Tölvumál - 01.09.1989, Blaðsíða 10
Tölvumál september 1989
birtast, getur mögulegur vírus verið
búinn að koma sér fyrir í minni
tölvunnar. Þá er ráðlegast að
slökkva á tölvunni og kveikja síðan
á henni aftur. Áhersla skal lögð á að
ekki er nægjanlegt að slá á Ctrl-Alt-
Del, því margir vírusar lifa það af
og haldast áfram í minni, þótt tölvan
sé ræst að nýju á þann hátt. Þess í
stað er nauðsynlegt að slökkva á
tölvunni.
Á tölvu sem ekki hefur harðan disk,
en er ræst af disklingi, skal alltaf
nota sama disklinginn til þess og
hafa hann ritvarinn. Sé þessu ráði
fylgt algerlega og þeim fyrri einnig,
ættu ræsigeiravírusar aldrei að geta
borist inn í tölvuna. Séu margar
disklingavélar notaðar á sama stað,
skal útbúa einn ritvarinn ræsi-
diskling fyrir hverja þeirra og
merkja hann greinilega sem slíkan.
Nauðsynlegt er að eiga öryggisafrit
af öllum forritum og gögnum. Þetta
er ekki einungis góð öryggisráð-
stöfun gegn vírusum, heldur einnig
gegn vélarbilunum og eigin mis-
tökum. Fáir vírusar eyðileggja gögn
á skipulagðan hátt og enn sem
komið er eru meiri líkur á gagnatapi
af völdum mistaka eða bilana en af
völdum vírusa.
Hafðu alla þá disklinga ritvarða sem
ekki er þörf á að skrifa á. Þetta á
fyrst og fremst við um ræsidisklinga
á disklingavél. Eftir að þeir hafa
verið búnir til í upphafi, ætti að
ritverja þá og aldrei að fjarlægja þá
vörn. Einnig er mikilvægt að
ritverja alla þá diska með forritum
sem maður eignast, taka síðan afrit
og nota það, en geyma upphaflega
eintakið á öruggum stað. Þannig má
ná aftur í ósýkt eintak, verði maður
fyrir vírussýkingu.
Farðu varlega með öll forrit sem þú
færð. Það skiptir ekki máli hvort um
er að ræða ólögleg afrit af leikjum
frá Filippseyjum, eða virðulegt
gagnagrunnskerfi. Sé ekki um að
ræða forrit sem fengið er beint frá
framleiðanda og er ennþá í sínum
upphaflegu umbúðum, er það
hugsanlega sýkt, en það er ekki unnt
að sjá nema með því að beita
vírusleitunarforritum.
Fáðu forrit frá upphaflegurn
höfundi, sé þess nokkur kostur. Því
fleiri milliliði sem forritið hefur
farið um áður en það kom til þín,
því meiri líkur eru á að það sé
smitað. Það er mjög erfitt að sjá á
forriti hvort það er sýkt, hafi menn
ekki þar til gerð verkfæri. Margir
vírusar eru auk þess þannig að ekki
sést strax hvort um sýkingu er að
ræða. Aðrir birta hins vegar strax
einhver augljós skilaboð, svo sem
hoppandi bolta á skjánum.
Fylgstu vel með öllu “óvenjulegu”
sem gerist á tölvunni. Eitt fyrsta
einkenni vírussýkinga er oft að
forrit taka að hegða sér á undarlegan
hátt, eða að einhverjir undarlegir
hlutir gerast. Meðal “óvenjulegra”
hluta má nefna: Tekur lengri tíma
að hlaða inn forritum en áður ?
Birtast villuboð þegar aðgerðir, sem
hafa áður gengið án vandræða, eru
framkvæmdar ? Lýsa ljósin á
disklingadrifinu eða harða diskinum
þegar engin diskavinnsla ætti að
vera í gangi ? Virðist minnið í
tölvunni skyndilega hafa minnkað ?
Hverfa skrár á dularfullan hátt ?
Virðist laust pláss á diski minnka
skyndilega ? Eykst ónotað svæði á
diski allt í einu ? Öll þessi atriði
gætu bent til vírussýkinga.
Aldrei færa gögn á milli véla á
disklingum sem einnig innihalda
forrit.
Þegar þú færð ný forrit á disklingi,
byrjaðu þá á því að ritverja hann.
Stingdu honum síðan í tölvuna og
taktu afrit til notkunar. Fjarlægðu
aldrei ritvömina af upphaflega
disklingnum. Sé ekki unnt að afrita
hugbúnaðinn, ættir þú ekki að nota
hann.
Vendu þig á að fjarlægja disklinga
úr drifum, strax og þeirra er ekki
Iengur þörf.
Notaðu forrit til að fylgjast með
vírussýkingum. Það tryggir að þú
fáir aðvörun strax og vírus berst inn
í vélina. mm
10