Dagur - 07.03.1998, Blaðsíða 4

4 -LAVGARDAGVR 7. MARS 1998
ro^tr
FRÉTTIR
Byggingu félagslegra íbúða vísað aft-
ur til bæjarráðs
Skiptar skoðanir eru í bæjarstjórn Akureyrar um þá ákvörðun bæjar-
ráðs að samið verði við byggingafélagið Hyrnu um byggingu 16 fé-
lagslegra íbúða við Snægil án útboðs. Oddur Halldórsson (B) sagðist
á bæjarstjórnarfundi alls ekki geta fallist á að verkið gæti verið ódýr-
ara án útboðs og fleiri verktakar gætu sinnt þessu með sóma. Sigurð-
ur J. Sigurðsson (D) sagði að það hefðu verið mikil mistök hjá hús-
næðisnefndar Akureyrar að afsala sér byggingarrétti að sama reit og
félagslegu íbúðirnar og útboð mundi aðeins færa verð íbúða niður.
Samþykkt var að vísa málinu aftur til bæjarráðs með 4 atkvæðum
gegn 3.
Jón Björnsson, hjá SJS-verktökum á Akureyri, segir að þetta sé allt
of stór byggingaframkvæmd til þess að það sé réttlætanlegt að bjóða
hana ekki út. „Það er mjög gagnrýnisvert að gefa öðrum verktökum
ekki kost á því að bjóða í þessar íbúðir. Það er með þvf verið að úti-
Ioka aðra frá því að byggja íbúðir á Akureyri, markaðurinn er ekki
mikið stærri en það.“
Ráðgarður opnar útibú á Akureyri
Ráðgarður, sem stofnað var 1985 af
nokkrum rekstrarráðgjöfum, hefur fært út
kvíarnar og opnar útibú á Akureyri í dag að
Skipagötu 16. Með því hyggst Ráðgarður
komast í nánara samband við fyrirtæki og
einstaklinga á Norðurlandi og bjóða þannig
betri þjónustu á sviði ráðgjafar og starfs-
mannaráðgjafar. Forstöðumaður skrifstof-
unnar verður Jón Birgir Guðmundsson
rekstrarráðgjafi. Stefnt er að því að byggja
upp öfluga ráðningaþjónustu á Norðurlandi.
Jafnréttisfulltrúinn til
Gautaborgar
Ragnhildur Vigfúsdóttir, jafnréttis- og fræðslufull-
trúi Akureyrarbæjar, hefur sagt starfi sínu lausu og
óskar eftir að láta af störfum um páskana, 8. apr-
íl. Ragnhildur hefur verið ráðin í tímabundna
stöðu íslensks Iektors við Nordens folkliga aka-
demi í Gautaborg. - GG ^nhildurWgfúsdóttir
Jón Birgir Guömundsson veröur
forstöðumaður.
Kostnaður við Gilsfjarðarbrú eykst
um 100 milljónir
Byggingarkostnaður Gilsíjarðarbrúar kann að hækka um 20% þar
sem grjótnámur í nágrenni brúarstæðis reynast ekki vel. Grjótið á
nota í rofvörn við veginn sem er um 3,7 km að lengd milli fjara en
heildarvegarlagningin að brúarstæði er um 10 km. Um 170 rúmme-
tra af efni þarf í verkið og er aðeins búið að vinna um þriðjung þess
magns, eða 60 rm, en vonast er til að hægt verði að vinna um 50 til
viðbótar í núverandi námum. Ný náma er í 15 km fjarlægð í Tjalda-
neshlíð við Klofningsveg á Skarðsströnd en Einar Erlingsson hjá
Vegagerðinni á Isafirði telur kostnaðaraukann nema Iiðlega 90 millj-
ónum króna. Það lendir á vegagerðinni.
Verklok áttu að vera 15. ágúst en þau dragast til ársins 1999. Um-
ferð var hleypt á veginn 1. desember sl. en honum verður lokað aft-
ur 15. apríl nk. og þá undirbúin Iagning slitlags, alls 10 km, þar af
3,7 km yfir Gilsljörð. — GG
Hafraimsóknaskipið smíð-
að í Chile
Samið hefur verið um smíði nýs 1200 brúttólesta
hafrannsóknaskips sem byggt verður í Chile og
kemur hingað haustið 1999. Skipið á að kosta 1,5
milljarð króna en það er Þróunarsjóður sjávarút-
vegsins sem fjármagnar kaupin, en í hann greiða
útvegsmenn. Tilboóið var það fjórða lægsta, en
það lægsta kom frá Kína og var mun lægra, eða um
900 milljónir króna. Jakob Jakobsson, forstjóri
Hafrannsóknastofnunar, segir að verið sé að semja
við skipasmíðastöð sem hafi yfirburðaþekkingu á
þeim atriðum sem Hafrannsóknastofnun leggi áherslu á.
Leiðrétting
Rangt var farið með tölur í frétt af afkomu Eimskips í blaðinu í gær
og er beðist velvirðingar á því. Hið rétta er að hagnaður fyrirtækis-
ins eftir skatta nam 627 milljónum króna á síðasta ári.
Símareikningurinn kemur fólki stundum óþægilega á óvart Til dæmis hafi allt upp i 10-20 þús. kr. aukakostnaður vegna skjáleiks sjónvarpsstöðv-
anna komiö mörgum í opna skjöldu, segir upplýsingafulltrúi Landsimans
Simareiknmgiirúm
mánaðarlega í haust
Landssímiim ætlar að
taka upp mánaðarlega
símareiknmga í haust
og suudurliðaða gróf-
lega ef Tölvuuefnd
leyfir það.
Landssíminn stefnir að mánað-
arlegri innheimtu símareikninga
í farsímakerfinu í vor og al-
menna kerfinu í haust og þá
væntanlega að nokkru sundur-
liðaða. Oskað hefur verið eftir
heimild Tölvunefndar til að
sundurliða dýrari símtölin á
reikningnum, þ.e. símtöl til út-
landa og á símatorgi, án þess að
símanotendur fari fram á það
sérstaldega. Fallist nefndin á
það eiga allir símanotendur að
fá þannig sundurliðaða reikn-
inga án sérstaks endurgjalds.
,Að baki þessu er viljinn til betri
þjónustu og meiri upplýsinga til
símnotenda, þannig að þeir viti
alltaf fyrir hvað þeir eru að
borga, séu því sáttari við síma-
reikningana og ánægðari með
viðskiptin við Landssímann,“
segir Hrefna Ingólfsdóttir, upp-
lýsingafulltrúa Landssímans.
Of fáir sundurliðaðir
Núna má Landssíminn aðeins
sundurliða símtöl fyrir þá sem
biðja um það, og það gera bara
10% notenda - of fáir að mati
Landssímans. „Af því okkur
finnst vont að rukka fólk um
háar upphæðir þegar það veit
ekki fyrir hvað það er að borga,“
segir Hrefna. Daglega komi fólk
sem hefur fengið mildu hærri
símareikning en venjulega og
skilji ekki af hverju. Sundurlið-
un reikninga eftirá sé ekki til.
Oft fari því langur langur tími í
að reyna að grafa upp með fólk-
inu allar mögulegar skýringar 3-
4 mánuði aftur í tímann.
Skýringuna segir Hrefna oft-
ast felast í utanlandssímtölum
eða símatorgi. Til dæmis hafi
allt upp í 10-20 þús. kr. auka-
kostnaður vegna skjáleiks sjón-
varpsstöðvanna komið mörgum £
opna skjöldu. En sumir hafi
hringt ótrúlega oft, og mínútan
kostar 66,50 kr. „Við viljum þess
vegna geta sent símnotendum
yfirlit yfir þessa dýrari liði. Til
þess þurfum við leyfi Tölvu-
nefndar - og ef það fæst mun-
um við láta fólk vita af þessu
fyrifram".
Mánaðarlega innheimtu síma-
reikninga segir Hrefna auðvitað
dýrari. „En við teljum það mun
betri þjónustu." A móti auknum
kostnaði - kannski 100 kr. fyrir
hverja aukainnheimtu - vegi á
hinn bóginn að vanskil muni
minnka vegna lægri reikninga og
peningarnir koma fyrr inn. — HEI
Skaut á félaga siun í Æðey
Þessi mynd er tekin á sólrikum sumardegi i Æðey en skammdegið getur faríð illa i menn eins
og sannaðist fyrir skömmu þegar rifrildi tveggja manna lauk með þvi að annar skaut að hinum og
fóru skotin aðeins nokkra sentimetra frá honum. Rannsókn er á lokastigi.
Ákæra gefin út í
næstu vilni á hendur
manni sem skaut á fé-
laga sinn í Æðey.
Rannsókn á válegu vopnaskaki í
Æðey í byrjun febrúar er ekki
lokið, en samkvæmt öruggum
heimildum Dags verður gefin út
ákæra í næstu viku og send Rík-
issaksóknara. Sannað þykir að
manni hafi verið ógnað með
byssu og lög um skotvopn verið
brotin.
Atburðurinn átti sér stað á
laugardagsmorgun 7. febrúar sl.
Maður sem gegnt hefur vita-
vörslu og séð um bústjórn í
eynni, mun hafa boðið kunn-
ingja sínum í heimsókn. Þeir eru
á fimmtugs- og sextugsaldri og
munu hafa haft áfengi um hönd.
Til ágreinings kom og lyktaði
málinu með því að vitavörðurinn
hleypti af tvisvar eða þrisvar í átt
að manninum. Skotin munu
hafa farið aðeins einhverja tugi
sentimetra frá gestinum.
Játntng skotmanns
Eftir að hafa náð sér eftir
hræðsluna hringdi gesturinn í
Neyðarlínuna og brugðust lög-
reglumenn ásamt sýslumanni
hratt við og fóru á vettvang.
Voru mennirnir sóttir í land og
látnir sofa úr sér áður en gagn-
legar yfirheyrslur gátu farið
fram. Þeim mun framan af ekki
hafa borið saman í ákveðnum at-
riðum um það sem gerðist, en
nú liggur játning skotmannsins
fyrir.
Líkum má leiða að því að auk
brots á skotvopnalögunum muni
hann verða ákærður fyrir brot á
233. grein almennra hegningar-
laga. Þar segir að hver sem hafi í
frammi hótanir um að fremja
refsiverðan verknað og hótunin
sé til þess fallin að vekja hjá öðr-
um manni ótta um líf, heilbrigði
eða velferð sína eða annarra,
geti átt von á sekt og varðhaldi
eða fangelsi allt að tveimur
árum.“
Vitavörðurinn er eini maður-
inn sem býr í eynni yfir vetrar-
tímann. Hann hefur samkvæmt
heimildum Dags innt störf sín
og skyldur ágætlega af hendi og
hafa ábúendur ekld séð ástæðu
til að leysa hann undan störfum.
Skilyrði mun þó hafa verið sett
um að honum sé ekki heimilt að
hafa skotvopn undir höndum í
eynni. — BÞ