Tölvumál - 01.09.1989, Blaðsíða 5
Tölvumál september 1989
Sumarferö
Heimsókn SÍ í Mjólkursamsöluna
29. júní síðastliðinn tókst í alla staði
vel þó mæting hefði mátt vera betri.
Tæplega tuttugu félagar heimsóttu
fyrirlækið og nulu leiðsagnar
forráðamanna MS um sali þess. Var
heimsóknin í alla staði vel undirbúin
af þeirra hálfu og stórfróðlegt að
kynnast hvemig tækninni er beitt
við vinnslu mjólkur. Vel er búið að
starfsmönnum og fyrirtækið til
fyrirmyndar að flestu leyti. • Hafi
MS þökk fyrir ánægjulegt heimboð!
NordDATA
Nær tuttugu íslendingar sóttu
NordDATA í Kaupmannahöfn að
þessu sinni og var ráðstefnan að
mörgu leyti vel heppnuð. Þó voru
áberandi sölufyrirlestrar undir
fölskum merkjum og olli það okkur
sem þá sóttu nokkrum vonbrigðum.
Skipulag var að flestu leyti gott.
Nokkrir íslendingar tóku beinan þátt
í sjálfri ráðstefnunni, en Haukur
Oddsson og Þorgeir Pálsson héldu
ágæt erindi, auk þess sem þrír
félagar okkar stjómuðu hver sínum
hluta ráðstefnunnar.
Danir voru óánægðir með dræma
þátttöku og var það álit manna að
nauðsynlegt væri að endurskoða
form ráðstefnunnar m.a. til að mæta
aukinni samkeppni um athygli
tölvufólks og stjómenda. Næsta
NordDATA verður í Svíþjóð að ári
og Noregi ári síðar.
Breytingar á stjórn NDU
Lilja Ólafsdóttir lét af störfum sem
formaður NDU á aðalfundi þess í
Kaupmannahöfn. Voru henni
þökkuð giftudrjúg störf fyrir NDU
og skal tekið undir þær þakkir hér.
Okkur er eftirsjá að Lilju. Við sæti
hennar í stjóm NDU tók Hjörtur
Hjartar og nú Kjartan Ólafsson
þegar Hjörtur fer til Rotterdam. Ef
undan eru skildir fulltrúi okkar og
Dana, þá er stjóm NDU skipuð
konum. Formaður er Carl Johan
Gerlach frá Danmörku.
IMB PS/2 og RÁÐ á
skrifstofu SÍ
Keypt hefur verið IBM PS/2 tölva
fyrir skrifstofu okkar og RÁÐ
hugbúnaður fyrir bókhald og
félagatal. Er þetta mikil endurbót frá
því sem verið hefur. Gunnar
Ólafsson hjá GJJ sf og Jón
Sigurðsson hjá Víkurhugbúnaði sf
sýndu félaginu mikinn velvilja
þegar leitað var eftir afslætti og
endurkaupum á eldri búnaði.
Kunnum við þeim bestu þakkir fyrir
aðstoðina.
Árshátíð SÍ?
Ég hefi lengi haft áhuga á því að
haldin yrði árshátíð SÍ í tengslum
við desemberráðstefnu SÍ eða
aðalfund. Að lokinni
ráðstefnudagskrá síðla dags yrði
gert stutt hlé en síðan boðið til
kvöldverðar með viðeigandi
ræðuhöldum og skemmtiatriðum.
Þama gæfist einstætt tækifæri til að
eiga góða stund í hópi góðra félaga.
Hér er því varpað fram að fyrirtæki
noti tækifærið og sameini árshátíð
sína, árshátíð SÍ. Ég vil hvetja
félaga SÍ til að láta áhuga sinn eða
andstöðu í ljós.
Hafiðsamband!
Félagar SÍ eru hvattir til þess að
hafa samband við formann eða
skrifstofu út af málefnum sem varða
félagið. Sérstaklega er skorað á þá
sem telja sig hafa þörf mál fram að
færa sem koma mætti á framfæri í
tímaritinu eða á öðrum vettvangi. Þá
eru ábendingar um starfið vel
þegnar.
Sími skrifstofu SÍ er: 2 75 77
Sími formanns á vinnustað:
68 80 90
Sími formanns heima: 5 11 87
5