Dagblaðið Vísir - DV - 18.02.1991, Blaðsíða 11

MÁNUDAGUR 18. FEBRÚAR 1991.
11
DV
Útlönd
Veturinn hefur verið Sovétmönnum erfiður. Frosthörkur eru miklar og al-
mennur skortur á nauðsynjum. Símamynd Reuter
Æðsta ráðið ræðir efnahagsumbætur í dag:
Sovétmenn
óttast
óðaverðbólgu
Æðsta ráð Sovétríkjanna kemur
saman í dag eftir nokkurt hlé til að
ræða lög um efnahagslegar umbæt-
ur. Búist er við að umræður verði
heitar því fyrir liggur að verð á nauð-
synjum hækkar verulega á næstu
dögum með afnámi niðurgreiðslna.
A dagskránni er einnig að staðfesta
samkomulag sex þjóða um samein-
ingu Þýskalands og ný lög um mann-
réttindi og umbætur innan hersins.
Enn er stefnan að breyta hagkerf-
inu í átt til markaðsbúskapar. Þar á
meðal er einkavæðing í atvinnuiíf-
inu, frjálslegri aðferðir en nú eru
notaðar við að ákveða vöruverð og
hugmyndir um að koma á verðbréfa-
viðskiptum.
Þessar hugmyndir hafa verið að
þvælast fyrir Æðsta ráðinu um all-
langan tíma án þess að niðurstaða
hafi fengist. Upphaflega voru hug-
myndirnar mun róttækari en þær
sem líkur eru á að verði samþykktar
nú.
Þrátt fyrir að breytingarnar á hag-
kerfinu veki mikla athygli í Sovét-
ríkjunum hafa flestir um þessar
mundir meiri áhuga á að frétta af
breytingum á vöruverði. Undan-
farna mánuði hefur verið skortur á
nauðsynjum í Sovétríkjunum. Við
skortinn bætist að veturinn hefur
verið mjög harður þannig að Sovét-
menn hafa vart búið við þrengri kost
allt frá lokum síðari heimsstyrjaldar-
innar.
Búist er við að vöruverð geti jafn-
vel tvöfaldast ef ekki þrfaldast á sum-
um varningi þegar niðurgreiðslur
verða felldar niður. íbúar Sovétríkj-
anna hafa allt síðasta ár búið sig
undir að mæta veröhækkunum. Þeg-
ar í maí á síðasta ári fór að bera á
hamstri en nú er svo komið að fáir
eiga möguleika á að safna byrgðum
því flestar vörur eru skammtaðar.
Víst er að verðhækkanirnar eiga
eftir að mælast illa fyrir og liggur
ríkisstjórnin þegar undir gagnrýni
fyrir að ráðfæra sig ekki við stjórnir
lýðveldanna um hækkanirnar.
Breytingarnar, sem nú standa fyrir
dyrum, verða því að ölium líkindum
til að auka enn á sundrungina í Sov-
étríkjunum.'-^ Reuter
Létu sjónvarpið
gabba sig
Eistlendingar urðu óttaslegnir á
laugardagskvöldið þegar tiikynnt
var í skemmtiþætti í sjónvarpinu að
finnski seðlabankinn hefði ákveðið
að ógilda alla hundrað marka seöla.
Sagt var að Finnar gætu skipt seðlum
sínum í flnnskum bönkum en að
ekki yrði hægt að skipta í Eistlandi.
Margir íbúanna í Tallinn, höfuð-
borg Eistlands, æddu samt út og
reyndu að skipta finnskum pening-
um sínum á hótelum og veitingastöð-
um. Á sumum bensínstöðvum neit-
uðu afgreiðslumenn að taka við
hundrað marka seðlum. Margir
gerðu sér þó grein fyrir að um grín
var að ræða.
Finnska markið er eftirsóttur og
gjaldgengur gjaldrniðill í Eistlandi.
Samkvæmt opinberum upplýsingum
eru um 200 milljónir fmnskra marka
í umferð í Eistlandi.
Gengið á götunni er miklu hærra
en hið opinbera. Fyrir eitt mark er
hægt að fá þijátíu og fjórar rúblur
en samkvæmt opinbera genginu
samsvara sjö mörk einni rúblu. Eitt
flnnskt mark samsvarar fimmtán ís-
lenskum krónum.
FNB
Gorbatsjov ver
stef nu sína
- Eystrasaltsríkjunum boðnar viðræður
Gorbatsjov Sovétforseti varði ákaft
stefnu sína í Eystrasaltsríkjunum á
fundi með utanríkisráðherrum Lux-
emburgar, ítahu og Hollands á laug-
ardaginn, að því er sovéska Tass-
fréttastofan greindi frá í gær. Tass
hafði það eftir Gorbatsjov að leið-
togar Eystrasaltsríkjanna virtu ekki
réttindi minnihlutahópa.
Yfirvöld í Moskvu halda því fram
að stjórnin í Litháen sé að reyna að
koma í gegn lögum sem séu óhagstæð
rússneska minnihlutanum í landinu
en Rússar eru tíu prósent íbúanna
þar. Landsbergis, forseti Litháens,
hefur vísað þessu á bug og sagt að
réttindi allra minnihlutahópa verði
virt.
Talsmaður sovéska þingsins, Ana-
toh Lukjanov, tjáði forseta Evrópu-
Gorbatsjov hitti nokkra utanrikisráð-
herra Evrópubandalagsins um helg-
ina og varöi þá stefnu sína í málefn-
um Eystrasaltsríkjanna.
Simamynd Reuter
ráðsins, sænska þingmanninum
Anders Björck, á fostudaginn að
hann hefði í bréfi til leiðtoga Eystra-
saltsríkjanna lagt til að viðræðurnar
milli þeirra og miðstjórnarinnar
hæfust í þessari viku.
Sendinefnd Evrópuráðsins fór frá
Moskvu um helgina til Eystrasalts-
ríkjanna. Samkvæmt Björck vill
Evrópuráðið kanna ástandið á staðn-
um í kjölfar blóðbaðsins í Litháen
og Lettlandi í síðasta mánuði.
Sovésk yfirvöld höföu í fyrra
áheymarfulltrúa í Evrópuráðinu.
Fyrr í þessum mánuði sagði Björck
að samskipti Evrópuráðsins og Sov-
étríkjanna væm meðal annars háð
þróuninni í Eystrasaltslöndunum.
Reuter og TT
Sparið allt að 60%
Ef þú ætlar að gera góð kaup á
gólfdúk, teppum eða mottum þá
ERTÆKIFÆRIÐ NÚNA
Hellingur af stökum teppum og
mottum - hrúga af teppabútum.
fermetrar
af teppum
2.500
fermetrar
af gólfdúk
BYGGINGARMARKAÐUR VESTURBÆJAR
Teppadeild - Hringbraut 120 - Sími 28605