Dagur - Tíminn - 29.08.1996, Side 2

2 - Fimmtudagur 29. ágúst 1996
iHcigur-'2Imtnm
F R E T T I R

Ipottinum er rætt um eilífa
þörf á sameiningu og nú eru
það sparisjóðirnir sem eru í
mörgum sveitarfélögum, og
ekki síst norðlenskum. Enginn
vill þó gefa eyðublað í margriti
og í hámæli komst fyrir nokkr-
um árum umræðan um sam-
einingu sparisjóða við utan-
verðan Eyjafjörð! Árangurinn
varð sá að annar sparisjóðs-
stjóranna varð afgreiðslustjóri,
annað ekki, því viðskiptavin-
irnir héldu áfram nafninu á
gamla sparisjóðnum á tékk-
heftunum. Enn er talað um
sameiningu við utanverðan
Eyjafjörð; hvernig til tekst
ræðst ef annar tveggja kóng-
anna gefur eftir. íbúarnir í
þessum byggðalögum hafa
löngum eldað grátt silfur sam-
an, aðrir kallaðir Leridar af íbú-
um hins byggðalagsins en fá í
staðinn nafnið Kartöflur. Á Ak-
ureyri er talað um sameiningu
tveggja sparisjóða þar sem
konur, drottningarTráða ríkjum.
Það er líka eina vitið.
Eggert Haukdal hefur sko
ekkert á móti Jóni Baldvin
og skellir því fram í umræð-
unni um hvort Jón Baldvin gefi
kost á sér sem formaður Al-
þýðuflokksins eða ekki. Menn
í pottinum hafa fregnir af því
að Eggert hæli kappanum út
og austur enda þekki hann
ekki svipmeiri stjórnmálamann
þó þar vanti sárlega sauða-
svipinn og Eggert brosir víst á
mannamótum á Suðurlandi
þegar hann segir af afrekum
Jóns. -Og höfgi dettur á allan
pottinn.
Laugardalshöllin var þéttskipuð kennurum og öðru starfsfólki grunnskóla Reykjavíkur í gær á fundi Fræðslumiðstöðvar Reykja-
VÍkur. DT-mynd: Pjetur
Yfír 2000 nýir starfsmenn
Öllum starfsmönnum
grunnskóla Reykjavíkur,
2.200 talsins, var boðið
til kynningarfundar
um Fræðslumiðstöð
Reykjavíkur í gær.
Tilgangur fundarins var að
kynna hlutverk, skipulag
og verkefni Fræðslumið-
stöðvarinnar og bjóða hina nýju
starfsmenn borgarinnar vel-
komna til starfa hjá borginni,
en þeir voru ríkisstarfsmenn
áður en grunnskólinn var alfar-
ið fluttur frá ríki til sveitarfé-
laga. Flutningur grunnskólans
hefur haft nokkrar breytingar í
fór með sér, t.d. hafa skólaskrif-
stofur nú tekið við af fræðslu-
skrifstofum sveitarfélaganna. í
Reykjavík heitir skólaskrifstof-
an Fræðslumiðstöð Reykjavíkur.
Hún heyrir undir Fræðsluráð
Reykjavflcur og annast í umboði
ráðsins yflrstjórn menntamála
á vegum borgarinnar. Fræðslu-
miðstöðinni er skipt í þrjú svið:
þjónustusvið, þróunarsvið og
rekstrarsvið. Fagleg þjónusta,
þ.e. kennslufræðileg og sál-
fræðileg þjónusta, er veitt á
þjónustusviðinu. Þróunarsviðið
heldur utan um upplýsingar um
skólastarf í borginni, annast
upplýsingamiðlun og stýrir
áætlanagerð um starfsemi
skóla. Ráðningar- og launamál
kennara og annarra starfs-
manna skólanna heyra undir
rekstrarsvið, sem og Qárhags-
leg og rekstrarleg þjónusta við
skólana.
Fundurinn hófst með leik
Strengjasveitar frá Tónskóla
Sigursveins. í>á ávarpaði Sigrún
Magnúsdóttir, formaður
Fræðsluráðs, fundinn, Gerður
G. Óskarsdóttir fræðslustjóri
flutti erindi, Barnakór Grensás-
kirkju söng og forstöðumenn
þjónustusviðanna þriggja
kynntu hver sitt svið. Að lokum
var fundarmönnum boðið upp á
kaffi. gos
■HUriUUÍZ.
Varð undir
valtara
Vinnuslys varð á Akureyri
í gærdag er maður á fer-
tugsaldri varð undir valt-
ara við Kringlumýri en þar var
verið að malbika bflastæði.
Maðurinn var að vinna með
þjöppu á stæðinu og varð hægri
fótur hans undir valtaranum
með þeim afleiðingum að hann
brotnaði. GG
Vestfirðir
Forsetinn
í heimsókn
Opinber heimsókn Ólafs
Ragnars Grímssonar og
Guðrúnar Katrínar Þor-
bergsdóttur, eiginkonu hans,
hefst á föstudagmorgun, þegar
þau heimsækja byggðir í Isa-
Qarðarsýslu. Þetta er fyrsta op-
inbera heimsókn nýkjörins for-
seta út á land, en fyrirhuguð er
heimsókn tif Danmerkur á
næstunni.
Flugvél forseta lendir á Þing-
eyrarflugvefli á föstudagsmorg-
un, þaðan sem haldið er til
Hrafnseyrar. Þar mun forseti
m.a. leggja blómsveig að minn-
isvarða Jóns Sigurðssonar. Um
hádegi verður komið til Þing-
eyrar og þar höfð viðdvöl fram
eftir degi. Síðdegis verður fræg-
ur skrúðgarður að Núpi við
Dýrafjörð skoðaður, íbúar á
Flateyri heimsóttir og lagður
blómsveigur við kirkjima í
minningu þeirra sem fórust í
snjóflóðum þar á síðasta ári. Þá
verður höfð viðdvöf á Holti í
Önundarfirði, farið til Suður-
eyrar og á leiðinni mun forseti
skoða framkvæmdir við jarð-
gangagerð. -sbs.
„Atvinna og byggðastefna í bland
ii
Guðmundur Lárusson
formaður Landssambands
kúabœnda
Hagrœðing og aukin fram-
leiðni eru nauðsgnleg til að
bœta afkomu kúabœnda,
sem hefiir versnað stórlega
síðustu ár. Þetta kom m.a.
fram á aðalfundi Landssam-
bands kúabœnda núfgrr í
vikunni.
Inúverandi stöðu er kúabúskapur
rekinn sem sambland af atvinnu og
illa skifgreindri byggðastefnu. Af-
koma bænda í þessari grein hefur
versnað verulega á síðustu árum, sem
meðal annars kemur fram í því að
yngra fólk fer síður í kúabúskap og
ekki er ráðist í endurnýjun húsakosts.
Meðalaldur bæði bænda og bygginga
fer stighækkandi frá ári til árs og þessi
grein mun með sama áframhaldi deyja
út á skömmum tíma,“ segir Guðmund-
ur Lárusson, bóndi í Stekkum í Flóa og
formaður Landssambands kúabænda í
viðtali við Dag-Tímann.
Aðalfundur Landssambands kúa-
bænda var fyrr í vikunni haldinn að
Hallormsstað á Héraði. Afkomumál
bænda í greininni voru helsta umíjöll-
unarefnið - og á þvx' tekið frá mörgum
og ólíkum sjónarhornum, að sögn Guð-
mundar Lárussonar.
Afurðastöðvar hagræði
„Við teljum afar mikilvægt að enn
frekar verði unnið að hagræðingamál-
um hjá afurðastöðvum mjólkuriðnað-
arins. Þar hefur árangur vissulega
náðst, en ekkí nægilegur. Framleiðni á
hvern starfsmann stöðvanna hefur
verið að dragast saman á síðustu miss-
erum, á meðan hún hefur stórum auk-
ist hjá starfsmönnum fyrirtækja í sam-
bærilegum rekstri. Auðvitað kemur
minni framleiðni fram í samdrætti á
tekjum okkar kúabænda.
Þá var á fundinum samþykkt álykt-
un um hugsanlegan innflutning á nýju
mjólkurkúakyni. Rannsóknir þar sem
kostir, til dæmis hins íslenska kúakyns
og norska kúa í Færeyjum, hafa verið
bornir saman hafa leitt í ljós að til ým-
issa erlendra kúakynja megi í mikil-
vægum atriðum sækja ýmsa erfða-
bundna yfirburði sem íslenskar kýr
hafa ekki. Þær gefi til dæmis talsvert
meiri afurðir; mjólki meira og séu
vöðvameiri. En þetta mál verður að
skoða af blákaldri rökhyggju og með
yfirvegun, og það má ekki stjórnast af
tilfinningasemi. Enginn er heldur að
tala um að þótt nýtt kúakyn yrði flutt
til landsins væri íslenska kyninu alfarið
skipt út,“ segir formaður Landssam-
bands kúabænda.
Guðmundur Lárusson segir að
nauðsynlegt sé að leita allra leiða sem
bætt geti afkomu kúabænda. Hann
segir þrjá þætti einkum hafa valdið því
að tekjur bændanna hafi dregist sam-
an á síðustu árum. Það er lækkandi
verð á nautakjöti, hertar kröfur af
hálfu afurðastöðva um gæði mjólkur
frá framleiðendum og síðast en ekki
síst auknar kröfur um meiri framleiðni
hvers bús. Þessu hafa menn reynt að
mæta af fremsta megni, en engu að
síður sé ljóst að meira þurfi til í al-
mennum aðgerðum sem bæta megi af-
komuna.
Af einstökum og gagnmerkum
ályktunum aðalfundar Landssambands
kúabænda má m.a. nefna ítrekun á
fyrri samþykkum sambandsins um nið-
urfellingu aðflutningsgjalds á fóðri. Er
bent á að mismunandi tollar á innflutt-
um fóðurblöndum annarsvegar og
hinsvegar á hráefni séu til þess fallnir
að halda uppi afar takarmakaðri sam-
keppni í verslun með fóður - og þar
með háu fóðurverði. Það hafi svo aug-
ljóslega leitt til þess að hagur bænda
hafi ekki batnað né vöruverði til neyt-
enda lækkað. Einnig má nefna ábend-
ingu til stjórnar Samtaka afurðastöðva
í mjólkuriðnaði þar sem hvatt er til að
í fullri alvöru verði skoðaður sá mögu-
leiki að seld verði ófitusprengd mjólk.
Segir Guðmundur Lárusson að mörg
fyrirtæki í matvælaiðnaði þurfi til
framleiðslu sinnar að fá mjólk sem
ekki er fitusprengd - en hún hafi ekki
fengist til þessa. Ljóst sé að afurða-
stöðvarnar þurfi að bjóða uppá þessa
vöru, enda sé það í þágu almennt auk-
innar mjólkurneyslu í landinu.
Að sögn Guðmundar voru menn á
aðalfundi Landssambands kúabænda
almennt sammála um að halda núver-
andi kerfi í stjórn mjólkurframleiðslu.
Meginatriði þess kerfis eru frjáls við-
skipti með framleiðslurétt, opinber
verðlagning, innflutningsvernd, styrkir
frá Framleiðnisjóði og niðurgreiðslur á
mjólkurverði, sem eru í formi bænda
með svonefndum beingreiðslum. - En
að mati Guðmundar stendur þó uppúr
eftir fundinn það mikilvæga atriði að
bæta afkomu bænda í greininni sem
helst næst í gegn með aukinni fram-
leiðni og hagræðingu hjá öllum sem að
málum þessum koma. -sbs.