafrelsis sem allir gapa
nú um.
SEM hópurinn - samtök endurhæfðra
mænuskaddaðra - hafa gefið okkur hinn rétta
tón — aðvörun um að ölvun og akstur fari
aldrei saman, þau bera mörg hver afleiðing-
arnar sem örkuml ævilangt.
En hvernig skal á að ósi stemma, hvernig
skal verjast þessari vá? Sem ungur maður
fann ég aðeins til þess eitt ráð óbrigðult, því
ráði hefi ég fylgt, það eitt ráð á ég enn í dag.
Lausnarráð mitt var bindindi - það að bragða
aldrei áfengi. Og ég fullyrði, að ég hefi í engu
átt færri unaðs- og gleðistundir sakir þess
heldur þvert á móti, því hvarvetna greini ég
tómleika gervigleðinnar hjá þeim sem þykjast
þurfa að finna farveg áfengisins til að mega
njóta lífsins.
Svar okkar við ölvunarakstri er: Aldrei að
taka fyrsta staupið, aldrei að neyta áfengis.
Það er einfalt ráð og það eina sem dugar.
DRttGUM ÚR FERÐ
AÐUR EN VIÐ
BEYGJUM!
UMFERÐAR
RÁÐ
Árni Helgason:
Leiðarlýsing
um Snæfellsnes
-seinni hluti
Lesandi góður, við skulum taka upp þráð-
inn þar sem frá var horfið og verða samferða
um norðanvert Snæfellsnes. Við hefjum ferð-
ina á Hellisandi sem er gamall útgerðarstað-
ur. Fyrir neðan hraðfrystihúsið getur að
skoða gamlar lendingar og eins í Keflavík
skammt utan við þorpið. Oskiljanlegt er að
ekki skyldu fleiri menn farast við þær lend-
ingaraðstæður. Sandarar, en svo eru íbúarnir
gjarnan nefndir, sækja kirkju að Ingjaldshóli
sem er skammt upp af þorpinu á einhverjum
besta útsýnisstað á Nesinu. í Rifi er vaxandi
verstöð. Fyrr á öldum var þar veiðistöð og
verslun. Þar var Björn hirðstjóri Þorleifsson á
Skarði veginn af enskum kaupmönnum á 15.
öld. „Eigi skal gráta Björn bónda, heldur
safna liði“ voru viðbrögð konu hans Ólafar er
hún frétti lát Björns. Leiðin liggur í austur til
Ólafsvíkur um Ólafsvíkurenni. Ennið er
klettabelti fyrir opnu hafi sem var áður mikill
farartálmi. Þeir sem lögðu leið sína þar undir
urðu að sæta sjávarföllum og eins voru hættur
á skriðuföllum. Um aldamót gerðist það að lít-
ill steinn flaug úr Enninu og rotaði hest undir
manni einn sunnudagsmorgun. Ólafsvík er
gamall verslunarstaður en nú er hann eink-
um þekktur sem umfangsmikill útgerðarstað-
ur.
Um Búlandshöfða liggur vegurinn til Eyr-
arsveitar. Búlandshöfði var erfiður farar-
tálmi en bætt er úr með sæmilegum vegi, þó
aldrei öruggum í óveðrum og eða snjó. Þaðan
er dýrlegt útsýni bæði til Grundarfjarðar og
Ólafsvíkur og tilvalið að staldra við nokkra
stund. Fjöllin Kirkjufell, Stöðin og Mýrar-
hyrna eru einstaklega tignarleg. Kirkjufellið
er afar erfitt uppferðar og fáir hafa þangað
komist og nokkrir hrapað og þá er bani vís.
Handan Búlandshöfða tekur við Látravík og í
Lárósum er hafbeitarstöð, þar sem farið hefur
fram brautryðjendastarf í laxarækt 1 um
aldarfjórðung. Á vinstri hönd skammt frá