Dagur - 20.08.1958, Blaðsíða 2

Dagur - 20.08.1958, Blaðsíða 2
D AGUR Miðvikudáginn 201 ágúst 1958 KHjUiei Viðtal við Askel Einarsson bæjarstjóra Þegar Áskell Einarsson, hinn nýi bæjarstjóri í Húsavík, var hér nýlega á ferð, náði blaðið tal af honum sem snöggvast og átti við hann eftirfarandi samtal. Mikil síldarsöitun? Já, í Húsavík eru 3 söltunar- stöðvar og miklu meiri söltun en í fyrra. En tölur um síldarsöltun færðu ekki hjá mér, því að þegar blaðið þitt kemur út vona eg að þær verði orðnar miklu hærri en nú í dag. Sex bátar frá kaup- staðnum eru gerðir út á síld og hafa þeir flestir aflað mjög sæmi- lega. Ennfremur hefur aflast vel á handfæri og fiskurinn veiddur á nærliggjandi miðum. Helztu framkvæmdir í landi? Fyrst má geta þess, að mörg hús eru í smíðum, ennfremur stór og myndarlegur skóli, unnið er að gatnagerð og sett var niður ker við hafnargaroinn. Vonir standa til að hægt verði að steypa önnur tvö ker til viðbótar og er áætlað að hafnargarðurinn verði lengdur næstu tvö ár um 50 metra. Yfir stendur viðgerð á gömlu hafnarbryggjunni. Og bæjarstjórinn bætir við, að af þessafi mjög lauslegu upptaln- ingu megi sjá að í Húsavík sé töluvert athafnalíf. Svo höfum við auðvitað margt fleira í hyggju, svo sem stækkun á hrað- .írystihúsi Fiskiðjuvers Húsavík- ur og stcndur sú framkvæmd íyrir dyrum. Hvað h'ður hitavcituiiní? Mikill áhugi er fyrir því að fá .hitaveitu fyrir bæinn og nota til þess heita vatnið á Hveravöllum :í Réykjahverfi. Sigurður Thor- oddsen verkfræðingur vinnur nú að áætlun um hitaveituna og liggur hún væntanlega fyrir í haust. Á Hveravöllum er um 80 iítrar á sek. a£ 100 stiga heitu vatni. En talið er að Húsavík þurfi um 15 sek.lítra eða rúmlega það. Leiðslan frá hverasvæðinu er 18 km. og reiknað með að vatnið hafi um 80 stiga hita kom- ið til Húsavíkur. Ef hitaveita kemst í framkvæmd, sem þyrfti að verða sem allra fyrst, myndi hún gjörbreyta bænum og gera hann að einum eftirsóttasta stað landsins. Hvað líður rannsóknum vinnslu úr kísillcir þar eystra? Athuganir fara fram á kísilúr vinnslu í Aðaldal og við Mývatn. Miðar þeim vel áleiðis svo jafn- vel er talað um byggingu verk- smiðju næsta vor. Allt er þetta þó í athugun ennþá. Bæjar- og héraðsbúar fylgjast með þessu máli af áhuga og líta björtum augum á nýja atvinnugrein, ef svo fer sem nú horfir um fram- kvæmdir. Fleira stórt á dagskrá? Mælingar fara fram á Jökulsá á Fjöllum í sumar og áætlanir um virkjun Dettifoss með stóriðnað fyrir augum. Rannsóknir á þessu sviði eru hinar nauðsynlegustu, því að sennilega væri orka Jök- ulsár sterkasta aflið, ef beizlað verður, til að skapa jafnvægi í byggð landsins. f Námaskarði eru líka orku- lindir? Já, rannsósknir á Reykjahlíð- arsvæðinu og ennfremur Þeista- reykjum eru aðkallandi. Þegar hinn stórvirki bor var keyptur, sá eini sinnar tegundar hér á landi, var það haft í huga að hann yrði notaður við boranair í Námaskarði. Hann hefur þegar reynst, þjóðhagslega séð, mjög arðbær, enda er hver sek.lítri af heitu vatni hundraða þúsunda króna virði (virtur á eina milljón í Reykjavík). Aðeins með djúp- borun er hægt að ganga úr skugga um möguleika jarðhita- svæðanna. MeS tilliti til staS- setningar þungavatnsframleiðslu, er hin mesta nauðsyn á, að rann- sökuð séu þau jarðhitasvæði, sem til greina geta komið í því sam- bandi. Það er hart fyrir Norð- lendinga að missa af'möguleika til hagnýtingar jarðhitans vegna vöntunar á rannsóknum. Eg held að nú sé fyllilega tímabært að ráðast í kaup á nýjum djúpbor vegna jarðhitans á jarðhitasvæS- um Norðurlands. Hér ber ríkis- valdinu að hafa forgöngu og Norðlendingum að knýja fast á að í þetta verði ráðizt. Sýnist þér Húsavík framtíðar- bær? Já, Húsavík á mikla framtíðar- möguleika. Útgerðarskilyrði eru góð. Landhelgisstækkunin 1952 virðist hafa haft mikla þýðingu fyrir þann atvinnuveg. Eflaust á hin nýja landhelgisstækkun eftir að lyfta útgeröinni til enn aukins vegs. Einn bátur, Hagbarður, stundaði vetrarveiðar heima síð- ustu vertíðir. Sjómenn telja, að í skjóli nýju landhelginnar skapizt þau skilyrði vetrarútgerðar, að stærri bátar hætti að fara til Suðurlands á vetrarvcrtíðir, svo sem nú tíðkast. Vonandi er að svo geti orðið. Verði farið inn á þá braut að hagnýta orkulindir hér- aðsins, og eg hef trú á að það verði gert í framtíðinní, þá verð- ur Húsavíkurbær í röð fjölmenn- ari og blómlegri bæja á íslandi. Blaðið þakkar viðtalið, óskar nýja bæjarstjóranum, Áskatli Einarssyni heilla í starfi og vonar að sem flestar góðar óskir rætist, Húsavík til hagsældar. E. D. ÚR ERLENDUM BLÖÐUH undmóí í Strandasýslu Skinfaxi, tímarit Ungmcnnafélags íslands, 2. heíti 1958, er komið út. Hefst það á greininni Lýðræðið og unga fólkið, eftir ritstjórann, Guðm. G. Hagalín. Þá er grein um Bjarna M. Gíslason fimmtug- an, önnur um bókmenntir og fé- 'lagsmál, kveðjuorð um Stein arr skáld og ljóð eftir hann, við- töl við Stefán 01. Jónsson um starfsíþróttir og Þorstein Einars- son um ungmennafélögin og íþróttirnar og minningargrein um Brynleif Tobiasson. — Enn má nefna skákþátt, íþróttafréttir og íleira. Sundmót Héraðssamb. Stranda- manna fór fram 20. júlí sl. að Klúku í Bjarnarfirði. Keppendur voru aðeins frá einu félagi, Sundfélaginu Gretti. Helztu úrslit: 50 m. bringusund drengja. (Bikarkeppni.) 1. Ingimundur Ingimundars. 46,2 sek. 2. Sigvaldi Ingimundars. 47,0 sek. Ingimundur vann bikarinn í annað sinn í röð. 50 'm. frjálsaðferð kvenna. l.Hulda Sigurðardóttir 51,2 sek. 2. Ásdís Ingimundard. 54,9 sek. 4x50 m. bringuboðsund kvenna. CBikarkeppni.) 1. Sveit Sundfél. Grettis 3 mín. 53,0 sek. Grettir vann bikarinn í annað sinn í röð. í sveitinni voru: Sóley Guð- mannsdóttir, Erna Arngrimsdótt- ir, Ásdís Ingimundardóttir og Hulda Sigurðardóttir. í hinni sveitinni voru stúlkur frá Hóimavík og Drangsnesi. 4x50 m. bringuboðsund karla. CBikarkeppni.) 1. A-sveit Grettis 2 mín. 58,7 sek. í sveitinni voru: Ingimar Elías- son, Sigvaldi Ingimundarson, Ingimundur Ingimundarson og Baldur Sigurðsson. Grettir vann bikarinn nú í 3ja sinn í röð og þar með til fullrar eignar. 50. m. bringusund karla. (Bikarkeppní.) 1. Baldur Sigurðsson 45,3 sek. 2. Jón Sigurðsson 45,9 sek. 100 m. frjáls aðferð karla. (Bikarkeppni.) 1. Ingimundur Ingimundarson 1. mín. 37,8 sek. 2. Baldur Sigurðsson 1 mín 44,7 sek. Baldur var síðasti handhafi bikarsins. Fjölmenni var á mótinu. Á cftir fóru fram tvær knattspyrnu- keppnir. Fyrri leikur á milli liða úr Árnes- og Kaldrananeshrepp- um móti Hólmavíkur-og-Kirkju- bólsh'reppum. Leikurinn varð jafn, eða 3 og 3 mörk. Seinni leikurinn var á milli Árneshrepps og Kaldrananeshr. og sigruðu þeir síðarnefndu með 2:0. I. Villiminkaplágan víðar en hér. Frá Guðbrandsdölum í Noregi fréttist, að vatnamerðirnir geri þar ljótan usla í ám og veiði- vötnum. Hefur StangarveiSi- mannafélagið á a Litlahamri ákveðið að hefja allsherjarsókn gegn merðinum og skorar á veiðimenn að fylkja öfluðu liði gegn þessum fjanda. Þýzkar konur starfa og strita. Vesturþýzkt kvennasamband skýrir frá þessu: Af 6,5 milljón- um starfskvenna í V.-Þýzkalandi eru 2,5 milljónir mæður. Auk fastastarfsins verða þær einnig að sjá um hús og heimili. Til sveita vinna konurnar allt að því 13 stundir daglega. Hjá þeim er einnig mest heilsuleysi, og eru ferfalt fleiri konur en menn orðnar ófærar til vinnu á 55—56 ára aldri. Svíar saddir og þyrstir. Talið er að í fyrra hafi Svíar etið og drukkið fyrir nærri því 13 milljarða norskra króna. Af kjöti og fleski hesthúsuðu þeir 345.000 smálestir og 765.000 smálestir af kartöflum, kökur fyrir 340. millj. króna og sælgæti fyrir 890' millj. Kaffi drukku þeir fyrir 900 millj. og 1300 millj. ruku út-í loftið! — Auk þess drukku Svíar brenni- vín fyrir 1,8 milljarð króna og vín fyrir 20 milljónir. — Og allt er þetta miðað við norskar krónur, en í norsk króna er 2,28 ísl. Blindir fá sýn? Kona sem hefur verið blind í 18 ár, kvað nú sjá ofurlitla glætu með því að nota eins konar rat- sjár-tæki („radar") með leiðslum upp í heilann. Þetta hefur gefið amerískum læknum von um, að áður en 5 ár séu liðin, muni hafa heppnast að veita öllum blindum ofurlitla sjónarglætu.. Leiða má rafhvata að þeim hluta sjóntaug- arinnar, sem liggur inn í heilann. Eínn læknanna segir að heila- frumur skorpni ekki eins og vöðvafrumur, og megi því endur- lífga þær. Norðmenn verða að stunda fiskveiðar á öllum höfum. í erindi sem Finnur Dcvold hélt fyrir skömmu í Áiasundi, hélt hann því eindregið fi'am, að Norðmenn þyrftu að stunda fiskveiðar á öllum höfum, og að margt af skipum í fiskveiðaflota Norðmanna séu vel til þoss hæf, hvar sem er. Hann benti samtím- is á, að nú eigi Japanar nýtízku togara, 1000 smálesta, og þeir hafi tryggt sér frjálsa fisksölu til Brazilíu, þólt landsmenn þar þurfi sjálfir að greiða fyrir fisk- sölu sína. Af togaragerðum taldi Devold togara með skutvörpu betri en hina með vörpuna á hlið. Rússar segðu t. d. að síldveiðar hefðu gengið fremur illa meS vörpu á hlið, en er þeir hófu veiðar með skutvörpu, fengju þeir oft 20 smál. og meira á stundarfjórð- ungi. „í svælu og reyk. ...". „Við siglu Kristján sjóli stóð í svælu og reyk,'' var eitt sinn sungið um Kristján IV. Og enn er reykur yfir Danmörku! Er talið, að þar hafi verið reyktir 4 mill- jarðar vindlinga í fyrra. Verða þetta 870 vindlingar á hvern Dana. Annars er talið, að Danir reyki helzt vindla! 700 gr. silungur fyrir flimkurnýjan bíl. Jölstravatn í Sygna- og Firða- fylki í Noregi er hálf stærð Þing- vallavatns, en aflangt og fremur mjótt. Umhverfis það er fögur sveit, og mjög fjölfarinn bílvegur sveita milli með vatninu austan- verðu. Sunnudag einn í fyrra mánuði var stofnað til kappveiða á stöng í vatninu, og voru 1. verðlaun spánnýr bíll, um 30.000 kr. virði. Fólk streymdi að úr öllum átt- um, bæði keppendur og áhorf- endur, og var að lokum um 8000> manns þarna samankomnir. — Veiðimenn komu langt að, jafn- vel úr öðrum fylkjum, me5 stangir sínar og ánamaðka. Og síðan hófst veiðin frá Skeiði, sem er aðalmiðstöð sveitarinnar. — Voru þar samankomnir full 309 bílar og.véltæki. Og mikill var spenningurinn! Sigurvegarinn fékk 700 grarama silung — og bílinn! Veiði hinna var enn smávaxnari. Tveir Jölstringar fengu 1. og 4. verð- laun, en 2. og 3. hlutu utansveit- armenn. —¦ Þótti keppni þessi takast vel. — Enda var veður gott, og vegir prýðilegir! — v. Dagur ungmennafélaganna Þótt ekki þyki tíðindum sæta að messað sé að Glæsibæ í sam- nefndum /hreppi, svo sem gert var á sunnudaginn var, mun sá siður hvergi hafa fest rætur eða verið upp tekinn að halda árleg- an hátíðisdag kirkju og ung- mennafélaga, nema í Möðru- vallaklaustursprestakalli. Ungmennafélögin í prestakall- inu hafa daginn til skiptis og sjá um undirbúning og hefur svo verið frá því að kirkja og æsku- fólk innan ungmennafélaganna tóku um þetta ákvörðun. Dagur ungmennafélaganna fer í stórum dráttum þannig fram, a5 fyrst er hlýtt á guðsþjónustu, því næst eru stundaðar íþróttir og leikir og að því búnu er sameig- inlegt borðhald og eru þar flutt- ar ræður og sungið. Að lokum er svo stiginn dans. Þessar samkomur eru mjög fjölsóttar, sérstaklega af ungu íólki og þar hefur aldrei drukk- inn maður sézt. Á þetta er bent sem fyrirmynd í starfi kirkju og ungs fólks, en ekki hugmynd, því að þessir fjöl- mennu dagar, sem nefndir hafa verið dagar ungmennafélaganna, eru staðreynd undanfarin 7 ár og munu hvergi tíðkaðir annars staðar á þennan hátt.

x

Dagur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagur
https://timarit.is/publication/256

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.