Vísir - 21.08.1962, Blaðsíða 8

VISIR
Þriðjudagur 21. ágúst 1962.
Útgefandi: Biaðaútgáfan VlSIR.
Ritstjórar. Hersteinn Pálcson, Gunnar G. Schram.
Aðstoðarritstjóri: Axel Thorsteinsson.
Fréttastjóri: Þorsteinn Ö. Thorarensen.
Ritstjórnarskrifstofur Laugavegi 178.
Auglýsingar og afgreiðsla Ingólfsstræti 3.
Áskriftargjald er 45 króuur á mánuði.
I lausasölu 3 kr. eint. — Sími 11660 (5 línur).
Prentsmiðja Visis. — Edda h.f.
Óskabarn úr öskustó
Fyrr í sumar birtum við forystugrein hér í blað-
inu, þar sem vitnað var í ummæli forstjóra Eimskipa-
félagsins, er hann benti á að „óskabarnið“ væri orð-
ið að „olnbogabami“.
Tilefni greinarinnar var að vekja athygli á því
hver nauðsyn það væri að þetta óskabarn þjóðarinn-
ar, stærsta skipafélag hennar og líftaug í tveimur
heimsstyrjöldum, fengi réttan hlut sinn í farmgjalda-
málúm. Árum saman hefir Eimskipafélagið átt við
farmgjöld að búa, sem mjög litla stoð hafa átt í raun-
veruleikanum. Kostnaðurinn einn við útskipun sekkja-
vöru í New York hefir þannig stundum numið jafn-
miklu og allt farmgjaldið til Reykjavíkur og síðan á
höfn úti á landi. Mismuninn hefir félagið orðið að
greiða úr eigin vasa.
Afleiðingarnar hafa ekki látið á sér standa. Síð-
astliðið ár var félagið rekið með tugmilljón króna tapi
og í þessari ófæm var ókleift fyrir forráðamenn þess
að efna til nýrra skipakaupa og stækkunar starfssviðs
þess.
Núverandi ríkisstjórn hefir sýnt fullan skilning
á þessu ófremdarástandi og nú hefir nokkur leiðrétt-
ing fengizt á farmgjöldunum. Það verður ekki hjá því
komizt, að þar sé hliðsjón höfð af farmgjöldum á hin-
um alþjóðlega markaði. Ella er starfsgrundvöllur fé-
lagsins rofinn, þótt hækkunin hafi nokkurn kostnað-
arauka í för með sér fyrir farmeigendur.
Atvinnurekstur fær aldrei blómgazt, ef hann nýt-
ur ekki sanngjarnra starfsskilyrða og Eimskipafélag-
ið er þar engin undantekning. Hagur þess er sam-
tvinnaður hag íslenzku þjóðarinnar og því er það gleði-
efni að félagið hefir fengið nokkra leiðréttingu mála
sinna.
Að efna loforðin
Nú em brátt þrír mánuðir Iiðnir frá borgarstjórn-
arkosningunum. Fyrir kosningarnar hét Sjálfstæðis-
flokkurinn kjósendum ýmsum merkum framfömm á
kjörtímabilinu. Rætt var um skipulag bæjarins, ný
byggðahverfi, byggingu íþróttamannvirkja, stóraukna
gatnagerð, fegrun borgarinnar og margt fleira.
Þrír mánuðir em ekki langur tími. Borgaramir
sjá engu að síður að þessi loforð voru ekki gefin til
þess að svíkja þau, heldur til efnda.
Margir vinnuflokkar vinna sleitulaust að því að
rækta eyðisvæði í borgarlandinu, gróðursetja og prýða
borgina. Gatnagerðin hefir gengið mjög vel og þeil
hverfi fá greiðfærar götur fyrir haustið. Hitaveitan
kemur í æ fleiri hús. íþróttamannvirki rísa. Og ný-
lokið er við að skipuleggja lóðir undir 550 íbúðir og
unnið er að frágangi þeirra svo bygging geti hafizt.
Á næstu fáum árum verður gengið frá lóðum undir
12-15000 íbúðir að auki.
Þannig er hver hönd að verki við að efla fram-
farir bæjarins og auka þægindi íbúanna. Sjálfstæðis-
flokkurinn efnir loforð sín.
Hér birtist hræðileg mynd frá glæpsamlegum verknaði austur-þýzkra komm-
únista við Berlínarmúrinn fyrir helgi. Vopnaðir austur-þýzkir lögreglumenn
bera hinn unga flóttamann burt liðið lík eftir að þeir höfðu skotið hann og
látið honum blæða út á auðu svæði.
Glæpsamlegur verknaður
s
Skutu fEóttamanN &§ ðéfu honum bðæða út
Ægileg reiði ríkir meðal Ber-
línarbúa vegna hræðilegs at-
burðar, sem gerðist við múrinn
á markalínu Austur- og Vestur-
Berlínar á Iaugardaginn.
Þá gerðist það að ungur pilt-
ur á að gizka 18 ára gerði til-
raun til að flýja Austur-Berlín.
En meðan hann var að hlaupa
yfir eyðusvæðið sem rutt hef-
ur verið meðfram markalínunni
komu austur-þýzkir lögreglu-
verðir auga á hann og skutu
hann niður.
— ★ —
Þetta gerðist á stað þar sem
fjöldi fólks úr Vestur-Berlín sá
til. Það óhugnanlegasta var að
eftir að komniúnistamir höfðu
skotið piltinn niður, iétu þeir
hann liggja hjálparlausan i
blóði sínu í heila klukkustund.
Það sást að hann var með lifi
í fyrstu, en virtist síðan blæða
út. Þegar hann var dáinn komu
kommúnískir Iögreglumenn
loks að honum og báru Iíkið
burt.
— ★ —
Atburði þessum hefur verið
lýst svo, að hann sé ógeðsleg-
asta og slðlausásta verk komm-
únistanna við múrinn.
Reiði Berlínarbúa hefur m.a.
komið fram í því, að þeir hafa
ráðizt með grjótkasti að bílum
sem flytja rússneska lögreglu-
verði fram og til baka til rúss-
neska stríðsminnismerkisins,
sem stendur í Vestur-Berlín.
Á laugardagskvöldið söfnuð-
ust þúsundir manna saman f
grennd við múrinn, þar sem
hinn ungi maður hafði verið
skotinn og hrópaði fólkið í tal-
kór langt fram á nótt til austur-
þýzku varðmannanna: „Morð-
ingjar“ „Glæpamenn“.
Þá hafa blöð f Vestur-Berlín
og ýmsir leiðtogar fólksins Iýst
yfir harmi sínum, að herlið
Vesturveldanna, sem var statt
skammt frá staðnum, skyldi
ekki í þessu einstaka tilfelli
fara yfir múrinn með vopna-
valdi og bjarga piltinum sem
var að blæða út.
— ★ —
Borgarstjórn Vestur-Berlínar
Framhald á bls. 13.