Dagur - 17.12.1997, Blaðsíða 12

12- MIÐVIKUDAGUR 17.DESEMBER 1997
ro^ir
ÍPRÓTTIR
Hraimar hættir, Jón
Sigurðsson tekur við
Hrannar Hólm var rekinn frá KR í fyrrakvöld.
Hanii heíiir því verid rekinu tvisvar frá úrvals-
deildarfélögiun á sama árinu. Jón Sigurðsson
er efstur á óskalista liðsins. Leikmannasamn-
ingar hugsanlega endurskoðaðir. „Leiðin getur
ekki legið nema upp á við eftir það sem á und-
an er gengið,“ segja forráðamenn deildarinnar.
Stjórn körfuknattleiksdeildar KR
tók á mánudagskvöldið ákvörðun
um að skipta um þjálfara hjá úr-
valsdeildarliði félagsins. Hrannar
Hólm, sem tók við liðinu af
Benedikt Guðmundssyni, núver-
andi þjálfara Grindvíkinga, um
síðustu áramót, var látinn hætta
og allar líkur benda til þess að
Jón Sigurðsson, fyrrum KR-ingur
og landsliðsmaður, taki við liðinu
í dag.
Heimildarmaður Dags sagði að
stjórnarmenn deildarinnar gætu
á engan hátt sætt sig við gengi
liðsins það sem af er tímabilinu.
„Þetta er hundleiðinleg ákvörðun
sem engan langar til að taka en
við verðum náttúrulega fyrst og
fremst að hugsa um hag félags-
ins. Eins og staðan er í dag er lið-
ið ekki inni í úrslitum sem er al-
gerlega óásættanlegt með þann
leikmannahóp sem fyrir hendi er.
Leiðin getur ekki legið nema upp
á við úr því sem komið er.“
Þegar ferill liðsins sem af er
hausti er skoðaður blasa þessar
staðreyndir við:
Tveir landsliðsmenn ganga til
Iiðs við KR, Nökkvi Jónsson og
Marel Guðlaugsson.
HAFtyASAHiLAe
rviORUUHLArvn^
Verbúðir í Sandgerðisbót Akureyri
Kynningar- og umræðufundur
Boðaö er til fundar með áhugamönnum um byggingu
verbúða í Sandgerðisbót.
Á fundinum verða kynntar frumskissur verbúða sem
áformaðar eru við smábátahöfnina í Sandgerðisbót.
Fundurinn verður haldinn í Hamri við Skarðshlíð, Akur-
eyri, fimmtudaginn 18. desember kl. 18.00.
Hafnarstjóri.
Sundlaug Akureyrar og
íþróttahús við Laugargötu
Starfsmaður óskast
Um er að ræða fullt starf, sem unnið er á dag-, kvöld- og
helgarvöktum. í starfinu er fólgin öryggisgæsla, baðvarsla
og ræstingar ásamt þjónustu við gesti staðanna.
Við leitum að reglusömum einstaklingi sem hefur góða
þjónustulund og á auðvelt með að umgangast börn sem
fullorðna, hefur góðan samstarfsvilja og reykir ekki. Þær
kröfur eru gerðar til umsækjanda að þeir standist hæfnis-
próf sundstaða skv. reglum um öryggi á sundstöðum.
Laun eru skv. kjarasamningi STAK og Launanefndar sveit-
arfélaga.
Upplýsingar um starfið gefa forstöðumaður, Gísli Kr.
Lórenzson, í síma 461 4455 og starfsmannastjóri Akureyr-
arbæjar, í síma 462 1000.
Umsóknareyðublöð fást í starfsmannadeild Akureyrarbæj-
ar, Geislagötu 9.
Umsóknarfrestur er til 30. desember nk.
Sundlaug og íþróttahús eru reyklausir vinnustaðir.
Starfsmannastjóri.
Hrannar Hólm. Tvisvar rekinn á einu ári.
Baldur Ólafsson, 206 senti-
metrar og efnilegasti miðherji
landsins, er farinn að leika með
liðinu. Allir þessir leikmenn væru
í hvaða byrjunarliði deildarinnar
sem er.
Liðið tapaði úrslitaleiknum um
Reykjavíkurmeistaratitilinn fyrir
Tindastóli frá Sauðárkróki.
Þrátt fyTÍr alla stjörnuleikmenn
sína er liðið í 9. sæti DHL-deild-
arinnar. Það hefur aðeins unnið
4 leiki og er ekki í úrslitasæti.
Liðið tapaði úrslitaleik Eggja-
bikarkeppninnar fyrir Keflvíking-
um.
Liðið er fallið út úr bikar-
keppninni.
I síðustu tveim heimaleikjum
sínum, á Seltjarnarnesinu, hafa
KR-ingar aðeins skorað 125 stig
samtals, 60 stig á móti Val og 65
stig á móti Njarðvík.
Liðið skipti nýlega um útlend-
ing og fékk leikmann sem reynd-
ist ekki sá leikstjórnandi sem bú-
ist var við. Reyndar vissu menn
það fyrir þar sem tölfræði
Jermaine Smith sýndi aðeins 1.4
stoðsendingar í leik í háskóla.
Eftir því sem Dagur kemst
næst vildi stjórnin ráða annan
bandarískan leikmann en þjálfar-
inn. Stjórnin vildi Marcus Grant,
sem var með mun hagstæðari töl-
fræði en Jermaine Smith, sem
Hrannar Hólm vildi og fékk.
Þjálfarinn stendur og fellur með
ákvörðunum sínum. I þetta sinn
féll hann.
Þá hefur blaðið heimildir fyrir
því að stjórn deildarinnar sé að
íhuga að segja upp einhverjum
leikmannasamningum vegna
slakrar frammistöðu Ieikmanna.
Þegar þessi upptalning er skoð-
uð þarf enginn að verða undrandi
á ákvörðun stjórnarinnar. Eitt-
hvað varð að gera og gripið var til
Jón Sigurðsson stýrði KR til margra
sigra sem ieikstjórnandi. Endurtekur
hann ieikinn sem þjáifari.
gamla hálmstrásins, þjálfarinn
rekinn.
Fyrsta verk nýs þjálfara verður
að sjálfsögðu að greina vanda
liðsins. Hvað er að og hvernig er
hægt að bæta úr því. Þrátt fyrir
að Hrannar bæði stjórnina um
stuðning treysti hún honum ekki
til að stjórna'liðinu áfram og því
varð hann að víkja. Surnir leik-
manna liðsins voru einnig orðnir
pirraðir og því fátt annað sem
stjórnin gat gert.
Hermann Hauksson, fyrirliði
KR, sagðist verða ánægður ef Jón
Sigurðsson tæki við liðinu. „Eg
þekki Jón vel sem þjálfara frá því
hann þjálfaði unglingalandsliðið
sem ég var í og hann er frábær.
Þó hann hafi ekki reynslu af því
að þjálfa í úrvalsdeildinni hér
náði hann góðum árangri með
unglingalandsliðið og einnig með
topplið í Noregi. Eg held að Jón
sé besti kosturinn í stöðunni íyr-
ir okkur í dag. Hann þekkir líka
flesta strákana í liðinu og veit að
hverju hann gengur." Hvort
sem það verður Jón Sigurðsson
eða einhver annar sem tekur við
úrvalsdeildarliði KR er ljóst að sá
á mikið verk fyrir höndum. Að
öllum Iíkindum er það rétt hjá
fyrirliðanum að Jón Sigurðsson
er besti kostur KR-inga í dag.
Hann er sjálfur KR-ingur og hef-
ur séð flesta leiki liðsins á leiktíð-
inni. Því er hann sá maður sem
er í bestri aðstöðu til að sjá hvað
það er sem gera þarf.
KR-ingum hefur haldist illa á
þjálfurum á undanförnum árum.
Fyrir um tveimur árum var Axel
Nikulásson rekinn, þá tók Bene-
dikt Guðmundsson liðið í eitt og
hálft ár, og nú hefur arftaki hans,
Hrannar, verið rekinn. — GÞÖ
Þrír með guHinerki BLÍ
Blaksambandið sæmdi þá Grím
Magnússon frá Neskaupstað,
Halldór Jónsson frá Akureyri og
Gunnar Arnason frá Reykjavík
gullmerki sambandsins um sfð-
ustu helgi, en þá hélt BLI upp á
25 ára afmæli sitt. Þremenning-
arnir fengu gullmerkið veitt fyrir
ómetanleg störf í þágu blak-
íþróttarinnar. Oddný Erlends-
dóttir, sem leikið hefur flesta
landsleiki í kvennaflokki, alls 57
talsins, var sæmd silfurmerki
sambandsins og sömuleiðis
Berglind Þórhallsdóttir. Þá fékk
Blakdeild Þróttar á Neskaupstað
sérstaka viðurkenningu fyrir
starf í yngri aldursflokkum.
Iverson í bann
AUen Iverson, ein helsta stjarna
Philadelphia 76-ers í NBA-deild-
inni, hefur verið dæmdur í eins
leiks bann af félagi sínu fyrir að
skrópa á æfingu. Iverson, sem
var valinn nýliði ársins í deild-
inni í fyrra, var ekki með liði sínu
gegn Boston Celtics í gærkvöld.
Hudson í lifshættu
Fyrrum landsliðsmaður Eng-
lendinga, Alan Hudson, sem
margir knattspyrnuáhugamenn
muna eflaust eftir, frá því hann
lék með Chelsea, Stoke og
Arsenal, er í Iífshættu á sjúkra-
húsi í Lundúnum eftir að hafa
lent í bílslysi. Hudson, sem er 46
ára, hefur þegar gengist undir
aðgerð og er á gjörgæslu.
Engin hjálp frá Oasis
Breski popptónlistarmaðurinn
Noel Gallagher sem er meðlimur
Oasis, sem er ein vinsælasta
hljómsveit heims, tilkynnti það í
gær að hann mundi ekki koma
uppáhaldsliði sínu, Manchester
City, til hjálpar í fjárhagskrögg-
um félagsins. Forráðamenn Iiðs-
ins höfðu vonast eftir stuðningi
frá Gallagher sem er orðinn
mjög vel stæður. Popparinn til-
kynnti ákvörðun sína á útvarps-
stöð i gær. Gallagher sagðist hafa
farið á leik liðsins í 1. deildinni
fyrir skömmu og þá hafi stuðn-
ingsmenn félagsins hrópað til
hans og beðið um fé. „Eg vona
bara að þessir stuðningsmenn
félagsins komi ekki heim til mín
og brjóti alla glugga f húsinu,
þegar liðið er komið niður í 3.
deildina.“
Metþátttaka í Nagano
Mótshaldarar vetrarólympíuleik-
anna í Nagano í Japan tilkynntu í
gærdag að ráðgert væri að 2593
keppendur myndu keppa á leik-
unum í febrúar. Þátttökuþjóðirn-
ar hafa frest til 26. janúar til að
senda endanlegan lista, en þrátt
fyrir að listinn eigi eftir að þynn-
ast stefnir allt í að leikarnir í
Nagano verði þeir langfjölmenn-
ustu í sögunni. Fjölmennustu
leikarnir til þessa voru í Albert-
ville árið 1992, en þar voru kepp-
endur 1801 talsins, nokkrum
tugum fleiri en á síðustu leikum,
sem fram fóru í Lillehammer.
Alls eru 67 þjóðir búnar að
senda lista yfir þátttöku og ekki
er ólíklegt að keppendur frá sjö-
tíu löndum verði á leikunum.
Bandaríkjamenn verða fjölmenn-
astir, þeir gera ráð fyrir því að
senda 207 þátttakendur, Japanir
166 og Svisslendingar 163.
íslenska skíðasambandið sendi
nöfn átta keppenda í alpagrein-
um, en ekki hefur verið tekin
ákvörðun um það hvort allur sá
hópur verður sendur. Skíða-
mennirnir átta hafa allir náð lág-
mörkunum, sem eru sæti á lista
þeirra 500 bestu í heiminum í
einstökum greinum á nóvember-
lista alþjóðaskíðasambandsins.
Ólafsfirðingurinn Kristinn
Björnsson og Brynja Þorsteins-
dóttir Akureyri hafa rétt til að
keppa í þremur greinum, svigi,
stórsvigi og risasvigi. Hinir sex
keppendurnir eru Haukur Arn-
órsson Reykjavík (svig og stór-
svig), Arnór Gunnarsson ísafirði
(svig), Jóhann Hafstein Reykjavík
(stórsvig), Sveinn Brynjólfsson
Dalvík (svig), Theodóra
Mathiesen Reykjavík (svig og
stórsvig) og Sigríður Þorláksdótt-
ir ísafirði (svig).