Dagur - 28.03.1973, Qupperneq 5

4
5
Skrifstofur, Hafnarstræti 90, Akureyri
Súnar 1-11-66 og 1-11-67
Ritstjóri og ábyrgðarma'ður:
ERLINGUR DAVÍÐSSON
Auglýsingar og afgreiðsla:
JÓHANN K. SIGURÐSSON
Prentverk Odds Björnssonar h.f.
ByggðajafnvægisfniniVcirp
Framsóknarmanna
Á ALÞINGI 1970 fluttu sex Fram-
sóknarmenn enn frumvarp til laga
um byggðajafnvægisstofun ríkisins
og ráðstafanir til að stuðla að verncl-
un og eflingu landsbyggðar og koma
í veg fyrir eyðingu lífvænlegra
byggðarlaga. Af gefnum tilefnum
skal rif jað upp nokkuð af því helzta,
er í þessu frumvarpi fólst.
Gert var ráð fyrir að byggðajafn-
vægisstofnunin fengi árlega í sinn
hlút 2% af tekjum ríkissjóðs, sem nú
væri á fjórða hundrað millj. kr., en
auk þess tekjur og eignir Atvinnu-
jöfnunarsjóðsins gamla, auk láns-
heimilda. En verkefnin, sem stofn-
uninni voru ætluð voru m. a.:
Að gera landshlutaáætlanir í sam-
vinnu við sveitarfélög og sveitar-
félagasambönd. Að veita viðbótarlán
eða framlög til hverskonar fratn-
kvæmda, þar á meðal atvinnutækja,
sem stuðla að jafnvægi í byggð lands
ins, enda séu aðrir lánsmöguleikar
fullnýttir. Að greiða vexti af bráða-
birgðarlánum, sem byggðarlög afla
sér til að flýta fyrir ríkisframkvæmd-
um (vegum, skólum o. s. frv.), eða
veita slík bráðabirgðarlán vaxtalaus.
Að veita sveitarfélögum íbúðalán til
viðbótar hinum almennu húsnæðis-
lánum. Að gerast meðeigandi í at-
vinnufyrirtækjum ef þörf krefur. Að
gera tillögur um staðsetningu at-
vinnufyrirtækja, sem sett eru á stofn
fyrir atbeina ríkisins. Að láta Al-
þingi í té álitsgerð um dreifingu
ríkisstofnana. Að gera sérstakar ráð-
stafanir til að koma í veg fyrir, að
lífvænleg byggðarlög fari í eyði.
Gert var ráð fyrir að Alþingi kysi
stjórn stofnunarinnar, en sveitar-
félögin fengju síðar meiri eða minni
hlutdeild í skipun liennar.
Ástæða er til að vekja athygli á
því, að hér var um fullunnið laga-
frumvarp að ræða, en ekki tillögur.
En málið var svæft á þingi, ár eftir
ár, að tilhlutan fyrrverandi ríkis-
stjórnar. Núverandi ríkisstjóm lief-
ur ekki komið þessu máli fram, ]>ótt
verulegt tillit hafi verið til þess tekið
í lögunum um Framkvæmdastofnun
ríkisins. En tillögur, sem nú koma
fram, innan þings og utan, sýna
glöggt, að landsbyggðarmálið hefur
vaxandi byr. Má þar fyrst nefna ítar-
lega stefnuskrá ungra Framsóknar-
manna. Sjálfstæðismenn vilja nú
vekja upp ýmislegt, sem þeir áður
svæfðu. Er vel þegar slík tíðindi ger-
ast. Þá hafa nú þrír þingmenn Fram-
sóknarflokksins flutt tillögu um að
kjósa milliþinganefnd til að fjalla
um landbyggðannálin í heild og má
vera að sú leið sé vænleg eins og
sakir standa. □
KA sigraði ÞRÓTT
Þórsarar standa nú á þröskuldi I. deildar
Skugga-Sveinn — Helgi Bjarnason og Ketill útilegumaður — Jón
Guðlaugsson. — Ljósm.: Ljósmyndastofa Péturs, Húsavík.
Haraldur — Jón Benónýsson og Ásta — Emelía Friðriksdóttir.
Skugga
inn á Húsavík
Húsavík, 18. marz 1973. Leik-
félag Húsavíkur frumsýndi í
gærkveldi hið gamla og góða
útilegumanna ævintýri og
sveitarómantík, Skugga-Svein,
eftir Matthías Jochumsson. í
ljós kom við fögnuð leikhús-
gesta, að hið þjóðlega ævintýri
á enn mikinn hljómgrunn með-
al fólks, a. m. k. ef það er flutt
með slíkum ágætum og leikfé-
lagið gerir að þessu sinni. Leik-
stjóri er Sigurður Hallmarsson
og verður ekki annað séð, en að
honum hafi mjög vel tekizt.
Uppfærslan er að nokkru ný-
stárleg og er þó með þeim
hætti, að þjóðsagan og ævintýr-
ið. kemst enn betur til skila til
áhorfenda, en á þeim sýningum
á Skugga-Sveini, sem ég hef
áður séð. Leiktjöld, sem fengin
eru að láni frá Leikfélagi Sauð-
árkróks, eru skemmtileg og nú
er í fyrsta skipti á leiksviði á
Húsavík beitt þeirri tækni að
láta ský hreyfast á himni. Fjalla
sviðin eru sérlega falleg. Þjóð-
leikhúsið hefur lánað flesta bún
ingana og þeir munu gefa nokk-
uð rétta mynd af fatnaði á ís-
landi á fyrri hluta 17. aldar, en
þá á leikurinn að gerast.
Skugga-Sveinn eða Utilegu-
mennirnir hafa áður verið færð
ir á svið á Húsavík fjórum sinn-
um, fyrst árið 1890, næst alda-
mótaárið, þá 1934 og loks 1952.
Margir Húsvíkingar og fleiri
Þingeyingar muna vel sýning-
arnar 1934 og 1952 og verður
mörgum á að bera sýninguna
TVENNIR TÚNLEIKAR
Á SÍÐASTLIÐNU ári gekkst
Tónlistarskólinn á Akureyri
fyrir stofnun minningarsjóðs,
sem ber nafn Þorgerðar S.
Eiríksdóttur, en hún lézt af slys
förum í London 2. febrúar 1972
aðeins átján ára að aldri. Þor-
gerður hafði lokið burtfarar-
prófi í píanóleik frá Tónlistar-
skólanum á Akureyri og var
rétt að hefja framhaldsnám þar
ytra, er fráfall hennar bar að
með svo sviplegum hætti.
Sjóði þessum er ætlað það
hlutverk að geyma nafn efni-
legrar námskonu, sem þegar átti
að baki sér glæsilegan náms-
feril, þótt ung væri, og enn-
fremur að veita nokkurn stuðn-
ing og uppörvun því fólki, sem
hefur valið sér tónlist að náms-
braut og sýnt til þess góða
hæfni og ástundun. í reglugerð
sjóðsins segir svo, að tekna
skuli meðal annars aflað með
tónleikahaldi, og nú hafa kenn-
arar og nemendur við Tónlistar
skólann á Akureyri ákveðið að
efna til tónleika í Borgarbíói í
lok þessarar viku, sjóðnum til
styrktar.
Á föstudagskvöld 30. marz kl.
21 kemur fram söngfólk, nem-
endur Sigurðar Demetz Franz-
sonar, og einnig mun hann sjálf
ur syngja ljóðalög og aríur.
Tónleikarnir hefjast með því,
að Söngfélagið Gígjan syngur
fáein lög. Undirleikarar verða
Dýrleif Bjarnadóttir, Soffía
Guðmundsdóttir og Jón Hlöð-
ver Áskelsson.
Á laugardag 7. apríl kl. 17
verður leikið á hljóðfæri, og
koma þar fram nemendur í
píanóleik og á blásturhljóðfæri
ásamt sveit fiðlunemenda. Þá
munu þau Michael Weiss og
Anna Áslaug Ragnarsdóttir
leika samleik á flautu og píanó
Þorgerður Eiríksdóttir.
og Anna Áslaug leikur einleik
á píanó. Strengjasveit, sem skip
uð er meðlimum Kirkjutónlist-
arsveitarinnar á Akureyri mun
einnig leika.
Forsala aðgöngumiða hefst í
Bókabúðinni Huld á fimmtudag
og miðar verða einnig seldir við
innganginn í Borgarbíói.
(Fréttatilkynning)
TÓNLEIKAR f
AKUREYRARKIRKJU
SUNNUD AGSKV ÖLDIÐ 25.
marz fóru fram í Akureyrar-
kirkju tónleikar, sem Kirkju-
tónlistarsveitin á Akureyri og
Passíukórinn undir stjórn
Roars Kvam stóðu að. Flutt
voru verk eftir tónskáld frá 17.
og 18. öld. Strengjasveit lék og
ennfremur komu fram meðlimir
í Lúðrasveit Akureyrar. Ein-
söngvari var Michael Clarke
countertenór.
Þessa ágæta tónlistarviðburð-
ar verður getið síðar. □
núna saman við þær. Það er
mín skoðun, að nú sé fleiri hlut-
verkum gerð góð skil og betri,
en á fyrri sýningunum tveimur,
sem ég man, tvö eða þrjú hlut-
verk virðast mér ekki eins góð.
Ég tel, að eftirtalin hlutverk séu
nú betur af hendi leyst en áður:
Ásta — Emelía Friðriksdóttir,
Haraldur — Jón Benónýsson,
Jón sterki — Freyr Bjarnason,
Gvendur smali — Gunnar Jó-
hannsson, Lárenzíus sýslumað-
ur — Ingimundur Jónsson,
Skugga-Sveinn — Helgi Bjarna-
son, Ketill útilegumaður — Jón
Guðlaugsson og Ogmundur úti-
legumaður — Einar Njálsson.
Sumar þessar persónur eru svo
vel gerðar, að ég efast um að
öllu betur verði gert: Jón
sterki, Ketill og Skugga-Sveinn.
Ásta og Haraldur eru fallegt
par og þau syngja Ijómandi vel.
Forleikur og Intermezzo eftir
Vladislav Vojta, sem leikinn er
fyrir sýninguna gefur henni sér
stæðan blæ og skapar skemmti-
lega leikhússtemningu. Tónlist-
ina annast: Katrín Sigurðardótt
ir píanó, Þórhalla Arnljótsdóttir
klarinett, Sigurður Árnason
flautu, Ásgeir Steingrímsson
trompet, Jón Ármann Árnason
básúnu. Katrín Sigurðardóttir
annast undirleikinn við söng-
inn á sýningunni.
Við lok frumsýningarinnar
kvaddi sér hljóðs forseti bæjar-
stjórnar Húsavíkur, Arnljótur
Sigurjónsson, og færði leikfélag
inu að gjöf frá Húsavíkurbæ
250.000,00 krónur og skal henni
varið til eflingar leikstarfsemi
á Húsavík. Ákvörðunin um gjöf
ina var tekin á fundi bæjar-
stjórnarinnar fyrr sama dag og
hún er veitt til minja um Pál
heitinn Kristinsson, fyrrverandi
bæjarstjóra á Húsavík, en hann
lézt 27. febrúar sl., aðeins 45 ára
að aldri. Páll heitinn hafði mik-
inn leiklistaráhuga og var góð-
ur leikari. Með Leikfélagi Húsa
víkur hefur hann leikið mörg
mjög eftirminnileg hlutverk.
Leikfélag Húsavíkur starfar
við mjög erfiðan húsakost og
Leikfélag
Akureyrar.
Fjalla-Eyvindur
fimmtudag, laugardag
og sunnudag kl. 8.30.
Miðasala opin frá kl. 3-
5 og klukkutíma fyrir
sýningu.
SÍMI 1-10-73.
er vakin á því athygli í leikskrá.
Á leikskránni er birtur ýmiss
skemmtilegur fróðleikur. Þar er
sagt frá fyrri sýningum á
Skugga-Sveini á Húsavík. Mörg
um, sem vita nokkur deili á
fyrri tíðar fólki á Húsavík mun
þykja gaman að lesa um hlut-
verkaskipan í sýningu leiksins
um aldamótin.
Næstu sýningar Leikfélags
Húsavíkur á Skugga-Sveini
verða á fimmtudag, föstudag og
laugardag, 22., 23. og 24. marz.
Þorm. J.
SL. LAUGARDAG fór fram í
íþróttaskemmunni á Akureyri
leikur í íslandsmótinu í hand-
knattleik 2. deild. Það voru KA
og Þróttur sem léku, og var þar
um skemmtilega og tvísýna
viðureign að ræða, og ekki
mátti á milli sjá fyrr en á síð-
ustu mínútu leiksins, en KA
sigraði með 22 mörkum gegn 21.
í leikhiéi var staðan 12:10 fyrir
KA.
Komið er nú að lokum ís-
lnadsmótsins í 2. deild, og eiga
Akureyrarliðin Þór og KA eftir
að leika 2 leiki hvort lið, og
mætast þau í síðari leik sínum
n. k. sunnudag í íþróttaskemm-
unni og má búast við tvísýnni
viðureign milli þessarra liða
eins og oftast áður.
Staðan í 2. deild er nú þann-
ig, að Þór og Grótta standa bezt
að vígi, hafa aðeins tapað 2 stig-
um hvort lið, en Þór tapaði fyr-
ir Þrótti í Laugardalshöllinni
fyrir skömmu. Grótta á að leika
í íþróttaskemmunni 7. og 8.
apríl n. k. og fæst þá úr því
skorið, hvaða lið leikur í 1.
deild næsta keppnistímabil, en
KR-ingar eru fallnir í 2. deild.
Það verður mikil lyftistöng fyr-
ir handknattleiksíþróttina á
Akureyri ef við eignumst lið í
1. deild í handknattleik og verð
ur þá mikið um að vera hér
næsta vetur.
Völsungur á Húsavík sigraði

Samvinna um farþegaflufninga
NÝLEGA undirrituðu Flug-
félag íslands og Eimskipafélag
Islands h.f. samning um að Flug
félag íslands tæki að sér sölu-
umboð fyrir farþegaflutninga
Eimskipafélagsins, á nokkrum
stöðum erlendis.
Flugfélag íslands tekur, sam-
kvæmt þessum samningi, að sér
aðalsöluumboð fyrir Eimskipa-
félags íslands í Oslo, Stokk-
hólmi og London. Ennfremur
söluumboð í Glasgow, Kaup-
mannahöfn og Frankfurt.
Samtímis gerðu félögin með
sér annan samning um farþega-
flutninga með skipi aðra leiðina
og flugvél hina, en það hefur
færzt í vöxt á undanförnum
árum að skipafélög og flugfélög
vinni saman að farþegaflutning-
um. Margir farþegar óska eftir
að fljúga aðra leiðina en sigla
hina, og hefur þetta orðið til
þess, að flugfélög og skipafélög
hafa gert þar um gagnkvæma
flutningasamninga. □
FUNDUR haldinn í Kvenfélag-
inu Hlíf, Akureyri, 15. marz
1973, skorar hér með eindregið
á Alþingi að hætta við fyrir-
hugaða þjóðhátíð á Þingvöllum
árið 1974. □
í íslandsmótinu í handknattleik,
3. deild, og hefur því eignazt
lið í 2. deild. Ekki er þó aðstaða
til keppni á Húsavík í íslands-
móti, og ekki er vitað hvar
Völsungur leikur sína heima-
leikí. Sv. O.
- SMÁTT OG STÓRT
(Framhald af blaðsíðu 8)
MIKIL RÖSKUN
íslendingar greiða 2 milljarða í
Viðlagasjóð vegna jarðeldanna
í Heimaey, úr sanieiginlegum
sjóði. Samanlögð upphæð frá
öðrum þjóðum verður líklega
litlu minni en hin. Landsmenn
geta með sanni fagnað skjótum
ákvör'ðunum ríkisstjórnarinnar
um almenna aðstoð við Vest-
mannaeyinga. Hins vcgar veld-
ur þetta mikilli röskun, þar sem
fjármagn þetta rennur einkum
til þeirra svæ'ða, sem áður hafa
dregi'ð til sín fólk og fjármagn
af landinu öllu. Almenningur
hér nyrðra hlýtur að velta því
fyrir sér, hvernig þessari rösk-
un verði mætt, með tilliti til
jafnvægis í byggðamálunum.
ÓHRESSIR MENN
Morgunblaðsmenn eru ákaflega
óhressir yfir því, í blaði sínu 23.
marz, að kaupfélagsstjórinn í
Ólafsfirði skuli gerast svo djarf-
ur að benda á leiðir til að lækka
vöruverð verulega til handa fé-
lagsmönnum sínum og öðrum
þar á sta'ðnum. En kaupfélags-
stjórinn vill njóta þess hagræðis
í innkaupum og dreifingu vara,
sem stærri viðskiptaheildir, svo
sem Kaupfélag Eyfirðinga, hafa
náð. Ennfremur vill kaupfélags
stjórinn njóta þess jöfnunar á
vöruverði, sem KEA veitir fjar-
liggjandi útibúum sínum, svo
sem á Dalvík, Hauganesi, Hrís-
ey og á Siglufirði, og vill að
kaupfélag sitt verði eitt af úti-
búum KEA, eins og það raunar
áður var. Hinir óhressu Morgun
blaðsmenn sjá það auðvitað,
eins og allir aðrir, að ef unnt
reynist að lækka vöruverð veru
lega á einum eða öðrum stað,
eftir leiðum samvinnumanna,
versnar samkcppnisaðsta'ða spá
kaupmanna.
í LOKBÚNAÐARÞINGS
BUNAÐARÞING 1973 lauk
störfum 2. marz s.l. 36 mál höfðu
verið lögð fyrir þingið og 30
hlotið afgreiðslu. Á síðasta
fundi þingsins afhenti Snæþór
Sigurbjörnsson, formaður Bún-
aðarsambands Austurlands Bún
aðarfélagi íslands uppstoppað
höfuð af fagurhyrndum hrein-
dýrstarfi. Minntist hann þess, að
nú væru liðlega 200 ár liðin frá
innflutningi hreindýra til lands-
ins. Þau hefðu aðeins varðveitzt
á Austurlandi og væru nú prýði
landsfjórðungsins. — Ásgeir
Bjarnason, formaður Búnaðarfé
lags íslands og forseti þingsins,
þakkaði hina glæsilegu gjöf og
þann hlýhug, sem að baki
byggi.
Sigmundur Sigurðsson, bóndi
í Langholti, flutti forseta Bún-
aðarþings þakkir fyrir góða
þingstjórn og árnaði honum og
félaginu heilla. Þá sleit formað-
ur Búnaðarfélags íslands þing-
inu. Við það tækifæri fórust
honum orð á þessa leið:
„Búnaðarþing er að ljúka
störfum. Það hefur staðið í 19
daga, frá 12. febr. til 2. marz,
haldið 19 fundi, afgreitt 30 mál
af 36 málum, sem þinginu bár-
ust. Búna'ðarþing gerði ályktan-
ir í mörgum þýðingarmiklum
málum, svo sem um bætta vot-
heysgerð, heykögglaverksmiðj-
ur og innlenda kjarnfóðurfram-
leiðslu. Grasræktin og fóðuröfl-
unin eru mikilvægir þættir í
okkar landbúnaði. Það er trú
mín og von, að okkur takist í
framtíðinni að skapa meira ör-
yggi í þessum málum en verið
hefur. Ennfremur má nefna
ályktanir um bætta me'ðferð ull
ar, bætta umgengni á sveitabýl-
um, lánamál landbúnaðarins,
starfsemi byggingarfulltrúa í
sveitum, bankamál almennt, bú-
rekstraraðstöðu hvers býlis í
landinu, auknar tilraunir í kart-
öflurækt o. fl. Nefnd skilaði áliti
á reglugerð um útflutning
hrossa, en hér er um að ræða
þýðingarmikið framtíðarmál,
þar sem íslenzki hesturinn er
mjög eftirsóttur erlendis. Milli-
þinganefnd skilaði áliti um
ferðamál og verður athugun
þess máls haldið áfram og unn-
ið að bættu skipulagi á því sviði
i samvinnu við áhugamenn í
þeim málum. Þá fjallaði þingi'ð
um nokkur lagafrumvörp frá
Alþingi s. s. skóla-, námu- og
jarðhitaréttindi, fyrirhleðslur
og lagfæringar á árfarvegum,
ítölu, fiskeldi o. fl. Frumvörp til
jarðalaga og ábúðarlaga voru
gaumgæfilega athuguð í þing-
inu og afgreidd lítið eitt breytt.
Hér er um þýðingarmikil fram-
tíðarmál að ræ'ða, þar sem á
lagasetningu þessari byggist nýt
ing landsins til búrekstrar og
annarra nauðsynlegra nota fyrir
þjóðarheildina.
Þá vil ég þakka Búna'ðarþings
fulltrúum frábær störf og um-
burðarlyndi í minn garð og vara
forsetum góða aðstoð. — Skrif-
stofustjóra, ritara og skrifurum
mjög nákvæm og góð störf. Bún
aðarmálastjóra, ráðunautum og
öllu starfsfólki Búnaðarfélags
íslands þakka ég ánægjulegt
samstarf og góða þjónustu svo
og öllum öðrum, sem hafa gert
sitt bezta til þess að greiða fyrir
störfum þingsins og sýnt því
margháttaða vinsemd og virð-
ingu.
Að lokum óska ég Búnaðar-
þingsfulltrúum góðrar heimferð
ar og heimkomu, bændastétt-
inni góðs gengis og þjóðinni
allri heilla og blessunar.
55. Búnaðarþingi er slitið. Q
Frá vinstri: Katrín Frímannsdóttir, KA, Jóna M. Frá vinstri: Haukur Jóhannsson, KA, Árni Óðins-
Júlíusdóttir, Þór, og Jórunn Sigurðardóttir, KA. son, KA, og Jónas Sigurbjörnsson, Þór.
Akureyrarmót í stórsvigi haldið
AKUREYRARMÓT í stórsvigi
fór fram í Hlíðarfjalli um helg-
ina í fegursta veðri, sólskini og
logni og 8° frosti. Áhorfendur
voru fjölmargir á sunnudag.
Færi var fremur hart og grófst
lítið. Keppendur voru um 75.
GÓÐAR VÖRUR
GOTT VERÐ
Fermingaskór
fyrir stelpur
SÍMI 21400
SKÓDEILD
Fæst í Kaupfélaginu
í karlaflokki sigraði Haukur
Jóhannsson nokkuð örugglega
og Árni Óðinsson var jafn ör-
uggur með annað sætið.
í kvennaflokki var sterkust
Margrét Þorvaldsdóttir og tap-
ar hún varla stórsvigskeppni nú
orðið.
í flokki 15—16 ára kom að
því að Ásgeir Sverrisson sigraði
og átti hann mjög góðar ferðir.
Albert Jensen varð annar og
sækir sig stöðugt, en Tómas
Leifsson var eitthvað miður sín
í þetta skipti og hafnaði í þriðja
sæti, nokkuð sem hann gerir
sjaldan.
í flokki 13—15 ára stúlkna
hafði Katrín sína venjulegu yfir
burði, en bilið milli hennar og
Jónu styttist smátt og smátt.
í flokki 13—14 ára drengja
var mjög skemmtileg keppni,
þar sem Karl Frímannsson sigr-
aði og var aðeins 2/100 úr sek.
á undan Ingvari Þóroddssyni,
svo ekki mátti það tæpara vera.
Björn Víkingsson varð svo
þriðji. Þessir þrír drengir skera
sig nokkuð úr og má mikið vera
ef þeir eiga ekki eftir að gera
stóra hluti í framtíðinni.
- Frá bæjarstjórn ...
(Framhald af blaðsíðu 1)
ember 1972 — 28. febrúar 1973.
Kostnaður á gólffermetra á
þessu tímabili er kr. 16.939,48
án gatnagerðargj alds.
Byggingargjaldið breytist
með vísitölu byggingarkostnað-
ar samkvæmt þessari grein.
Byggingargjaldið reiknast af
brúttógólfflatarmáli byggingar,
sem reist verður á lóðinni.
Gjaldstuðlar til byggingargjalds
eru þessir:
Verzlunar- og skrifstofubygg-
ingar 8%. Einbýlishús með eða
án tvíbýlisaðstðu 7%. Iðnaðar-
hús, vörugeymslur og annað at-
vinnuhúsnæ'ði 6%. Tvíbýlishús
og parhús 5%. Raðhús og keðju
hús, ein hæð, 4%. Raðhús og
keðjuhús, tvær hæðir, 3%. Fjöl-
býlishús, þrjár hæðir eða meira,
2%.
Leyfð með sérskilmálum:
Peningshús, verbúðir,
geymsluhús utan skipulagðra
svæða Wi%.
Af gólffleti á jarðhæð, í kjall-
ara og nýtanlegum gólffleti í
rishæð allra húsa, svo og bif-
reiðageymslum við íbúðarhús,
skal reikna 50% af gjaldstuðli
viðkomandi húss. □
11—12 ára flokkarnir eru að
verða nokkuð litríkir. f stúlkna-
flokki sigraði Aldís örugglega
og er hún alveg í sérflokki.
Halla Gunnarsdóttir krækti sér
óvænt í annað sæti og Sirry í
þriðja, þó hún gengi ekki heil
til leiks eftir meiðsli á æfingu
fyrir skömmu.
í drengjaflokknum var hörku
barátta milli Friðjóns og Finn-
boga, sem lauk að þessu sinni
með sigri Friðjóns, en Bimbi
ætlar að gera betur næst. Þriðji
var svo Júlíus bróðir Friðjóns
og fjórði Gunnar Gíslason,
Braga Hjartarsonar, sem varð
margfaldur Akureyrarmeistari
á skíðum fyrir rúmum 10 árum.
Svo segja má að skeggið sé
skylt hökunni.
Akureyrarmótið heldur
áfram um næstu helgi og verð-
ur þá keppt í svigi karla og
kvenna.
7. og 8. apríl fer fram Rotary-
mót unglinga í svigi og stórsvigi
og er m. a. gert ráð fyrir mikilli
þátttöku utan af landi. Þá munu
einnig keppa 3 unglingar frá
Bandaríkjunum á þessu móti,
en þeir koma til Akureyrar á
vegum Rotaryklúbbanna í Port-
mouth og Akureyri. (Aðsent)
HERRADEILD
NÝKOMIÐ!
Fjölbreytt úrval
drengja- og
karlm. peysur
GÓÐAR VÖRUR
GOTT VERÐ

■ J.