Dagur - Tíminn Reykjavík - 01.05.1997, Blaðsíða 14

14 - Fimmtudagur 1. maí 1997
^Bbtgur-ðlmtmn
KARFA
Grikklandsári Teits lokið
Teitur Örlygsson, prímus
mótor Njarðvíkinga til
ijölda ára, mun ekki leika
í Grikklandi aftur. Hann lék með
gríska liðinu Larissa á síðasta
tímabili og var ekki ánægður
með hvað hann fékk lítið að
leika með í hverjum leik. Teitur
sagði í samtali við blaðið að
hann hefði talið sig kunna eitt
og annað í körfubolta þegar
hann hélt til Grikklands en þeg-
ar þangað kom var nokkuð ljóst
að kunnáttan var öllu minni en
haldið var á íslandi. Teitur sagði
að gríska deildin væri einhver
sú sterkasta í álfunni og grísk
lið allstaðar á toppnum. Þess
vegna er mjög erfitt að vinna
sér fast sæti í þessum liðum. Um
framhaldið sagði Teitur að sig
langaði að leika í Vestur-Evrópu
eins og Guðmundur Bragason
og Herbert Arnarson, þar væru
möguleikar sínir miklu meiri.
„Umboðsmaðurinn er að athuga
málin fyrir hann og þar til sá
lætur í sér heyra er allt í óvissu
um hvort ég verð hér heima eða
úti“, sagði Teitur að lokum.
Áður auglýstum
Laugamarkaði
sem vera átti sunnudaginn 4. maí nk., er
frestað um óákveðinn tíma af óviðráðanleg-
um orsökum.
HSÞ.

Aðalfundur
Skógræktarfélags
Eyfirðinga
verður haldinn f Kjarnalundi (Hótel Hörpu) mið-
vikudaginn 7. maí 1997 kl. 20.
Dagskrá:
1. Venjuleg aðalfundarstörf.
2. Fræðsluerindi um skógarsveppanytjar, Guðríður
Gyða Eyjólfsdóttir.
3. Kaffiveitingar.
4. Önnur mál.
Stjórnin.
Opinn fundur
Þórshöfn-Raufarhöfn
Tómas Ingi Olrich alþingismaður og Einar Kr. Guð-
finnsson formaður samgöngunefndar verða með
fundi um sjávarútvegs- og vegamál sem hér segir:
Félagsheimilinu Þórshöfn: Föstu-
( ^Tp daginn 2. maí kl. 20.30.
~ \ Félagsheimilinu Raufarhöfn:
™:v Laugardaginn 3. maí kl. 14.00.
Allir velkomnir.
Kjördæmisráð Sjálfstæðisflokksins.
Fjölmennasta
Hængsnwtíð
Hængsmótið, hið árlega íþróttamót fatlaðra sem Lions-
klúbburinn Hængur stendur að, verður sett í íþrótta-
höllinni í dag klukkan 16 og keppni hefst strax að af-
lokinni setningu. Yfir 230 keppendur eru skráðir til leiks
víðs vegar að af landinu og er þetta fjölmennasta mótið til
þessa. Keppt er í fjórum greinum, í einstaklings- og sveita-
keppni í boccia, borðtennis, lyftingum og í bogfimi en
keppni í síðasttöldu greininni fer fram í Iþróttahúsinu að
Hrafnagili í Eyjafjarðarsveit á laugardag. Á myndini hér að
ofan sjást bocciamenn reyna með sér.
HANDBOLT!
KA-menn ræða við
Hlyn og Sigtrygg
Markverðirnir Hlynur Jó-
hannesson, sem stóð í
marki HK og var valinn
í landsliðshópinn í fyrsta sinn í
vetur, og Sigtryggur Albertsson
eru báðir inni í myndinni sem
leikmenn KA, en íslandsmeist-
ararnir eru sem kunnugt er í
markvarðahallæri eftir að báðir
markverðir liðsins frá því í
fyrra lögðu skóna á hilluna.
Þeir Hlynur og Sigtryggur hafa,
samkvæmt heimildum Dags-
Tímans, báðir fengið tilboð frá
KA, en hvorugur þeirra hefur
gefið endanlegt svar, en þess er
að vænta á allra næstu dögum.
í vikunni var gengið frá
munnlegu samkomulagi við
landsliðsmanninn Björgvin
Björgvinsson, en hann var með
tilboð í vasanum frá liðum á
suð-vesturhorninu. Þá hafa KA-
menn gengið frá samningum
við Jóhann G. Jóhannsson, Sæv-
ar Árnason og flesta af yngri
leikmönnum liðsins.
KARFA
Herbert áfram
erlendis
s
IR-ingurinn Herbert Arnarson,
sem lék með hollenska liðinu
Donar í vetur, sagði að allar hk-
ur væru til þess að hann léki
aftur í Evrópu á næsta tímabili.
í samtali við Dag-Tímann sagð-
ist Herbert hafa verið mjög
ánægður hjá Donar og forráða-
menn félagsins hefðu boðið
honum áframhaldandi samning
en sig langaði að breyta til. Um-
boðsmaður hans vinnur að því
að koma honum fyrir hjá evr-
ópsku liði og er bjartsýnn á að
það takist.
En hvernig gekk Herberti að
komast í lið Donar?
„Það má segja að ég hafi far-
ið beint inn í liðið. Ég kom út á
þriðjudegi og mætti á æfingu
þann sama dag. Daginn eftir var
frí en leikur á fimmtudeginum.
Ég lék í 30 mínútur í þeim leik,
gekk ekkert sérlega vel í fyrri
hálfleik en ágætlega í þeim
seinni og skoraði 10 stig. Það
var mjög gott að finna hvað
þjálfarinn treysti mér og eftir
það gekk mér mjög vel.“ gþö
KNATTSPYRNA
Örninn er lentur
Varnarmaðurinn sterki, Sig-
urður Örn Jónsson, hefur
tekið takkaskóna af hillunni og
æfir nú af kappi með KR-ing-
um. Þetta eru sannkölluð gleði-
tíðindi fyrir KR því Sigurður er
óneitanlega einn allra besti
varnarmaður landsins. Það h't-
ur því út fyrir að KR-vörnin
verði sterk í sumar þegar báðir
„týndu synirnir", Þorsteinn og
Sigurður, hafa snúið heim.
KNATTSPYRNA
Naumt tap KR
KR-ingar gerðu góða ferð til
Belgíu, en í fyrradag tapaði
hðið naumlega fyrir Lommel,
2:1, en Lommel er í 4. sæti deild-
arinnar og berst fyrir Evrópu-
sæti. KR lék án landsliðsmanna
sinna sem voru í Slóvakíu, auk
þess sem Þorsteinn Jónsson var
meiddur. KR-ingar báru alltof
mikla virðingu fyrir gestum sín-
um í fyrri hálfleik og gáfu þeim
tvö mörk en í þeim síðari settu
þeir í gang og stjórnuðu leiknum
eftir það. Það var eftir mikla
pressu frá Þórhalh Dan Jóhanns-
syni sem Belgarinr gerðu sjálfs-
mark og þeir voru heppnir að fá
ekki á sig fleiri mörk. gþö
KRAFTLYFTINGAR
Nýstáriegt kraftamót
*
slandsmótið í kraftlyftingum
verður haldið í KA-heimilinu
á laugardaginn næstkomandi
og óhætt er að segja að bryddað
verði upp á ýmsum nýjungum í
mótshaldinu. Mótið verður opnað
með tvísöng þeirra Arnar Viðar
Birgissonar og Óskars Pétursson-
ar sem munu flytja þjóðsönginn
og hópur skáta mun verða með
fánahyllingu á meðan. Búast má
við einhverjum frekari uppákom-
um á mótinu, að sögn
mótshaldara.
„Okkur hefur fundist sem
kraftlyftingarfélögin hafi ekki
staðið sig nógu vel undanfarin ár,
hvað varðar umgjörð á þessum
íslandsmótum," segir Rúnar
Friðriksson, formaður Kraftlyft-
ingafélags Akureyarar. „Það er
ekkert launungarmál að kraftlyft-
ingar hafa ekki náð almennum
vinsældum og þetta er ein tilraun
til að breyta því. Hugmyndin á
bak við þetta er að gera mótið að
skemmtun fyrir alla íjölskylduna,
en það finnst okkur hafa vantað
á kraftlyftingarmótum, “ segir
Rúnar, en mótið var síðast haldið
norðan heiða fyrir ellefu árum.
Að sögn Rúnars verða bestu
kraftlyftingarmenn landsins með
á mótinu. „Þetta verður feikiöfl-
ugt mót, til að mynda verður
Auðunn Jónsson meðal kepp-
enda í 125 kg flokki og hann
mun reyna við þúsund kíló í
samanlögðu. Jón B. Reynisson,
sem keppir í yfirþungavigt, + 125
kg flokki, en hann á mest allra
íslendinga í hnébeygju og bekk-
pressu. Þetta eru stærstu nöfnin,
en svo kemur einnig hingað til
lands danskur lyftingamaður,
Thomas Hedderman, sem keppir
í 100 kg flokki, en við eigum von
á því að keppnin í þeim flokki
verði mjög skemmtileg."
Búist er við því að um 25-30
keppendur verði á mótinu.