Dagur - 23.05.1998, Blaðsíða 9

B L AXU GA'R DÁhÚá 2 ií' m'áí ’ h'9^9 8 -'25
Snökktandi fólk
vildi flytja burt
Atli Rúnar
Halldórsson
fyrrverandi
fréttamaður
dekkaði kosn-
ingar í Ríkisút-
varpinu í mörg
ár og segir þeim
hafa fylgt það
mikið álag að
hann muni það helst að hafa
skjögrað heim í bælið hálf með-
vitundarlaus. Hann er annars
sammála Guðrúnu Helgadóttur
með það að kosningarnar 1978
séu eftirminnilegastar. Þegar
meirihluti sjálfstæðismanna féll
í Reykjavík.
„í mínum huga er minningin
um sálarástand sjálfstæðis-
manna þessa kosninganótt ákaf-
lega sterk. Af öllu samanlögðu
man ég best eftir snökktandi
fólki sem talaði um að flytja úr
landi. Fólki sem sagði að það
treysti sér ekki til að vakna
morguninn eftir og sá fyrir sér
rauða fána á öllum húsum.
Þetta var þvílíkt áfall fyrir sjálf-
stæðisfólk og ég hef aldrei,
hvorki fyrr eða síðar, séð slík við-
brögð."
Þó Atli hafi sagt skilið við
fréttamanninn fylgist hann vel
með í pólitíkinni. „Eg hef áhuga
á pólitík en ég hef ekki fundið
fyrir því, síðan ég hætti sem
fréttamaður, að ég saknaði þess
að dekka ekki kosningar í út-
varpinu. Mig langar ekki í þenn-
an slag aftur en þrátt fyrir það
fylgist ég með kosningum með
augum fréttamannsins. Eg losna
ekki undan því að sitja heima
pirraður yfir því að spyrlar spyiji
ekki að því sem liggur í augum
uppi að spyrja að.“
égí
Gísli Rragi
Hjartarson
tryggingasölu-
maður og frá-
farandi bæjar-
fulltrúi Alþýðu-
flokksins man
sérstaklega eftir
kosningunum
1986 en þá
náði flokkurinn inn þriðja full-
trúanum sínum á 23 atkvæðum.
„Það kom ekki í Ijós fyrr en búið
var að telja utankjörstaðarat-
kvæði að við næðum þriðja
manninum inn. Alþýðuflokkur-
inn hafði aldrei fyrr fengið þrjá
bæjarfulltrúa svo lengi sem elstu
menn mundu eftir."
Það er einmitt úr þeim kosn-
ingum sem Gísli Bragi riíjar upp
skemmtilega sögu. „Það er
margt skemmtilegt sem gerist í
kosningum en ég man alltaf eftir
því í kosningunum 1986 þegar
þriðji bæjarfulltrúinn okkar, hún
Ninna, sem alls ekki átti von á
því að komast inn, var tekinn í
sitt fyrsta viðtal. Henni var ósk-
að til hamingju með sigurinn en
hún sagði bara ... „núna sit ég í
súpunni." Þetta lýsir því hversu
óvæntur sigurinn var.“
Og ein saga úr Framsóknar-
flokknum flýtur hér með. Fjórir
drukknir menn komu inn á
kosningaskrifstofu Framsóknar á
Akureyri fyrir all mörgum árum.
Þeir vildu selja atkvæði sín fyrir
tvær flöskur af brennivíni en
voru svo „óheppnir" að kosn-
ingastjórinn sem þeir töluðu við
og buðu atkvæði sín var mikill
og þekktur templari. Það þýddi
bara eitt; að þeim var hent út af
skrifstofunni hið snarasta og
ekki fór meira af atkvæðasölu
mannanna.
Er það svo,
- ertu viss
Magnús Ósk-
arsson fyrrver-
andi borgarlög-
maður man eftir
mörgum kosn-
ingum. Hann,
eins og Björn
Jósef, segir þó
kosningarnar
1958 mjög eftir-
minnilegar og einmitt vegna
þeirra laga sem Hræðslubanda-
lagið setti ...“sem bönnuðu allt
sem leyft hafði verið í kosning-
um áður og flest leyft í dag. Þá
fékk Sjálfstæðisflokkurinn 10
borgarfulltrúa undir forystu
Gunnars Thoroddsen og það
skapaði verulega sérstakt and-
rúmsloft í ljósi laganna sem sett
voru til að vinna gegn Sjálfstæð-
isflokknum en hann var talinn
hafa öfluga kosningamaskínu
sem vinna þyrfti á.“
Magnús segir Sjálfstæðisflokk-
inn hafa brugðist við á ýmsan
hátt og reiði hafi gripið um sig
með lagabreytinguna. „Bannið
virkaði hroðalega öfugt og
stjórnmálamenn lærðu að al-
menningur tekur svona kúnstum
ekki vel enda hefur ekkert slíkt
gerst síðan.“
Meðal þess sem lögin fólu í
sér var að allir þeir sem kusu ut-
ankjörstaðar þurftu að gera
grein fyrir því hvers vegna þeir
gerðu það. Vanfærar konur
komnar á steypirinn fengu t.d.
ekki að kjósa utankjörstaðar þar
sem þær voru ekki á Ieið út úr
bænum. „Sjálfstæðisflokkurinn
tók því á það ráð að Iáta sem
óléttir stuðningsmenn væru
skrifaðir inn á St. Jósefsspítala í
Hafnarfirði. Þar með var séð að
þær þyrftu út úr bænum. Þetta
var tekið gilt fyrir atkvæðunum
og spítalinn varð ansi hreint
„þéttsetinn" ef svo má segja.“
Það var í þessum kosningum
sem Magnús minnist orða
Gunnars Thoroddsen. „Ég sagði
honum úrslit kosninganna, að
Sjálfstæðisflokkurinn hefði
fengið 10 menn kjörna, og þá
kom þessi rólega setning ... „er
það svo, - ertu viss?“ Nákvæm-
lega sömu orðin sagði hann við
mig þegar ég tilkynnti honum
úrslit forsetakosninganna 1968,
... „er það svo, - ertu viss?“ Þetta
situr alltaf í mér.“
Jaröarber og
kampavín
Kristín A.
Arnadóttir er
aðstoðarkona
borgarstjóra.
Hún minnist
sigurs R-listans
í síðustu borgar-
stjómarkosning-
um á annan
hátt en flestir
stuðningsmenn listans sem fjöl-
menntu á Hótel Island. „Eg fór
til Bandaríkjanna daginn fyrir
kjördag í tengslum við vinnu
mína á Alþjóðaskrifstofu Háskól-
ans og verð auðvitað að viður-
kenna að það var dálítið erfitt
loksins þegar að úrslitastundinni
kom. Eg velti töluvert fyrir mér
hvort væri erfiðara að vera svo
langt í burtu ef við ynnum eða ef
við töpuðum! Eg fylgdist svo
með talningunni allan daginn,
fékk upphringingar þegar nýjar
tölur komu frá félögum mínum í
kosningastjórninni. Eftir á að
hyggja var það dálítið kúnstugt
hvernig fólkið í afgreiðslunni á
þessu stóra hóteli tók þátt í bið-
inni af eftirvæntingu og spennu
og vildi vita hvað um væri að
vera á þessu Hótel íslandi sem
alltaf var að hringja. Þau tóku
niður stigatölurnar og komu í
lokin og tilkynntu að sigur væri í
höfn. Þetta er mjög eftirminnileg
kosninganótt, eða kosningadagur
öllu heldur vegna tímamunarins,
og ég man að mér leið alls ekki
illa að vera langt í burtu frá fagn-
aðarlátunum heima. Það var
ákveðinn léttir og allt í lagi af því
að tilganginum var náð. Eg fagn-
aði síðan sigrinum á sundlaugar-
bakka með jarðarberjum og
kampavíni."
Kosntngavökur
Kosningavaka Reykjavíkurlistans verður haldin á Hótel íslandi og
hefst hún kl. 22. Húsið er að sjálfsögðu öllum opið og verður dans-
að og fylgst með kosningatölum á sjónvarpsskjáum fram eftir nóttu.
Sjálfstæðisflokkurinn í Reykjavík verður með sína kosningavöku á
Hótel Loftleiðum og hefst hún eftir að kjörstöðum verður lokað.
Fylgst verður með kosningatölum af sjónvarpsskjáum og dans stig-
inn fram á nótt.
A Akureyri mun Sjálfstæðisflokkurinn vera með kosningavöku í
húsnæði sínu í Kaupangi. Þar verður opið hús frá kl. 22, fylgst með
nýjustu tölum og hlustað á Iifandi tónlist.
Stuðningsmenn Framsóknarflokksins ætla að hittast í kosninga-
miðstöð sinni við Hólabraut á Akureyri. Kosningavakan hefst strax
að Ioknu kosningakaffinu kl. 18.
Akureyrarlistinn verður með kosningavöku að Skipagötu 18. Hún
hefst eftir að kjörstöðum verður lokað, kl. 22, og boðið verður upp á
skemmtiatriði.
Listi fólksins, L-listi, heldur sína kosningavöku á kosningaskrif-
stofunni að Ráðhústorgi 7. Hún hefst kl. 22 og eru allir velkomnir.
Nuna sit
súpiumi
Magnús Óskarsson fagnar úrslitum kosninga ásamt Davíð Oddssyni og
Ástríði konu hans. (Myndin birt með leyfi Magnúsar]
Kosninganótt á
ljósvakanum
Stöðin á staðmun
Kosningavaka Stöðvar 2 hefst kl. 20 í kvöld og stendur fram eftir
nóttu. Fréttamenn Stöðvarinnar verða á alls 9 stöðum; Reykjavík,
Akranesi, Isafirði, Akureyri, Egilsstöðum, Arborg, Hafnarfirði,
Kópavogi og Reykjanesbæ, auk þess sem sögð verða tíðindi frá
kosningunum í 23 öðrum stöðum á landinu. „Við leggjum áherslu
á grafíkina sem er einföld í framsetningu," segir Karl Garðsson,
sem hefur yfirumsjón með kosningavöku Stöðvarinnar.
í sjónvarpsal munu formenn stjómmálaflokkanna mæta, sem og
borgarstjóraefnin tvö; þau Ingibjörg og Arni. „A okkar snærum á
kosninganótt verður einnig fréttamaðurinn Marteinn Mosdal, sem
og Fósbræður og Stuðmenn,“ segir Karl.
Sjónvarpið á 35 stöðum
Fréttamenn Sjónvarps munu fylgjast með kosningaúrslitum í 35
fjölmennustu byggðarlögum landsins og fréttamenn verða á tíu
stærstu stöðunum. Borgarstjóraefnin Ingibjörg og Arni mæta í
sjónvarpssal sem og formenn stjómmálaflokkanna. „Við munum
heimsækja kosningavökur flokkanna og einnig ræða við fólk sem
víða kemur saman til að fylgjast með tölunum," segir Árni Þórður
Jónsson, sem stjórnar kosningadagskrá Sjónvarpsins. Dagskráin
hefst kl. 21:30 og stendur fram eftir nóttu.
Jafnframt því sem lögð er á það áhersla hjá Sjónvarpinu að birta
tölur jafnóðum munu tölur færast jafnóðum inn á Textavarpið og
Alnetið. Þetta er hægt með nýju kosningakerfi RUV sem nú er
notað í fyrsta sinn. Er þetta kerfi sameiginlegt bæði fyrir Sjónvarp
og Utvarp.
Úrslit í Útvarpi allstaðar frá
„Það er stóri munurinn á okkur og sjónvarpsstöðvunum að við
birtum úrslit í hverju einasta sveitarfélagi landsins, Iitlu sem
stóru,“ segir Jón Baldvin Halldórsson á fréttastofu Utvarps. Kosn-
ingavaka fréttastofunnar hefst kl. 21:30 og lýkur ekki fyrr en úrslit
Iiggja allsstaðar fyrir. Ætla má að það verði um kl. 04:00.
Utvarpsfólk verður víða á ferð og ræðir við frambjóðendur um
tölur og tíðindi sem þeim fylgja. „Fréttamenn okkar verða á vakt á
stærstu stöðunum, annarsstaðar standa fréttaritarar vaktina og á
fámennustu stöðunum verðum við í sambandi við formenn kjör-
stjórna," segir Jón Baldvin. - Kosningadagskrá Rásar 2 verður
blanda af tölum og tónlist og greint verður frá heistu úrslitum þeg-
ar þau liggja fyrir.
A AKUREYRI
Málþing Heilbrigðisdeildar
Háskólans á Akureyri
Föstudaginn 29. maí, kl. 13.00-16.00 í Odd-
fellowhúsinu v/Sjafnarstíg, Akureyri.
Dagskrá:
kl. 13.00 Málþingið sett. Fundarstjóri Sía Jónsdóttir, lektor.
kl. 13.05 „Frelsi í formi ófrjósemisaðgerðar." Upplifun kvenna af
ófrjósemisaðgerð. Lokaverkefni til B.Sc. gráðu.
kl. 13.25 „Breytt hlutverk, breytt viðhorf.11 Upplifun hjúkrunar
fræðinga af eigin langvinnum sjúkdómi. Lokaverkefni til B.Sc.
gráðu.
kl. 13.45 Fjölskyldur ungra barna með astma (0-6 ára): Áhrif
seigluþátta á vellíðan mæðra og feðra.
Fyrirlestur Dr. Erla Kolbrún Svavarsdóttir.
Kaffiveitingar og Ijúf tónlist.
kl. 15.00 „Hann var ógnvaldurinn í lífi rnínu." Upplifun kvenna af því
að búa við heimilisofbeldi. Lokaverkefni til B.Sc. gráðu.
kl. 15.20 Kirkjan og fjölskyldan. Fyrirlestur. Séra Jóna Lísa Þor-
steinsdóttir, fræðslufulltrúi þjóðkirkjunnar.
kl. 15.50 Lokaorð. Elsa Friðfinnsdóttir, settur forstöðumaður Heil-
brigðisdeildar.
Málþingið er öllum opið og er aðgangur ókeypis.