Alþýðublaðið - 30.03.1967, Qupperneq 4

tamoj)
Ritstjóri: Bonedikt Gröndal. Símar 14900—14903. — Auglýsingasfmi:
14906. — A'ðsetur: AljiýSuhúslð við Hveríisgötu, Rvík. — Prentsmiðja
Alþýðublaðsins. Sími 14905. — Áskriftargjald kr. 105.00. — í lausa*
sölu kr. 7.00 eintakið. - Útgcfandi: Alljýðuflokkuritm.
Tillögur U Thants
U THANT, aðalritari Sameinuðu þjóðanna, hefur
lagt sig mjög fram um að koma á friði í Vietnam.
Hefur hann lagt fram beinar tillögur, rætt við ófrið-
aráðila í New York, heimalandi sínu Burma og víð-
ar á ferðum sínum. Enn sem komið er hefur hann ekki
náð árangri, en hann sýnir þrautseigju og þolinmæði
þess austurlenzka búddatrúarmanns, sem hann er.
Skömmu fyrir páska lagði U Thant fram nýjar til-
lögur, sem hann telur mótaðar eftir aðstæðum ófrið-
arins í dag. í þessum tiliögum gerir hann fyrst ráð
fyrir vopnahléi og síðan nýrri Genfarráðstefnu um
málefni Vietnam, en hið franska nýlendustríð austur
þar var leitt til lykta á ráðstefnu í Genf, og var þar
ákveðin skipting landsins.
Því miður hafa ráðamenn Norður-Vietnam tekið
friðarstarfi U Thants illa, og segja þeir, að ófriðurinn
komi Sameinuðu þjóðunum ekki við. Er að vísu rétt,
að hvorki Kína, Norður- eða Suður-Vietnam eru að'
ilar að Sameinuðu þjóðunum. Hins vegar eru þar
yfir 120 'aðrar þjóðir, og þær eiga rétt á að láta sig
máli skipta ófrið, hvar sem hann brýzt út. Væri raun
ar ekki óeðlilegt, að friður yrði saminn í Vietnam
og um leið reynt að skapa viðunandi valdajafnvægi
og öryggi í Suðaustur Asíu, meðal annars með því
lað áðurnefnd ríki verði öll aðilar að Sameinuðu þjóð
unum.
Krafan um frið í Vietnam hefur styrkzt með hverri
viku, en ráðamenn í Hanoi hafa valið þann óskyn-
samlega kost að hafna bæði bréfi Johnsons og til-
lögum U Thants og heimta skilyrðislausa brottför
Bandaríkjamnnna. Það er ekki raunhæf afstaða og
hefur þær einar afleiðingar að lengja ófriðinn. Fyrsta
skrefið hlýtur að vera vopnahlé og síðan fundur við
samningaborð — eins og U Thant leggur til. Þannig
ætti 'að kveðja vopnin og hefja nýja baráttu - gegn
hungri, fátækt og sjúkdómum.
Frjálsari hátíð
PÁSKAHELGIN er löng og yfirleitt vel þegin, þar
eð hún kemur í lok hins langa og dimma vetrar.
Stundum ber hún svip vorsins, oftar þó síðustu hryðj
ur vetrarins, eins og farið hefur nú.
Það er mikili galli á þessu langa helgihaldi, hve það
mótast af úreltum félagslegum hugmyndum með alls
konar boði og banni. Þessi þunglamalegi svipur pásk
anna á aðeins við um föstudaginn langa, en uppris
an er gleðiefni. Þess vegna þurfa páskarnir að verða
frjálsari og léttari hátíð — ekki sízt í útvarpi og
sjónvarpi en skemmtanir og samkomur ætti ekki að
útiloka nema á föstudaginn langa.
Utsala
Á KULDASKÓM KVENNA
aðeins í nokkra daga. Seljum fjölmargar tegundir fyrir mjög lágt
verð, þar á meðal leðurstígvél kvenna, vandaða gerð, fyrir aðeins
kr. 498.—. Notið þetta einstæða tækifæri.
Skóval
Austurstræti 18, Eymundssonarkjallara.
Samkvæmisskór
og Sandalar
Frá Spáni
Stórglæsilegt og fjölbreytt úrval tekið upp í dag.
HAGSTÆTT VERÐ.
SKÓVAL
Austurstræti 18, Eymundssonarkjallara.
★ UMFERÐARLJOSIN
ÓVIRK.
Vegfarandi hefur sent okkur bréf
sem er á þessa leið: „Daglega á ég leið um gatna-
mót Miklubrautar og Lönguhlíðar sem fræg voru
fyrir árekstra áður en loksins voru sett þar upp
umferðarljós.
Tilefni þessa bréfs er það, að í
síðustu viku, á miðvikudaginn, nánar tiltekið,
var ekið á einn umferðarljósastaurinn, með þeim
afleiðingum, að ljósin urðu óvirk. Þetta var að
sjálfsögðu eins og hvert annað óhapp, sem ævin-
lega getur hent, en ástæðan til þess að ég sting
niður penna og hripa ykkur þessar línur er sú,
að á laugardaginn var ekki enn búið að gera við
ljósin. Þann dag átti ég nokkuð oft þarna leið
um. Stundum voru lögregluþjónar að stjórna um-
ferðinni og gekk þá allt vel, en annars var um-
ferðin látin um að stjórna sér sjálf, þá gekk svo
sannarlega ekki allt vel.
Það hlýtur að teljast alveg stór-
furðulegt, að taka skuli þetta marga daga að gera
við umferðarljósin á þessum fjölförnu gatnamót-
um. Eitthvað er bogið við þennan seinagang. Ef
allt væri með felldu ætti að vera hægt að kippa
þessu í lag á nokkrum klukkustundum. Nú leikur
mér forvitni á að vita livað það var, sem olli
þessari töf, og vonandi ijáið þið réttum aðilum
rúm í þessum dálki til að svara.”
Við þetta bréf er því við að
bæta, að skýringar hlutaðeigandi yfirvalda á þess-
um seinagangi, verða birtar hér, ef þær berast
blaðinu. Framhald á 14. síðu.

4 30. marz 1967 - ALÞÝÐUBLAÐIÐ