Dagblaðið Vísir - DV - 19.09.1987, Blaðsíða 19

LAUGARDAGUR 19. SEPTEMBER 1987.
19

að minni vertíð1 ‘
en Pétur Ormslev verður heima og passar
„Eg söng lög í Þýska-
landi undir nafninu
Helga Helgason en ég
kunni ekki við það. Þetta
var svo yfirborðskennt,"
sagði Helga og hló.

2 og verður fyrsti þáttur hennar
sendur út í kvöld. Er hún að halda
áfram að tala til þeirra sem horfðu
á barnatíma sjónvarpsins á öðrum
vettvangi?
„Nei, ekki endilega. íslenski listinn
er þáttur fyrir alla fjölskylduna og
ekkert frekar fyrir unglinga. Við
höfum einmitt ætlað okkur að höfða
til þeirra sem eru að horfa á Nítján,
nítján, að fá þá til að horfa áfram á
dagskrá Stöðvar 2. Við Pétur Steinn
ætlum að vera með gesti í þættinum,
jafnt eldri sem yngri. Jafnvel ein-
hverjar uppákomur, til dæmis að
ungur söngvari syngi lag með eldri
söngvara eða eitthvað í þá áttina.
Við viljum með þessum þætti breyta
því að vinsældalisti sé bara fyrir
unglinga. Þátturinn á að vera fjöl-
skylduþáttur og við vonumst til að
hann eigi eftir að falla í góðan jarð-
veg. Við fylgjumst með því sem
verður að gerast og fáum bæði inn-
lenda og erlenda skemmtikrafta í
heimsókn."
- Er þátturinn eitthvað í líkingu við
Skonrokk?
„Nei, ekki alveg, hann er reyndar
með erlendum videomyndum en
einnig innlendum. Ef íslenskt lag
kemst upp listann fáum við hljóm-
sveitina sem á það í heimsókn og hún
leikur lagið auk þess að spjalla við
okkur.“
Ekki of gömul
- Eruð þið ekkert hrædd um að missa
eldri áhorfendur yfir á fréttatíma
sjónvarpsins?
„Það á eftir að koma í ljós. Við
vitum að það er viss hópur sem horf-
ir alltaf á fréttirnar í sjónvarpinu.
Það er erfitt að fá það fólk til að
breyta vananum. Hins vegar eftir að
fréttatíminn á Stöð 2 lengist og verð-
ur þetta fjölbreyttur magasínþáttur
er ég viss um að það verða margir
sem halda áfram að horfa á Stöð 2
og þá á þennan þátt.
- Heldur þú að þið Pétur Steinn séuð
of gömul til að stjóma slíkum þætti.
Þá meina ég að unglingunum finnist
þið of gömul?
„Það eru skiptar skoðanir á því.
Ég vil ekki meina það. Þeir sem
stjórna þáttum sem þessum í Þýska-
landi, Englandi og Bandaríkjunum
Pétur Ormslev hefur verið mikið í fréttum í vikunni
enda kjörin knattspyrnumaður Islandmeistara-
mótsins um síðustu helgi. Það má því segja að
sviðsljðsið hafi beinst að honum. Pétur hóf
fyrir stuttu störf hjá Stöð 2 og sama má segja
um konu hans, Helgu Möller söngkonu.
Hún hefur nú látið af störfum við barna-
tíma Ríkissjónvarpsins en byrjar í kvöld
með þætti á Stöð 2 sem nefnast ís-
lenski listinn. Einnig hefur hún ráðið
sig sem söngkona í Broadway í
vetur í sýningu sem þar verður
sett upp með KK-sextettinum og
söngkonunni Ellý Vilhjálms. Þar
fyrir utan fluttu þau fyrir rúm-
um hálfum mánuði í nýtt hús
og fyrir fimm mánuðum
eignuðust þau son. Það
má segja að margt hafi
verið að gerast hjá
þeim undanfarna
mánuði. Helga og
Pétur segja sitt-
hvað af sjálfum
sér hér á opn-
unni.
eru á mínum aldri,“ sagði Helga og
maður hennar sagði að auðvitað
þyrfti fólk að hafa ákveðna reynslu
að baki í slíku starfi.
„Ég er orðin leið á því að fólk sé
orðið of gamalt fyrir einhverja
hluti,“ sagði Helga og bætti við:
„Það fer í taugarnar á mér vegna
þess að það er búin að vera alltof
mikil unglingadýrkun. Það er ein-
mitt kominn tími til að breyta til.
Þegar Þorgeir Ástvaldsson og Edda
Andrésdóttir voru með Skonrokk
þóttu þau ekki gömul og mér finnst
ég ekki gömul þrjátíu ára. En það
verða örugglega skiptar skoðanir á
því. Þetta er krítískt starf. Maður •
veit að áhorfendur horfa gagnrýnum
augum á fólk sem kemur fram í sjón-
varpi, ég geri það- sjálf,“ sagði hún.
„Þetta er svipað og í fótboltanum,"
sagði Pétur og hélt áfram að tala um
aldur. „Ef menn eru eitthvað komnir
yfir þrítugt og gera einhver mistök
þá eru þeir taldir of gamlir. Ef hinir
sömu menn standa sig vel er ekkert
um það talað.“
Erfitt fyrst
„Mér finnst margir þættir með
unglingum hafa verið góðir en aðrir
hafa verið ömurlegir. Það er eins og
engir megi skilja húmorinn í þeim
og mér fmnst nóg komið af slíkum
þáttum," sagði Helga.
- Ætlið þið að leita að fyrirmyndum
til erlendu poppstöðvanna þar sem
stjórnendurnir eru mjög hressir?
„Helst ekki. Við ætlum bara að
vera við sjálf og vera eðlileg. Ekki
vera með yfirborðs- og sýndar-
mennsku,“ svaraði Helga en Pétur
sagði að það mætti alltaf túlka allt
þannig að það væri verið að herma
eftir einhverju. „Þetta er ekki svo
breitt svið,“ sagði hann.
„Ég held að við ættum að geta hald-
ið uppi góðri stemmningu en það
verður kannski svolítið erfitt fyrst.
Við verðum sjálfsagt í stífara lagi í
fyrstu þáttunum en þeir verða teknir
upp í veitingahúsinu Evrópu. Ég
held samt að þetta eigi eftir að verða
skemmtilegir þættir.
- Þú ert vel skóluð fyrir framan
myndavélar?
„Já, en það er alltaf einhver
sviðsskrekkur í manni sem enginn
getur losað sig við. Þetta er ólýsan-
leg tilfinning en það er spenna sem
gerir vart við sig í hvert sinn sem
maður fer fram fyrir myndavélar.
Þetta er spurningin um að koma
fram fyrir alþjóð og verða gagnrýnd-
ur.“
- Þú hefur fengið að kynnast gagn-
rýninni?
„Já, svo sannarlega þó oft heyri ég
minnst af henni. Mér sárnar nú oft
á tíðum en þetta er hlutur sem lærist
og maður reynir að humma fram af
sér. Þegar farið- er að blanda fjöl-
skyldu manns inn í þessa gagnrýni
er það orðið erfitt. Dóttir mín kvart-
ar stórlega undan því að eiga for-
eldra sem eru frægir."
40 manna sýning
- Nú ert þú líka að fara að syngja í
Broadway í vetur?
„Það á að setja upp sýningu með
KK-sextettinum, Ellý Vilhjálms og
Ragnari Bjarnassyni i nóvember.
Fjörutíu manns munu taka þátt í
þessari sýningu þar sem tengist sam-
an leiklist og tónlist. Fjórir söngvar-
ar syngja bakraddir, ég, Björgvin
Halldórsson og Jóhann Helgason, en
það er ekki búið að ráða þann fjórða
svo ég viti, sagði Helga.
- Það verður sem sagt nóg að gera
hjá þér um helgar í vetur?
„Já,“ sagði Helga „og þá fær hann
að passa," bætti hún við og benti á
Pétur. „Nú er mín vertíð að byrja. .
Það er reyndar ágætt að skipta þessu -
á milli okkar.” Nú fer Helga oft á
íþróttaleiki þegar Pétur er að keppa
en ætlar hann að horfa á hana í
Broadway? „Ætli maður fari ekki á
frumsýninguna," sagði Pétur og hló
því hann ætlar jú að gæta bús og
barna.
Flutt í nýtt hús
- Nú eruð þið nýflutt í raðhús hér í
nýja miðbænum og komuð úr Kópa-
vogi?
„Já, við vildum fara að festa okkur
framtíðarhúsnæði því það var ætlun-
in hjá okkur að stækka. Okkur
fannst betra að gera það áður en
dóttir mín yrði rótgróin í Kópavogi
í sambandi við skóla og vini,“ sagði
Helga. „Eiginlega vorum við að
hætta við því við fundum ekkert sem
okkur líkaði," sagði Pétur. „Það var
eiginlega fyrir tilviljun sem fast-
eignasali benti okkur á þetta hús hér
í Kringlunni. Staðurinn hentar okk-
ur vel því stutt er fyrir mig að fara
á æfingar í Safamýrinni."
Enn er margt ógert í nýja húsinu.
Þau biðu eftir teppalagningarmanni
og eitt og annað á eftir að laga.
„Hann má aldrei vera að því að gera
neitt,“ sagði Helga og benti á Pétur.
„Það hefur verið svo mikið að gera
hjá honum að það er várla að hann
hafi sést hér heima. Þess vegna hefur
flutningurinn og stússið í kringum
hann lent meira á mér. Núna þegar
ég fer að vinna og Pétur verður
heima getur hann gert meira,“ sagði
hún og hló. „Það er komið að hon-
um.“
Mikill gestagangur
Helga er ennþá með fimm mánaða
gamlan son sinn á brjósti og hún
segist ætla að skreppa heim og gefa
honum þegar hún er byrjuð að vinna.
„Það er svo mikil hagræðing í
þessu,“ sagði hún. „Þetta er ókeypis
og við erum að byggja og svo er bara
miklu þægilegra að standa ekki í
pelaveseni.“
- Hafa húsakaupin verið ykkur fjár-
hagslega erfið?
„Já, auðvitað er það erfitt en við
látum okkur hafa það. Vinnum bara
rneira," sagði Pétur. „Annars finnst
okkur við ekki ennþá eiga heima hér
- þetta eru mikil viðbrigði frá því sem
var. Auk þess höfum við hvorugt
áður búið svona niðri á jörðinni,
hvað þá á tveimur hæðum,“ sagði
Pétur. „Mér finnst alveg undarlegt
að þurfa allt í einu að hlaupa upp
og niður stiga,“ sagði Helga. „Það
er mjög þægileg tilhugsun að vera
komin í húsnæði sem við getum ver-
ið í um næstu framtíð."
- Er ekki truflandi að búa hér vegna ~
umferðar um Kringluna?
„Við finnum ekki fyrir því vegna
þess að við erum hér fyrir ofan. En
það hefur aldrei ve*ið jafnmikill
gestagangur hjá okkui og síðan við
fluttum hingað og það er ágætt.“
Þau Helga og Pétur hafa komið sér
ágætlega fyrir. Hafa bæði nóg að
gera og veturinn er 'rælskipulagður.
- En hvenær ætla i 'u að gifta sig?
Þau litu h 'Oit á amiað við þessa
persónulega spurningu en síðan
svaraði Helga: Við höfum nú ekki
ákveðið það. Hann n;fur oft beðið ^
mín en við höfum i 'ki gefið okkur
tíma og í mínum augum erum við
gift,“ sagði Helga Möller, söngkona
og sjónvarpsstjarna, og knattspymu-
maðurinn Pétur Ormslev samsinnti
því.
DV-myndir: Kristján Ari Einarsson