Dagur - 16.02.1955, Blaðsíða 6

6
DAGUR
Miðvikudaginn 1G. febrúar 1955
í óttans dyrum f
Saga eftir DIANA BOURBON [ )
't w
15.DAGUR.
(Framhald).
„Eg er óvön því að vera kölluð
lygari,“ sagði eg og byrsti mig.
„Hverju ertu yfirleitt vcn?“
spurði hún háðslega. Hún
ætlaði að segja eitt.hvað meira, en
eg greip fram í fyrir henni.
.Eg er til dæmis vön því, að
mér sé sýnd kurteisi" sagði eg,
„og þú ert ruddalegur og mjög
ógeðfelldur telpukrakki."
Þarna hitti eg í mark. „Eg er
ekkert barn,“ flýtti hún sér að
segja. ,„Hvernig dirfistu að tala
svona við mig?“
,Þú hagar þér sannarlega eins
og vanþroska krakki. Og má eg
spyrja: Hvað ei-t þú að gera hér á
þessum tíma sólarhringsins? Og
alklædd!“
.Eg þarf ekki að standa þér
reikningsskil á neinu.“
,Nei, en þú þarft kannske að
gera það gagnvart foreldrum þín-
um.“
,Þú skalt ekki dirfast að kalla
þessa kvensnipt móður mína,“
sagði hún.
En eg lét sem ekkert hefði í
skorizt. „Faðir þinn mundi gjama
vilja vita, hvers vegna þú lokaðir
þig hér inni í þessu herbergi um
hánótt.“
Andlitssvipur hennar breyttist.
Nú mátti lesa þar undrun og
spurningu. „Varst það þú, sem
tókst í hurðarhandfangið íyrir
dálítilli stundu?“
„Já, auðvitað. Við hverju bjóst
þú?“
„Eg hélt bafa . . .“ Hún starði
á mig. „Eg hélt að það væri ein-
hver annar.“ Allt í einu snaraðist
hún fram og ætlaði að komast
fram hjá mér.
Eg stöðvaði hana. Það var eitt-
hvert vonleysi í svip hennar, sem
rann mér til rifja. , Anna,“ sagði
eg blíðlega. „Hlustaðu á mig Þú
átt í erfiðleikum — ef eitthvað er
að þá bið eg þig að gleyma því,
sem eg sagði áðan og leyfa mér
að hjálpa þér.“
Hún sleit sig lausa. „Lofaðu
mér að fara,“ sagði hún.
„Nei. Hlustaðu á það seni eg
segi. Hvers vegna fórstu hingað
upp? Hvað varstu að gera í þessu
herbergi?"
„Lofaðu mér að fara! Ætlarðu
að vekja alla í húsinu?“
„Mér er sama um það. Það
skiptir mig engu máli. En kann-
ske þér sé ekki sama, ef allir
vakna?“ Við stóðum þarna and-
spænis hvor annarri og horfð-
umst í augu. „Eg er hrædd um að
þú komist ekki hjá að gefa ein-
hverja skýringu,“ sagði eg, „því
að eg verð auðvitað að segia frá
því sem gerzt hefur. Og heldurðu
ekki að það sé auðveldast að út-
skýra málð fyrir mér?“
„Hvers vegna spyrðu ekki kon-
una þarna niðri? Hvers vegna
biðurðu hana ekki um skýringu?
Er það kannske af því að þú þarft
þess ekki, vegna þess að þú veizt
allt nú þegar? Já, auðvitað. Þess
vegna er það, þú veizt allt saman.
Þú ert sjálf á kafi í þessu ógeðs-
lega tilstandi. Þess vegna hefur
hún fengið þig hingað, til að
hjálpa sér.“
„Anna,“ hrópaði eg. En hún
sleit sig lausa og hljóp í hendings
kasti að stigaganginum. „Bíddu,“
hrópaði eg, en hún sinnti því
engu.
Hve mikið vissi hún? Mundi
hún geta hjálpað mér? Mundi
hún vilja það ef hún gæti gert
það? Eg varð að tala betur við
hana.
En það var of seint í þetta sinn.
Þegar eg kom að stigaganginum,
var hún horfin. Hafði hún farið
upp eða niður? Mér virtist lík-
legast að hún hefði hörfað til her-
bergis síns niðri, og eg flýtti mér
á 'leið þangað.
Þrátt fyrir stór orð við Önnu,
hafði eg í rauninni alls ekki vilj-
að vekja Babs og eg gekk því of-
urhljóðlega um, og fór því gæti-
legar, sem eg nálgaðist meira
herbergi okkar.
En svo stanzaði eg á auga-
bragði.
Eg gat ekki betur séð en að
dyrnar væru að opnast. eg skauzt
sem elding inn í kústaskáp á gang
inum og lagði hurðina að stöfum.
Eins og ástatt var gat eg með
engu móti séð, hvað gerðizt á
ganginum.
„. . . . sért viti þínu fjær,“
heyrði eg að hvíslað var hásri
kvenröddu. Það var ekki um að
villast. Þetta var Babs.
Karlmaður hló við. Lágt, hæðn-
islega.
„Hættu að hlæja,“ sagði hún,
og hvíslaði enn. En auðheyrt var
að rödd hennar var að bresta,
„Hvernig komstu hingað nið-
ur?“
„Hvernig eg komst, kæra
mín?“ sagði maðurinn í stríðnis-
tón. Var það sem mér heyrðist, að
maðurinn talaði með útlenzkum
hreim? Skyldi það vera René?
Eg gat ómögulega vitað það með
vissu. „Klúbburinn er einkar
þægileg og nytsamleg stofnun,“
hélt maðurinn áfram, og þú gazt
aldrei búizt við því að eg sætti
mig við að vera lokaður inni uppi
á hanabjálkalofti til eilífðar.“
„Nei, en það var umsamið að
þú yrðir kyrr. Það var skilyrði."
„Þú hefur enga aðstöðu til að
setja skilyrði, kæra mín,“ sagði
maðurinn.
„En setjum svo að einhver
hefði séð þig! Þú hlýtur að sjá, að
þetta er allt of áhættusamt, þú
verður að bíða þangað til óhætt
er, og eg lofa að gera þér aðvart.“
„Óhætt,“ endurtók maðurinn
háðslega.
Babs stundi. „Hvað viltu? Hvað
ætlarðu? Er ætlunin að eyði-
leggja framtíð mína? Geturðu
ekki skilið . . .“
„Jú, eg skil allt mæta vel,
kannske betur en þú heldur.“
„Hættu að hlæja, Það ert þú,
sem ert í hættu.“
„Þú ert líka í hættu, góða mín,
þótt með öðrum hætti sé.“
„Já, eg veit það. En þú verður
að treysta mér, því að enginn
annar getur hjálpað þér. Og
hvernig á að gera það þegar þú
hagar þér svona, kemur beint inn
í svefnherbergið, einmitt þegar
hann hafði fengið stúlku sérstak-
lega til að vera hjá mér.“
„Eg var þeirrar skoðunar, að
þú hefðir átt eins mikinn þátt í
því og hann ,Og eg hélt, að þú
værir ekkert áköf að sjá mig í
kvöld, — og mér fór að detta í
hug, hvort þú ætlaðir þér yfir-
leitt að sjá mig aftur.“
Rödd hennar breyttist. Varð
ákveðnari. „Þú skalt gæta þín,“
sagði hún. ,,Þú getur vissulega
gengið of langt.“
K.A. K.A. Dansnámskeiðið hefst n. k. miðvikudag í Varð- borg kl. 8 e. h. Nefndin. - Karlmannaföt nýkomin. V efnaðarvörudeild.
Kjólföt á grannan mann til sölu. Sauvwstoja Gefjunar

FATALÍM Járn- og glervörudeild.
Sjónleikurinn Spretthlauparinn eftir Agnar Þórðarson verður sýndur að Hrafnagili 19. og 20. þ. m. og hefst kl. 9 e. h. Dans á eftir, Haukur og Kalli spila. — Veitingar. Nefndrn.

TILKYNNING Fólksbifreiðastöðvum bæjarins verður lokað frá kl. 6 e. h. laugardaginn 19. þ. m. til kl. 1 e. h. á sunnudag vegna árshátíðar Bílstjórafélagsins. BÍLSTJÓRAFÉLAGIÐ.
Hover-þvottavél sem ný til sölu. — Sími 1549
Húsið Sólgarður á Hjalteyri er til sölu. Skipti á einbýlishúsi á Akureyri eða í Glerárþorpi geta komið til greina. Allar nánari upplýs- ingar gefur eigandi hússins Jóhannes Björnsson Bjarma- landi Glerárþorpi cða Vé- steinn Guðmundsson Hjalt- eyri.
PÍANÓ Get útvegað hin þekktu HORNUNG og MÖLLER PÍANÓ. — Verð frá kr. 20.000.00. Ath. Þér gerið beztu kaupin með því að kaupa NÝTT píanó. Guðbjörg Bjarman, Hamarstíg 2. Sími 1369.

fbúð óskast til leigu 2—3 stofur og eldhús 14. maí eða fyrr, fullorðið í heimili, reglusemi. Skil- vís greiðsla, upplýsingar í síma 1825. ÁRSHÁTÍÐ BÍLSTJÓRAFÉLAGS AKUREYRAR verður n. k. laugardag 19. þ. m. kl. 8 e. h. í Alþýðuhús- inu. — Góð skemmtiatriði. Aðgöngumiðasala á BSA á miðvikudag og fimmtudag kl. 8—10 e. h. — Dökk föt, síðir kjólar.
Karlm.armbandsúr tapaðist s.l. fimmtudag. Skil- ist gegn fundarlaunum á afgr. Dags.

Unga fólk, karlar og konur! Æfingatímar í dægurlagasöng eru að hefjast. Ekkert æfingagjald. Sigurður Jóhanneson og hljómsveit hans annast æfingar. Hringið í síma 1880 og látið skrá ykkur fyrir n. k. föstudag. Knattspy rnufélag A kurey rar.
Skagfirðingafélagið heldur kvöldvölcu í Varðborg fimmtudaginn 17. febr. kl. 8.30 e. h. Skemmtiatriði: Spurmngaþáttur Félagsvist Dans Mætið stundvíslega og fjöl- mcnnið. — Aðgangseyrir 10.00 kr. við innganginn. Skemmtinefndin.

EIN GANGASTÚLKA helzt vön, óskast nú þegar eða síðar í Kristneshæli. — Mánaðarlaun sem hér segir: Eftir eins árs starfstíma í sjúkrahúsi kr. 2082,90, eftir 5 ára starfstíma í sjúkra- húsi kr. 2186.25. Frá dregst fæði húsnæði og þvottur. Tveir frídagar í viku og langt sumarfrí. Nánari uppl. gefur yfirhjúkrunarkonan og skrifstofan sími 1292.
Sá sem tók skíðasleðann upp við kirkj- una s.l. sunnudag kl. 2—5 e. h. gjöri svo vel að skila honum þangað aftur strax.

Húseigendur! Ný sending af TÆKNI-KÖTLUM er kominn. Þeir, sem eiga hjá okkur óafgreiddar pantanir eru vinsam- lega beðnir að vitja þeirra sem fyrst. Olíusöludeild KEA. Símar 1860 og 1700.
AKUREYRINGAR! Munið ódýra skófatnaðinn í Hafnarstræti 93 (áður brauð- búð IŒA). Skódeild KEA.
(Framhald).