Dagur - 26.05.1998, Síða 11

ÞRÍBJUDAGUR 26. MAÍ 1998 - 11
ERLENDAR FRÉTTIR
Á kjörstað í Indlandi: ríkisstjórnin undir forystu BJP stendur ekki föstum fótum, þrátt fýrir sigur flokksins í síðustu þingkosningum.
Sýslumaðurinn á Akureyri
Hafnarstræti 107, 600 Akureyri,
S. 462 6900
UPPBOÐ Uppboö munu byrja á skrifstofu embættisins að Hafnarstræti 107, Ak- ureyri, sem hér segir á eftirfarandi eignum:
Draupnisgata 3, hl. 01-06, Akureyri, þingl. eig. Bæjarverk ehf., gerðar- beiðendur Fjárfestingarbanki at- vinnul. hf. og Sýslumaðurinn á Ak- ureyri, föstudaginn 29. maí 1998 kl. 10.00.
Engimýri, Öxnadalshreppi, þingl. eig. Harald Chr. Jespersen og Þór- unn Pálma Aðalsteinsdóttir, gerðar- beiðendur Byggðastofnun og Stofn- lánadeild landbúnaðarins, föstu- daginn 29. maí 1998 kl. 10.00.
Fjólugata 12, neðri hæð, Akureyri, þingl. eig. Steinólfur Geirdal Guð- mundsson og Lilja Möller, gerðar- beiðandi Byggingarsjóður ríkisins, föstudaginn 29. maí 1998 kl. 10.00.
Geirhildargarðar, Öxnadalshreppi, þingl. eig. Harald Chr. Jespersen og Þórunn Pálma Aðalsteinsdóttir, gerðarbeiðandi Stofnlánadeild landbúnaðarins, föstudaginn 29. maí 1998 kl. 10.00.
Hafnarstræti 86A, neðsta hæð, Ak- ureyri, þingl. eig. Gylfi Garðarsson, gerðarbeiðendur Byggingarsjóður ríkisins, íslandsbanki hf. höfuðst., Landsbanki íslands, Olíuverslun ís- lands hf. og Ríkisútvarpið, föstu- daginn 29. maí 1998 kl. 10.00.
Helgamagrastræti 53, íb. 0102, Ak- ureyri, þingl. eig. Steinþór Wendel Birgisson og Guðbjörg Margrét Birgisdóttir, gerðarbeiðandi Bygg- ingarsjóður verkamanna, föstudag- inn 29. maí 1998 kl. 10.00.
Hrafnagilsstræti 23, Akureyri, þingl. eig. Helga Haraldsdóttir og Kjartan Kolbeinsson, gerðarbeiðendur Ak- ureyrarbær og Landsbanki íslands hf., föstudaginn 29. maí 1998 kl. 10.00.
Huldugil 1, Akureyri, þingl. eig. Tré- smíðaverkst. Sveins Heið ehf., gerðarbeiðandi Byggingarsjóður ríkisins, föstudaginn 29. maí 1998 kl. 10.00.
íbúðarhús í landi Neðri-Sandvíkur, Grímsey, þingl. eig. Guðmundur Hafliði Guðmundsson, gerðarbeið- andi Sýslumaðurinn á Akureyri, föstudaginn 29. maí 1998 kl. 10.00.
Jódísarstaðir, Eyjafjarðarsveit, þingl. eig. Snæbjörn Sigurðsson, gerðarbeiðandi Stofnlánadeild landbúnaðarins, föstudaginn 29. maí 1998 kl. 10.00.
Litla-Brekka, Arnarneshreppi, þingl. eig. Brynjar Finnsson og Hjördís Sigursteinsdóttir, gerðarbeiðendur Byggingarsjóður ríkisins og Stofn- lánadeild landbúnaðarins, föstu- daginn 29. maí 1998 kl. 10.00.
Litlidalur, Eyjafjarðarsveit, þingl. eig. Jónas Vigfússon og Kristín Thorberg, gerðarbeiðandi Bygging- arsjóður ríkisins, föstudaginn 29. maí 1998 kl. 10.00.
Móasíða 4a, Akureyri, þingl. eig. Gunnlaugur H. Höskuldsson, gerð- arbeiðendur Akureyrarbær og Hús- bréfadeild Húsnæðisstofnunar, föstudaginn 29. maí 1998 kl. 10.00.
Skarðshlíð 9h, Akureyri, þingl. eig. Hafdís Þórarinsdóttir, gerðarbeið- andi Lífeyrissjóður sjómanna, föstu- daginn 29. maí 1998 kl. 10.00.
Svarfaðarbraut 16, Dalvík, þingl. eig. Vigdís Sævaldsdóttir, gerðar- beiðendur Byggingarsjóður ríkisins, DNG Sjóvélar hf„ Lagastoð ehf. og Vogue ehf., föstudaginn 29. maí 1998 kl. 10.00.
Vestursíða 10, íb. 201, Akureyri, þingl. eig. Jón Halldór Harðarson, gerðarbeiðendur Byggingarsjóður verkamanna og Samvinnusjóður ís- lands hf„ föstudaginn 29. maí 1998 kl. 10.00.
Sýslumaðurinn á Akureyri,
25. maí 1998.
Harpa Ævarrsdóttir, ftr.
Þjóðareining iuii Bombima
DAGUR
ÞORLEEFS-
SON
Með því að sprengja í tilrauna-
skyni fimm kjarnorkusprengjur á
eyðimörkinni í Rajasthan gekk
Indland „opinberlega" í „kjarna-
vopnaklúbbinn", þar sem fyrir
voru Bandaríkin, Rússland, Kína,
Bretland og Frakkland. Skelfing-
in sem eins og eðlilegt er stendur
af kjarnavopnum hefur auk ann-
ars Ieitt til þess að margir líta svo
á, að því aðeins
geti eitt ríld feng-
ið opinberlega
viðurkenningu
fjTÍr því að það sé
stórveldi að það
hafi lýst því yfir
opinberlega og
fengið viður-
kenningu fyrir
því að það hafi
atómvopn.
Raunar hefur
lengi verið talið
að nokkur eða fá-
ein nki auk ný-
nefndra fimm
hefðu kjarnorkuvopn, þótt þau
hefðu ekki gefið það ótvírætt til
kynna og væru því ekki kjarn-
orkuveldi opinberlega. Til þessa
hafa einna helst verið nefnd Isra-
el, Indland og Pakistan.
Ótti við íslam
Oryggismál eiga einhvern þátt í
því að Indland „kom út úr skápn-
um“ viðvíkjandi kjarnavopnum. I
Evrópu hefur uggur gagnvart
íslamska heiminum, sem sumir
vilja meina að gerist æ herskárri,
farið vaxandi undanfarna áratugi
og það á að Iíkindum ekki síður
við um Indland. Því veldur eink-
um kalt stríð milli Indlands og
Pakistans, sem staðið hefur svo
að segja frá stofnun þessara ríkja
beggja fyrir rúmlega hálfri öld og
annað veifið orðið heitt. Skæru-
hernaður múslímskra flokka í
indverska fylkinu Kasmír, sem
ætla má að fái stuðning frá
Pakistan, ýtir undir þennan ugg
og fyrir hendi er í Indlandi ótti við
að þarlendir múslímar, sem
munu vera um 140 milljónir tals-
ins (af um 955 millj. landsmanna
alls) geti orðið fimmta herdeild
fyrir Pakistan. A bak við þetta allt
Baksvið
í Indlandi er sú skoð-
un almenn að heiin-
urinn og sérstaldega
Vesturlönd hafi hing-
að til ekki auðsýnt
Lndlandi tilhlýðilega
virðingu.
er óttablandinn urgur í garð mús-
líma sem stafar frá yfirráðatíð
þeirra í Indlandi (frá um 1200
fram á 18. öld). Ofan á þennan
ótta bætir að Bandaríkin hafa
jafnan verið hlynntari Pakistan en
Indlandi og að vinátta talsverð
hefur verið með Pakistan og Kína,
sem Indlandi stendur nokkur
stuggur af vegna landamæra-
deilna er leiddu til stríðs milli
Indlands og Kína (sem fyrrnefnda
ríkið tapaði) 1962.
Þjóðarstolt
Aðalflokkurinn í núverandi Ind-
landsstjórn er Bharatiya Janata
Party (BJP), sem gjarnan er sagð-
ur vera langt til hægri. Sú skil-
greining mun
einkum komin
frá þeim aðilum
sem telja þjóð-
ernishyggju og
hægristefnu í
stjórnmálum
nokkurn veginn
það sama. BJP er
Ijarri því að vera
eindreginn
frjálshyggju-
flokkur í efna-
hagsmálum en
hann beitir sér
mjög fyrir auk-
inni virðingu fyr-
ir gildum hindúasiðar, sem mikill
meirihluti landsmanna aðhyllist,
en er þó varla róttækari í þeim
efnum en t.d. valdhafar Pakistans
hafa verið fyrir fslams hönd allt
frá því að það ríki varð til.
Flestir eru sammála um að
þjóðarstolt hafi valdið mestu um
þær ráðstafanir Indlandsstjórnar
er hér um ræðir. Indverjum hefur
Iengi virst heimurinn og sérstak-
lega Vesturlönd auðsýna þeim
kæruleysi og ekki tiltakanlega
mikla virðingu. Vesturlönd stígi
miklu meira í vænginn við Kína
og íslamska heiminn. Óþolin-
mæði út af þessu meinta virðing-
arleysi mun hafa vaxið með vel-
gengni Indlands í efnahagsmál-
um undanfarið. (Hagvöxtur varð
þar sl. ár 5,6% og spáð var fyrir
nokkrum mánuðum að hann yrði
ekki miklu minni í ár.) Við það
hefur þeim hluta landsmanna,
sem talinn er tíl millistéttar, fjölg-
að mjög og einhver fréttaskýrandi
telur nú 150-200 milljónir
manna þarlendis til millistéttar.
Við þetta hefur sjálfstraust Ind-
verja aukist og þar með óþol þeir-
ra vegna meintrar vöntunar á
virðingu af heimsins hálfu. Þeir
hafa og í þessu samhengi í huga
að land þeirra er annað fjölmenn-
asta ríki heims.
Nýtt atómvígbimaðarkapp-
hlaup?
Vera kann raunar að aðstæður í
innanríkisstjórnmálum hafi vald-
ið mestu um að Indlandsstjórn lét
sprengja umædd kjarnavopn. BJP
hefur ekki þingmeirihluta og
stjórn hans stendur því ekki föst-
um fótum. Ráðamenn flokksins
kunna að hafa ákveðið að
sprengja í þeim tilgangi að skapa
þjóðareiningu á bak við sig, og
það virðist þeim hafa tekist í
bráðina. Þótt Indveijar sjái fram á
að alþjóðasamfélagið muni svara
með því að stöðva lánaveitingar,
leggja hjálparáætlanir á hilluna
og yfirleitt auðsýna Indlandi vax-
andi tortryggni virðist þorri
hindúskra landsmanna standa á
bak við stjórn sína í þessu við-
kvæma máli. Má meira að segja
telja líklegt að sjaldan í sögunni
hafi skapast jafnmikil samstaða
með íbúum Indlands og nú.
Þegar þetta er ritað er líldegast
talið að Pakistan muni einnig
sprengja kjarnasprengju innan
skamms. Margir segja sem svo að
með þessu sé stífla brostin og
muni nú fleiri ríki leggja kapp á
að eignast kjarnavopn. Búast
megi við kjarnavígbúnaðarkapp-
hlaupi milli Indlands og Pakist-
ans, er meiri stríðshætta muni
fylgja en samskonar kapphlaupi
Vesturlanda og sovétblokkar í
„gamla daga.“ Aðrir eru ekki eins
svartsýnir og telja að heimssamfé-
laginu muni takast að halda aftur
af líklegu kjarnavopnakapphlaupi
í Suður-Asíu og koma því í „við-
hlítandi" skorður, svo að kjarn-
orkuváin sem slík aukist ekki að
miklum mun við þetta, hvað
heimirín í held varðar.
m !(1TT ilin l
LfiUL Jlil I HEIMURINN
I
MiMl ánægja með friðarsanmmg
NORÐUR-ÍRLAND - Mikill meirihluta Norður-íra greidai atkvæði
sitt friðarsamningunum, sem gerðir voru á föstudaginn langa. 71%
landsmanna samþykkti samninginn, en samkvæmt skoðanakönnun á
kjördag virðist sem þessi atkvæði skiptist þannig að 96% kaþólskra hafi
greitt bonum atkvæði sitt en aðeins um 55% mótmælenda.
Habibie boðar kosningar
INDÓNESÍA - Nýja ríkisstjórnin á Indónesíu tilkynnti í gær að efnt
yrði til kosninga strax og ný kosningalög hafa verið samin. Habibie for-
sætisráðherra segir að kosningarnar verði haldnar í síðasta lagi innan
eins árs, en ákveðin dagsetning var ekki nefnd. Þá sagði ríkisstjórnin í
gær að tveir þekktir stjórnarandstæðingar yrðu látnir lausir úr fangelsi.
Netanjahu bafnar málamiðlunartil-
lögunni
ÍSRAEL - Benjamin Netanjahu, forsætisráðherra ísraels, hafnaði í
gær málamiðlunartillögu Bandaríkjamanna um að Israel Iéti Palest-
ínumönnum eftir 13% landsvæðisins á Vesturbakka Jórdanár. Ezir
Weizman, forseti Israels, gagnrýndi í gær Netanjahu og sagði verulega
hættu á því að upp úr syði í Austurlöndum nær ef ekki takist að
hleypa nýju lífi í friðarferlið. Netanjahu sagðist hins vegar í gær ekki
bera ábyrgð á þeim ógöngum sem friðarferlið væri komið í.
Hongkong-búar vHja lýðræði
HONGKONG - Þvert ofan í það sem búist var við var þátttaka í kosn-
ingunum í Hong Kong um helgina rúm 53%, sem telst mikið þar sem
almenningur hefur yfirleitt sýnt kosningum lítinn áhuga. Þessi milda
kosningaþátttaka er talin lýsa stuðningi almennings við lýðræðishreyf-
inguna, sem ýtt var úr valdastólum þegar Kína tók við yfirráðum eyj-
unnar.