BFÖ-blaðið - 01.11.1989, Blaðsíða 14

Frá Umferðarráði
Reiðhjólahjálmar eru
nauðsynleg öryggistæki
Sífellt er verið að leita leiða til að draga úr
slysahættu í umferðinni og eru líklega allir
sammála um að allt sem í mannlegu valdi
stendur sé gert til þess að koma í veg fyir slys
og óhöpp. En það eru einnig til leiðir til að
draga úr þeim skaða sem verður þegar óhöpp
eiga sér stað. Notkun bílbelta er líklega það
atriði sem mest hefur dregið úr áverkum þeg-
ar óhöpp hafa átt sér stað. Þau fækka alvar-
legum slysum og koma í veg fyrir að fólk láti
lífið. Þannig má segja, að þrátt fyrir að ekki sé
alltaf hægt að koma í veg fyrir slys, þá sé
mikilvægt að þau verði ekki alvarleg.
Annað sem nefna má í þessu sambandi er
notkun reiðhjólahjálma. Þeir eru algengir í
Svíþjóð og Noregi og í Danmörku er í gangi
talsverð umræða um notkun þeirra. Þá er
athyglinni fyrst og fremst beint að börnum.
Þegar þau lenda í óhöppum á reiðhjólum er
þeim mjög hætt við höfuðáverkum. Notkun
hjálma getur dregið mjög úr alvöru slíkra
óhappa.
Hér á landi byrja börn tiltölulega ung að
hjóla á tvíhjóli. Fyrstu árin er reyndar lögð
áhersla á að þau hjóli ekki á götum, heldur
haldi sig á gangstéttum og helst Qarri ak-
brautum. En það er í raun sama hvort verið sé
að hjóla á götu eða gangstétt, það er alltaf
hætta á óhöppum. Ung börn hafa ekki gott
vald á hjólinu og ef eitthvað ber útaf eru hend-
urnar oftast uppteknar við að reyna að koma í
veg fyrir óhappið og fyrir bragðið slasast börn-
in á höfði.
Hingað til lands hafa verið fluttir hjálmar
um nokkurra ára skeið. Á síðastliðnu vori tók
Umferðarráð höndum saman við Olíufélagið
Skeljung, sem hafði hjálma á boðstólum á
bensínstöðvum. Gert var veggspjald þar sem
hvatt var til notkunar reiðhjólahjálma og svo
virðist sem það hafi haft talsverð áhrif.
En hvernig á að velja reiðhjólahjálm? Jú,
hann þarf að vera léttur og lipur, hann þarf að
ná vel niður fyrir gagnaugu og sá sem ber
hann verður að sjá vel til beggja hliða.
Umferðarráð hvetur alla foreldra og for-
ráðamenn barna til að verða sér úti um hjálm
fyrir þau. Með því móti er hægt að koma í veg
fyrir alvarleg slys. En til að hjálmarnir festist
í sessi þurfa foreldrar að taka höndum saman
- það þarf að teljast „fínt“ að nota hjálm.
Hjálmurinn þarf að teljast „töff‘, hann má
aldrei virka hallærislegur. Takist það má
telja víst að slysum fækki fyrr en varir.
S.H.
14
FLUGLEIÐIR
SPORTBÚÐ KÓPAVOGS
HAMRABORG 28 • KÓPAVOGI
SÍMI641000
íþrótta- og útilífsvörur við allra hæfi