Dagur - 05.03.1999, Blaðsíða 2

18-föstudagur s. mars 1999
Uaguir
LÍFIÐ í LANDINU
ÞAÐ ER KOMIN HELGI
Hvaö
ætlar þú að
gera?
„Vakning fyrir þjóbún-
ingasaumi, “ segir
Heiga Sigurbjörns-
dóttir.
Þ] óðbúningasaumur
„Eg ætla að sauma þjóðbúninga um helgina,"
segir Helga Sigurbjörnsdóttir, leikskólakenn-
ari á Sauðárkróki. „Þessa stundina er ég með
sauma á tveimur þjóðbúningum í takinu og
sex konur á námskeiði sem eru að Iæra þessa
listgrein. Það virðist núna einmitt vera tals-
verð vakning fyrir svona saumaskap. - Eg þarf
líka að hafa samband við þá höfunda sem
komust með Iög sín í tíu laga úrslit í Dægur-
lagakeppni okkar í Kvenfélagi Sauðárkróks,
sem verður haldin þann 30. apríl. A mánu-
daginn síðasta völdum við Iögin sem komast í
úrslit og nú tekur við að koma málunum í far-
veg og lögunum í útsetningu.“
„Þúsund manna árs-
hátíö, “ segir Jóhann
Guðni Reynisson.
„Einhver stund með
fjöiskyidunni, “ segir
Jón Úiafsson.
Hátíð í Hafnarfirði
„Um helgina er árshátíð starfsmanna Hafnar-
Ijarðarbæjar sem ég hlakka virkilega til þess
að mæta á,“ segir Jóhann Guðni Reynisson,
upplýsingafulltrúi Hafnaríjarðarbæjar. „Þetta
er ekki minna en þúsund manna veisla og
verður gleðin sjálfsagt í fullu samræmi við
mannfjöldann, enda eru Hafnfirðingar
veisluglatt fólk og þess vegna meðal annars er
gaman að vera kominn aftur heim í heiðar-
dalinn hér í Firðinum eftir nokkurra ára bú-
setu norður í landi. A sunnudaginn ætla ég
síðan að hjálpa tengdamóður minni og mág-
konu að flytja í Hafnarfjörð sunnan úr Njarð-
vík. Til þess verkefnis hlakka ég, bæði að þær
skuli flytja hingað til okkar og síðan er líka
ágæt líkamsrækt að bera búslóð.“
Knattspyma með Kötturam
,Á föstudaginn ætla ég í fótbolta með félög-
unum mínum í Kötturunum, en það er lið
áhangenda Þróttar. Það er gamall og góður
siður hjá okkur að bregða okkur stundum
saman í fótbolta og gleyma þannig öðrum við-
fangsefnum líðandi stundar," segir Jón Ólafs-
son tónlistarmaður. „A laugardagskvöld er ég
að spila á balli suður í Hafnarfirði með Bítla-
vinafélaginu svo það kvöld er frátekið og ég
reikna þá með að einhver hluti dagsins fari í
undirbúning vegna þess balls. Á sunnudegin-
um ætla ég að gera allt annað en að vinna og
helst eiga einhverja stund með fjölskyldunni,
þó ekki sé hægt að segja til um á þessari
stundu hvað við gerurn."
/ áraraðir hefur helsti starfi Úla H. Þórðarsonar verið sá að hvetja fólk til þess að
spenna beltin og kveikja Ijósin. Þar hefur hann lög að mæla og vissulega hefur
árangur sést afþví þjóðþrifastarfi að fækka umferðarslysum í landinu. Kannski
ekki nægilegur, en þrátt fyrir það virðist Úli í Umferðarráði þó eldast vel og gott
er að geta brosað einsog honum var til dæmis gefið þegar þessi mynd var tekin
I hljóðveri Útvarpsins á Skúlagötunni fyrir um tuttugu árum.
■ LÍF OG LIST
Ótal bækur úr
Reykjavíkursögu
„Ég er að j^H|l|||||||
lesa ótal |W|M^HÍ
bækur um l.jj&
sögu
Reykjavíkur . .T
á tímabilinu 1870 til 1875,
sem kemur til vegna þess að
nú er ég að vinna að uppsetn-
ingu leikrits hér á Akureyri J1, .V*.
sem heitir Systur í syndinni og
er eftir þær Iðunni og Kristínu hiy
Steinsdætur. Það fjallar um
systrabandalag i Reykjavík
einmitt á þessum árabili,11 segir Ji-,t'■ -
Kolbrún Halldórsdóttir, leik- .V'- ■' ■
stjóri. „Þykkasta bókin þarna HMallBMr
er Saga Reykjavíkur eftir Guð-
jón Friðriksson og svo er þarna
önnur bók mjög fín sem ég hef í takinu sem
heitir Islandsdætur og íjallar um sögu kvenna á
Islandi og er eftir Ragnhildi Vigfúsdóttur og
Símon Jón Jóhannsson. Þá er ég einnig með
aðrar frábærar bækur við hendina, það eru
minningabækur Guðrúnar Borgljörð og Ágústs
Jósepssonar, sem bæði ólust upp í Reykjavík á
þessum tíma.“
Sigrún og Selma
„Ég hef mikla þörf fyrir að
hlusta á íslenska tónlist þegar
ég er að vinna við íslensk
Ieikrit. Núna er ég með verk
með Jórunni Viðar og Tjarnarkvartettinum undir
geislanum, sem tekur einmitt þátt í sýningunni
með okkur. Einnig annan ágætan geisladisk þar
sem þær Sigrún Eðvarðsdóttir fiðluleikari og
Selma Guðmundsdóttir píanóleikari Ieika ís-
lensk lög. Þá langar mig einnig að nefna írsku
söngkonuna Enya sem ég held mikið uppá
svona í bland með öðru.“
Ekki Hollywoodmyndir
„Ég er þannig sett hér á Akur-
eyri að ég er ekki með mynd-
bandstæki og sakna þess alls
ekki. Síðasta mynd sem ég sá í
bíó var Festen, sem ég sá á
kvikmyndahátíð í Reykjavík nýlega - og helst fer
ég í bíó til að sjá evrópskar myndir og mest hef
ég gaman af evrópskum myndum ýmiskonar.
Minna gaman hef ég aftur á móti af dæmigerð-
um amerískum Hollywoodmyndum."
-SBS.
FRÁ DEGI TIL DAGS
„Fiskur og gestur fara að Iykta illa á
þriðja degi Ókunnur höfundur.
Þau fæddust 5. mars
• 1512 fæddist flæmski kortagerðamað-
urinn Gerardus Mercator.
• 1637 fæddist hollenski málarinn Jan
van der Heyden.
• 1871 fæddist þýska byltingarkonan
Rósa Luxemburg.
• 1887 fæddist brasilíska tónskáldið
Heitor Villa-Lobos.
• 1908 fæddist enski leikarinn Rex
Harrison.
• 1936 fæddist bandaríski leikarinn
Dean Stockwell.
• 1939 fæddist Markús Á. Einarsson
veðurfræðingur.
Þetta gerðist S.mars
• 1865 brann Möðruvallakirkja í Hörgár-
dal í Eyjafirði.
• 1933 hlaut þýski Nasistaflokkurinn
44% atkvæða í þingkosningum, sem
gerði þeim kleift að hrifsa til sín öll
völd í landinu.
• 1946 flutti Winston Churchill fræga
ræðu um „Járntjaldið“ milli austur- og
vesturhluta Evrópu.
• 1953 lést Jósef Stalín eftir 29 ára
valdasetu í Sovétríkjunum, 73 ára að
aldri.
• 1960 var Elvis Presley útskrifaður úr
bandaríska hernum eftir tveggja ára
þjónustu.
• 1982 fannst bandaríski gamanleikarinn
John Belushi látinn í leiguíbúð í
Hollywood, 33 ára að aldri. Banamein-
ið var of stór eiturlyfjaskammtur.
Visan
Vísa dagsins er bónorðsvísa Bólu-Hjálm-
ars:
Dreg ég út á djúpið þitt,
því dætur átt og sonu,
gamli heimur, greyið mitt,
gefðu mér nú konu!
Kvikmyndagerðarmaðurinn og rit-
höfundurinn Pier Paolo Pasolini
fæddist í Bologna á Ítalíu árið
1922. I kvikmyndum hans kemur
jafhan fram sterk gagnrýni á borg-
aralegt þjóðfélag og er þar ekki
alltaf fylgt hefðbundnum frásagnar-
máta afþreyingariðnaðarins. Að
morgni 2. nóvembers 1975 fannst
Pasolini látinn, liggjandi á grúfu á
auðu Iandsvæði. Ungur maður hlaut
síðar dóm lyrir morðið.
Káboyletkur
Þrír bræður voru í byssuleik úti í garði.
Það var sólskin og blíða. Móðir þeirra var
að hengja upp þvott.
Einn drengjanna miðaði byssunni að
mömmu sinni og öskraði: „Bang, þú ert
dauð!“
Hún létt sig detta í grasið, og þegar
hún stóð ekki strax upp, hljóp nágranna-
konan til hennar. Til þess að athuga
hvort hún hefði skaðast í fallinu.
Móðirin hvíslaði í eyra nágrannakon-
unnar sem hafði beygt sig yfir hana.:
„Uss, ekki segja frá. Þetta er eini mögu-
leiki minn til þess að hvíla mig.“
Veffang dagsins
Bandaríska veftímaritið Salon er jafnan
með áhugavert efni af ýmsu tagi, og
veffangið www.salonl999.com