Vísir - 11.06.1964, Blaðsíða 16

•;6VJ
Flmmtudagur 11. júní 1964.
r
Arbær opnar
ó morgun
Árbær verður opnaður á morg-
un (föstudag), og er það fyrr en
venjulega vegna ágæts tíðarfars 1
vor og sumar.
Árbæjarsafnið verður opið alla
daga nema mánudaga, á sunnudög
um kl. 2 — 7, aðra daga kl. 2 — 6.
Kaffiveitingar verða í Dillonshúsi
alla daga, þegar opið er. Njóta þær
mikilla vinsælda. Safninu hefur
bætzt frá í fyrra gömul smiðja og
prestshús er verið að reisa við
kirkjuna.
13 Akrunes-
bátar á síld '

Þrettán Akranesbátar stunda síld
veiðar fyrir Norðurlandi i sumar.
Af þeim eru 9 þegar farnir, en hin-
ir 4 leggja af stað í kvöld eða á
morgun.
Bátarnir, sem farnir eru norður,
eru Skipaskagi, Haraldur, Skírnir,
Höfrungur II. og Höfrungur III.,
Sigrún, Sigurvon, Sólfari og Reyn-
ir. Þeir, sem eru að búa sig undir
brottför, eru Anna, Sigurður, Sæ-
fari og Heimaskagi.
Fjórir humarbátar komu í morg-
un til Akraness. Þeir höfðú Ient í
brælu og öfluðu illa.
Tvö flutningaskip bætast í flotann
Hofsjökull útbáinn sjónvörpum fyrir áhöfnina
Um þessar mundir bæt-
ast tvö ný flutningaskip
í íslenzka flotann. í gær
dag sigldi inn á Reykja-
víkurhöfn fánum prýtt
skip nefnt „Jarlinn“, og
í dag er von á hinu nýja
skipi Jökla, Hofsjökli.
Bæði eru þessi skip hin
nýtízkulegustu og glæsi
legustu.
Flutningaskipið Jarlinn er i
eign Gunnars Halldórssonar út
gerðarmanns í Reykjavík o.fl.
Skipið er ekki nýtt, því það
er keypt notað eftir 10 ára
siglingar í Svíþjóð. Það er ongu
að síður búið öllum hinum nýj-
ustu siglingatækjum.
Jarlinn mun verða í venjuleg
um millilandasiglingum og
annast hvers konar vöruflutn-
inga Heim kom hann í gær með
timburfarm frá Ventspils. Siglt
mun verða á smærri hafnir hér
við land, en flutningaskip
koma sjaldan á þá staði. Mun
það að sjálfsögðu vera til mik-
illa hagsbóta fyrir viðkomandi
byggðarlög.
Skipstjóri á Jarlinum er Guð
mundur Kristinsson en á skip-
inu er 10 manna áhöfn.
I dag er Hofsjökull, hið nýja
skip Jökla h.f., væntanlegt.
Hofsjökull er nýsmíðað, fullkom
lega einangrað kæliskip, sér-
Um borð í Jarlinum í morgun. Talið frá vinstri: Jón Þ. Árnason, Guðmundur Kristinsson skipstjóri
og Gunnar Halldórsson útgerðarmaður, aðaleigandi skipsins.
staklega hentugt til flutninga
á fiski og ávöxtum. Það er út-
búið sérlega fullkomnum sigl-
ingatækjum og vélaútbúnaði, og
þess má geta að til notkunar
fyrir yfirmenn og áhöfn eru út-
varps- og sjónvarpstæki. Mun
það eflaust vera fyrsta íslenzka
skipið sem er útbúið sjónvarps
tækjum fyrir áhöfnina.
Skipstjóri á Hofsjökli er Ing-
ólfur Möller
32 krónum hærra bræðslusíldarverð en í fyrra
Aðstoð til síldarflutninga langnr leiðir
Mikil hækkun verður nú á
bræðslusíldarverðinu. Það var
150 krónur á málið í fyrra, en
verður 182 krónur í sumar,
auk þriggja króna á hvert mál,
sem lagðar verða í sjóð og úr
honum borgaðar uppbætur til
þeirra síldveiðiskipa, sem fara
með aflann til fjarliggjandi verk
smiðja, þegar þannig stendur á.
Það er Verðlagsráð sjávar-
útvegsins, sem ákveður bræðslu
sildarverðið, og hefir það-verið
á stöðugum fundum undanfarið.
Ástæðan fyrir h;nni niftlu
hækkun bræðslusíldarverðsins
er hækkun verðs á síldarafurð-
um erlendis. Lýsi hefir hækkað
um 15-20 stpd. tonnið síðan í
fyrra og síldarmjöl um 3-4 stpd.
tonnið.
Það er algert nýmæli að norga
uppbætur til skipanna vegna
langra síldarflutninga, og er
gert ráð fyrir að verksmiðjurn-
ar greiði þrjár krónur af hverju
máli í slíkan síldarflutninga-
sjóð svo að raunverulega er
bræðslusíldarverðið þá 185 krón
ur. Ekki hefir enn verið gengið
til fulls frá því hvernig greiðsl-
um þessum verður háttað.
Á ráðstefnunni að Bifröst var komið á umræðuhópum, þar sem málin voru rædd í þröngum hópum.
Mynd þessi er af einum umræðuhópanna. Hér sjást talið frá vinstri: Snorri Jónsson formaður Málm-
iðnaðar og skipasmiðasambandsins, Gunnar J. Friðriksson formaður Félags isl. iðnrekenda, Kjartan
Thors formaður Vinnuveitendasambands íslands, John Andrésen frá norska vinnuveitendasambandinu.
Jakob Gíslason formaður Stjórnunarfélagsins, Egil Ahlsen frá norska alþýðusambandinu, Hannibal
Valdlmarsson forseti ASÍ, Sveinn Björnsson framkvæmdastjóri Iðnaðarmálastofnunar íslands og
Björgvin Sigurðsson framkvæmdastjóri Vinnuveitendasambands íslands. ,
Það kom fram á fundi, er
Stjómunarfélagið hélt með
blaðamönnum i morgun, að
mikil og gagnkvæm ánægja rik-
ir meðal forystumanna vinnu-
veitenda og launþega með ráð-
stefnuna, er félagið hélt um
vinnuhagræðingu að Bifröst í
Borgarfirði. Létu þeir Kjartan
Thors og Hannibal Valdimars-
son i ljós sérstaka ánægju með
ráðstefnuna og þá ágætu hug-
mynd Stjórnunarfélagsins að
Ieiða hina andstæðu aðila einnu
markaðsins saman á yndislegum
stað í fögru veðri.
Kjartan Thors formaður
Vnnuveitendasaniands íslands
þakkaði forystumönnum Stjórn
unarfélagsins gott og óeigin-
gjarnt starf og lét í ljós þá
skoðun sína, að starfsemi fé-
lagsins ætti eftir að stuðla sð
auknu og betra samstarfi vinnu
veitenda og launþega. Kjartan
sagði, að svo mikill samhugur
og e ndrægni hefði ríkt á iáð-
stefnunni að Bifröst í Borgar-
firði, að það hefðu verið alJt
að því faðmlög. Kjartan kvaðst
hafa rnikla trú á nytsemi vinnu
hagfræðingar en bezta hagræð-
ingin yrði sennilega fólgin í því
að fá hina andstæðu aðila vinnu
markaðsins til þess að ganga
saman til samninga með góðu
■hugarfari og í anda samstarfs
og samvinnu.
Hannibal Valdimarsson forseti
ASÍ tók í svipaðan streng. Hann
kvaðst áður hafa setið ráðstefnu
um vinnuhagræðingu og þá lýst
jákvæðri afstöðu Alþýðusam-
bandsins til þess að komið yrði
á vinnuhagræðingu í islenzku
atvinnulífi. Hann sagði, að Al-
þýðusambandið og Vinnuveit-
endasambandið hefðu unnið að
því nú í samstarfi að fá hingað
frá Noregi hina færustu menn
Framh. á 6. síðu.