Vísir - 18.07.1968, Blaðsíða 3
VtSIR . Fimmtudagur 18. júlí 1968.
3
timbur upp á efri hæðina.
ÞAU REISA KIRKJU
Á kvöldin má oft sjá fólk í
Bústaðahverfi í sjálfboða-
vinnu við byggingu kirkjunnar
sinnar Er hér ágætt dæmi um
skemmtileg samtök, sem virðast
orðin allsterk undir forystu
nokkurra valinkunnra manna í
Bústaðahverfinu.
Myndsjáin var á ferö um Bú-
staðahverfið s.l. fimmtudags-
kvöld, en þá er sjálfboðavinnan
hvaö mest. Voru þar að störfum
15—20 ungmenni, og mátti sjá
bros á andlitum barnanna, er
þau voru vitni að framtaki
sínu.
Það er einmitt slíkt framtak
og slík samvinna, sem gefur
mannlífinu gildi, segja menn og
það verða menn sannfærðir um,
er þeir verða vitni að samvinn-
unni og sjálfboðaliðastarfinu
við Bústaðakirkjuna.
Bústaðakirkja stendur á fögr-
um staö í hverfinu, utan i
brekku, innarlega, þar sem sér
vítt yfir hverfið og Fossvogs-
dalinn. Hún gnæfir aílhátt og
verður að flestra dómi hið
glæsilegasta guðshús, sem von-
andi á eftir að þjóna sínu hlut-
verki um langa framtíð.
Á staðnum var Ottó Michel-
sen skrifvélameistari, en hann
ku, að öðrum ólöstuðum, vera
aðalforvígismaðurinn að sam-
tökum hverfisbúa við kirkju-
bygginguna. Annars er lítil á-
stæða til að útskýra myndirnar
öllu frekar, þær tala sínu máli
og gefa glögga mynd af því,
sem þarna fer fram.
Börnin voru glöö og ánægð við vinnuna. Það fór líka vel um
þau þarna í kvöldsólinni.
Ottó Michelsen (t. v.) og Axel L. Sveins, fulltrúi í Ræsi, eru
þarna að störfum.
i