Dagur - 26.11.1999, Blaðsíða 12

12 - FÖSTUDA GUR 2 6. NÓVEMBER 19 9 9
Dagur
ERLENDAR FRÉTTIR
ÍÞRÓTTIR
Dauðadómuriim til
mannréttiudadómstóls
Áfrýjunardómstóll I Ankara skýrði frá niðurstöðu sinni í gær.
Dauðadómuriim yfír
Abdufíah Öcalan var
staðfestur í gær.
Áfrýjunardómstóll í Tyrklandi
staðfesti í gær dauðadóminn
sem felldur var í sumar yfir
Abdullah Ocalan, skæruliðafor-
ingja Kúrda. Ekkert er þó enn
víst um það hvort dómnum verði
framfylgt á næstunni, eða hvorl
það verður nokkru sinni. Næst
þarf þing Iandsins að veita sam-
þykki sitt áður en aftaka getur
farið fram, og loks þarf forsetinn
að veita endanlega staðfestingu.
Lögfræðingar Öcalans vísuðu
málinu strax í gær til Mannrétt-
indadómstóls Evrópu og fóru
jafnframt fram á það að aftök-
unni verði frestað þar til niður-
staða hefur fengist í málinu hjá
Mannréttindadómstólnum. Lög-
fræðingarnir sögðust þó ekki
hafa verið hissa á úrskurðinum
frá í gær.
Mannréttindasamtök og
stjórnmálamenn í Evrópu hafa
andmælt dauðadómnum. Sam-
tökin Amnesty Internatíonal
hvöttu tyrkneska þingið til þess
að koma í veg fyrir aftöku Öcal-
ans og sömuleiðis hvöttu sam-
tökin tyrknesk stjórnvöld til þess
að ganga skrefið til fulls og af-
nema dauðarefsingu úr lögum.
Frumvarp þar að lútandi var
þegar lagt fram á tyrkneska þing-
inu árið 1996, en hefur enn ekki
verið afgreitt sem lög.
Með aðild Tyrklands að Evr-
ópuráðinu skuldbundu Tyrkir
sig til þess að hætta aftökum á
fólki. Engar aftökur hafa farið
fram í Tyrklandi frá því 1984,
þótt enn sé heimilt þar sam-
kvæmt lögum að dæma fólk til
dauða.
Aftaka Öcalans myndi valda
Tyrkjum ýmis konar vandræðum
á alþjóðavettvangi og auka enn á
einangrun þeirra. Bulent Ecevit,
forsætisráðherra, er sagður treg-
ur til þess að fara með málið fyr-
ir þingið og fegnastur þvf að það
dragist sem mest á Ianginn.
Evrópusambandið hefur hvað
eftir annað sagt að ef Öcalan
verði tekinn af lífi þá muni það
draga mjög úr líkunum á því að
Tyrkland hljóti aðild að sam-
bandinu, en Tyrkir hafa lengi
sóst eftir því að komast inn í
þetta samfélag Evrópuríkja.
Þótt Evrópubúar og mannrétt-
indasamtök hafi brugðist
ókvæða við dauðadómnum hafa
Ijölmargir Tyrkir óspart þrýst á
að dauðadómurinn verði stað-
festur og honum framfylgt. Tyrk-
ir líta margir hverjir svo á að
Öcalan beri þyngstu ábyrgðina á
hernaðarátökum Kúrda og tyrk-
neska hersins, en um 37.000
manns hafa látist í þeim átökum
á síðustu 15 árum.
Þetta er mikið tilfinningamál í
Tyrklandi. Eftir að dómurinn var
staðfestur í gær söfnuðust um
það bil 100 manns, allt ættingjar
tyrkneskra hermanna sem fallið
hafa í átökunum við skæruliða
Öcalands, saman framan við
dómshúsið í Ankara og Iýstu
ánægju sinni með þessi málalok.
Skömmu síðar þyrptust um
það bil þúsund manns að þing-
húsinu í Ankara og hvöttu þing-
ið til þess að veita samþykki sitt
lyrir aftökunni.
mmsm
Kínversk ferja sökk
KÍNA - Kínversk farþegaferja sökk í gær út af austurströnd Kína,
og fórust þar sennilega töluvert á þriðja hundrað manns. Aðeins
36 manns höfðu hjargast í gær, en alls voru 312 manns um borð.
Um 1000 manns unnu að björgunarstörfum í gær, og höfðu þá
fundist hátt í 200 lík. Þungt var f sjóinn og hiti nálægt frostmarki,
og voru björgunarstörf því erfið. Eldur kviknaði um borð í skip-
inu og var þá neyðarkall sent, en nærstödd skip gátu ekki komið
fólkinu til bjargar vegna sjógangsins.
Jeltsín með vírus
RÚSSLAND - Boris Jeltsín, forseti
Rússlands, Iagðist veikur í gær og
dvelst á sveitasetri sínu meðan hann
er að ná sér. Forsetinn er með veiru-
sýkingu og lungnakvef. Veikindin
komu í ljós meðan Jeltsín var á fundi
með Vladimír Pútín forsætisráðherra
og öðrum embættismönnum og þurfti
Jeltsín að fara á sjúkrahús strax eftir
fundinn. Fresta þurfti öðrum athöfn-
um Jeltsíns í gær, m.a. undirritun
samnings um mun nánari tengsl Rúss-
lands og FIvíta-Rússlands, en til stóð
að gera það með hátíðlegri athöfn í
gær þar sem Alexander Lúkasjenkó forseti Uvíta-Rússlands átti
einnig að mæta til leiks. Mjög kalt hefur verið í Moskvu undan-
farið.
Olli sprenging flugslysinu?
BANDARIKIN - Yflrflugstjóri egypska flugfélagsins Egypt Air seg-
ir hugsanlegt að sprenging hafi oröið um borð í farþegallugvélinni
sem hrapaði skömmu eftir flugtak frá New York fyrr í mánuðin-
um. Vel sé hugsanlegt að sprengja cða flugskeyti hafi eyðilagt
húnað vélarinnar þannig að hún hrapaöi mun hraðar en eðlilcgt
má teljast. Sagðist hann eiga erfitt með að ímynda sér aðra skýr-
ingu. Aður hefur komið fram sú tilgáta að flugmaður vélarinnar
hafi viljandi steypt henni í hafið. 217 manns fórust með vélinni.
Boris Jeltsín veikur enn
eina ferðina.
Réttarbót á
Ermarsundi
Á eyjimni Sark í
Ermarsimdi lifír léns-
sMpulagið enn góðu
lífi.
Á eyjunni Sark, sem er í Ermar-
sundi, búa um það bil 600
manns. Stjómarfar á þessari
eyju er enn þann dag í dag ákaf-
lega fornt, en tók þó svolítið
stökk fram á við í gær þegar
numin voru úr gildi 434 ára
gömul Iög sem bönnuðu dætr-
um að erfa þar landareignir.
Völd á eyjunni eru í höndum
lénsherra bresku krúnunnar og
fara 52 höfðingjar með ákvörð-
unarvald í sameiginlegum mál-
efnum. Munu þarna vera síð-
ustu leifar lénsskipulagsins, en
eyjan er minnsta fullvalda ríkið
innan breska samveldisins.
Þarna búa meðal annars auðug-
ir menn sem reka stór fyrirtæki í
Bretlandi.
Ibúar eyjunnar eru sagðir vera
ánægðir með þessa breytingu,
sem mun hafa verið alllengi í bí-
gerð. En hlutirnir eru sagðir
breytast hægt á Sark. Ekki þótti
þó fært að draga þetta lengur
vegna þess að kæra átti máiið
fyrir Mannréttindadómstól Evr-
ópu.
Þótt nokkur réttarbót hafi í
gær orðið á þessari eyju, þá eru
þar enn í gildi ýmis fornleg
ákvæði. Þannig eru hjónaskiln-
aðir enn bannaðir. Sömulciðis er
bannað með öllu að aka þar bif-
reiðum - en sú regla gæti reynd-
ar vel átt eftir að eiga framtíðina
fyrir sér.
Dagsliðið - 9, lunferð
Bjarki
Sigurðsson
UMFA
Savukynas
Gintaras
UMFA
Eduard
Moskalenko
Stjörnunni
Einar Gunnar
Sigurðsson
UMFA
Jóhann G.
Jóhannsson
KA
Konráð
Olavson
Stjörnunni
Bjarki sex sinn-
iun í Dagsliðinu
Eftir níu umferðir í Nissandeild-
inni f handknattleik karla hefur
Bjarki Sigurðsson úr Aftureld-
ingu verið valinn sex sinnum í
Dagliðið og er þar með einn á
toppi Dagslistans. Næstur hon-
um kemur Bo Stage úr KA, sem
hefur verið valinn fimm sinnum
og þar næst þeir Njörður Árna-
son, Fram, og Egidijus Pet-
kevicius, FH, sem hafa verið
valdir fjórum sinnum.
Tíunda umferðin hófst í fyrra-
kvöld með leik Hauka og Vals í
Hafnarfirði þar sem Haukar
unnu með tjögurra marka mun
30-26, eftir að staðan var 15-12
í hálfleik. Haukarnir hefndu þar
með ófaranna í bikarnum í síð-
ustu viku og unnu nú sinn
fimmta sigur í deildinni. Fyrir
leikinn höfðu Haukarnir aðeins
unnið tvo af sex síðustu heima-
leikjum sínum á Strandgötunni,
sem var gegn IBV og Fylki í
Nissandeildinni. Tapleikirnir
sem töpuðust allir með aðeins
eins marks mun voru gegn
Fram, Víkingi og KA í deildinni
og Val í bikarnum.
Haukarnir leiddu mest allan
leikinn gegn Val í fyrrakvöld og
höfðu mest náð sex marka for-
skoti í seinni hálfleiknum.
Hjá Haukum var Sigurður
Þórðarson bestur og skoraði 5
mörk, en Jón Karl Björnsson var
markahæstur með 8/3 mörk. Júl-
íus Jónasson skoraði mest fyrir
Val, eða 6/1 mörk.
Tíunda umferðin heldur áfram
í kvöld og þá fara fram eftir-
taldir Ieikir:
Kl. 20.30 ÍR - HK
Kl. 20.00 KA - FH
Kl. 20.00 ÍBV - Fram
Laugard. 27. nóv.
Kl. 16.30 Víkingur - Fylkir
Sunnud. 28. nóv.
Kl. 20.00 UMFA - Stjarnan
Frítt á landsleik-
inn gegn Belgum
Islenska karlalandsliðið í
körfuknattleik leikur á morgun,
laugardag, gegn Belgurn í D-riðli
undankeppni Evrópumóts
landsliða. Leikurinn fer fram í
Laugardalshöll og hefst kl.
16:00. Frítt verður á leikinn í
boði Esso og Sprite og er mark-
miðið að fýlla Höllina og búa til
góða skemmtun úr leiknum.
íslenska landsliðið lék sinn
fyrsta leik í riðlakeppninni á
miðvikudaginn gegn Ukraínu-
mönnum og tapaði þar með 22ja
stiga mun, 44-66, þar sem
heimamenn leiddu allan leikinn.
Staðan í hálfleik var 34-21, en
íslenska liðinu tókst að minnka
muninn í sex stig 48-42 þegar
Iíða tók á seinni hálfleikinn, en
skoraði svo aðeins tvö stig gegn
22 stigum Úkraínumanna á
lokakaflanum.
Með Islandi í riðli leika auk
Úkraínumanna, Belgar,
Makedóníumenn, Slóvenar og
Portúgalir.
Belgar mæta til leiks á laugar-
daginn með firnasterkt lið, en
þeir unnu óvæntan sigur á
Makedóníumönnum á heima-
velli í fyrradag á sama tíma og
Slóvenar unnu stórsigur á Portú-
gölum. Þekktasti leikmaður
Belga er án efa Eric Struelens,
en hann hefur m.a. tekið þátt í
stjörnuleik alþjóða körfuknatt-
leikssambandsins. Hann er 30
ára, 207 cm á hæð og injög góð-
ur varnarmaður og var í NfRíi-3
liði Spánar eftir síðasta tímabil,
en þar leikur hann með stórliði
Real Madrid. Áður lék hann tvö
tímabil með Paris SG og varð
franskur meistari með liðinu.
Hann hcfur oft orðið belgískur
meistari með Charleroi og-
Mechelen.
Struelens var mjög eftirsóttur
fyrir þetta tímabil þrátt fyrir að
eiga eitt ár eftir af samningi við
Real, þar sem hann hefur um 50
milljónir króna í grunnlaun á
ári. Ilann hefur oftar en einu
sinni verið orðaður við banda-
rísku NBA-deildina og einnig
stórlið í Evrópu.
Auk Struelens spila tveir aðrir
Belgar með stórliðum í Evrópu,
en það eru þeir Jean-Marc
Jaumin sem leikur með Malaga
á Spáni og Mathias Desaever
sem leikur með Gravelinas í
Frakklandi. Aðrir leikmcnn liðs-
ins spila allir með liðum í Belg-
íu.
Það má því húast við hörku-
leik á morgun og vonandi að sem
flestir körfuknattleiksáhangend-
ur notfæri sér tækifærið til að sjá
þessi tvö hörkulið mætast á fjöl-
um Hallarinnar.
Friðrik Ingi Rúnarsson lands-
Iiðsþjálfari mun tilkynna lið sitt
eftir æfingu í dag og verður fróð-
legt að sjá hvort hann gerir ein-
hverjar hreytingar eftir tapleik-
inn gegn Ukraínumönnum á
miðvikudaginn.