Vísir - 30.03.1963, Page 8

8
V1SIR . Laugardagur 30. marz 1963.
VÍSIR
Otgefandi: Blaðaútgáfan VlSIR.
Ritstjórar: Hersteinn Pálsson, Gunnar G. Schram.
Aðstoðarritstjóri: Axel Thorsteinsson.
Fréttastjóri: Þorsteinn Ó. Thorarensen.
Ritstjórnarskrifstofur Laugavegi 178.
Auglýsingar og pfgreiðsla Ingólfsstræti 3.
Áskrifsargjald er 65 krónur á mánuði.
1 lausasölu 4 kr. eint. - Sími 11660 (5 líi\ur).
Prentsmiðja Vísis. — Edda h.f.
Flokkur stefnuleysisins
Þótt leitað sé um víða veröld meðal þeirra sam-
taka, sem stjórnmálaflokkar nefnast, mun vandfundið
annað eins viðrini og Framsókn. Hún er gersamlega
stefnulaus í öllum þjóðmálum. Sé aðalmálgagn henn-
ar, Tíminn, athugað frá degi til dags, kemur iðulega
fyrir, að þeirri skoðun, sem haldið er þar fram einn
daginn er afneitað með öllu næsta dag. Og stundum
eru í sama tölublaðinu greinar, sem vel gætu verið
túlkanir á sjónarmiðum tveggja mjög andstæðra
flokka.
Hvernig stendur á þessum ósköpum? Ástæðan er
sú, að Framsókn er í raun og veru ekki stjórnmála-
flokkur. Henni er stjórnað af harðsnúinni sérhags-
munaklíku, sem hefur ekki víðari sjóndeildarhring en
svo, að allt sem er utan við SÍS, hagsmunahreiður
hennar sjálfrar, er henni lokaður heimur. Þessir menn
eru innbyrðis mjög ólíkir að eðli og skoðunum og eiga
ef til vill fátt sameiginlegt annað en það, að þeir eru
sjúkir í völd og metorð. Þar af leiðandi geta þjóðar-
hagsmunir aldrei ráðið gerðum þeirra eða afstöðu til
mála. Öll barátta miðast við það, að komast til valda,
hvað sem það kostar. Og þótt aðálmálgagn „flokks-
ins“ gerist sekt um það, að segja eitt í dag og annað
á morgun um sama málið, skiptir það engu, ef sú bar-
áttuaðferð getur orðið þessari einu „hugsjón“ klík-
unnar til framdráttar.
Segja má, að kosningabarátta Framsóknarmanna
hafi að þessu sinni hafizt með þeirri yfirlýsingu, að
þeir ætluðu að rifta samkomulaginu við Breta um
landhelgina, ef þeir fengju bolmagn til þess í þinginu.
En það voru ekki liðnir margir dagar, þegar þeir sögð-
ust aldrei hafa 'sagt þetta, heldur aðeins átt við það,
að þeir ætluðu að fá Breta til þess að lýsa því yfir,
að þeir hefðu komið illa fram við okkur og telji því
sjálfir rétt að afnema samninginn!
Þessi „kosningabomba“ vakti almennan hlátur,
og þá hætti Tíminn að tala um landhelgismálið í bili.
„ Hún snýst, hún snýst "
Allir vita, að Framsókn hefur snúizt ótal hringi
um sjálfa sig í afstöðunni til Efnahagsbandalagsins.
Eftir því sem bezt er vitað, er þar ekki um neinn djúp-
stæðan ágreining að ræða milli Framsóknar og stjórn-
arflokkanna, enda segir Þjóðviljinn að Jón Skaftason
hafi talað stórlega af sér um það mál. Tíminn hefur
sýnkt og heilagt verið með alls konar dylgjur í garð
ríkisstjórnarinnar út af málinu, en aldrei getað fengið
á henni minnsta höggstað. Framsókn mun þess vegna
lítið græða á því í kosningunum.
En eitthvað verður að reyna, og nú sem stendur
er það nýja tollskráin, sem Tíminn setur von sína á.
Ekki er byrjunin sigurstrangleg, hvað sem síðar verð-
ur; og eflaust verður ekki langt liðið fram í næstu
viku, þegar blaðið neitar öllu, sem það er að segja um
tollskrána núna.
«S23m
Teikning sem sýn
ir hvernig flugvél
in TFX kemur til
með að lita út
með vængina í
ýmsum stelling-
um.
Flugvéíar með hreyf-
anlegum vængjum
TVIiklar umræður og deilur hafa
x staðið undanfarna daga í
Bandaríkjunum vegna smíði
nýrrar flugvélategundar. Hafa
deilurnar staðið um það, hvaða
flugvélaverksmiðjur skyidu fá
smíðasamninginn. Voru það tvö
„stórveldi“, sem börðust um að
ná samningnum, Boeing-verk-
smiðjurnar í Seattle og General
Dynamics i Los Angeles.
Svo fór að lokum, að banda-
ríska landvarnaráðuneytið á-
kvað að gera samninginn við
General Dynamics. Risu Boeing-
verksmiðjurnar og stuðnings-
menn þeirra þá upp og héldu því
fram að annarleg áhrif hefðu
ráðið samningsgerðinni. Héldu
þeir því fram að áætlanir og
teikningar Boeing-verksmiðj-
anna hefðu verið miklu ýtarlegri
og betri.
★
Cérstök þingnefnd var skipuð
til að rannsaka málið og
hefur margt blandazt inn í þær
umræður, m. a. hin stöðuga
kergja og afbrýðisemi milli
bandaríska flughersins og flot-
ans. En svo virðist sem land-
varnaráðuneytið standi með
pálmann I höndunum og hefur
McNamara birt sterk rök sem
mæltu ákveðið með því að taka
tilboðinu frá General Dynamics.
Það hefur vart verið meira
um annað talað í Bandan'kjun-
um að undanförnu en þessar
harðvítugu deilur, sem sýna
glöggt hve ákafleg átökin geta
orðið þegar stærstu milljónafyr
irtækin gh'ma og takast á í sam-
keppninni.
★
Tj’n hitt er ekki síður merki-
^ legt, að hér koma fram upp
lýsingar um þessa nýju gerð
flugvéla, sem geta valdið um-
byltingu í flugtækninni.
Flugvélar þessar eru nú al-
mennt kallaðar TFX í Banda-
ríkjunum og er upplýst, að
General Dynamics hefur þegar
verið falið að smíða fyrstu 23
flugvélarnar af þessari gerð fyr
ir 28 milljónir dollara. En ætlun
landvarnaráðuneytisins er í
fyrstu lotu að láta smíða nærri
2 þúsund flugvélar af þessari
gerð fyrir flugher og flota og
það á sem allra skemmstum
tíma.
TFX á að vera mjög hrað-
fleyg orustuþota. Er talað um
það að hún eigi að geta flogið
með þreföldum eða fjórföldum
hraða hljóðsins, með allt upp í
3—4 þúsund km. hraða á klukku
stund.
Þegar hraði flugvélar er orð-
inn svo mikill, er eitt vandamál
örðugast viðureignar. Hvernig
er hægt að samræma þennan
mikla hraða hæfileikum vélar-
innar til að lenda á flugvöll-
um.
★
rJ'il þess að ná slíkum ofsaleg-
um hraða verða hinir venju-
legu flugvélavængir að hverfa.
Venjulegar vængbrúnir þola
ekki þann gífurlega núning og
hita, sem fylgir hraðanum. Hins
vegar kemur hitt vandamálið
upp, ef vængirnir eru fjaríægð-
ir, hvernig á þá að lenda flug-
vélunum. Séu vélarnar svo til
vængjalausar, er vart hægt að
lækka hraðann niður fyrir 600
km. á klukkustund og á þeim
hraða verður lending vægast
sagt erfið, hún er jafnvel ófram
kvæmanleg.
Flugtæknifræðingar fóru því
fyrir nokkrum árum að kanna
þann möguleika, að gera færan-
lega vængi á flugvélarnar. Þann
ig að hægt væri að spenna þá
út við flugtöku og lendingu, en
draga þá inn, þegar flugvélarn-
ar geystust um loftin á ofsa-
hraða. Þetta hafa þeir verið að
glíma við svo árum skiptir, en
það hefur gengið illa, þvl að svo
mjög reynir á vængina, að erf-
itt reynist að styrkja hreyfan-
lega vængi nægjanlega.
★
J^ú á síðasta ári gerðist það
hins vegar, að bandarískir
flugtæknifræðingar töldu sig
hafa leyst þetta vandamál.
Árangurinn er sá, að smíði
fyrstu vélanna með færanlega
vængi er að hefjast. Það er enn
mikið hernaðarleyndarmál,
hvernig þetta tæknilega atriði
hefur verið leyst, en vafalaust
er kjarni þess sá, að nýjar og
kröftugri málmblöndur hafa ver
ið fundnar upp, sem eiga að
þola þessi risaátök.
Á mynd sem fylgir greininni
er sýnt hvernig þessu verður
komið fyrir á flugvélinni TFX.
Þar sést hvernig flugvélin flýg-
ur á fullum hraða með vængina
kyrfilega Iagða inn að skrokkn-
um og síðan hvernig hún spenn-
ir þá út, þegar hún dregur úr
ferð eða undirbýr lendingu.
★
Jþessi nýjung kann að hafa
mikla þýðingu fyrir land-
varnir vestrænna þjóða, sem
eignast með þessu fullkomnari
og hraðskreiðari flugvél. En
jafnframt kann þetta nýja væng
lag að hafa talsverða þýðingu
fyrir flugferðir almennt. Vænt-
anlega yrði eftir nokkur ár hægt
að taka nýjungina I notkun á
almennum farþegaflugvélum og
þá getur það haft bæði þá þýð-
ingu að farþegaflugvélarnar
verði hraðfleygari og að þær
þurfi minni flugvelli til að lenda
á. En eitt af stærstu vandamál-
um í sambandi við hinar hrað-
fleygu farþegaþotur er að þær
hafa útheimt stærri og stærri
flugvelli. Og hinir stóru flug-
vellir hafa orðið hin versta
þraut 1 skipulagningu borganna.