Dagur - 31.03.1998, Blaðsíða 1

Rangá erönnurelsta mat-
vörubúð Reykjavíkur, 57
ára. Þar er annar kaupmaður-
inn borgaifulltrúi. Sendi-
sveinn í viðlögum varalþing-
ismaðurog núverandi ráð-
herra.
„Páll hefur nú aldrei verið á launaskrá hjá
mér, en hann hefur samt tekið að sér að
vera sendisveinn hjá Rangá, þegar Agnar
var í fríi og fór því ekki með sendingar í
hús. Þeim brá dálítið við gömlu konunum
þegar Páll snaraðist inn í eldhús og setti
plastpokana og kassana á borðið. Hvað ert
þú að gera hér? mátti víst lesa úr augn-
svipnum, þær þekktu Pál greinilega af
öðrum vettvangi,11 segir Sigrún Magnús-
dóttir, borgarfulltrúi og kaupmaður í
Rangá. Páll Pétursson félagsmálaráð-
herra, eiginmaður Sigrúnar, er maður
ólatur og ekki beinlínis sérhlífinn.
Kaupmaður á horninu er því miður að
hverfa endanlega. Búðum sem bjóða
kaupmannsþjónustu fækkar ár frá ári.
„Það eru víst ekki margir sem eiga lengri
sögu í þessu en við Agnar, búin að vera í
þessu í 27 ár. Mér hefur þótt þetta gefandi
starf. Þetta er fyrst og fremst þjónustu-
starf sem kaupmaðurinn á horninu innir
af hendi. Maður þekkir nánast alla sem í
búðina koma. Og þar sem maður var upp-
alin í hverfinu komu þarna foreldrar barna
sem gengu með manni í barnaskóla. Síðan
gengu dætur mínar báðar í þennan sama
Langholtsskóla eins og ég og þá gat mað-
ur spjallað um skólamálin yfir búðarborð-
ið. Eg sakna þess í raun núna í allri borg-
arpólitíkinni að komast ekki í hornið mitt
í búðinni, það gaf mjög mikið,“ segir
Sigrún Magnúsdóttir.
Engin reiknivél notuð
Verslunin Rangá að Skipasundi 56 er önn-
ur elsta matvöruverslun Reykjavíkur. Hún
er 57 ára gömul og hefur lifað af sam-
keppni hundruða verslana í borginni, sem
starfað hafa, en eru hættar störfum. Að-
eins ein matvöruverslun í Reykjavík er
eldri en Rangá, en það er Vísir að Lauga-
vegi 1, stofnuð 1915.
Kaupmenn í Rangá eru þau Sigrún
Díana Herbertsdóttir hefur unnið i Rangá í 20 ár og Guðrún Þorbergsdóttir i 17 ár. Hér eru þær ásamt Agnari kaupmanni og Sigrúnu kaupmanni og borgarfulltrúa i
búðinni, annarri elstu matvöruverslun Reykjavíkur. mynd: e.úl.
Magnúsdóttir borgarfulltrúi og Agnar
Arnason. Þau hafa unnið saman allt frá
1971, þegar þau keyptu reksturinn, ný-
komin vestan frá Bíldudal, en á síðustu
árum hefur Agnar alfarið annast um búð-
ina, allt frá því að Reykjavíkurlistinn kom
til sögunnar fyrir íjórum árum.
„Reksturinn var nú nokkuð forneskju-
legur þegar við Agnar tókum við. Þarna
var engin reiknivél og allt lagt saman á
umbúðapappír. Við lögðum upp með nýj-
ungar 1972, breyttum búðinni meðal ann-
ars í sjálfsafgreiðsluverslun, líklega þá
fyrstu hjá kaupmanninum á horninu,"
segir Sigrún.
Stofnandi og fyrsti kaupmaður í Rangá
var fæddur í Rangárþingi og gaf búð sinni
nafn samkvæmt því. Dætur hans tvær
tóku við rekstrinum, og af þeim keyptu
þau Agnar og Sigrún, þegar þau og fjöl-
skyldur þeirra fluttu til Reykjavíkur frá
Bíldudal.
I upphafi áttunda áratugarins var hverf-
ið inn við Sund enn að byggjast upp, en
fyrir var eldri byggð í Langholtshverfinu.
Rangá var komin i hverfið, það mun hafa
verið 1949. Hverfið var þá talið langt „út
úr bænum“ eins og sagt var. Kaupmaður-
inn í hverfinu þurfti því að hafa í huga
ýmsar alhliða vörur, sem ekki flokkast
beinlínis undir matvöru, þegar innkaupin
voru gerð. Þarna mátti kaupa gjafavörur,
stílabækur, vinnuvettlinga, snyrtivörur af
ýmsu tagi og fleira og fleira, sem ella hefði
þurft að sækja um langan veg.
Ætlaði að verða kennari, ekki
kaupmaður
En hvernig stóð á því að Sigrún fór út í
erfiðustu tegund kaupmennsku, matvöru-
bransann?
„Oft eru það tilviljanir í lífinu sem ráða.
Þú veist að mörg börn dreymir um að
eignast búðina þar sem þau kaupa nestið
sitt og kúlurnar sínar. Þær voru tvær búð-
irnar í hverfinu þar sem ég ólst upp, ég var
í Skipasundinu, og ég gekk í Langholts-
skóla. Þá gekk maður framhjá Rangá, en
hin búðin var Kjartansbúð á horni Hóls-
vegar og Efstasunds," segir Sigrún. „Það
æxlaðist nú svo að ég eignaðist báðar
kúlubúðirnar. Það eru ekki margir sem fá
svona óskadraum uppfylltan," sagði Sig-
rún.
Það stóð aldrei til hjá Sigrúnu að verða
kaupmaður. Hún ætlaði að verða kennari.
Starfsvettvangurinn varð semsé allt annar
eins og allir munu vita. Kornung starfaði
hún í bókhaldinu hjá hinum virta
Deutsche Bank í Þýskalandi. Þaðan flutti
fjölskyldan til Bíldudals og kynntist þá
Agnari, sem síðar varð meðeigandi henn-
ar, og konu hans. Agnar var þá verslunar-
stjóri hjá kaupfélaginu. Saman lögðu þau
krafta sína, Agnar sá um innkaupin og
annað sem kaupmaðurinn þarf að hafa á
hreinu, en Sigrún var með skothelda bók-
haldskunnáttu frá Þýskalandi og annaðist
þá hlið mála. Og enn lifir Rangá af allar
breytingarnar í matvöruverslun. -JBP

1-
_L j