Tölvumál - 01.09.1989, Blaðsíða 14
Tölvumál september 1989
NordDATA
1989
Guðbjörg Sigurðardóttir,
tölvunarfræðingur
Ráðstefnugestir tóku
örugglega heim með sér nýjar
hugmyndir
Að venju var haldin NordDATA
ráðstefna í júní síðast liðnum. Að
þessu sinni var ráðstefnan haldin í
Kaupmannahöfn dagana 18,- 21.
júní. íslendingar hafajafnan sótt
þessa ráðstefnu vel og svo var
einnig að þessu sinni því íslenskir
þátttakendur voru 21 talsins.
Margir tóku fjölskyldur sínar með
til Kaupmannahafnar enda býður
borgin upp á margt skemmtilegt
fyrir ferðamenn, ekki hvað síst fyrir
bömin.
Á ráðstefnunni voru boðnir 182
fyrirlestrar og voru að jafnaði fluttir
6 - 12 á sama tíma. Eins og geta
má nærri náðu fyrirlestramir yfir
flest þau svið sem tengjast
tölvutækni svo að oft var erfitt að
velja á milli fyrirlestra sem haldnir
voru á sama tíma. Hins vegar er
það ljóst að gæði fyrirlestranna vora
ákaflega mismunandi og innihald
þeirra ekki alltaf í samræmi við það
sem gefið var upp í fyrirlestraskrá.
Fundarstjóramir (sessionsledereme)
lögðu mat á gæði þeirra fyrirlestra
sem fluttir vom og er ég nokkuð
sammála niðurstöðum þeirra þ.e.:
7% lélegir
58 %í meðallagi
35%mjög góðir
Einhver brögð voru að því að
fyrirlestrar væru hálfgerðir
sölufyrirlestrar og birti Computer
World þess vegna athugasemd 25.
júní s.l. þar sem dagskrámefnd var
bent á að reyna þyrfti að koma í veg
fyrir að sölumenn kæmust að með
sölufyrirlestra.
í heild má segja að ráðstefnan hafi
gengið vel fyrir sig og flestir haft
bæði gagn og gaman af.
Kaupmannahöfn skartaði sínu
fegursta því allan tímann var einstök
veðurblíða, jafnvel of gott veður til
þess að sitja inni í fyrirlestrarsölum
og einbeita sér. Ráðstefnugestir
taka örugglega með sér nýjar
hugmyndir heim, vitandi betur hvað
er að gerast á hinum
Norðurlöndunum og að þau
vandamál sem við erum að glíma
við, hér heima, em ósköp svipuð og
annars staðar.
Næsta NordDATA ráðstefna verður
haldin í júní 1990, í Gautaborg og
var auðheyrt á forsvarsmönnum
þeirrar ráðstefnu að þeir ætla að
leggja allt kapp á að vanda til
undirbúnings, einkum verður reynt
aðvandavaláfyrirlestrum. Svíar
munu gera allt sem í þeirra valdi
stendur til að fá fyrsta flokks fólk til
að flytja fyrirlestra því það er eina
raunhæfa leiðin til að ná inn fleiri
þátttakendum. Þeir hafa í þessu
skyni tryggt erindi frá Bill Gates.
Á því leikur enginn vafi að hér á
landi em margir sem geta miðlað af
reynslu sinni og þekkingu með
fyrirlestri á NordDATA. Ég vil því
skora á tölvufólk að hugsa málið.
Skilafrestur á útlínum fyrirlestra er
til 20. nóvember 1989.
Allar nánari upplýsingar fást á
skrifstofu Skýrslutæknifélagsins.
14