Dagblaðið Vísir - DV - 21.07.1993, Blaðsíða 4
20
MIÐVIKUDAGUR 21. JÚLÍ 1993
Ferðir
„Toppurinn á tilverunni":
ÆvintÝraferöir
á Langjökul
- á vélsleðum eða snjóbíl
„Þetta er toppurinn á tílverunni,“
segja aöstandendur Langjökuls hf.
sem býöur upp á útsýnisferðir upp á
þennan næststærsta jökul landsins á
vélsleðum eða í snjóbíl.
Jöklaferðir að sumarlagi hafa átt
vaxandi vinsældum að fagna að und-
anfömu bæði meðal innlendra og
erlendra ferðamanna. Nú eru í boði
slíkar ferðir á nokkra íslensku jökl-
anna og nú á þessu sumri var starf-
semi Langjökuls hf. endurvakin og
boðiö upp á ferðir á Geitlandsjökul,
en þar við jökulbrúnina hefur veriö
komið upp góðri aðstöðu fyrir þá sem
ætla að bregða sér í ævintýraferð á
jökul.
„Við reyndum fyrir okkur með
svona starfsemi fyrir tuttugu árum.
1973 var sett upp skíðalyfta í Þjófa-
krók og einnig boðið upp á ferðir á
jökulinn með snjóbíl," segir Þórður
Stefánsson, oddviti Hálsahrepps og
einn stjórnarmanna Langjökuls hf.
Að sögn Þóröar gekk þessi starfsemi
í þrjú ár en lognaðist síöan útaf aftur.
Fyrr á þessu ári var síðan hafist
handa við að endurvekja starfsemina
og var Kristleifur Þorsteinsson,
ferðaþjónustubóndi að Húsafelli, sá
sem barðist harðast fyrir því að
koma þessu í gang aftur, en Kristleif-
ur vinnur enn af fullum kraftí við
uppbyggingu feröaþjónustu í hérað-
inu þótt hann vanti aöeins fáar vikur
í sjötugsafmælið. Nýir aðilar gengu
til liðs við suma af eldri hluthöfunum
og nú eru nokkur sveitarfélög og ein-
staklingar ásamt Ferðaþjónustunni í
Húsafelli aöilar að rekstrinum.
Þrír skálar fyrir aðstöðuna vom
fluttir upp að rótum Geitlandsjökuls,
keyptir vora átta nýir Ski-doo Safari
vélsleðar og snjótroðari með húsi
fyrir 13 farþega var keyptur frá Bol-
ungarvík.
í sparifötunum
ájökul
Það er auðvelt að bregða sér í ferð
á Langjökul því vegalengdin er að-
eins um 100 kílómetrar frá Reykjavík
ef ekið er um Þingvelli og Kaldadal.
En fyrir þá sem em á ferð í Borgar-
firði er aðeins tuttugu mínútna akst-
ur frá Húsafelli í búðir Langjökuls-
manna.
Ekið er frá Húsafelli inn á Kalda-
dalsveg og eftir honum í stutta stund
þar til komiö er að vegamótum, en
afleggjari er frá Kaldadalsvegj til
norðausturs að rótum Geitlandsjök-
uls. Afleggjarinn var endumýjaður
nú í sumar og er nú svo góður að
hann tekur jafnvel þjóðveginum um
Kaldadal fram, þannig að fært er fyr-
ir alla bíla að jöklinum.
„Það er svo mikið fyrirtæki að fara
í jöklaferð," gætí einhver sagt en það
er síður en svo í þessu tilfelli því
ferðalöngum stendur til boða allur
búnaður, gaUar, skór, hanskar og
hjálmar, ef þeir hyggja á jöklaferð
með Langjökulsmönnum, svo það
eina sem menn þurfa að gera er aö
koma sér á staðinn og þá er eftirleik-
urinn auöveldur, þótt menn séu nán-
ast í sparifótunum. Þeim sem ekki
vilja leggja fína bílinn sinn í akstur
upp að jökli stendur tíl boða akstur
að jöklinum frá þjónustumiðstöðinni
í Húsafelli.
Þá em skíði til reiðu fyrir þá sem
Fyrir þá sem kjósa rólegri feróamáta er upplagt að fá sér far með snjóbílnum upp á Geitlandsjökul en hann tekur alls 13 farþega I hverri ferð.
Það er fátt skemmtilegra en að bruna á vélsleða um víðáttu jökulsins i
fallegu veðri. Það þarf heldur ekki mikla kunnáttu til að aka sleðanum því
aðeins þarf að stýra og gefa inn bensíngjöfina með einum fingri og þá
brunar sleðinn af stað.
vilja og snjóþotur fyrir yngstu kyn-
slóðina.
Hægt er að láta draga sig á skíðun-
um upp í 1400 metra hæð og síðan
tekur við sjö kílómetra skíðabrekka
niður aftur.
Aö sögn þeirra Sigríðar Hreiöars-
dóttur og Jóns Hinriks Garðarsson-
ar, sem sjá um ferðirnar á jökulinn,
hefur þetta gengið mjög vel og fólk
verið mjög ánægt með ferðimar, þótt
stundum hafi verið ekið beint upp í
þokuna sem stundum hylur jökul-
inn.
Lengri og styttri ferðir
Vinsælast er að bregða sér með
Kristleifur Þorsteinsson, ferðaþjónustubóndi í Húsafelli, er í fararbroddi
þeirra Langjökulsmanna og barðist fyrir þvi að endurvekja starfsemina sem
upphaflega fór i gang fyrir 20 árum en lognaðist út af eftir þrjú ár. Nú er
starfsemnin komin af stað aftur með miklum glæsibrag.