Dagur - 26.11.1997, Blaðsíða 1

vor. Hún sé þegar búin að vera í
forystu Framsóknar í 20 ár af
þeim 30 árum sem hún hefur
tekið þátt í verkalýðsmálum.
Hún segir að Framsókn muni
ekki gera tilkall til formennsku í
hinu nýja stéttarfélagi en vara-
formennskan verður hins vegar
þeirra. Þá er búið að velja fjögur
nöfn sem koma til greina sem
nafn á nýja félaginu. Skoðana-
könnun verður meðal félags-
manna um nýja nafnið fljótlega
eftir áramótin. A meðan ríkir
samkomulag á milli félaganna að
upplýsa ekki um nafnalistann.
Sem kunnugt er þá var sam-
eining Dagsbrúnar og Fram-
sóknar samþykkt með yfirgnæf-
andi meirihluta atkvæða í alls-
herjar atkvæðagreiðslu í Dags-
brún og á félagsfundi í Fram-
sókn. Hið sameinaða félag tekur
til starfa 1. janúar nk. en stofn-
fundur verður haldinn 6. desem-
ber nk. — GRH
Hvalskurður
á Húsavík
I gær var unnið að hvalskurði í
Suðurfjörunni á Húsavík en það
mun í fyrsta sinn í áraraðir sem
búrhvalur er skorinn á Islandi.
Hvalamiðstöðin á Húsavík á
hvalinn og hyggst koma beina-
grind hans fyrir á hvalasafninu.
Reður hvalsins mun hins vegar
fara á Reðursafnið í Reykjavík.
Þegar hvalskurðurinn hófst í
gær var komin talsverð ólykt af
hvalnum og lagði mikla fylu yfir
allan suðurbæinn. Vísindamenn
sem á staðnum voru kváðu upp
úr með það að skepnan væri ekki
vansköpuð heldur hefði hún
misst neðri kjálkann í einhvers
konar átökum eða slysi, þar sem
greinilegt væri af beinum að
kjálkinn hefði brotnað. Þrátt fyr-
ir þessa fötlun var hvalurinn í
ágætum holdum. Til stóð að selja
kjötið í refafóður í Skagafirði, en
ekkert verður af því og það því
urðað.
Sjá einnig Víkurblaðið
Ekki útilokað að
Sókn, Iðja og Félag
starfsfólks í veitinga-
húsum sameinist
Dagsbrún og Fram-
sókn. Yrði álíka stórt
og VR.
Ragna Bergmann, formaður
Verkakvennafélagsins Framsókn-
ar, telur ekki útilokað að stéttar-
félög ófaglærðra í borginni, eins
og t.d. Iðja, Sókn og Félag starfs-
fólks í veitingahúsum, muni
sameinast sameinuðu félagi
Dagsbrúnar og Framsóknar. Ef
það gengur eftir verður félagið
eitt hið stærsta og öflugasta inn-
an ASI með á 12-13 þúsund fé-
lagsmenn, eða álíka fjölmennt og
Verslunarmannafélag Reykjavík-
ur.
Sigurður Guðmundsson, for-
maður Félags starfsfólks í veit-
ingahúsum, segir það nær öruggt
að félagið muni leita eftir
sameiningu við Dagsbrún og
Framsókn þegar nýja félagið
verður tekið til starfa. Hann
segir að við sameiningu Iíf-
eyrissjóðanna í Framsýn hafi
það verið rætt að sameina
félögin undir einn hatt.
Hinsvegar hafi mál þróast á
þann veg að Dagsbrún og
Framsókn riðu á vaðið.
Hann segir að menn vonist
bara eftir því að sú samein-
ing takist vel. Gangi það eft-
ir sé þeim í Félagi starfsfólks
í veitingahúsum ekkert að
vanbúnaði, enda sé það byrj-
unin á einhverju stærra í
skipulagsmálum stéttarfélaga
ófaglærðra í höfuðborginni.
Formaður Framsóknar bendir
á að hugmyndir um sameiningu
félaganna tveggja hafi byrjað
þegar lífeyrissjóðir sjö stétt-
arfélaga voru sameinaðir í líf-
eyrissjóðinn Framsýn. Tvö
þessara félaga, Hlíf og Framtíðin
í Hafnarfirði, hafa hins vegar
ákveðið að kanna viðhorf fé-
lagsmanna til sameiningar þeirra
og því óvíst hvort þau vilji
sameinast félögunum í Reykja-
vík.
Ragna Bergmann segir að hún
muni hætta afskiptum af verka-
Iýðsmálum þegar ný stjórn verð-
ur kosin í sameinuðu félagi
Dagsbrúnar og Framsóknar nk.
Björn Bjarnason, menntamálaráðherra,
telur að skýringa á slæmu gengi
Framsóknarflokksins í skoðanakönnun-
um kunni að vera að leita í starfi hans í
R-listanum.
Óljós afstaða
Framsóknar
Björn Bjarnason, menntamála-
ráðherra, segir erfitt að sjá
hvernig Framsóknarflokkurinn
getur annars vegar fylgt þeirri
stefnu að standa utan við sam-
einingu á vinstri vængnum og
hins vegar staðið að R-listanum í
Reykjavík.
„Er ég sannfærður urn að þessi
óljósa staða Framsóknarflokks-
ins á mikinn þátt í því að flokk-
urinn nær sér ekki á strik sam-
kvæmt skoðanakönnunum. Aðild
hans að R-listanum annars vegar
og andstaða við vinstri samein-
ingu hins vegar, ruglar kjósendur
Framsóknarflokksins," segir
Björn og bætir við. „Það þarf í
senn styrk og leikni til að leika
þannig tveimur skjöldum.“
Ekki náðist í Halldór Asgríms-
son í gær til að fá viðbrögð hans
við skýringum Björns, en fram-
sóknarmenn sem Dagur ræddi
við töldu stjórnarsamstarfið við
Sjálfstæðisflokkinn nærtækari
skýringu á fylgistapi flokksins,
en samstarfið í R-listanum. — VJ
FatafeHan
kærir
Fatafellan „Lena“, sem starfar á
veitingastaðnum Vegas í Reykja-
vík, Iagði í gær fram kæru um
líkamsárás á hendur Haraldi
Böðvarssyni, einum eiganda
staðarins. Fullyrðir konan að eig-
andinn hafi veist að sér sl. föstu-
dagskvöld á skrifstofu sinni. Eig-
andinn vísar sakargiftum á bug.
Framgangur kærunnar sjálfrar til
lögreglunnar í Reykjavík og með-
ferð hennar varð óvenjuleg fyrir
það að eigandinn tengist lög-
reglustjóra fjölskylduböndum.
Böðvar Bragason lýsti því hins
vegar yfir að embættinu bæri
skylda til að taka við öllum kær-
um.

¥ Villijáliiiiir með 14. bókina Blað 2 íslend- ingar deyja ríkir Bls.2 pt BLACKSl DECKER1 Handverkfæri E SINDRI -sterkur í verki ' jgj
i i 1