Dagur - 27.01.2001, Síða 2

2
LAUGARDAGUR 27. JANÚAR 2001
l>a^wnr
HELGARPOTTURIN N
Bubbi Morthens.
Goðið Bubbi Morthens er þessa dagana
að semja lög fyrir sína nýjustu hljómsveit
Stríð og frið, en eins og bókmenntafróðir
vafalítið þekkja er nafnið sótt til hins fræga
rithöfundar Tolstoj. Hljómsveitin ætlar að
einbeita sér að þrumandi rokkurum og
stendur til að gefa út plötu síðar á árinu og
svo halda tónleika, en slíkir eru fyrirhugaðir
á Akureyri í næsta mánuói.
Stúlkur, framanlegar í útliti, hafa að undan-
förnu orðið æ meira áberandi á líkamsræktar-
stöðvum á Akureyri. Nú hefur verið upplýst að
þetta eru dansmeyjar sem starfa á Setrinu í
Sunnuhlíð. Eru þær í líkamsræktinni öllu betur
klæddar en gerist í vinnunni þegar kvölda tek-
ur: þá eru Evuklæðin ein látin duga. „Þetta eru
stelpur sem vilja gera eitthvað fyrir boddýið á
sér og vilja vera íformi," sagði Bernharð vert
á Setrinu í samtali við Helgarpottinn, sem nú í
janúar er með fimm stúlkur í þessari útgerð
sinni.
Bernharð
Steingrímsson.
Ragnheiður Björk Guðmundsdóttir
sem síðustu árin hefur verið markaðsstjóri
Kaupfélags Eyfirðinga hefur nú kvatt stór-
veldiö í höfuðstað Norðlendinga. Hennar
síðasti vinnudagur hjá félaginu í gær. Ekki
skal sagt hvort klárinn leiti þangað þar sem
hann er kvaldastur, en svo er víst að Ragn-
heiður snýr aftur á sinn fyrri vinnustað, Olís,
þar sem hún er nú að gerast starfsmanna-
stjóri.
Bráðlega verður hóað saman félögum í hinu
víðfræga Gránufélagi, sem nefnt er eftir einni
frægustu meri íslandssögunnar. Grána tók
þátt f margri kappreiðinni og kom stundum í
mark. Félagar Gránufélagsins, sem eru
margir af mætustu sonum þjóðarinnar, hafa
ekki komið saman í nokkur ár eða eftir að
Grána varð öll og fór í refafóður. Á árum áður
voru Gránublót hápunkturinn í samkvæmislífi
Reykjavíkur - ævinlega haldin um miðsvetr-
arbil í Rúgbrauðsgerðinni. En nú er Grána
endurfædd, að vísu brún nú, en Grána samt. Því er Gránufélagið líka
endurfætt og ætlar að blóta Gránu 3. febrúar og er búist við fjöl-
menni. Meðal Gránufélaga eru Svavar Gestsson sendiherra,
Steingrímur Hermannssson fv forsætisráðherra, Þorgeir Ör-
lygsson ráðuneytisstjóri, Friðgeir Björnsson dómstjóri og Bald-
ur Óskarsson Möðruvellingur. Þá eru ónefndir forsetar Gránufé-
lagsins, Guðmundur Birkir Þorkelsson skólameistari á Húsavík
og Atli Freyr Guðmundsson í iðnaðarráðuneytinu.
Sjóferðabænir, áheit og trúarhættir ís-
lenskra sjómanna eru efni bráðmerkilegs
fyrirlestrar í Sjóminjasafni íslands í Hafnar-
firði á fimmtudagskvöld í næstu viku. Þar
mun Jóhanna Sigmarsdóttir sóknar-
prestur á Eiðum á Héraði flytja fyrirlestur um
nefnt efni sem nefnist Hafdjúpin í hendi
þinni. Mun Jóhanna meðal annars huga að
því á hvern hátt menn iðkuðu trú sína frá
upphafi verferða til loka, áheit, sjómanna-
daginn og hvernig hann tengist kirkjunni.
Helgarpottverjar hafa líkt og aðrir af áhuga
fylgst með öryrkjamálinu svonefnda. Til að
fylgjast með lokaumræóu Alþingis um málið
fjölmenntu öryrkjar f hjólastólum í þingpalla
og venju samkvæmt komu myndir í blöóum
þar sem lögregluþjónar voru aó bera hjóla-
stólafólkið um stiga þinghússins. Hins vegar
þótti pottverjum vanta að sjá myndir af Árna
Johnsen við þetta tilefni, því einatt við sam-
bærileg tilefni hafa sést myndir af hinum Árni Johnsen.
miskunnsama Eyjamanni ( hjólastólaburði
sem einatt vill sýna samhug í verki.
Stjórnarbylting var á dögunum gerð í Karla-
kórnum Heimi í Skagafirði, þegar Þorvaldi
G. Óskarssyni á Sleitustöðum var velt úr
sæti formanns kórsins eftir 28 ára setu þar.
Nýr formaður er Páll Dagbjartsson,
skólastjóri í Varmahlfð. Þorvaldur er hins
vegar maður í sárum og neitaði að taka við
viðurkenningu á þrettándaskemmtun kórs-
ins. Sár sem seint gróa er haft eftir Þorvaldi
í Skagafjarðarblaðinu Feyki.
Þorvaldur G.
Óskarsson.
Jóhanna Sigmarsdóttir.
Svavar Gestsson.
Ragnheiður Björk
Guðmundsdóttir.
„Þarna eru allar skelf-
ingarnar sem fylgja
stríði og þörfin fyrir
frið“ segir Hörður Ás-
kelsson um dag-
skrána í Hallgríms-
kirkju.
Þétt dagskrá
um stríð og frið
Frumflutningur tónverks eftir Jón Hlöðver Áskelsson við texta eftir Böðvar Guð-
mundsson, ásamt Ijóði og frásögnum um stríðsátök í samtímanum er uppistaðan í
dagskránni Dagsöngvar um frið sem flutt verður í Hallgrímskirkju nú á sunnudag,
28. janúar, kl. 17.00.
„Þetta er þétt dagskrá um stríð og
frið“, segir Hörður Askelsson fram-
kvæmdastjóri Listvinafélags Hall-
grímskirkju sem stendur að við-
burðinum. Hann hcldur áfram.
„Grunnurinn að dagskránni er
þetta nýja tónverk hans bróður
míns, jóns Hlöðvers og texti Böðv-
ars Guðmundssonar sem þeir
sömdu í tilefni af 1000 ára kristni-
tökuafmælinu á síðasta ári, að ósk
Tónmenntasjóðs kirkjunnar. Það
var formaður sjóðsins, Haukur
Guðlaugsson sem hafði samband
við þá félagana og pantaði verk. Þá
varð þetta til, Dagssöngvar um frið.
Það deilist í fjórar tíðir dagsins.
Þetta eru bænir fyrir friði, morgun-
bæn, hádegisbæn, rökkurbæn og
kvöldbæn. Þetta er sambland af
frekar hefðbundum kveðskap og
óhcfðbundum. Þarna eru dregnar
fram skelfingarnar sem fylgja stríði
og þörfin fyrir frið. Verkið er skrifað
fyrir kór, tvo einsöngvara og orgel.
Það er Schola cantorum sem sér
um kórsönginn, Kári Þormar er á
orgelinu og einsöngvararnir eru
Guðlaugur Viktorsson tenór sem
syngur í kórnum okkar og Hlín Pét-
ursdóttir sópransönkona sem er
gamall kórfélagi hjá okkur og er
orðin virt söngkona í Þýskalandi.
Hún er stödd hér á landi núna við
æfingar á La Bohem og við gátum
gripið hana í þetta verkefni."
Litlar myndir úr stríði
„Við ákváðum að gera friðardagskrá
í kring um tónverkiö og settum
saman prógramm þar sem texti og
tónlist fléttast saman. Því kemur
þarna fram fólk sem hefur upplifað
stríð og hörmungar og afleiöingar
þess. Það er með stutta pistla, litlar
myndir af einhverju sérstöku sem
það minnist. Þetta er fólk sem hef-
ur starfað á vegum Rauða krossins
á þeim svæðum sem átök hafa geis-
að á. Hún Steinunn Arnþrúður
Björnsdóttir, betur þekkt sem Adda
Steina, hefur umsjón með þeim
þætti dagskrárinnar. Einnig verður
lesinn texti úr ritningunni sem
tengist þessu efni.
Eitt af því sem forvitni vekur í
dagskránni er ljóð sem sr. Jón Bjar-
mann, fyrrverandi fangaprestur
flytur. Ég veit ekki hvort það hefur
heyrst áður. Hann orti það þegar
hann upplifði það að vera tekinn í
gíslingu í Kúrdistan fyrir nokkrum
árum er hann var þar í heimsókn.
Þetta er stutt en afar áhrifamikið
Ijóð.“
Listadagskrá mánaðarlega
„Listvinafélag Hallgrímskirkju hef-
ur nú starfað á 19. ár. Það hefur
haft það að markmiði að efla Iistalíf
í Hallgrímskirkju og það má segja
með ágætum rökum að það mark-
mið hafi tekist. Við erum yfirleitt
með einhvers konar listadagskrá
einu sinni í mánuði og höfum reynt
að draga að fleiri listreinar en tón-
listina eina, ]>ótt hún skipi alltaf
veglegan sess hjá okkur. Þannig
• hefur myndlistin til dæmis fengið
töluvert rými hjá okkur og orðsins
list einnig. í dagskránni á sunnudag
er listreinunum blandað saman."
GUN.
MENN VIKUNNAR ER BREFRITARI!
Maður vikunnar skrifaði bréf vikunnar og setti orðspor
og sjálfstæði Hæstaréttar um leið í mikla hættu. Garðar
Gíslason, forseti Hæstaréttar, er talinn hafa valdið æðsta
dómstól þjóðarinnar meira tjóni með bréfaskrifum en
nokkur annar maður á þeim bæ fyrr og síðar. Bréf hans,
sem hann hafði fengið almennt samþykki naums meiri-
hluta hæstaréttardómara til að senda (að meðtöldum
ráðuneytisstjóranum fyrrverandi að sjálfsögðu), er að
flestra áliti alvarlegur atburður í sögu réttarins og enn
með öllu óljóst hvaða afleiðingar bréfið kann að hafa,
meðal annars á vanhæfi einstakra dómara í tilteknum
málum. Sá sem ábyrgð ber á slíkum aðgerðum er vel
hæfur til að kallast maður vikunnar!