Dagblaðið Vísir - DV - 23.02.1987, Blaðsíða 9

MÁNUDAGUR 23. FEBRÚAR 1987.
27
Iþróttir
•Einar Vilhjálmsson tekur sig vel út í lögreglubúningnum, með kylfuna í annarri hendi og spjótið í hinni
„Neita því ekki að ég hefði
kosið mér annað lrfsmynsturá ‘
- segir Einar Vilhjálmsson, spjótkastari og lögreglumaður
Keppnistíraabil frjálsíþróttamanna
nálgast óðum og undirbúningur þeirra
stendur nú sem hæst. Við spurðum
Einar hvemig honum gengi.
Bíður eftir afreksmannasjóði
„Aíreksmannasjóður ÍSl hefur
ákveðið að styrkja íþróttamenn mark-
visst á þessu ári með ólympíuleikana
í Seoul í huga. Ég bíð eftir úthlutun
sjóðsins og tek ákvarðanir um fram-
tíðarplan fyrir árið þegar ljóst verður
hvemig úthlutunin fer. Annars stefni
ég að því að komast til Bandaríkjanna
um miðjan mars en þá hætti ég í lög-
reglunni. Annars er útlitið ekki alltof
bjart og ég sé ekki fram úr þessu fjár-
hagslega."
„Á von á því að bæta mig
- Hvemig leggst komandi keppnis-
tímabil í þig? Átt þú von á að bæta
árangur þinn í sumar?
„í fyrra var ég meiddur í sex mánuði
og missti úr mikilvægan tíma í undir-
búningnum og það reyndist mér
dýrkeypt. Núna hef ég getað beitt mér
af fúllum krafti í grunnþjálfun, hef
getað gengið inn í fyrra æfingamynst-
ur og ég geri mér miklar vonir um að
bæta mig í sumar. Þessar vonir mínar
um bætingu byggjast að mestu leyti á
trú á eigin getu. Ég hef þegar bætt
mig nokkuð í ýmsum þáttum grunn-
þjálfunarinnar sem mun væntanlega
koma til með að skila sér í bættum
árangri þegar líða tekur á keppnis-
tímabilið. Þá hefur þessi mikli hlý-
indakafli undanfarið skipt sköpum
fyrir mig. Ég hef getað kastað utan-
dyra og það á örugglega eftir að
reynast mér vel að hafa getað komist
í tengsl við spjótið í hlýindunum und-
anfarið."
„Stefni á fyrsta Grand Prix
mótið31.maí“
- Hvenær átt þú von á því að geta
byrjað að keppa á mótum?
„Mín áætlun miðast að því að vera
með á fyrsta Grand Prix mótinu sem
fram fer í Bandaríkjunum 31. maí.
Annars eru mín mál í nokkurri bið-
stöðu eins og er en ég reyni að rúlla
áfram eins og efni og aðstæður leyfa.
Það verður mjög mikið um stórmót í
sumar. Þar nægir að nefha öll Grand
Prix mótin, fimmtán eða sextán að
tölu, heimsmeistaramótið í Róm,
heimsleika stúdenta, Evrópumeistara-
mótið í Portúgal, stjömumót FRÍ hér
heima og svo auðvitað landsmót UM-
FÍ. Það verður því í nógu að snúast í
sumar.“
„Vaktavinnan óhagstæð“
- Nú ert þú spjótkastari á heims-
mælikvarða. Finnst þér ekki neyðar-
legt að þurfa að vinna vaktavinnu
þegar þú ættir í raun og veru að ein-
beita þér algerlega að spjótkastinu?
„Ég segi það enn og aftur að ég er
þakklátur fyrir að hafa fengið þetta
starf á sínum tíma. En ég get ekki
neitað því að ég hefði kosið mér annað
lífsmynstur sem skilaði mér meiri ár-
angri. Vaktavinna er ekki bestu
skilyrðin fyrir íþróttamann í fram-
förum. En ég er hættur að láta þetta
svekkja mig. Ég gerði það í fyrra og
það er liðin tíð. Ég berst engu að síður
fyrir umbótum."
' „Dreymdi aldrei um lögreglu-
mannsstarfið“
- Þú hefúr aldrei átt þann draum sem
polli að verða lögga?
„Nei, mig dreymdi aldrei um að
verða lögga. Hins vegar er ég mjög
þakklátur fyrir að hafa fengið að
kynnast þessu starfi eins og ég sagði
áðan. Ég vissi og veit að margir eru
með fordóma í garð lögreglunnar.
Þessir fordómar verða yfirleitt til í
samskiptum einstaklinga við lögregl-
una undir alls kyns kringumstæðum.
Og í langflestum tilfellum eiga þeir
ekki við nein rök að styðjast."
- Hefur það hjálpað þér í starfi lög-
reglumannsins að vera landsþekktur
íþróttamaður?
„Ég veit ekki hvað ég á að segja.
Þó get ég ekki neitað því að margir
einstakhngar, sem ég hef einhverra
hluta vegna þurft að hafa afskipti af,
hafa að einhverju marki ótt eitthvað
sameiginlegt með mér. Og þá á ég sér-
staklega við áhuga á íþróttum. Það
hefur því oft verið hægt að ræða um
íþróttimar og þá hefúr annað komið
sjálflcrafa í kjölfarið. Ég er mjög þakk-
lótur fyrir að hafa aldrei þurft að beita
valdi í þessu starfi," sagði Einar Vil-
hjálmsson.
Einsdæmi í heiminum?
Það hljómar vægast sagt pínlega að
einn samviskusamasti og besti íþrótta-
maður okkar skuli þurfa að standa í
þeim sporum í dag að þurfa að þræla
í lögreglunni til að sjá sér og sínum-
farborða. Ef allt væri eðlilegt væri
Einar Vilhjálmsson eingöngu að ein-
beita sér að íþróttagrein sinni. Ef við
getum ekki séð til þess að svo verði í
framtíðinni getum við ekki krafist
þess endalaust að Einar standi í efstu
þrepum verðlaunapalla á alþjóðlegum
mótum.
-SK-
gar:
starf í lögreglunni óg mér hefur líkað vel við starfið. í>etta er athygli-
svert starf og því er ekki að neita að maður verður vitni að ýmsum
hlutum sem hinn almenni borgari kemst sjaldan í tæri við,“ sagði Einar
Vilhjálmsson spjótkastari í samtali við