Dagur - 18.08.1998, Síða 2

18 - l’RIÐJUDAGUR 18. ÁGÚST 1998
LÍFIÐ í LANDINU
SMÁTT OG STÓRT
UMSJÓN:
SIGURDÓR
SIGURDORSSON
Hvalfjarðargöngin
valda ofpirringi.
Magnús Tómasson
myndlistarmaður.
„Sinfóníuhljóm-
sveit Islands."
„Hávaðamengun.“
Nöfn á tvískiptum
leiðara í Mogga
sl. þriðjudag.
Kortagleði
Um helgar hefur hvað eftir annað myndast
löng biðröð við munna Hvalfjarðarganganna.
Það hefur vakið pirring hjá fólki þegar biðin
hefur orðið jafn löng og það tekur að aka fyrir
Hvalfjörð. Höfuð orsök þessa er sú að fólki er
heimilt að greiða með greiðslukorti! Þetta er
fáheyrt. Maður þakkar fyrir meðan ekki er
heimilt að skrifa upp á víxil fyrir umferðar-
gjaldinu.
EkM fiýnilegur
Þegar listamaðurinn Magnús Tómasson var að
setja upp listaverkið Fangar frelsisins á Hvera-
völlum komu margir til hans og dáðust að
verkinu. En allt er umdeilanlegt og eftir að um
það bil 30 manns hafði komið til Magnúsar og
Iýst yfir hrifningu sinni með verkið kom einn
sem horfði lengi á það og sagði síðan: „Eg verð
að segja þér í hreinskilni að mér finnst þetta
verk ekki fallegt. Það er hreinlega ljótt.“
Magnús, sem er hægur maður og mikið prúð-
menni, snéri sér rólega við, horfði á mannin
og sagði svo. „Þú ert nú ekkert sérlega frýni-
legur.“
Guð uiinn góður
Prestur einn hitti hestasala sem bauð honum
hest til sölu. Salinn sagði klárinn þeirrar nátt-
úru að ef maður segði „Jesús minn,“ þá rölti
hann af stað. Ef maður segði „guð minn góð-
ur,“ tæki hann á sprett og til þess að stöðva
hann yrði maður að segja „arnen." Prestur vildi
prófa klárinn, fór á bak og nefndi nafn Jesú og
klárinn rölti af stað. Þessu næst sagði hann
„guð minn góður," og klárinn þaut af stað.
Prestur var óvanur hestum og leið hræðilega á
sprettinum en hann gat ómögulega munað
orðið til að stöðva klárinn, sem nú stefndi að
hengiflugi. í ótta sínum fór prestur með bæn
og sagði „amen“ í lokin og ldárinn stoppaði
með það sama alveg við hengiflugið og snéri
við. Prestur, kvalinn um allan skrokkinn og
hræddur að auki, þurrkaði svitan af enninu og
stundi. .„Guð minn góður."
Öðru vísi guð
Þegar séra Hjálmar Jónsson alþingismaður lét
af prest- og prófastsskap á Sauðárkróki með
þeim ummælum að hann ætlaði alfarið að
snúa sér að þingmennskunni orti Hákon Aðal-
steinsson, skógarbóndi að Húsum þessa vísu:
Þó hann ekki sálma syngi
sífellt fylgir lífsins puð.
Nú fer hann að þjóna á þingi
og þar er öðru vtsi guð.

Gunnlaugur
Rögnvaldsson
hefur kynnt
Formúlu 1 keppn-
ina frá upphafi og
er mikill áhuga-
maður um akst-
ursíþróttir.
Fommla 1
Akstursíþróttir hafa löngum vak-
ið áhuga manna og eftir því sem
tækninni fleygir fram fara bílarn-
ir hraðar.
Kappaksturskeppnin Formúla
1 er ein sú frægasta af slíkum og
fyrir rúmlega ári síðan var farið
að sýna frá henni í beinni út-
sendingu í sjónvarpi hér á landi.
Gunnlaugur Rögnvaldsson heitir
sá sem stendur íyrir tiltækinu og
hefur hann verið kynnir frá upp-
hafi.
„Það er keppt í 16 löndum á
hveiju ári,“ segir Gunnlaugur,
„og taka 22 ökumenn þátt í hverri keppni. Sam-
anlögð stig þeirra ráða svo hver vinnur og það er
til mikils að vinna.
Það má geta þess að Michael Schumacher sá
sem þykir einna sigurstranglegastur af keppend-
um fær um 300 milljónir króna fyrir hverja
keppni. Hann er þó í öðru sæti enn sem komið
er, eftir 12 mót með 70 stig, en Mika Hakkinen
er með 77 stig, þannig að mjótt er á munun-
um.“
Alltaf haft áhuga
Gunnlaugur segist lengi haft áhuga á aksturs-
íþróttum og meðal annars tekið þátt í Rallakstri.
Hann segir Formúlu 1 keppnina vera sýnda í
210 löndum víða um heim og allt að fimm
hundrað milljónir manna horfa á hana í beinni
útsendingu.
„Það er gífurlegt fé í þessu og
eyða keppnisliðin tvö, sem hafa
bestu ökuþórana á sínum snær-
um, hundrað milljón pundum á
ári hvort í þessa keppni," segir
Gunnlaugur. „Ökumaðurinn
sjálfur er ekki nema Iítil hluti af
málinu, því einnig eru viðgerðar-
menn og aðrir aðstoðarmenn og
hafa þarf til staðar lager af vara-
hlutum til að skipta um ef eitt-
hvað bilar."
Okumenn taka sér viðgerðarhlé
í hverri keppni, sumir eitt, aðrir
tvö til þrjú og verða þeir að meta
hverju sinni hvað það tekur Iangan tíma og
reikna þann tíma inn í aksturinn.
í hverri ökuferð bíls í keppninni fara 240-330
lítrar af bensíni, því ekki er beinlínis verið að
aka sparakstur. Gunnlaugur segir bílana ná 100
km hraða á 1,8 sek. og þá fer nú að fara um
hinn venjulega bíleiganda.
Ohöpp verða í þessari íþrótt eins og öðrum,
en Gunnlaugur segir dauðslys ekki algeng. „Ör-
yggiskröfur eru gífurlega miklar og síðasta
dauðaslys í Formúlu 1 varð árið 1994, þegar
spánverjinn Juan Manuel Fengio Iést.
4 mót eftir
Nú eru eftir fjögur mót í Formúlu 1 keppninni
og verður spennandi að sjá hvor hefur betur,
Schumacher eða Hakkinen. -VS
BílamiríFormúlu 1
akaáalltað 350
kílómetrahraða og
geta tekist á loft ef
þeir rekast í ójöfnur.
SPJflLL
FRÁ DEGI TIL DflGS
Mesta ánægjan í lífinu er að gera það
sem fólk segir að maður geti ekki gert.
Walter Bagehot.
Hvað gerðist 18. ágúst
• 1769 sprakk byssupúður í kirkjunni í
Brescia á Ítalíu með þeim afleiðingum
að 3000 manns Iétu Iífið.
• 1834 hófst eldgos í fjallinu Vesúvíus.
• 1932 varð Englendingurinn James
Mollisson fyrstur manna til þess að
fljúga yfir Atlantshafið frá austri til
vesturs.
• 1958 kom út bókin Lolita eftir Vla-
dimir Nabokov.
• 1966 tók Jóhannes Sveinsson Kjarval
fyrstu skóflustunguna að myndlistar-
húsinu Kjarvalsstöðum í Reykjavík.
Þaufæddust 18. ágúst
• 1750 fæddist tónskáldið Antonio Sali-
eri, sem naut mikillar frægðar í Evrópu
þar til hann féll í skuggann af Mozart.
• 1774 fæddist Meriwether Lewis, helm-
ingurinn af landkönnuðunum frægu,
Lewis og Clark.
• 1830 fæddist Frans Jósef Austurríkis-
keisari, sem ríkti frá 1848 til dauðadags
árið 1916.
• 1904 fæddist Max Factor yngri, en
hann er þekktur fyrir snyrtivöruveldi
sitt.
• 1906 fæddist franski kvikmyndaleik-
stjórinn Marcel Carné, sem m.a. gerði
margrómaða mynd árið 1945, Les En-
fants du paradis (Paradísarbörnin).
• 1933 fæddist pólski kvikmyndaleik-
stjórinn Roman Polanski.
Vísa dagsins
Káinn orti margar stökurnar og þessi er
gerð eftir kosningar í Kanada.
Engan gerði ég greiða þér,
greiddi ei „vote“ með einum.
Þarna sérðu, að ég er
ekki ú móti neinum.
Afmælisbam dagsins
Reykjavík fékk kaupstaðarréttindi
með konungsúrskurði þann 18. ágúst
árið 1786, og telst því vera orðin
212 ára gömul. Ibúar í Reykjavík
voru þá ekki nema 167, og á Iandinu
öllu bjuggu aðeins 38.363 manns. 1.
desember síðastliðinn voru borgar-
búar orðnir 106.617, og hefur þeim
því Qölgað meira en smávegis á þess-
um 212 árum.
Brandari dagsins
Albert Einstein var oft fenginn til að halda
ræður en þótti það heldur leiðinlegt og var
áíjáður í að komast sem fyrst aftur á rann-
sóknarstofu sína.
Eitt sinn er hann var að aka á milli staða
minntist hann á þetta við bílstjóra sinn
sem var svolítið áþekkur honum í útliti.
„Það er ekki mikið mál,“ sagði bílstjórinn.
„Eg hef heyrt þig halda svo öft svona ræð-
ur að ég er viss um að ég get gert það fyrir
þig.“ Einstein hló við og sagðist vera til í
að prófa. Hann settist svo aftast í salinn
íklæddur jakka og húfu bílstjórans sem
hélt ræðuna og svaraði nokkrum spurning-
um áheyrenda. Svo kom ábúðarmildll og
montinn prófessor og spurði mjög erfiðrar
spurningar til að gefa í skyn hversu lærður
hann væri. An þess að hika horfði bílstjór-
inn fast á prófessorinn og sagði: „Þetta er
svo einföld spurning að meira að segja bíl-
stórinn minn getur svarað henni“ og benti
bílstjóranum að svara sem hann gerði með
glæsibrag.