Dagur - Tíminn Akureyri - 21.06.1997, Blaðsíða 7

^lagur-®mmm
LIFIÐ I LANDINU
á Akureyri og það ekki einu
sinni gott cappucino," segir
Jón. Guðrún viðurkennir að
hafa farið til Reykjavíkur á
tveggja mánaða fresti til að
byrja með en batnandi mönn-
um er best að lifa: síðast liðu
um 7 mánuðir á milli heim-
sókna.
Guðrún: „Pegar maður er
kominn inn í lífið hérna í sveit-
inni þá finnst manni það miklu
skemmtilegra en í Reykjavík.
Fólk hérna er yfirleitt mjög víð-
lesið. Og umtalsefnið er yfirleitt
innihaldsmeira í kaffiheimsókn-
unum hér en á kaffihúsunum í
Reykjavík."
Jón Ásgeir: „Það sem er líka
sjarmerandi við svona staði er
að samgangurinn milii bæja er
gríðarlegur..."
Guðrún Lilja: „Það líður
aldrei sá dagur að það koma
ekki gestir hérna.“
Jón Ásgeir: „Ef maður er
hins vegar búsettur á Hverfis-
götunni þá kemur fólk ekki í
heimsókn vegna þess að það
finnur ekki bílastæði. Þetta er
indælt mannlíf. Þetta er eins
gott fyrir mannsandann og
hægt er að hugsa sér. Menn eru
miklu víðsýnni. Á kaffihúsunum
í Reykjavík snýst allt um þetta
svæði upp að Elliðaánum en
hér eru menn að ræða málefna-
lega langt út fyrir sína sveit.“
- En nú komuð þið hingað til
að vera í friði, varla gefur
svona gestagangur mikið næði
fyrir vinnu?
Jón Ásgeir: „Þetta er öðruvísi
bögg. Böggið frá bransanum
var þannig að það var svo of-
boðslegur hraðinn að það var
alveg sama hvað maður gerði -
maður náði aldrei að skrúfa sig
niður."
Flúðu djöfulganginn
- Og hvernig tóku Aðaldælingar
þessu sunnanfólki. Er erfitt að
koma svona inn í gróið sveita-
samfólag?
Jón Ásgeir: „Sumir voru
reyndar eitt spurningamerki
fyrst. Ilvað voru Reykvíkingar
að gera hingað. Ég rneina, allir
hér eru að flytja suður. Er þessi
gæi einhver íjárglæframaður?
Það fyrsta sem fólki datt í hug
var að við værum að flýja eitt-
hvað fyrir sunnan. Auðvitað
vorum við að því: flýja djöful-
ganginn."
Guðrún Lilja: „En ég held að
fólk hafi gert sér grein fyrir að
okkur langaði bara til að koma
í sveitina og fólk tók okkur
mjög vel. Fyrsta veturinn sem
við vorum hérna var snjóavet-
urinn mikli. Það snjóaði allt í
kaf og það voru allir boðnir og
búnir að hjálpa okkur og
hringdu til að vita hvort vantaði
vörur eða mjólk.“
-Nóg hafa norðanmenn hleg-
ið að aumingjaganginum í
Reykvíkingar þegar hann rétt
hreytir úr sér einhverri slyddu -
hvernig leið ykkur í þessu fann-
fergi? Fenguð þið enga innilok-
unarkennd?
Guðrún: „Nei. Við vorum bú-
in að mikla snjóinn svo fyrir
okkur. Krakkarnir flippuðu út
þeim fannst svo gaman. Húsið
fór í kaf og okkur fannst þetta
bara ævintýralegt og skemmti-
legt.“
Jón Ásgeir: „Það reyndi nátt-
úrulega ekker‘ á okkur. Við vor-
um ekki með skepnur og það
þurfti ekkert að moka okkur út.
Internetið er algjörlega óháð
veðri og vindum.“
Guðrún Lilja: „Eina skiptið
sem okkur fannst þetta pínulítið
óþægilegt var þegar Logi litli
fæddist, nóttina sem snjóflóðið
féll á Flateyri og 70 rafmagns-
staurar brotnuðu hérna í daln-
um og það var rafmagns- og
símasambandslaust. Hann heit-
ir einmitt Fannar Logi eftir
veðrinu og kertaljósum nóttina
sem hann fæddist."
Erfiðlega gekk að nálgast
hjálp en kom á endanum og
náðu þau á sjúkrahúsið á Húsa-
vík korteri áður en drengurinn
fæddist.
Aðaldælingur ársins
Árið 1995 var Jón Ásgeir kjör-
inn Aðaldælingur ársins. Við-
tökurnar benda því til að Aðal-
dælingar kunni vel að meta
nýja íbúa þótt ekki stundi þeir
búskapinn heldur skapi sér at-
vinnu sjálfir. Guðrún, sem er
nýlega hætt í vinnu á meðferð-
arheimilinu að Árbót og ætlar
nú að snúa sér meira að smíð-
unum, leika sér með rekavið-
inn, smíða
leikföng og
barnahús-
gögn og er
leikskólinn í
dalnum
reyndar bú-
inn að
panta ein-
hver hús-
gögn.
Það eru
óþrjótandi
verkefni
fyrir Jón
Ásgeir inn-
an dalsins,
að eigin
sögn. Hann
ætlar að
gefa út bók
um hvali og
fékk sr. Sig-
urður Ægis-
son ná-
granna sinn
á Grenjað-
arstað til að
taka saman
efnið. Hann
er að taka
mynd um
lífríki Laxár
sem hann
vonast til að
veki áhuga
veiðimann-
anna sem
þangað flykkjast á sumrin. Og
nú loks er það hann sem hefur
alla þræði í hendi sér.
Svo mikið er víst að afkoma
þeirra á Skapalóni hrundi ekki
við það að fiytja um 500 kíló-
metra frá Reykjavík. Og það
hlýtur að vera mikils virði fyrir
rótgróna íbúa sem eru æ fleiri
að gefast upp á því að lifa af
búskapnum að fá inn í byggðar-
lagið drífandi fólk (sem langar
ekki suður) sem á tekjurnar
undir internetinu og lætur sér
ekki nægja að breyta skóla í
heimili heldur er strax farið að
hugsa um glerhýsið sem það
ætlar að setja ofan á húsið svo
það hafi nú almennilegt útsýni
til norðurs... lóa
Böggið frá brans-
anum var þannig
að það var svo of-
boðsiegur hraðinn
að það var alveg
sama hvað maður
gerði - maður náði
aldrei að skrúfa
sig niður,
„Netið er grundvöll-
urþess að ég geti
unnið, Menn í
Reykjavík nota netið
og ég er jafnfljótur
að senda verkin frá
mér og þeir,"
„Internetið er algjör-
lega óháð veðri og
vindum."
„Fólkhérna eryfir-
leitt mjög vfðlesið.
Og umtalsefnið er
yfirleitt innihalds-
meira íkaffiheim-
sóknunurrt hér en á
kaffihúsunum í
Reykjavík,!
,, ,það er ekki hægt
að fá neitt cappu-
cino nema inn á
Akureyri og það
ekki einu sinni gott
cappucino.,,
„Er þessi gæi ein-
hver fjárglæfra-
maður?"
„Ég var búinn að fá nóg af því í kvikmyndabransanum að
maður skrifar kvikmyndaverk sem lenda fyrst í höndunum
á pródúsentinum. Hann sker niður og klippir til að halda
utan um peningamálin. Sleppir stóra skipinu og bænum
sem hrynur af því að það er svo dýrt. Svo lendir þetta í
höndunum á leikstjóranum sem er ekki alveg sammála
manni um hvernig eigi að túlka þetta - og svo í leik-
urunum. Út kemur verk sem er eitthvað sem þú hefðir
aldrei gert.“
Laugardagur 21. júní 1997 -19
Vfiylgstu með umfjöllun
um menningu og listir
í ^Öegi-Tímanum
-besti tími dagsins
Styrktaraðili Leikfélags Akureyrar

Kylfinc' IGLT
|Dagur-®mttmt
-besti tími dagsins!
Á hverjum föstudegi er
sérstök síða helgud golfi.
Á golfsíðunni er
fjölbreytt umfjöllun
um allt það
sem er að
gerast í golfinu
á líðandi stund.
Fylgstu með í
Degi-Timanum
JkguÆmttmt
- besti tími dagsins!
TILBOD A
SMÁAUGLÝSINGUM
FYRSTA BIRTING
jOO KR.
ENDURBIRTING
400 KB.
Ofangreind verð miðast við staðgreiöslu eöa VISA / EURO
Sími auglýsingadeildar er 460 6100
■■ Fax auglýsingadeildar er 460 6161 m