Dagur - 08.08.1998, Blaðsíða 4

4- LAUGARDAGUR 8. ÁGÚST 1998
Xk^wr
FRÉTTIR
Lifandi hval rah á Tjömesi
Lögreglunni á Húsavík var tilkynnt um að lifandi hval hefði rekið upp
á land í gærmorgun. Vegfarandi hafði séð skepnuna en þegar Iögreglan
kom á staðinn, í Breiðuvík, sást hvorki tangur né tetur af dýrinu.
„Svo virðist sem hann hafi náð að bjarga sér aftur á flot,“ sagði lög-
reglumaður á Húsavík f samtali við Dag í gær. „Hann er a.m.k. horf-
inn.“
Eitthvað var um að fólk færi fýluferð á Tjörnesið til að virða hvalinn
fyrir sér. Helst var talið að um hrefnu væri að ræða þótt það sé óstað-
fest. — bþ
Aldrei fleiri erlendir ferðamenn
I júlímánuði komu ríflega 48.000 erlendir ferðamenn til landsins með
flugvélum og skipum samkvæmt tölum frá Utlendingaeftirlitinu.
Aldrei áður hafa jafn margir ferðamenn heimsótt Island í einum mán-
uði. Aukningin frá sama mánuði í fyrra er um 16 prósent. Erlendum
ferðamönnum fjölgaði hins vegar um 17.000 fyrstu sjö mánuði ársins
miðað við sama tíma í fyrra. Gert ráð fyrir að þessi aukning gæti skil-
að um 1.700 milljónum króna í gjaldeyristekjur.
Styttist í opnun hjá KEA
Nettó
KEA Nettó mun hefja starfsemi í Reykjavík
um næstu mánaðamót að sögn Júlíusar Guð-
mundssonar verslunarstjóra. Verslunin verður
til húsa þar sem áður var Kaupgarður í Mjódd
en KEA hefur yfirtekið rekstur Kaupgarðs. Að
sögn Júlíusar hefur sá rekstur gengið þokka-
lega en hann segir enga áherslu hafa veríð
lagða á markaðsávinninga, enda sé um
skammtíma umsvif að ræða. Júlíus segir að
sama vöruverð muni verða í verslunum KEA
Nettó á Akureyri og í Reykjavík. - BÞ
Vogakórinn frá Færeyjum í
Akur eyr arkirkj u
Blandaður kór sem samanstendur af söngfólki frá Sandavogi, Miðvogi
og Saurvogi í Færeyjum er staddur hérlendis og heldur tónleika í Akur-
eyrarkirkju mánudagskvöldið 10. ágúst klukkan 21.00. Kórinn kemur
hingað til lands í boði Norðfirðinga og er að endurgjalda heimsókn
þeirra til Færeyja, en Sandavogur er vinabær Neskaupstaðar í Færeyj-
um. Kórinn flytur létt klassíska tónlist og kirkjulega tónlist. - GG
Veidi í smugunni
Veiði í Smugunni hefur verið að
glæðast síðustu daga eftir lélegt
fiskerf hjá þeim þremur íslensku
togurum sem þar hafa verið að veið-
um, Snorri Sturluson RE, Freri RE
og Haraldur Kristjánsson HF. Þrír
togarar Samherja eru á leið í smug-
una, Víðir EA fór í fyrakvöld en
Baldvin Þorsteinsson og Akureyrin
fara í dag. DV hefur það eftir talsmanni Norges fiskarlag í gær að þeir
muni gera kröfu um að norska Strandgæslan sendi herskip í Smuguna
úr því að „íslenska innrásin" sé hafin.
Leikskólar Reykjavíkurborgar
Leikskólastjóri
Staða leikskólastjóra við nýjan leikskóla við
Mururima er laus til umsóknar.
Skólinn tekur til starfa í haust.
Umsóknarfrestur er til 26. ágúst nk.
Leikskólakennaramenntun áskilin.
Nánari upplýsingar gefur Ingibjörg Sigþórsdóttir
leikskólaráðgjafi, í síma 587 9400.
Dagvist barna
Hafnarhúsinu, Tryggvagötu 17, sími 563 5800.
Innilegar þakkir til ykkar allra sem sýnduð
okkur samúð og hlýhug við andlát og útför
SIGURÐAR ÓSKARS SIGVALDASONAR
frá Gilsbakka í Öxarfirði,
fyrrverandi leigubifreiðastjóra
í Reykjavík.
Rakel Sigvaldadóttir,
Sesseija Sigvaldadóttir,
Ari Jóhannesson.
Unnið er að sameiginlegu svæðisskipulagi fyrir höfuðborgarsvæðið þar sem verkefnum er m.a. raðað niður á
sveitarfélögin. - mynd: gva
Sameiginlegt
svæöissídpulag
Sveitarfélögin á höf-
uðborgaxsvæðinu
viuna nú að sameigin-
legu svæðisskipulagi,
sem á að verða tilbúið
árið 2000. Nýlega var
boðið út forval á aðil-
um til verksins og
sóttu níu aðilar um,
sem allir hafa sam-
starf við erlenda ráð-
gjafa.
Frá því um áramót hefur starfað
nefnd sem vinnur að undirbún-
ingi verkefnisins. Sveitastjórnar-
menn urðu þá sammála um að
stefna að „alvöru“ svæðisskipu-
lagi.
I nefndinni sitja tveir aðilar frá
hverju sveitarfélagi og er formað-
ur nefndarinnar nú Stefán Her-
mannsson, borgarverkfræðingur.
Minni framkvæmdanefnd var
líka skipuð og vinnur hún milli
funda stærri nefndarinnar.
Fyrir skemmstu var boðið út
forval íyrir aðila til að vinna
skipulagið. Þar sem skipulag af
þessu tagi hefur aldrei verið
unnið áður á Islandi var verkið
boðið út bæði í gegnum Brussel
og bandaríska og kanadíska
sendiráðið. Níu aðilar sóttu um
og eru þeir allir í erlendu sam-
starfi. Minnst þrjár stofur verða
síðan valdar af þessum níu og
verkið boðið boðið formlega út
milli þeirra.
Erlendir ráðgjafar með öll-
um aðilum
Þorvaldur S. Þorvaldsson, skipu-
lagsstjóri Reykjavíkur, mun taka
við formennsku í nefndinni í
haust en sveitastjórnir munu
skiptast um hana. Hann sagði
verkefnið vera mjög stórt og væri
það hið fyrsta sinnar tegundar á
Iandinu. Það hefði því þótt rétt
að bjóða verkið út líka erlendis
þar sem menn hafa reynslu af
borgarskipulagi. Það væri mjög
frábrugðið skipulagi unnu fyrir
byggðir úti á landi eða hálendið.
Eríendir ráðgjafar væru því
nauðsynlegir. Reiknað væri með
því að búið verði að velja aðila á
haustdögum og þar með myndi
hin formlega vinna fara í gang.
Verkefnum raðað á sveitarfé-
lögin
Sveitarfélögin vildu ekki Iáta
nægja að leggja saman skipulags-
kort mismunandi sveitarfélaga
heldur vildu nýta betur þá mögu-
leika sem þau ættu sameigin-
lega. Það kæmi Iíka betur út en
stöðug samkeppni þeirra á milli,
þótt hún hverfi ekki að öllu leyti.
jafnvel verður verkefnum raðað
þannig að ekki verði allir að gera
sömu hluti um leið. Stofurnar
eiga að rannsaka og koma með
hugmyndir um hvar sé eðlilegast
að t.d. stærri iðnaður verði, hvar
annar iðnaður eigi að vera, hvar
þjónusta sameinist o.s.frv.
Einnig það hvernig eigi að taka á
umferðarmálum, sameina og
samræma almenningsumferð,
skipuleggja útivistarsvæði o.fl.
Verkefnið er þvi gríðarstórt.
Þorvaldur segir að frumkvæðið
að sameiginlegu skipulagi hafi
komið frá Reykjavíkurborg en
það hafi komið í Ijós við gerð
miðborgarskipulags að samvinna
við nágrannasveitarfélög var
nauðsynleg. Því hafi þessi hug-
mynd komið upp. Haft var sam-
band við sveitarfélögin og sýndu
þau öll mikinn áhuga. — SEG
*
Isftrðmgar ósáttir
við Flugfélagið
Eiúkeimileg tilviljun
að brestir koma í
þjónustu Flugfélags
íslands gagnvart Vest-
firðinguni á sama
tíma og íslandsflug
hættir? Enginn maðk-
ur í mysunni segir FÍ.
Mikil óánægja hefur verið í Isa-
fjarðarbæ og nágrenni vegna
tíðra tafa og röskunar á áætlun
að undanförnu hjá Flugfélagi ís-
lands. FI er nú eini aðilinn sem
flýgur milli Reykjavíkur og Isa-
Qarðar en til skamms tíma var
samkeppni milli Islandsflugs og
FÍ þangað til Islandsflug hætti
áætlun í vor á þeim forsendum
að nægilega margir nýttu sér
ekki þjónustu flugfélagsins.
Guðni Geir Jóhannesson er
forseti bæjarstjórnar í ísafjarðar-
bæ. „Það vill nú svo einkennilega
til að vandamál Flugfélags Is-
lands með að halda áætlun virð-
ast hafa komið upp á sama tíma
og Islandsflug hætti að fljúga til
Isafjarðar. Menn hafa verið að
gera því skóna að þetta ástand
megi að einhverju leyti rekja til
þess að samkeppnin er nú engin
á flugleiðinni. Við sitjum á hak-
anum vegna þess að við komust
ekkert með öðrum aðila. Þjón-
ustufulltrúi FI hefur hins vegar
gefið sfnar skýringar og ég er
ekkert að draga þær í efa,“ segir
Guðni Geir, sem kannast við að
mjög hafi verið í umræðunni að
undanförnu fyrir vestan, hve illa
hefur gengið að halda áætlun.
Áhafnaskortur
Bryndís Stefánsdóttir, þjónustu-
fulltrúi hjá FI, segist ekki hafa
nákvæmar tölur um það hvort
röskun á áætlun hafi bitnað meir
á ísfirðingum en öðrum lands-
mönnum. Hún segir ljóst að alls
staðar á landinu hafi farþegar
fundið fyrir einhverjum óþæg-
indum vegna þess hve illa hefur
gengið að halda áætlun. Skýring-
ar séu margvíslegar. Bilanir hafi
komið upp, veðurfar spili inn í,
mikil farþegaaukning hafi kallað
á fleiri ferðir sem aftur hafi þýtt
þjálfun nýrra áhafna. „Við viður-
kennum að hér varð áhafna-
skortur í byrjun júní,“ segir
Bryndís.
Bryndís neitar því hins vegar
alfarið að maðkur sé í mysunni
vegna þess að samkeppni hefur
nú lagst af á flugleiðinni. „Fjarri
því og við erum miður okkar hér
hjá Flugfélaginu við að heyra
þessa umræðu. Það er hrein og
bein tilviljun að þetta tvennt fer
saman. Þvert á móti teljum við
okkur hafa verið í góðu samstarfi
við Isfirðinga," segir Bryndís.
- BÞ