Vísir - 30.03.1963, Page 5
V í SIR . Laugardagur 30. marz 1963.
■KOi
Skeyti frá | Mbmi
HeilUverzlun Rolf Johansen að
Laugavegi 178 hefir mikil viðskipti
við Japan sem kunnugt er. I gær
barst firmanu skeyti frá japönsk-
um útflytjendum, sem það hefir átt
skipti við, þeim félögunum Eno-
moto, Okada og Shibamoto. í skeyt
inu segir: „Vonum að allir vinir
okkar og viðskiptamenn á Islandi
hafi sloppið við afleiðingar jarð-
skjálftans. Beztu kveðjur".
Hratt flýgur fiskisagan, eins og
sjá má af þessu skeyti. Fregnirnar
um jarðskjálftann hafa augsýnilega
verið komnar til Japan strax morg-
uninn eftir að jarðskjálftans varð
vart hér á landi.
Kennedy til Indlands
í frétt frá Nýju Dehli í gær seg-
ir, að Kennedy Bandaríkjaforseti
muni heimsækja Indland.
Opinber tilkynning hefir ekki
verið birt um þetta, en áreiðanleg-
ar heimildir eru sagðar fyrir frétt-
inni. Búizt er við, að heimsóknin
fari fram í byrjun næsta árs..
Myndir Ósvolds
Framhald af bls. 7.
tillaga um að vísa málinu frá,
frá meirihluta allsherjarnefnd-
ar, byggð á þeim rökum að
stofnaður hefði verið atvinnu-
bótasjóður fyrr á kjörtímabil-
inu til að stuðla að jafnvægi í
byggö landsins og tillögur Fram
sóknarmanna gengju hvergi
lengra en’ atv.bótasjóðurinn.
Gísli Jónsson (S) var fyrstur
á mælendaskrá og hrakti þau
umrnæli, sem ýmsir Framsókn-
armenn hafa viðhaft varðandi
þetta mál. Næst honum tók til
máls Gísli Guðmundsson og síð-
an Skúli Guðmundsson og þrátt
fyrir langar ræður, sérstak-
lega þess fyrrnefnda, er ekki
ástæða til að rekja mál þeirra.
I efri deild var tollskráin á
dagskrá, og töluðu þeir Ólafur
Jóhannesson og Björn Jónsson
fyrir hönd stjórnarandstöðunn-
ar. Verður nánar skýrt frá
helztu gagnrökum þeirra og
•gagnrýni á tollskránni á mánu-
daginn.
Knudsen
Núna um helgina lýkur sýning-
um á hinum fjóru myndum Ós-
valds Knudseris, sem sýndar hafa
verið í Gamla Bíói að undanförnu.
Um ellefu þúsund manns hafa séð'
myndirnar. Fyrir þá, sem ætla að
sjá þær, fer hver að verða síðast-
ur, því að sýningum fer senn að
ljúka. Sýningar um helgina verða
laugardag og sunnudag kl. 7.
Sugan skilin
Franska skáldkonan Francoise
Sagan fékk í gær skilnað frá eigin-
manni sínum, Bandaríkjamanninum
Bob Westhoff. Hún hafði áður ver-
ið gift og skilin.
Rétturinn úrskurðaði, að sökin
sé eiginmannsins, að hjónabandið
fór út um þúfur. Skáldkonan fékk
umráðaréttinn yfir 8 ára gömlum
syni þeirra. — Bob Westhoff og
Sagan voru gefin saman með
leynd í BarneviIIe í Normandi í
janúar 1962.
„Svanir" í fyrsta
skipti í Reykjavík
Karlakórinn Svanir á Akranesi
heldur fyrsta sjálfstæða samsöng
sinn hér í Reykjavík á morgun,
sunnudaginn 31. marz, í Gamla
bíói, og hefst hann kl. 3 síðdegis.
Söngstjóri kórsins er hinn ungi
1 tónlistarmaður, Haukur Guðlaugs-
son, tónlistarskólastjóri á Akra-
nesi, en við hljóðfærið verður frú
Fríða Lárusdóttir, sem hefur um
árabil annazt undirleik fyrir kór-
inn af öryggi og smekkvísi.
Á söngskránni er fjöldi laga eftir
innlenda og erlenda höfunda, og
er söngskráin að því leyti óvenju-
Ieg, að öll lögin, að undanskildum
tveimur, munu vera frumflutt af
kórnum sem karlakórslög. Af lög-
: um eftir innlenda höfunda má
.............fcfr-------------------
nefna m. a. „Gesturinn“ eftir Karl
O. Runólfsson og „Smávinir fagr-
ir“ eftir Jón Nordal, auk ýmissa
fleiri. Af erlendum höfundum má
nefna Schubert, Wagner, Max
Reger o. fl.
Karlakórinn Svanir var stofnað-
ur árið 1915 og er því með elztú
karlakórum hérlendum. Enda þótt
hann hafi ekki starfað alveg óslit-
ið frá stofnun, hefur hann eigi að
síður haidið uppi þróttmikilli söng-
starfsemi í heimabæ sínum, Akra-
nesi, auk þess sem kórinn hefur
farið margar -söngferðir út um
land og tekið þátt í söngmótum,
jafnan við góðan orðstír. Hefur
starfsemi kórsins aldrei staðið með
meirj blóma en nú, enda hefur
hann verið svo heppinn að njóta,
um nærfellt þriggja á ra skeið,
leiðsagnar og þjálfunar hins gagn-
menntaða og mikilhæfa tónlistar-
manns Hauks Guðlaugssonar, eins
og áður greinir;
V. K.
Noregur —
Framhald af bls. 16.
mannasambandið norska staðið
mjög fast á því banni. Nú hefir-
hins vegar komið á daginn að
norski fiskiðnaðurinn hefir á-
huga á því að brezkir togarar
leggi afla á land vissa árstfnia,
þegar niðursuðuverksmiðjur
vantar nýjan fisk. Segir „Fish-
ing News“ að talið sé að Norð-
menn muni stinga upp á mála-
miðlun þess efnis að brezkir
togarar fái að Ianda afla sínum
á þeim árstíma sem minnst er
um afla norskra togara og báta.
Flugunnfr —
Framhald af bls. 16.
nema örfá svefnpokapláss. En mik-
ill fjöldi fólks gistir hjá vinum og
ættingjum á Akureyri um páskana,
svo að búizt er við mjög miklum
flugflutningum þangað. Skíðasnjór
en nægur í Hlíðarfjalli og má ör-
ugglega reikna með góðum snjó
þar fram að miðjum júnímánuði.
Úr því er svo hægt að fara á
skíðum uppi á Vindheimajökli og
engin fjarstæða að sækja þangað
frá skíðahótelinu.
Eitt af málverkunum á sýningunni.
Sýnir í Bogasalnum
I dag opnar Sigurður K. Árna-
son málverkasýningu í Bogasal
Þjóðminjasafnsins. Sýning þessi er
fyrsta sjálfstæða sýning Sigurðar,
en áður hefur hann sýnt í glugga
Málarans og tvö olíumálverk á
vorsýningu Myndlistarfélagsins á
s. I. vori.
Sigurður er fæddur og uppal-
inn í Vestmannaeyjum og þar hóf
hann snemma að teikna. Hann fór
ekki að mála fyrr en hann var
kominn til Reykjavíkur, árið 1946.
Um líkt leyti fór hann að starfa
sem húsasmiður, op hefur hann
starfað við það síðan, m. a. var
hann yfirsmiður við byggingu
Bændahallarinnar, þannig að hann
hefur einungis málað í frístundum
sínum.
Sigurður hefur stundað nám við
Myndlistarskólann f Reykjavík og
einnig nokkurn tíma við Handíða-
og myndlistarskólann. I stuttu sam
tali við Vísi sagðist Sigurður ekki
hafa orðið fyrir neinum erlendum
áhrifum, þar sem hann hefði ekki
haft tækifæri til að kynnast mál-
aralist annars staðar en á íslandi.
Hér fer hann á allar málverkasýn-
ingar. og segist hann hafa orðið
fyrir áhrifum frá íslenzkum lista-
mönnum, sem byggt hafa upp ís-
lenzka myndlist, einkum þeim, sem
tjáð hafa bezt íslenzkt landslag og
náttúru.
Sigurður hefur ferðazt mikið um
Iandið og leitað að mótívum í
hraunum, á heiðum og við sjó,
málað klettinn, sem er rétt hjá,
jafnt og fjöllin í fjarska. Flestar
myndir hefur hann málað á Suð-
urlandsundirlendinu.
Á sýningunni eru 22 olíumál-
verk, flest máluð á síðasta ári.
Rammana hefur málarinn sjálfur
gert og eru þeir að þvi leyti sér-
kennilegir, að þeir eru strigafóðr-
aðir og málaðir í sömu litum og
grunntónninn í myndinni. Hvítur
listi skilur á milli málverksins og
rammans. Málverkin eru öll til
'ölu.
Sýningin verður opnuð almenn
ingi kl. 4 í dag og mun standa
til 7. apríl.
MINNINGARATHÖFN
um flugmennina STEFÁN MAGNÚSSON og ÞÓRÐ
ÚLFARSSON verður haldin í Dómkirkjunni í Reykja-
vík þriðjudaginn 2. apríl kl. 10.30.
Athöfninni verður útvarpað.
Félag j'slenzkra atvinnuflugmanna.
Loftleiðir h/f
Hjartkær eiginmaður minn, faðir okkar, tengda-
faðir og afi, x
HANS CHRISTENSEN
Hæðarenda 8, Seltjarnarnesi,
verður jarðsunginn frá Fossvogskirkju mánudaginn
1. apríl kl. 1.30.
Blóm vinsamlegast afþökkuð.
Sesselja Christensen,
Anna Christensen, Guðmundur Guðmundsson,
Jóhannes Christensen, Ingibjörg Guðmundsdóttir,
og bamabörn
Útför móður okkar, tengdamóður og ömmu,
ARNÍNAR GUÐJÓNSDÓTTUR
fer fram þriðjudaginn 2. apríl kl. 13.30 frá Fossvogskii'kju.
Guðjón Mýrdal,
Júlíana Valtýsdóttir,
Lars Jakobsson
og barnaböm.
taBajaaMMawBB