Dagur - Tíminn Reykjavík - 08.05.1997, Blaðsíða 2

Dagur - Tíminn Reykjavík - 08.05.1997, Blaðsíða 2
14 - Fimmtudagur 8. maí 1997 Jflanur-ÍEtmirat LIFIÐ I LANDINU Ungafólkið Þrautaganga skólafólks er byrjuð og komin vel á veg, hið endalausa labb ungafólksins millifyrir- tœkja til að spyrja um vinnu, fylla út eyðublöð, rœða við yfirmenn og reyna að koma velfyrir til að koma nú örugglega til greina í happdrœttinu um góðu og velborguðu vinnuna í sumar. Það eru tiltölulega fáir sem detta í lukkupottinn og upp- skera ríkulega í peningum yfir sumarið, mun fœrri heldur en tíðkaðist á árum áður. Atvinnu- horfurnar eru þó mun betri í sumar en síðustu sumur og munfleiri komnir með vinnu nú miðað við sama tíma ífyrra. (^jsumar- störfin Hlakkar tíl Hallósins Marías Kristjánsson er að ljúka námi frá kennaradeild Háskól- ans á Akureyri og fer að kenna í haust en í sumar verður hann tjaldvörður. „Ég verð hérna á tjaldstæðinu og hlakka mest til hátíðarinnar Halló Akureyri. Maður tekur bara á málum eins og ætlast er til af manni en ég held að þetta verði aldrei eins margt og í fyrra." Marías hlakkar til að vinna sem tjaldvörður. „Að kynnast fólki hvaðan æva er spenn- andi," en með haustinu fer hann að kenna austur í Nes- kaupstað. Síðustu þrjú sumur hefur Malli unnið sem fiokks- stjóri í unglingavinnunni í Nes- kaupstað. „Það er nauðsynlegt að öðlast reynslu af sem flest- um störfum." -mar Marías verður tjaldvörður í sumar. Beint í rekstur Guðmundur R. Gíslason les nú undir síðustu prófin í Kennara- deild Háskólans á Akureyri en stefnir samt ekki á kennslu með haustinu. „Ég er að ráða mig í vinnu sem framkvæmdastjóri fyrir hótel- og veitingastað á Neskaupstað og býst við að ég verði í því næstu árin. Ég leigi aðstöðuna og stofna fyrirtækið sjálfur en það var bæjarstjórnin í Neskaupstað sem valdi úr um- sækjendum." Guðmundi sýnist að þeir nemendur sem hann umgengst hafi átt auðvelt með að fá vinnu í sumar, hafi jafnvel valið úr störfum. „Ég veit samt að það er atvinnuleysi hér á Akureyri og flestir eru að fara að vinna annars staðar." Guðmundur hefur ekki áhyggjur af því að vera ekki á leiðinni í kennslu segist bara kenna seinna. -mar Guðmundur fer í f ramkvæmdarstjórn. Auðvelt að fá vinnu Arnþór, 19 ára, vinnur hjá Bónus og verður þar í sumar. „Allir mínir félagar eru útivinn- andi og í kvöldskóla líka. Það er enginn þeirra í dagskóla. Það er mjög auðvelt fyrir þá að fá sér vinnu," segir Arnþór Gunn- arsson, 19 ára starfsmaður hjá Bónus, þar sem hann var að renna sér á bretti á Ingólfs- torgi. Arnþór hefur verið í fastri vinnu hjá Bónus í rúmt ár og telur sig verða þar í sumar. En skyldi ekki vera erfitt fyrir vini hans að fá sér vinnu? „Nei, nei. Þeir hafa mjög góð sambönd," segir hann. -GHS Misjafnt hvenær ég fæ svar Menntskælingurinn Sigurrós Pálsdóttir er að leita sér að vel launaðri vinnu því að hún fer til útlanda í sumarfrí. „Ég hef reynt að leita mér að vinnu en það gengur hægt. Það er ekki mikill tími til þess. Ég hef sótt um og það er ofboðslega misjafnt hvenær ég fæ svar.- Sumir vilja að ég reki á eftir því og aðrir segja að ég fái svar bráðum," segir Sigurrós Páls- dóttir, tvítugur menntskælingur. Sigurrós segist vera að leita sér* að „einhverri vinnu sem gef- ur góðan pening. Ég er að fara út til London þannig að ég er að safna. Ég er til dæmis að leita að vinnu í búð eða einhverju sem er ekki beint krefjandi," segir hún. Sigurrós telur misjafnt hvort skólafélagar hennar séu búnir að fá vinnu. Sumir þeirra hafi verið með sömu vinnuna sumar eftir sumar og gangi að henni vísri. Sjálf hafi hún hins vegar verið erlendis í fyrra og hitti- fyrra og gangi því ekki að neinu vísu. Margir séu í sömu sporum. - En er mikið atvinnuleysi? „Það er örugglega eitthvað en ekki mikið í kringum mig," segir hún. - -GHS \Atvinnu- tilboð streyma inn Atvinnuhorfur ungsfólks eru prýðilegar ísum- ar. Atvinnutilboð hafa streymt inn til Vinnumiðlunar stúdenta. Staðan hjá okkur er ljóm- andi góð. Atvinnurekend- ur hafa tekið við sér í fyrri kantinum og þáð rjúka inn og út atvinnutirboð og starf- semin hefur verið mjðg líf- leg. Minnst eftirspurn er eft- ir yngstu nemunum allt nið- ur í 16 ára úr framhalds- skólum landsins. Það eru þeir sem hafa minnstu starfsreynsluna á vinnu- markaðinum og eru komnir styst í námi. Það hefur verið nokkuð áberandi hversu lítil eftirspurn er eftir slíkum vinnukrafti," segir Erla Hlín Hjáhnarsdóttir, fram- kvæmdastjóri Vinnumiðlun- ar stúdenta. Hún segir að atvinnurek- endur sækist eftir mjög sér- hæfðum vinnukrafti, fólki sem er komið langt í há- skólanámi og er komið með talsverða starfsreynslu og þekkingu á afmörkuðum sviðum. Þá hefur tækniþekk- ing verið eftirsótt, verk- fræðinemar, iðnaðartækni- fræði og af viðskiptasviði. Það eru helst nemar með mikla sérþekkingu sem fá góð laun fyrir sumarvinn- una, um eða yfir 150 þúsund krónur. „Það er af sem áður var. Það hafa komið inn tilboð um góð sumarlaun og þá er- um við fyrst og fremst að tala um sérhæfðu launin," segir Erla Hlín. Um 1.300 nemar eru á skrá hjá Vmnumiðlun stúd- enta, þar af eru margir sem þegar eru komnir með sum- arvinnu eða eru um það bil að finna sér hana án milligöngu miðlunarinnar. Erla Hlín segist þó búast við að Vinnumiðlunin verði starfrækt langt fram á sum- ar, þannig hafi það að minnsta kosti verið í fyrra.

x

Dagur - Tíminn Reykjavík

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagur - Tíminn Reykjavík
https://timarit.is/publication/253

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.