BFÖ-blaðið - 01.05.1990, Side 6

sem enn stendur þó þessum tveimur hreyfil-
gerðum fyrir þrifum eru erfiðleikar í samb-
andi við geymslu orkunnar og flutning henn-
ar í bílnum.
Kostir vetnis eru margþættir. Nóg er til af
vetni (H2) í heiminum, reyndar fastbundnu í
efnasambandi sem vatn (H20). Aðeins þarf að
koma til nægjanleg, og reyndar talsvert mikil,
raforka til þess að kljúfa vetnið úr vatninu.
Vetni brennur líka því sem næst hreint og án
myndunar aukaefna með því að hvarfast aftur
við súrefni loftsins (02), mynda vatn á ný og
skila þar með orkunni til baka sem áður fór í
að kljúfa það úr vatninu.
Vetni er kjörið til að brenna í brunahreyfli
og ekki þarf að umbreyta byggingu bíla veru-
lega til þess að nota það sem orkugjafa. Við
venjulegan umhverfishita er vetni í loft-
kenndu ástandi, sem reyndar er kostur og
nauðsynlegur þáttur til þess að kveikja í því í
brunahólfum hreyfils, en ákaflega mikill
ókostur hvað varðar geymslu efnisins. Til
þess að geta flutt með sér nægjanlegt magn
orku í formi vetnis þarf að koma því í vökva-
ástand, svipað og gert er með gas í hitunar-
tækjum fyrir útilegur. En til þess að koma
vetni í vökvakennt ástand þarf að kæla það
niður í —253 gráður á Celsius, sem er aðeins
17 gráðum ofan við alkul. í þessu atriði er
meginvandamálið í sambandi við vetnið fólg-
ið og eins í viðhaldi kælingarinnar.
Betri og jafnvel áhugaverðari kostur fyrir
okkur íslendinga ætti að vera rafknúnir bílar.
Þeir hafa þá kosti umfram vetnisknúna bíla
að vera enn minni mengunarvaldar, bæði
hvað varðar hljóð- og loftmengun og vera auk
þess mun nýtnari á þá orku sem þeir nota.
Þetta kemur til af þrennu: Ekki er þörf á nema
einni umbreytingu frumorkunnar (þ.e. yfir í
raforku), orkunýting rafhreyfla er mun meiri
og betri heldur en brunahreyfla og eðli raf-
hreyfla gerir að verkum að drifbúnaður raf-
bíla er talsvert einfaldari og þ.a.l. ekki eins
orkukræfur og drifbúnaður bíla með bruna-
hreyfil.
Rafgeymar vandamál
Eftir sem áður er helsta vandamál rafbíl-
anna óleyst, þ.e. þyngd orkuforðans, sem taka
þarf með sér til þess að knýja bílinn áfram. í
þessu tilfelli eru rafgeymar orkuforðinn. í dag
er víða unnið að því að leysa þetta vandamál,
að framleiða rafgeymi sem er verulega mikið
léttari en blýgeymirinn. Fyrirtækið ABB,
sem er samsteypa úr sænska fyrirtækinu
ASEA og Brown Boveri Corp. í Sviss, hefur nú
BIFREIÐASKOÐUN
ÍSLANDS HF.