Dagblaðið Vísir - DV - 18.02.1991, Síða 32

44
MÁNUDAGUR 18. FEBRÚAR 1991.
iFréttir
Fréttir
Stjóm BSRB sendir frá sér opið bréf:
Læknasérfræðingar príla
upp bakið á launafólki
- dæmi um hóp sem klórar til sín stærri hlut 1 krafti aðstöðu sinnar
Stjórn Bandalags starfsmanna rík-
is og bæja hefur sent frá sér opið
bréf þar sem íjallað er um þjóðarsátt-
ina og stöðu hennar um þessar
mundir. Þar segir meðal annars:
„Þótt launamenn og samtök þeirra
hafi almennt staðið viö sinn hlut að
- > öllu leyti er því ekki að leyna að
nokkrir hópar hafa í krafti aöstöðu
sinnar reynt að klóra til sín stærri
hlut í samræmi við gamla hugs-
unarháttinn. Þessir sjálfsafgreiðslu-
hópar virðast alltaf hafa komist upp
með að príla upp bakið á almennu
launafólki og skammta sér sömu
hækkun og aðrir og iðulega gott bet-
ur. Sameiginlegt einkenni á þessum
hópum er að þeir búa við miklu betri
kjör en láunafólk almennt en virðast
hafa þau ítök að það dugi þeim elleg-
ar þeir eru hreinlega í þeirri aðstööu
að ákveða eigin kjör...“
Síðan segir: Nýjasta dæmið um
þetta eru samningar læknasérfræð-
inga. Þeir kröfðust þess að fá allan
kostnaðarauka bættan og vel það og
síðan þjóðarsáttarprósentuna að
auki. En hversu sjálfsagt mál er það?
Okkur er spurn...“
Framferði banka og fjármagnsfyr-
irtækja í vaxtamálum er fordæmt
sem og hækkanir tryggingafélag-
anna á iðgjöldum. Bent er á að heild-
arafkoma þeirra skili tugmilljóna
króna hagnaði.
í lokin er bent á að samningar séu
lausir í haust. Þá verði reynslan af
þjóðarsáttinni metin og það mat ráði
afstöðu launafólks til nýrra kjara-
samninga. Og lokaorð þessa opna
bréfs eru þessi: „Þeim sem stýra
verðlagi á vörum og þjónustu í
hækkunarátt þessar vikumar er
hollt áð minnast þess að það kemur
dagur eftir þennan dag.“ -S.dór
Flugmálastjórn hefur tekiö neyðarrafstöö i notkun í húsakynnum sínum á Reykjavikurflugvelli. Stöðin mun sjá
stofnuninni fyrir rafmagni ef eitthvað fer úrskeiðis vegna veiturafmagns. Búnaðurinn tryggir að starfsemi fiugvallar-
ins varðandi flugumferð innanlands og á N-Atlantshafssvæðinu verði ekki fyrir truflunum vegna rafmagnsskorts.
Ef straumrof verður á aðalveitu fara tveir 414 hestafla dísilhreyflar neyðarrafstöðvarinnar í gang innan 6 sek-
úndna. Helmingur kostnaðar við rafstöðina var greiddur af Alþjóða flugmálastofnuninni.
Menning___________________________
Regnboginn - Litli þjófurinn ★★
Uppreisn og óheiðarieiki
Uppreisn og óheiðarleiki eru viðfangsefni þessarar
kvikmyndar franska leikstjórans Claude Miller sem
er gerð eftir handriti hins látna meistara Francois
Truffaut.
Aðalsöguhetjan er Janine, tæplega 16 ára unglingur
sem lifir í einhvers konar draumaheimi þar sem hún
er ung og glæsileg kona en ekki klunnalegur táning-
ur. Þannig flýr hún harkalegan raunveruleikann en
hún elst upp hjá fátæku frændfólki sínu vegna þess
að móðir hennar stakk af skömmu eftir fæðinguna.
Janine er ólæknandi stelsjúk og það veröur til þéss á
endanum að hún fer að heiman og gerist vinnukona
hjá nýríku fólki.
Janine er ákveðin í að kynnast ástinni og innan
skamms er hún komin á kaf í ástarsamband við harð-
giftan miðaldra kórstjóra. Sá segir henni upp þegar
hún stelur orgeh kórsins. Janine kynnist ungum pilti
á glapstigum sem er á svipuðum slóðum og hún og
saman fremja þau afbrot sem verður til þess að Janine
endar á stofnun fyrir ungar stúlkur á refilstigum.
Þegár Janine uppgötvar að hún er barni aukin verð-
ur hún að ákveða hvort hún ætlar að vera unglingur
áfram eða taka ábyrga afstöðu eins og fullorðin mann-
eskja.
Þetta er að mörgu leyti falleg og skemmtileg mynd.
Tíðarandi sjötta áratugarins lifnar við og svarthvítar
fréttamyndir, sem Janine sér í bíói, auka gildi myndar-
innar. Janine flýr undan raunveruleikanum í bíó. Til-
Kvikmyndir
Páll Ásgeirsson
burðir hennar í ást og afbrotum eru oft á tíðum óborg-
anlega fyndnir og grátbroslegir. Hún er frábærlega
vel leikin af Charlotte Gainsbourg sem ljær hlutverk-
inu þann klunnalega þokka sem því hæfir.
Frásögnin er samt dálítið skrykkjótt og virkar ögn
endaslepp. Það er líkt og Miller hafi umgengist arf
Traffauts af fullmikilh virðingu og ekki þorað að hnika
til einu orði. Á heildina litið er samt óhætt að mæla
með þessu sem hinni bestu skemmtan og kærkominni
tilbreytingu frá grunnhyggnum hugsunarhætti amer-
íska meginstraumsins.
La Petit Vouleuse - frönsk
Leikstjóri: Claude Miller eftir handriti Truffaut.
Aóalhlutverk: Charlotte Gainsbourg og.Simon De LaBrosse.
Grásleppuhrogn:
Hlutdeild
íslendinga 17
þúsund tunnur
„Reynsla síðustu þriggja ára hefur
kennt grásleppusjómönnum að það
þýðir ekki að salta meira af hrognum
en þeir geta selt.
Þaö var búið að gera sölusamninga
í nóvember við erlenda aðila um
kaup á 9.000 til 10.000 tunnum af grá-
sleppuhrognum fyrir 1.025 þýsk
mörk tunnuna,“ segir Guðjón Mar-
geirsson, framkvæmdastjóri Steina-
varar.
Fulltrúar frá Landssambandi ís-
lenskra smábátaeigenda og Sölusam-
tökum lagmetis áttu fund í London
fyrir skömmu með hrognaframleið-
endum í Noregi, Danmörku og
Kanada og þar komu menn sér sam-
an um að framleiða ekki meira en
42 þúsund tunnur af hrognum en það
magn nægir í alla kavíarframleiðslu
heimsins. Þjóðirnar skiptu með sér
aflánum og komu 17 þúsund tunnur
í hlut íslendinga og áhka magn í hlut
Kanadamanna en Norðmenn og Dan-
ir fá að salta í 7000 tunnur hvorir.
Ekki hefur enn verið gengið frá
sölu á hrognum til íslenskra kavíar-
verksmiðja en samkvæmt reynslu
undangenginna ára er markaður fyr-
ir á milli 6000 og 7000 tunnur innan-
lands.
„Hrognaútflytjendur hér á landi
gera sölusamninga við sjómenn og
þvi getur hver og einn sjómaður
gengið að því vísu áður en vertíðin
hefst í hversu margar tunnur hann
getur saltað hrogn og haft trygga
sölu á. Ef sjómenn veiða meira er það
á þeirra eigin ábyrgð hvort þeir geta
selt eða ekki. Við vonum að þetta
verði th þess að stöðugleiki myndist
í hrognaframleiðslunni og verð
hækki hægt og róléga á næstu
árum,“ segir Guðjón. -J.Mar
Þessir hestamenn létu leiðindaveður ekki attra sér frá útreiðartúrnum við
Rauðavatn um helgina. Hrossin þurfa náttúrlega hreyfingu og sagt er að
enginn verði verri þótt hann vökni. DV-mynd BG
Andlát
Jóhann B. Valdórsson frá Eyri í
Reyðarfirði lést á Vífilsstöðum að
kvöldi 14. febrúar.
Friðgeir Gislason, Suðurhóium 4, lést
á Landspítalanum 14. febrúar.
Samúel Björnsson bifreiðarstjóri,
Dalbraut 21, Reykjavík, lést flmmtu-
daginn 14. febrúar.
Guðmundur Hólm, Skeggjagötu 23,
andaðist á elliheimilinu Kumbara-
vogi 15. febrúar sl.
Sigríður Kristjánsdóttir, Njálsgötu
92, lést á Vífilsstöðum miðvikudag-
inn 13. febrúar.
Runólfur Ólafsson, Vailarbraut 13,
Akranesi, andaðist í Sjúkrahúsi
Akraness fimmtudaginn 14. febrúar.
Jardarfarir
Sigurður Kristinn Þórðarson,
Hraunbæ 102a, Reykjavík, verður
jarðsunginn frá Fossvogskirkju í
dag, 18. febrúar, kl. 13.30.
Gottskálk Þ. Gíslason húsgagna-
smíðameistari verður jarðsunginn
frá Fríkirkjunni í Reykjavík mið-
vikudaginn 20. febrúar kl. 13.30.
Marsibil S. Bernharðsdóttir, Bólstað-
arhlíö 45, verður jarðsungin frá Foss-
vogskirkju þriðjudaginn 19. febrúar
kl. 15.
Margrét Stefánsdóttir, írafossi,
Grímsnesi, verður jarðsungin frá
Langholtskirkju þriðjudaginn 19. fe-
brúar kl. 13.30.
Viðar Sigurðsson prentari, Suður-
braut 28, Hafnarfirði, verður jarð-
sunginn frá Hafnarfjarðar-kirkju
þriðjudaginn 19. febrúar kl. 15.
Þorsteina (Steina) Sófusdóttir,
Strandaseli 7, verður jarðsungin frá
Fossvogskirkju í dag, 18. febrúar, kl.
15.
[ ÖLVUNAR AKSTUR
AKS'HJB'
S 27022