Dagblaðið Vísir - DV - 27.04.1990, Qupperneq 6

6
FÖSTUDAGUR 27. APRÍL 1990.
Viðskipti _______________________________________
Þess vegna kom tilboðið í Stöð 2:
Minnihlutmn í Stöð 2 telur
sig gróflega sniðgenginn
- er afstaða bankans dæmi um frjálsa verslun með hlutabréf?
Frá stjórnarfundi i Eignarhaldsfélagi Verslunarbankans. Þeir hluthafar sem
eru í minnihluta i Stöð 2 ætluðu sér að ná meirihlutanum fyrst og fremst til
að bjarga þeim peningum sem þeir eiga fyrir í Stöðinni, samkvæmt áreiðan-
legum heimildum DV.
Þeir Hörður Jónsson, umsvifamik-
ill í byggingariðnaðinum og Gunn-
steinn Skúlason, aðaleigandi Sóln-
ingar hf., sem báðir eru í minnihluta-
hópi hluthafa í Stöð 2, gerðu tilboð í
100 milljóna króna hlut Eignarhalds-
félags Verslunarbankans í Stöð 2,
ásamt Gunnari Jóhannssyni, for-
stjóra Fóðurblöndunnar, vegna þess
að þeir telja að meirihlutinn hafi
gróflega sniðgengið minnihlutann
viö stjórnun Stöðvarinnar. Jafn-
framt óttast þeir að endurreisnar-
starf Stöðvar 2 skili ekki þeim gróða
sem áætlaður var, ekki síst vegna
harðnandi samkeppni á sjónvarps-
markaðnum með tilkomu Sýnar. Og
það þykir mönnum sem hafa lagt
tugi milljóna króna í fyrirtækið til
að hagnast á því ekki vera góður bis-
ness.
Minnihlutinn í Stöð 2, þeir félagar
sem lögðu fram 150 milljónir króna
í hlutafé eftir að ljóst var að kominn
var fram meirihluti undir forystu
formanna samtaka verslunarinnar,
þeirra Haralds Haraldssonar, Jó-
hanns J. Ólafssonar og Guðjóns
Oddssonar, lögðu fram þetta fé fyrst
og fremst til að græða á því. Þeir telja
sig nú svikna. Loforð hafi verið gefin
um að hluthafar ynnu allir sem einn
að því að rétta fyrirtækið við, ná
fram hagnaði á rekstrinum og gera
þar með hlutabréfin verðmætari.
Einn hluthafinn í minnihlutahópn-
um orðar það svo að mönnum hafi
verið tahn trú um þegar þeir settu
milljónir í fyrirtækið að það ætti að
ræða saman reglulega og vinna
kröftuglega að sameiginlegu mark-
miði. Þess í stað hafi verið sambands-
leysi á milli minnihlutans og meiri-
hlutans og að jafnvel megi orða það
sem svo að meirihlutinn hafi snúið
baki við minnihlutanum.
Bjarga þeim peningum
sem þeir eiga fyrir
Keppnin á milli hluthafa Stöðvar 2
um meirihlutann í fyrirtækinu snýst
fyrst og fremst um það hvemig hægt
sé að ná sem mestum hagnaði út úr
Stöðinni og gera þannig hlutaféð sem
verðmætast. Keppnin um meirihlut-
ann er leiðin að því að hrinda mark-
miðum í framkvæmd. Markmið pen-
ingamannanna eru augljóslega þau
að Stöðin sé rekin með hagnaði. Þeir
óttast að þetta takist ekki. Með til-
boðinu, sem heíði gefið þeim meiri-
hluta, var því ætlun þeirra að bjarga
þeim peningum sem þeir voru búnir
að leggja í dæmið.
Þegar hefur einn þeirra sem stóðu
Fréttaljós
Jón G. Hauksson
að tilboðinu, Gunnsteinn Skúlason,
forstjóri Sólningar hf., lýst því yfir
að ætlunin hafi verið að ná meiri-
hlutanúm til að opna félagið og gera
það að almenningshlutafélagi.
Ef þetta er skoðað betur er ljóst að
almenningur kemur ekki og leggur
fram hlutafé nema hann hafi trú á
að fyrirtækið beri sig. Hins vegar
má ætla að eftir að ný sjónvarpsstöð,
Sýn hfi, kemur til sögunnar í haust
verði róðurinn erfiðari fyrir Stöð 2
og minni líkur eru á að hagnaður
náist.
Minnihlutinn óttast því núna að
peningarnir sem voru lagðir fram
skili sér ekki til baka og hvað þá að
þeir ávaxtist sem skyldi. Þess vegna
er sú skoðun innan minnihlutans að
hiklaust eigi að taka upp viðræður
við Sýnarmenn um samstarf. Hugs-
un peningamannanna í minnihlut-
anum er sú að vart sé rými á mark-
aðnum fyrir sterkt Ríkissjónvarp og
bæði Stöð 2 og Sýn. Á það hefur hins
vegar ekki reynt ennþá. Á hinn bóg-
inn hlýtur sú stöð að lifa af markaðs-
stríðið sem hefur betri hugmyndir
og betra sjónvarpsefni. Svo einfalt -
og kalt - er það.
Afstaða bankans frjáis
verslun með hlutabréf?
Nokkra athygli hefur vakið að
Eignarhaldsfélag Verslunarbankans
skyldi hafna tilboðinu í 100 milljóna
króna hlut sinn í Stöð 2. Tilboðið var
lagt fram á miðvikudaginn í síðustu
viku og félagið hafði viku til að svara
því. Tilboðið var einfalt; 100 milljónir
út í hönd, greitt í júní.
Þeir sem eru undrandi á að Eignar-
haldsfélagið skyldi segja nei takk
hafa haldið því fram félagið hljóti að
meta það sem svo að þessi skráði 100
milljóna króna hlutur sé meira virði
en 100 milljónir. Að hægt sé að fá
hærra verð seinna. En það er yfirlýst
stefna Eignarhaldsfélagsins að selja
þennan hlut sinn.
Þegar haft er í huga að minni
möguleikar hljóta að vera á hagnaði
af rekstri Stöðvar 2 eftirað Sýn kem-
ur á vettvang í haust mætti ætla að
erfiðara verði fyrir Eignarhaldsfé-
lagið að selja hlut sinn. Endanlegt
svar fæst auðvitað ekki fyrr en á
hólminn er komið á markaðnum og
sjónvarpsáhorfendur velja og hafna.
Þá hefur annað atriði vakið upp
spurningar vegna afstöðu Verslun-
arbankans um að hafna tilboðinu.
Þetta er spurningin um það hvort
banki sem kennt hefur sig við frjálsa
verslun og frjáls viðskipti hafi með
höfnun tilboðsins gengið á skjön við
þetta markmið sitt. Þetta eru enn
skemmtilegri vangaveltur vegna
þess að meirihlutinn, sem hefði misst
meirihlutavöldin ef sala hlutabréf-
anna hefði farið fram, er formenn
samtaka verslunarinnar í landinu.
Löglegt en siðlaust?
í þessu sambandi er vert að minna
á að Eignarhaldsfélagið var í nokk-
urri úlfakreppu vegna Stöðvar 2 um
áramótin og leitaði til formanna sam-
taka verslunarinnar um að koma til
hjálpar og finna hluthafa. Gerður var
samstarfssamningur við meirihlut-
ann um samstarf hans við Eignar-
haldsfélagið til ársins 1992.
Svona samningur hlýtur að vega
þungt og að minnsta kosti að vekja
upp þá spurningu hvort það sé ekki
löglegt en siðlaust að hlaupa frá
svona samningi og snúa bakinu við
mönnum sem komu félaginu til
hjálpar. Áfram má hins vegar spyrja
hvort það sé ekki einnig siðlaust að
frysta úti hluthafa sem líka komu
félaginu til hjálpar, þó í minnihluta
væru, og neita að selja þeim.
Eigendur myndlykla
kaupi stöðina
Sú hugmynd hefur komið fram á
meðal fjármálamannanna í minni-
hlutanum um að styrkja Stöðina í
sessi sem almenningshlutafélag
vegna harðnandi samkeppni við Sýn
með því að bjóða eigendum mynd-
lykla að gerast hluthafar. Dæmið er
hugsað þannig að búið sé að selja
hátt í 50 þúsund myndlykla að Stöð
2. Sé hverjum myndlyklaeiganda
boðið að gerast hluthafi, eignast stöð-
ina, þurfi hver og einn að leggja fram
um 10 þúsund krónur í hlutafé. Sam-
tals gerði þetta 500 milljónir króna.
Fylgismenn þessarar hugmyndar
segja að eigi eigendur myndlyklanna
stöðina megi ætla að þeir haldi meiri
tryggð við hana þegar að stríðinu við
Sýn kemur.
Spurningamar sem hafa vaknað
vegna tilboðsins í 100 milljóna króna
hlut Stöðvar 2 eru margar og marg-
víslegar. Eitt er hins vegar víst, hið
margumtalaða tilboð þeirra Harðar,
Gunnsteins og Gunnars er úr sög-
unni.
Peningamarkaður
INNLÁNSVEXTIR (%) hæst
Innlán óverðtryggð
Sparisjóðsbækurób. 3 Allir
Sparireikningar
3ja mán. uppsögn 3-6 Ib
6mán. uppsögn 4-7 Ib
12mán. uppsögn 4-8 íb
18mán. uppsögn 15 Ib
Tékkareikningar, alm. 0,5-1 Allir nema ib
Sértékkareikningar 3 Allir
Innlán verðtryggð Sparireikningar
3ja mán. uppsögn 1,5 Allir
6mán.uppsögn 2,5-3,0 Lb.Bb,- Sb
Innlánmeð sérkjörum 2,5-3 Lb.Bb,- Sb
Innlángengistryggð
Bandaríkjadalir 7-7,25 Sb
Sterlingspund 13,6-14,25 Sb
Vestur-þýskmörk 6,75-7,25 Sb
Danskar krónur 10,5-11 Sp
ÚTLÁNSVEXTIR (%) lægst
Útlán óverðtryggð
Almennirvíxlar(forv.) 13,0-13,75 Sb
Viðskiptavixlar(forv) (1) kaupgengi
Almennskuldabréf 14 Allir
Viðskiptaskuldabréf(1) kaupgengi Allir
Hlaupareikningar(yfirdr.) 16,5-17,5 Bb
Utlán verðtryggð
Skuldabréf 7,5-8,25 Lb.Bb
Útlán til framleiðslu
Isl. krónur 13,75-14,25 Bb
SDR 10,95-11 Bb
Bandaríkjadalir 10,15-10,25 Bb
Sterlingspund 15,85-17 Bb
Vestur-þýsk mörk 10-10,25 Allir nema Íb
Húsnæðislán 4,0
Lifeyrissjóðslán 5-9
Dráttarvextir 26
MEÐALVEXTIR
óverðtr. apríl 90 18,7
Verðtr. april 90 7.9
VÍSITÖLUR
Lánskjaravísitala apríl 2859 stig
Lánskjaravísitala mars 2844 stig
Byggingavisitala apríl 535 stig
Byggingavísitala apríl 167,4 stig
Húsaleiguvisitala 1,8% hækkaði 1. april.
VERÐBRÉFASJÓÐIR
Gengi bréfa verðbréfasjóða
Einingabréf 1 4,832
Einingabréf 2 2,644
Einingabréf 3 3,179
Skammtímabréf 1,641
Lífeyrisbréf
Gengisbréf 2,115
Kjarabréf 4.781
Markbréf 2.548
Tekjubréf 1,959
Skyndibréf 1,432
Fjölþjóðabréf 1,270
Sjóðsbréf 1 2,325
Sjóðsbréf 2 1,744
Sjóðsbréf 3 1,625
Sjóðsbréf 4 1,377
Vaxtasjóðsbréf 1,6430
Valsjóðsbréf 1,5460
HLUTABREF
Söluverð að lokinni jöfnun m.v. 100 nafnv.:
Sjóvá-Almennar hf. 500 kr.
Eimskip 420 kr.
Flugleiðir 145 kr.
Hampiðjan 152 kr.
Hlutabréfasjóður 178 kr.
Eignfél. Iðnaðarb. 152 kr.
Skagstrendingur hf. 320 kr.
Islandsbanki hf. 163 kr.
Eignfél. Verslunarb. 170 kr.
Olíufélagið hf. 415 kr.
Grandi hf. 164 kr.
Tollvörugeymslan hf. 102 kr.
(1) Við kaup á viðskiptavíxlum og við-
skiptaskuldabréfum, útgefnum af þriðja
aðila, er miðað við sérstakt kaupgengi,
kge.
Skammstafanir: Ab = Alþýðubankinn,
Bb = Búnaðarbankinn, lb= Iðnaðarbank-
inn, Lb = Landsbankinn, Sb = Samvinnu-
bankinn, Úb= Útvegsbankinn, Vb =
Verslunarbankinn, Sp = Sparisjóðirnir.
Nánari upplýsingar um peningamarkað-
inn birtast í DV á fimmtudögum.
Sitt er hvað Borg og Kringlan:
Fermetrinn í Hótel Borg
kostar 35 þúsund krónur
- fermetrinn 1 Kringlunni selst á 254 þúsund krónur
Sitt er hvað verð fasteigna í Kringl-
unni og miðbænum. Eitt glæsilegasta
húsið í miðbænum, Hótel Borg við
Austurvöll, er falt á 120 milljónir
króna eða um 35 þúsund krónur fer-
metrinn. Það er sjö sinnum lægra
fermetraverð en í Kringlunni. Nýlegt
dæmi um verð í Kringlunni er þegar
húsnæði Rönnings var selt á 254 þús-
und krónur fermetrinn, nettó. Það
er hæsta verð á verslunarhúsnæði á
landinu.
Vissulega er erfitt að bera saman
húsnæði Hótel Borgar og verslunar-
húsnæði í Kringlunni. Við höfum þó
fermetra og við höfum krónur. Lát-
um duga að bera þessa þætti saman.
Hótel Borg er sérhæft hús við Aust-
urvöll. Það er komið til ára sinna.
Það var byggt árið 1929 og því rúm-
lega sextugt. Það er gamalt og við-
haldsfrekt. Nokkurt fé þarf til að
breyta því í skrifstofuhúsnæði. Sá
sem ætlar að kaupa það undir hótel-
rekstur þarf aftur að spyrja sig hvort
hótel á þessum stað beri sig. Kringlan
er hins vegar nýtt húsnæði þar sem
viðskipti eru mest á hvern fermetrá
á landinu.
Brunabótamat Hótel Borgar er 236
milljónir króna. Fermetrarnir eru
3.429 talsins. Fasteignamat Hótel
Borgar er ekki nema um 41 milljón
króna. Lóðarmatið er um 50 milljón-
ir. Fasteignamatið í heild er þvi um
91 milljón.
-JGH