Dagur - 15.06.1944, Blaðsíða 3

Fimmtudagur 15. júní 1944
DAOUR
LYÐVELDISHÁTIÐAHÖLD I NÆR ÞVl HVERRISVEIT OG
BÆ NORÐANLANDS
Akureyrarbær og Eyjafjarðarsýsla efna
til hátíðahalda á Ráðhústorgi
í hverri sveit og hverjum bæ hér norðanlands verða
hátíðahöld í tilefni lýðveldisstofnunarinnar 17. júní
næstk., ýmist eru byggðalög ein um hátíðahöldin eða
nærliggjandi sveitir efna til móta með fjölbreyttum
skemmtiskrám og mikilli þátttöku.
Hér á Akureyri fara hátíðahöldin fram á Ráðhús-
torgi að tilhlutun kaupstaðarins og Saurbæjar-, Hrafna-
gils-, Öngulsstaða- og Glæsibæjarhreppa.
Nefnd kjörin af sýsln og bæ
stendur fyrir þeim fagnaði og
eiga sæti í henni: Af hálfu kaup-
staðarins sr. Friðrik J. Rafnar,
vígslubiskup, Þorsteinn M. Jóns-
son, skólastjóri og Áskell Snorra-
son, tónskáld. Af hálfu sýslunn-
ar: Davíð Jónsson, hreppstjóri á
Kroppi, Einar G. Jónasson, odd-
viti á Laugalandi og Magnús
Hólm, bóndi á Krónustöðum.
Hátíðin á Ráðhústorgi hefst
kl. 10 f. h. Leikur Lúðrasveit
Akureyrar þá á torginu. Að því
búnu verður skrúðganga um
bæinn í kirkju. Þar flytur sókn-
arpresturinn, sr. Friðrik J. Rafn-
ar, vígslubiskup, hátíðarmessu.
Kl. 1,15 hefst útvarp frá Þing-
völlum og heyrist það gegnum
gjallarhorn um Ráðhústorg og
nágrenni.
Kl. 2 e. h. verður kirkjuklukk-
um samhringt í 3 mínútur og
síðan verður alger þögn í 1 mín-
útu og öll umferð stöðvast.
Kl. 2,45 leikur Lúðrasveitin á
torginu en kl. 3 e. h. setur sr.
Friðrik J. Rafnar, vígslubiskup,
hátíðina með ræðu. Að því búnu
verða minni flutt. Þorsteinn M.
Jónsson, skólastjóri flytur full-
veldisminni, Steingr. Jónsson,
fyrrv. bæjarfógeti, minni Jóns
Sigurðssonar, Einar Árnason,
fyrrv. alþingismaður, minni hér-
aðsins og Sigurður Róbertsson,
rithöfundur, fánaminni. Að lok-
um sunginn þjóðsöngurinn. —
Kórsöngur og hornablástur á
milli ræðanna. Karlakórar bæj-
arins annast söng.
Nokkuð hundruð sætum verð-
ur komið fyrir á torginu fyrir
eldra fólk. Nefndin ætlast til að
allir, sem fána eiga, dragi þá að
hún.
Hátíðahöld í hreppunum út
með Eyjafirði.
Arnarnesshreppur: Hátíðahöld
að Möðruvöllum og Reistará.
Kl. 1 e. h. verður hátíðaguðs-
þjónusta á Möðruvöllum, en að
henni lokinni gefst kirkjugest-
um kostur á að hlýða á útvarp
frá Þingvöllum. Síðan haldið að
Reistará og miðdegisverður
snæddur þar á staðnum, en und-
irbúningsnefndin annast um
matföng og framreiðslu. Þá.hefj-
ast ræðuhöld og söngur, og fer
sá þáttur hátíðahaldsins frarn í
Freyjulundi, skógræktarreit
Kvenfélagsins, ef veður leyfir. —
Flytur Davíð skáld Stefánsson
frá Fagraskógi hátíðarræðu dags-
ins. Að lokum verður stiginn
dans í samkomuhúsinu, en að-
gangur þar aðeins heimilaður
hreppsbúum vegna takmarkaðs
húsrúms.
Árskógshreppur:
Samkoma við heimavistarskól-
ann á Árskógsströnd. Ræðuhöld
og söngur.
S varf aðardalur:
Lýðveldishátíð Svarfdæla 17.
júní 1944. Tilhögun: Kl. 12.30:
Skrúðganga barna. — Kl. 1 Há
tíðin sett (Þór. Kr. Eldjárn
hreppstjóri). Guðsþjónusta (sr.
Stefán Snævarr). Útvarp frá
Lýðveldishátíðinni á Þingvöll-
um. Fánahylling. (Sungið: Rís
þú unga íslands merki). Þjóð-
söngurinn. Lýðveldisræða (Krist-
ján Eldjárn cand. mag.). Söngur:
Eg vil elska mitt land. Ræða:
Minni Jóns Sigurðssonar (Jón
Jónsson skólastjóri). Söngur: Sjá
roðann á hnjúkunum háu
Ræða: Minni Eyjafjarðar (Ingi
mar Oskarsson kennari). Söng
ur: ísland ögrum skorið. Ræða
Minni Svarfaðardals (Helgi Sí
monarson bóndi). Söngur
Blessuð sértu sveitin mín. Lúðra
sveit leikur (undir stjórn Jakobs
Tryggvasonar). Handknattleik
ur. Söngur: Blandaður kór (und
ir stjórn Gests Hjörleifssonar)
Dans á útipalli. (Danshljómsveit
Karls frá Krossanesi leikur). A1
mennur söngur. Hátíðinni slitið
kl. 12 e. h. (Tryggvi Jónsson
oddviti). — Hátíðarsvæðið verð
ur við Sundskála Svarfdælá.
Ólafsfjörður:
Útihátíðahöld að HringveíS
koti, spöl innan við kauptúnið
Þar fara fram ræðuhöld, söngur
og íþróttir. Þorsteinn Símonar
son lögreglustjóri flytur minni
lýðveldisins, Gunnl. Jónsson
minni Jóns Sigurðssonar og
Þórður Jónsson oddviti ntinni
sveitarinnar. Um kvöldið verður
dansleikur í samkomuhúsi kaup
túnsins.
Grenivik og Höfðahverfi:
Hátíðahöldin hefjast með
vígslu nýrrar sundlaugar að
Bárðartjörn. Að því búnu hefst
samkoma á Grenivík. Þar verða
ræðuhöld, söngur o. fl. Sunnu
daginn 18. júní verður fjö
mennt af Grenivík og úr Höfða
hverfi til héraðsmóts Suður
Þingeyinga að Laugum í Reykja-
dal.
S valbarðsströnd:
Hátíðahöld hefjast kl. 4 laug-
ardaginn 17. júní með guðs-
rjónustu í Svalbarðskirkju. Að
rví búnu skrúðganga frá kirkju
að gróðurreit við samkomuhús
rreppsins og þar fara aðalhá-
tíðahöldin fram. Þar verða flutt
minni lýðveldisins, rninni Jóns
Sigurðssonar, minni sveitarinnar
fl. 30 manna blandaður kór
syngur bæði í kirkju og við úti-
samkomuna. Um kvöldið verð-
ur dansað í Samkomuhúsinu.
Þingeyingar hafa héraðsmót að
Laugum sunnudaginn 18. júní.
Sýslunefnd Þingeyjarsýslu
gengst fyrir fjölbreyttum hátíða-
höldum að Laugum sunnud. 18.
júní og verður þar aðal lýðveld-
ishátíð Suður-Þingeyinga. Hátíð-
hefst með guðsþjónustu að
Laugum kl. 1 e. h. og prédikar
Friðrik A. Friðriksson, pró-
fastur. Að því búnu hefjast úti-
hátíðahöld. Sýslumaður Þingey-
inga, Júlíus Havsteen, flytur há-
tíðaræðu. Ýms minni verða flutt
og kvæði. 150 manna blandaður
kór, úr 6 sveitum, syngur og að
auki 3 karlakórar: Þrymur á
Húsavík, Karlakór Reykdæla og
Karlakór Reykhverfinga. 100
manna flokkur víða að úr sýsl-
unni. sýnir fimleika. Þá verða
glímusýningar, sundsýningar o.
fl. Að lokum verður stiginn
dans.
Á Húsavík
fara hátíðahöld
daginn 17. júní.
fram laugar-
N orður-Þingeyjarsýsla.
Norður-Þingeyingar efna til
hátíðahalda að Lundi í Axar-
firði fyrir Axarfjörðinn, Keldu-
hverfi og Fjöll og að Raufarliöfn
fyrir Presthólahreppsbúa.
Skagafjörður.
Héraðshátíð á Sauðárkróki,
undir forstöðu Héraðssambands
skagfirzkra ungmennafélaga. —
Hefst kl. 3 e. h., að undangeng-
inni guðsþjónustu. Ræðumenn:
Gísli Magúnsson í Eyhildarholti
og séra Halldór Kolbeins á
Mælifelli. Á eftir hópsýning,
fimleikar og keppni í frjálsum
íþróttum. Karlakórarnir „Heim-
ir“ og „Ásbirningar“ syngja sam-
eiginlega á hátíðinni.
VIL SELJA
2 ungar kýr.
JÓN PÁLSSON,
Aðalstræti 32.
Sjötugur
ÁRNI STEFÁNSSON
RNI STEFÁNSSON húsameistari
hér í bæ varð sjötugur 8. júní
síðastl. Hann er austfirðingur að ætt,
fæddur 8. júní 1874 á Geststöðum í
Fáskrúðsfirði, en missti ungur föður
tn og ólst upp á Hafranesi við
Reyðarfjörð hjá þeim heiðurshjónum
Guðmundi Einarssyni og Helgu Jóns-
dóttur.
Rösklega tvítugur fór Árni til
Reykjavíkur til trésmíðanáms og lauk
sveinsprófi hjá Sigurði Árnasyni
smíðameistara árið 1898. Að því
loknu fór Árni austur í átthagana aft-
ur og gekk að eiga heitmey sína,
Önnu Friðriksdóttur frá Þernunesi.
Onnu missti Ámi eftir þriggja ára
sambúð. Árni stundaði húsasmiðar á
ýmsum stöðum austanlands og norð-
an á þessum árum, en sigldi eftir að
hann varð ekkjumaður og vann við
smíðar um nokkurt skeið bæði í Nor-
egi og Danmörku.
Árið 1907 gekk Árni að eiga Jón-
ínu Friðfinnsdóttur, sem er ættuð úr
Svarfaðardal. Þau hjónin reistu fyrst
bú á Seyðisfirði og þar eru þrjú elztu
börnin fædd, síðan fluttu þau hingað
til bæjarins og hafa búið hér eða i
nágrenninu síðan. Alls hafa þau Árni
og Jónína eignazt fjórtán börn og eru
ellefu þeirra nú á lífi; fjórar dætur
uppkomnar og .sjö synir. Eru börn
þeirra hjóna atgerfis- og myndarfólk.
Árni er hinn mesti elju- og dugn-
aðarmaður, en ekki er gott að gera
upp á milli, hvort starfið sé meira, að
hafa reist nær hálft hundrað húsa í
tveim landsfjórðungum eða að hafa
alið upp, með aðstoð konu sinnar,
hinn stóra barnahóp og komið börn-
unum öllum til einhverra mennta.
Þau hjónin eru við góða heilsu og
gengur Arni enn daglega til sinnar
vinnu.
Svíar viðurkenna lýðveld-
ið. Skipa sérstakan sendi-
herra.
Utanríkisráðuneytið tilkynnir:
„Ríkisstjórnin hefir þá ánægju
að tilkynna, að sænski sendifull-
trúinn hefir 12. júní tjáð utan-
ríkisráðherra, að sendifulltrúan-
um, Herra Otto Johanssen, hafi
verið falið að vera sérstakur
sendiherra Svíþjóðar, sem
envoyé en mission spéciale á lýð-
veldishátíðinni og að flytja við
þetta tækifæri íslenzku þjóðinni
kveðjur og árnaðaróskir.
Sá vináttuvottur, sem sýndur
er af hálfu þessarar norrænu
frændþjóðar, með þessum að-
gerðum, er mjög kærkominn. —
Afstaða Noregs og Svíþjóðar,
sem nú er í ljós komin, skoðar
ríkisstjórnin sem framrétta bróð-
urhönd til áframhaldandi norr-
ænnar samvinnu“.
KENNARAMÓT
Sambands norðlenzkra barna-
kennara.
Rætt um stofnun uppeldisheim-
ils fyrir vandræðabörn á
Norðurlandi.
Fyrir ári síðan stofnuðu
kennarafélög á Norðurlandi með
sér samband til að efla samstarf,
fræðslu og kynningu kennara á
félagssvæðinu. í sambandinu
eru öll kennarafélög á Norður-
landi, en þau eru 6 að tölu.
Þetta ár hefir stjórn sambandsins
setið á Akureyri og hefir Snorri
Sigfússon skólastjóri verið for-
maður hennar. Fyrsta kennara-
mót sambandsins fór fram á Ak-
ureyri 10,—12. júní sl. Á mótinu
mættu 45 kennarar víðs vegar að
af Norðurlandi. Aðalumræðu-
efni mótsins voru: móðurmáls-
kennsla, skriftarkennsla, reikn-
ingskennsla, kennsluskipunin
nýja, uppeldisheimili fyrir vand-
ræðabörn og innanlands náms-
ferðir kennara. Þá var fjöllireytt
sýning á handavinnu, teikning-
um, vinnubókum og skrift barna
frá 7 skólum á sambandssvæð-
inu. Á mótinu voru flutt 4 er-
indi. Hannes J. Magnússon um
efnið: Geta börn verið tauga-
veikluð? Jónas Jónsson frá
Brekknakoti um uppeldisáhrif
barnaskólanna, Magnús Péturs-
son um handavinnukennslu og
Egill Þórláksson um lestrar-
kennslu.
Á sunnudagskvöldið var
skemmtun í Samkomuhúsi bæj-
arins fyrir þátttakendur mótsins.
Fór þar fram kórsöngur og leik-
sýning 8—9 ára barna og kvik-
myndasýni'ng, en sameiginleg
kaffidrykkja á eftir.
Næsti mótsstaður var ákveð-
inn Húsavík, og stjórnin því kos-
in úr því kennarafélagi sam-
kvæmt lögum sambandsins. í
stjórn voru kosnir: Sigurður
Gunnarsson, skólastjóri, Húsa-
vík, Jóhannes Guðmundsson,
kennari, Húsavík og Jón Kr.
Kristjánsson, kennari, Víðivöll-
um.
Á mótinu ríkti almennur
áhugi og lauk því með snjöllu
ávarpi frá Snorra Sigfússyni,
skólastjóra, um siðalög kennara.
Að síðustu fóru kennararnir
skemmtiferð út í Árskógarskóla-
og skoðuðu hann.
Alyktanir kennaramótsins
verða birl,ar síðar.
Bifreið til fólks* og vöru-
FLUTNINGA er til sölu. — Ef
um kaup semst, fylgir atvinna
við fólks- og mjólkurflutning úr
Glæsibæjarhreppi.
Laugalandi, 13. júní 1944.
Einar G. Jónasson.
w^khkhkhkhkbkhkkhkbkkhkhkhkhkbkhkhkhkbkbkhkhkbkhkhíö!
Skrifstofur vorar og
sölubúðir
verða lokaðar þjóðhátíðardaginn, sem hér segir:
Föstudaginn 16. júní: Skrifstofur og sölubúðir, nema
mjólkur- og brauðbúðir, lokaðar frá kl. 3 e. h.
Laugardaginn 17. júní: Skrifstofur og sölubúðir lok-
aðar allan daginn.
KAUPFÉLAG EYFIRÐINGA
CHKBKBKHKHKHKHKHKHKHKHKHKHKHKHKHKHKHKHKHKHKHKHKHKHKHf
VERZLUNARM.FÉLAGIÐ Á AKUREYRI
óskar að allar verzlanir og skrifstofur á Akureyri
loki kl. 3 e. h. föstudaginn 16. þ. m.
STJÓRNIN.