Dagur - Tíminn Reykjavík - 25.03.1997, Blaðsíða 3

jDctgur-(Hmiutn
Þriðjudagur 25. mars 1997 - 15
L I F I Ð
LANDINU
Ungfrú Vesturl
er frá Húsavík
Húsvíkingurinn Erna Dögg
Þorvaldsdóttir hefur ver-
ið kjörin ungfrú Vestur-
land. Erna Dögg er vel þekkt á
Húsavík enda fædd þar og upp-
alin. Erna Dögg hefur æft með
HSÞ, keppt með unglingalands-
liðinu í 200, 400 og 800 metra
hlaupi og verið með fremstu
hlaupurum á landinu í 400 og
800 metra hlaupi. Erna Dögg
hefur verið kjörin frjálsíþrótta-
maður HSÞ 1996 og frjáls-
íþróttamaður Húsavíkur 1996.
Erna Dögg er 17 ára gömul
og nemandi við Fjölbrautaskóla
Vesturlands. Foreldrar hennar
eru Þorvaldur Vestmann Magn-
ússon, forstöðumaður tækni-
deildar HAB, og Bergljót Jóns-
dóttir verslunarmaður. Erna
Dögg fluttist með foreldrum
sínum til Akraness í byrjun
september og saknar vina og
ættingja á Húsavík. Hún hefur
þó verið íljót að aðlagast líflnu
á Akranesi og átt auðvelt með
að kynnast félögum sínum í
skólanum.
„Ég hef lítið getað keppt í
vetur út af þessari fegurðar-
samkeppni því að við höfum
alltaf þurft að æfa um helgar.
Það hefur haldið mér frá
keppni en ég stefni á landsmót-
ið í sumar,“ segir Erna Dögg.
Hún hefur verið í íþróttum frá
því hún var lítil og hefur reynt
að æfa einu sinni í viku í vetur.
Hún segist fara einu sinni í viku
á æfingar í Reykjavík og hafi
svo leiðbeiningar frá þjálfara til
að fara eftir.
Herra kjörinn líka
Fegurðarsamkeppnin á Vestur-
landi er eina samkeppnin þar
sem bæði eru kosin ungfrú og
herra Vesturland. Að þessu
sinni var Hannes Marinó Ell-
ertsson frá Stykkishólmi kjörinn
herra Vesturland. Hannes Mar-
inó er líka nemandi við Fjöl-
brautaskóla Vesturlands. -GHS
Húsvíkingurinn Erna Dögg Þor-
valdsdóttir hefur verið kjörin ung-
frú Vesturland. Erna Dögg flutti frá
Húsavík í september en keppir
áfram í hlaupi fyrir HSÞ. Hún stefn-
ir á landsmótið í sumar. Með henni
á myndinni er herra Vesturland,
Hannes Marinó Ellertsson frá
Stykkishólmi.
F.kki allir stærðfræðingar skrýtnir
Kári Ragnarsson, sig-
urvegari í stœrðfrœði-
keppni framhaldsskól-
anna, hefur unun af
talnafrœði sem mun
vera gjörsamlega
gagnslaus að
eigin sögn...
Kári sigraði í þessari keppni
nú í 2. sinn, var þar áður í
2. sæti. Hann þótti sýna
„töluverða yfirburði í keppninni"
en áhugasamir stærðfræðinem-
endur í framhaldsskóla geta and-
að léttar því Kári er nýútskrifað-
ur dúx frá MH (með alla áfanga
sem hægt er að taka við skólann
á skírteininu, 40 einingar og með
10 í 34 þeirra) og tekur varla aft-
ur þátt í keppninni.
Margir nemendur hrökkva í
baklás þegar minnst er á stærð-
fræði en það er kannski ekki
undarlegt að Kári hafi fengið
áhuga á faginu því hann er um-
kringdur stærðfræðingum. For-
eldrar hans eru báðir menntaðir
í stærðfræði, mamma hans kenn-
ir nú tölvufræði við háskóla í
Álaborg en pabbi hans er töl-
fræðingur. Og stóri bróðir í
stærðfræðinámi við Háskólann.
Ætlar Kári líklega að feta í fót-
spor þeirra og ná sér í grunnhá-
skólamenntun í stærðfræði „en
svo veit ég ekki hvað ég ætla að
taka mér fyrir hendur eftir það.“
- Hvernig ferðu að þessu?
Hefurðu alla tíð fengið 10 í STÆ?
„Ja, ég fékk 9 reyndar á sam-
ræmdu prófunum..."
- USS!
„Já, já, ég er ennþá að jafna
mig.“
Heilu tölurnar heilla
„Ég hef mest gaman af talna-
fræði. Þ.e. það sem snýr að heil-
um tölum og deilanleika talna en
það vill svo óheppilega til að hún
er talin gjörsamlega gagnslaus."
- Af hverju, vegna þess að lífið
er allt í brotum?
„Já, yfirleitt raðast þetta ekki
upp í heiltölustærðir. Mér skilst
reyndar að það sé að breytast
svolitið núna með tilkomu tölva,
að hún eigi að nýtast eitthvað
með þeim.“
- Hvað gerir heilu tölurnar
svona aðlaðandi?
„Ég veit það ekki. Þetta er
bara það sem ég hef haft mest
gaman af. Líklega vegna þess að
þetta er mitt sterkasta svið.“
- En einhvers staðar hlýtur að
vera hægt að nota talnafræði?
„Ja, hingað til hefur þetta að-
allega nýst í stærðfræðikeppn-
um.“
Lært til að klára bókina
- íslensk stærðfræðikennsla hef-
ur fengið óvægna gagnrýni síð-
ustu mánuði. Ef þú fengir að
ráða, hvernig myndirðu breyta
kennslunni í grunnskólum?
„Ég myndi heldur vilja að það
væri reynt að byggja upp stærð-
fræðilega hugsun í kennslunni.
Það er eins og það sé verið að
impra á öllu mögulegu en það er
ekkert klárað.“
- Hvað áttu við með stærð-
fræðilegri hugsun?
„Það er ákveðinn hugsunar-
háttur notaður í stærðfræði, rök-
fræði. Búnir að ná þessari hugs-
un eru menn fljótir að tileinka
sér hvaða námsefni sem boðið er
upp á.“
Kári var aðeins í rúm 2 ár í ís-
lenskum grunnskóla, var flakk-
andi á milli Danmerkur, Eng-
lands og Islands á grunnskóla-
aldri.
- Finnst þér hafa verið mikill
munur á kennslunni milli þess-
ara landa?
„Þegar ég var í Danmörku í 9.
bekk vorum við að læra rúm-
fræði. Sama bók var svo kennd í
MH. Mér fannst líka skrýtið fyrst
þegar ég kom hingað að svör
voru alltaf gefin í íslenskum
stærðfræðibókum. Mér fannst
hugsunin hér aðallega vera að
klára bækurnar meðan úti í Dan-
mörku vorum við að læra náms-
efnið. Svo þykir ekkert tiltökumál
hér þó menn séu jafnvel ári á
eftir með bækur í stærðfræði.
Klári 9. bekkjar námsefnið í 10.
bekk.“
Hvimleitt áhugamál
Kári er farinn að vinna. Við töl-
ur! Hann var fenginn til Talna-
könnunar þar sem menn þurftu
einhvern til að setja sig inn í for-
rit sem reiknar út skuldbinding-
ar fyrir lífeyrissjóði. „Þetta er
ágætt, ekkert verra en hvert
annað starf. En þetta væri nátt-
úrulega frekar hvimleitt áhuga-
mál.“
Framundan er svo norræna
stærðfræðikeppnin og því næst
Ólympíuleikar greinarinnar í
Argentínu. Kári hefur 2svar áður
farið á Ólympíuleikana. Þar segir
hann koma saman sumt af því
furðulegasta fólki sem hann hef-
ur séð „en maður tekur meira
eftir þeim - það eru ekkert allir
stærðfræðingar skrýtnir." lóa
Kári Ragnarsson fékk ekki amalega einkunn frá aðstandendum stærðfræðikeppninnar: „Hann sýndi töluverða
yfirburði í keppninni og leysti allar þrautirnar nánast á fullkominn hátt.“ Myn&.Pietur