Dagblaðið Vísir - DV - 20.08.1990, Page 10

10
MÁNUDAGUR 20. ÁGÚST 1990.
Utlönd
Fyrsti Hermaðurinn fallinn
var jarðsettur um helgina með viðhöfn. Símamynd Reuter
Fyrsti bandaríski hermaðurinn, sem lætur lífið í hemaöaraðgerðunum
við Persaflóa, hefur verið borinn til grafar. Jarðarförin fór virðulega fram
og var dauða mannsins lýst sem fórn í þágu friðar.
Það var liðþjálfi í flughernum sem lét lífiö S síðustu viku eftir að flutn-
ingabíll haföi ekið á hann. Hann hét John Campisi og var þrítugur fjög-
urra barna faðir. Lík hans var flutt heim til Bandaríkjanna og jarðsett
frá kaþólskri kirkju í Los Angeles.
Presturinn sem jarðsöng lýsti Saddam Hússein í útfararræðunni sera
brjálæöingi.
Líkklæði Jesú Krists rannsökuð enn á ný
Jóhannes Páll páfi hefur gefið leyfi til að hin svokölluðu Tórínólík-
klæði veröi rannsökuö nánar. Margir sanntrúaöir kaþólikkar trúa því
að hér sé um líkklæöi Krists að ræða. Þegar klæðin voru rannsökuð
nákvæmlega árið 1988 kom í ljós að þau voru frá miðöldum,
Fullyrt er aö á klæðunum megi greina útlínur af líkama Krists og víst
er að þar má sjá mannsmynd. Fornleifafræðingar segja að myndin sé
aðeins nokkurra alda gömul fölsun.
Þegar sýni úr klæðunum vom rannsökuð 1988 í þremur löndum samtim-
is varð niðurstaðan alls staðar sú sama. Efniö haföi verið framleitt um
1200 árum eftir að Kristur var krossfestur.
Þessi niðurstaða hefur engu breytt um trú manna á að þetta séu lík-
klæði Krists og benda á að fornleifafræðingamir hafi enga skýringu get-
að gefið á hvernig myndin á þeim hafi verið gerð.
Sameiningarmál Austur- og Vestur-Þjóðverja í hnút:
Yfirtaka Austur-
Þýskalands líkleg
Austur-þýskir jafnaðarmenn róa nú að því öllum árum að ná fram samkomu-
lagi um sameiningu Austur- og Vestur-Þýskalands. Likurnar á samkomu-
lagi minnkuðu þó enn þegar jafnaðarmenn gengu út úr stjórninni.
Símamynd Reuter
í dag hefst ný lota í viðræðum Vest-
ur- og Austur-Þjóðverja um samein-
ingu landanna. Af hálfu Austur-
Þjóðverja stendur aðeins hálf ríkis-
stjórn að viðræðunum og hún hefur
ekki þá tvo þriðju atkvæða sem þarf
í austur-þýska þinginu til að fylgja
málinu allt til enda.
Flestir hallast að því að ekkert
samkomulag náist um sameininguna
og að á endanum verði Austur-
Þýskaland yfirtekið af Vestur-Þjóð-
verjum.
Nú er endanlega ljóst að jafnaðar-
menn eru hættir að styðja stjórn de
Maiziere. Útganga úr stjóminni var
samþykkt í þingflokki jafnaðar-
manna nú um helgina en áður höfðu
tveir af ráðherrum flokkins verið
reknir.
Hrun stjórnarinnar er af stjórn-
málaskýrendum rakið til þess að
mjög er fariö að hitna í kolunum
vegna væntanlegra kosninga í öllu
Þýskalandi 2. desember. Austur-
þýsku flokkarnir og systurflokkar
þeirra í Vestur-Þýskalandi hafa þeg-
ar hafið kosningabaráttu af fuÚum
krafti. Jafnaðarmenn leggja m.a.
mikla áherslu á að ná fram sáttmála
um sameininguna til að afstýra yfir-
töku.
Nú er talið vafasamt að sáttmáli
um sameiningu ríkjanna verði
nokkru sinni til. Asutur-Þjóðverjar
leggja þó ríka áherslu á að svo verði
því það er eina von þeirra um að
geta haft áhrif á þau lög sem gilda í
landinu eftir sameiningu. Að öðrum
komsti verður einungis um yfirtöku
Vestur-Þjóðverja á austurhlutanum
að ræða.
Eitt deilumálið varðar kosninga-
lögin sem nota á í kosningunum í
desember. Þau atriði verða rædd nú
í vikunni.
Þá ríkir ekki síður óvissa um hve-
nær löndin eigi að sameinast. De
Maiziere, forsætisráðherra Austur-
Þýskalands, vill að það verði um
svipað leyti og kosningarnar verða
haldnar en nú þykir ljóst að efnahag
Austur-Þýskalands hnignar það ört
að sameiningin verður vart dregin
öllu lengur.
Það er líka ljóst að Austur-ÞJóð-
verjar munu ekki ráða miklu um
hver verða örlög þeirra við samein-
inguna. Framkvæmdanefnd Evrópu-
bandalagsins vill hafa sitt að ssegja
um það þegar 16 milljóna þjóö bætast
við bandalagið.
í Brussel er nú verið að leggja drög
að áætlun um hvernig sameiningin
fari fram og talið er víst að vilji Evr-
ópubandalagsins muni ráða miklu
meiru en vilji íbúa Austur-Þýska-
lands.
Reuter
Ekkioffeittiladaka
Símamynd Reuter
Hún Regína Elisabet Guy hefur unnið sætan sigur í baráttu við yfirvöld
í Maryland í Bandaríkjunum. Regína, sem er 180 kíló aö þynd, hefur
ekki fengiö leyfi til að taka bílpróf vegna þess hve fyrirferðarmikil hún er.
Lögregluyfirvöld í heimabæ hennar fullyrtu að hún gæti ekki ekið af
öryggi á þess að vera á sérbúnum bíl. Þessu vildi Regína ekki una og fór
með málið fyrir dómstóla.
Dómarinn úrskurðaði að Regína mætti í þaö minnsta reyna við bíipróf
áður en henni væri neitað um ökurréttíndi. Regína fór 1 prófið og stóðst
það með ágætum og sakar nú lögregluna um ofsóknir gegn sér.
Akærður fyrir 13 morð
Suöur-afrískur fiugmaður lolt-
:: belgs verður ákærður í Ástralíu '
fyrír að hafa orðið 13 manns aö
bana. Þetta gerðist i verste loft-
belgsslysi sögunnar.
Michael Sanby fiaug loftbclg
ásamt íjolda annarra á móti í Alice
Springs í Astralíu a síðasía sumri.
Belgurinn missti flugið og hreif
með sér tvo aðra belgi í fallinu. í
þeim var fjöldi ferðamanna.
Sanby reyndi nú á dögunun að
fiýja frá Ástralíu en var handtek-
inn á flugvellinum í Perth. Opinber
ákæra hefur ekki veriö gefin út. á
hendur Sanby og hann hefur ekki
setið inni. Lögreglunni í Ástralíu
þótti hins vegar rétt að hefta för
Michael Sanby var handtekinn hans þegar fréttist að hann ætlaði
þegar hann reyndi að komast úr úr landi.
landi. Slmamynd Reuter Reuter
Herflutningum frá Austur-Þýskalandi flýtt:
Sovéski herinn
á hraðferð heim
Flest bendir nú til að allir 363 þús-
und Sovéthermenn í Austur-Þýska-
landi verðir farnir þaðan fyrir árslok
1991. Sovétmenn hafa gert áætlun um
brottflutninginn og kalla hana Na
doma sem útleggst „aftur heim“.
Einn af samstarfsmönnum Hel-
muts Kohl segir að heimílutningur
sovéskra hermanna frá Austur-
Þýskalandi virðist ætla að ganga
hraðar fyrir sig en Kohl og Gor-
batsjov höfðu áður samið um.
Þegar Kohl var í Sovétríkjunum í
síðasta mánuði að ræða sameiningu
Austur- og Vestur-Þýskalands varð
það aö samkomulagi að Sovétmenn
skyldu vera farnir frá Austur-Þýska-
landi eftir þrjú til ijögur ár, eins og
það var orðað.
Fyrstu hersveitirnar fara frá Aust-
ur-Þýskalandi nú í vikunni. Það er
skriðdrekasveit í bænum Neuruppen
sem þá heldur heim. Þjóðverjar segja
að ákvöröunin um að flýta heimför
hersins hafi komið á óvart og staðar-
yfirvöld í ýmsum bæjum þar sem
herinn hefur bækistöðvar eru nú
undrandi því að herinn hefur átt
þátt í að styrkja atvinnulíf á þessum
stöðum.
Brottflutningurinn á hernum verð-
ur það ör að talið er að fjórar full-
hlaðnar járnbrautarlestir þurfi að
fara frá Austur-Þýskalandi á hverj-
um degi með hermenn og hergögn
til að flutningunum getið verið lokið
fyrir árslok 1991.
Reuter
Fimmtán Síberíufangar
rændu f lugvél í morgun
- förinni heitið til Indlands
Sovéskir fangar rændu í morgun
flugvél sem átti að flytja þá milli
fangelsa og kreíjast þess að flogið
verið með þá til staöar utan Sovét-
ríkjanna. Helst er talið að förinni sé
heitið til Indlands því að flugvallar-
yfirvöld í Nýju-Dehlí hafa verið vör-
uð við að þangað geti verið von á
sovéskri flugvél.
Frá Pakistan bárust þær fréttir í
morgun að sovésk farþegaflugvél
hefði farið inn í lofthelgi landsins og
að flugmaðurinn heföi tilkynnt að
aðeins væri eftir eldsneyti til 30 mín-
útna flugs.
í flugvélinni eru 92 farþegar auk
áhafnar og fangavarða sem áttu að
fylgja föngunum. Fangarnir eru 15
en fangaverðirnir 3. Fangarnir náðu
vopnum af þeim. För vélarinnar var
heitið til Jakutsk í Síberíu þar sem
vista átti fangana.
Vélin lenti skömmu eftir að henni
var rænt og 41 farþega sleppt í skipt-
um fyrir tvær skammbyssur og skot-
færi. Sex af flugræningjunum gáfust
upp þegar vélin var lént. Hinir héldu
förinni áfram.
Sovéska utanríkisráðuneytið hefur
staöfest að vélinni hafi verið rænt en
neitar að gefa nánari upplýsingar um
málið. Engum sögum fer af því aö
fólk í vélinni hafi særst og ekki er
vitað til að skoti hafi verið hleypt af
byssu.
Þegar síðast fréttist var ákveðið að
hætta við að fara til Indlands vegna
eldsneytisskorts og lenda í Karachi
í Pakistan í staðinn. Indverjar hafa
fallist á að taka við vélinni og má því
gera ráð fyrir að hún taki eldsneyti
í Pakistan og haldi síðan áfram.
Reuter