Dagblaðið Vísir - DV - 15.03.1986, Blaðsíða 2

Fréttir Fréttir Fréttir Fréttir
EF þegar á toppnum
Ef marka skal niðurstöður skoðanakönnunar DV er
gerð var síðastliðið miðvikudagskvöld þá hefur lagið EF
þegar sigrað í undankeppni söngvakeppni sjónvarps-
stöðva. Hin raunverulega úrslitakeppni verður hins vegar
haldin í beinni útsendingu í sjónvarpssal í kvöld og þar
geta úrslitin að sjálfsögðu orðið önnur.
Sjónvarpsáhorfendum til glöggvunar birtum við hér
DV-úrslitin. Lögunum er raðað eftir vinsældum en í sjón-
varpinu í kvöld mun dómnefnd láta sér nægja að velja
eitt lag. Önnur verða ekki dregin í dilka:
1. EF(Björgvin Halldórsson) ..................................................... 28,4%
2. GLEÐIBANKINN (Pálmi Gunnarsson) ............................................ 17,6%
3. VÖGGUVÍSA (Erna Gunnarsdóttir) ............................................. 13,5%
4. MITT Á MILLI MOSKVU OG WASHINGTON (Eiríkur Hauksson) ....................... 12,2%
5. GEFÐU MÉR GAUM (Eiríkur Hauksson) .......................................... 9,5%
6. MEÐ VAXANDI ÞRÁ (Björgvin og Erna) ......................................... 6,7%
7-8. l’TVILEK(PálmiogErna) ......................................................... 5,4%
7-8. ÉG LIFI í DRAUMI (Björgvin Halldórsson) .................................. 5,4%
9. ÞETTA GENGUR EKKILENGUR (Eiríkur Hauksson) ................................. 1,3%
10. SYNGDU LAG (Pálmi Gunnarsson) .................................................. o,0%
-EIR
GLAÐAR
OG
RÍKAR
- Bobbysocks! neita að
ræða um peninga en þáðu
morgunmat í rúmið frá DV
Stelpumar í Bobbvsocks! sváfu vel
í nótt, fyrstu nótt sína undir íslensk-
um himni, og þær vöknuðu af sælum
draumi með morgunverðarbakka frá
DV í fanginu. Betra gat það varla
verið.
Þær Elisabet Andreaswn og
Hanne Krogh þvertóku fyrir að láta
mynda sig í rúminu með DV-rún-
stykkin, enda óhægt um vik þar sem
önnur var í sturtu og hin með stírur
í augum. Með þeim í för eru þeir
Terje Engen, sem stýrir hljómplötu-
fyrirtæki þeirra. og nmboðsmaður-
inn Tryggve Sunbo. Sá síðarnefndi
deilir herbergi með Hanne Krogh.
Allirkunna lagið
I kvöld gefst sjónvarjrsáhoifendum
kostur á pð sjá þær stöllur kyrja
sigurlagið úr síðustu söngvakeppni
sjónvarpsstöðva í beinni útsendingu
sjónvarpsins þar sem íslenska sigur-
lagið verður valið. Það verður ekki
fyrsta sjónvarpsútsendingin sem
Bobbysocks! taka þátt í því þær hafa
verið á þeytingi frá því að La'det
svinge vann hug og hjörtu evrópskra
sjónvarpsáhorfenda fyrir tæpu ári.
Bobbysocks! hafa komið fram í vfir
50 sjónvarpsþáttum á undanförnum
mánuðum, ferðast til Astralíu, Sov-
étríkjanna og Singapore, svo eitt-
hvað sé nefnt, og alls staðar kunna
íbúamir norska lagið og „svinga"
með.
Peningar leyndarmál
„Nei, við segjum ykkur ekki hvað
við höfum grætt mikla peninga,"
sagði Hanne Krogh er DV forvitnað-
ist um fjárhagsstöðu Bobbysocks! á
Hótel Loftleiðum í gær. „Núna eru
meiri peningar í veltunni en áður
en á móti kemur að útgjöldin eru
snöggtum meiri." sagði Hanne
Krogh og umboðsmaður hennar og
herbergisfélagi, Ti-yggve Sunbo,
bætti við: „Eg veit hvað stelpumar
em búnar að græða en segi ekki frá
því.“
Bobbysocks! hafa allavega ráð á
að klæða sig sómasamlega. I gær
voru þær i nýstárlegum gallabuxna-
sámfestingum, eins og tvíburar á leið
í afrnæli. Þær léku á als oddi enda
á leið í Broadway að hlýða á Gunnar
Þórðarson og stórhljómsveit hans.
En íjörið byrjar fyrst í kvöld rétt
eftir klukkan 21 þegar íslenska úr-
slitakeppnin hefst. Þá fá Bobby-
socks! að hlýða á verðlaunalagið sem
þær eiga vonandi eftir að krýna sem
sigurlag í söngvakeppni evrópskra
sjónvarpsstöðva í Björgvin í Noregi
3. maí næstkomandi.
„Det er sá vakkert og morsomt í
Bergen," sögðu Bobbysocks! -EIR
Elisabet Andreason og Hanne Krogh
á Hótel Loftleiðum í gær: Við segjum
ykkur ekld hvað við_ höfum grætt
mikla peninga. DV-mynd PK.
Dóm-
nefnd
fer
huldu
höfði
-óttivið þrýsting
Fimm manna dómnefnd mun velja
besta lagið í söngvakeppni sjón-
varpsins í kvöld. Dómnefndin hefur
þegar verið valin en aðeins á fárra
vitorði hverjir nefndarmenn eru.
„Við erum hræddir um að þeir fái
ekki frið fyrir landsmönnum með
Björn Björnsson
ákveðnar skoðanir á því hvaða lag
sé best," sagði Björn Björnsson hjá
Hugmynd sem annast framkvæmd
keppninnar hér á landi, -EIR
Hljóðfærin
eru þógnuð
-en söngurinn lifir
Hljóðfæraleikararnir í stórhljóm-
sveit sjónvarpsins þurfa ekki að
hafa af því áþyggjur að slá fcilnótur
i beinu útsendingunni í kvöld. Búið
er að taka upp allan undirleik og
verður hann spilaður af bandi.
Hljómsveitarmeðlimir hreyfa sig
síðan í takt. Söngvararnir syngja
hins vegar lögin fyrir framan
myndavélarnar og fimm manna
dómnefnd sem staðsett verður í
sama sal.
Gestir útvarpsstjóra, höfundar
iaga og texta, makar og fleiri fylgj-
ast með keppninni af skjá á öðrum
stað í sjónvarpshúsinu. Þar verður
Helgi Pétursson, fyrrum ritstjóri,
einnig til staðar með hljóðnemann
og tekur gesti tali.
í lok útsendingar, er dómnefnd
hefur komist að niðurstöðu, verður
innsigli á unislagi, er geymir nafn
vinningshafans, rofið af borgarfó-
geta og sigurvegarinn krýndur með
farmiða til Björgvinjar og 200 þús-
und króna ávísun frá Ríkisútvarp-
inu. -EIR