Dagur - 10.06.1980, Blaðsíða 1

TRÚLOFUNAR-
HRINGAR
AFGREIDDIR
SAMDÆGURS
GULLSMIÐIR
SIGTRYGGUR & PÉTUR
AKUREYRI
DAGUR
LXIII. árgangur. Akureyri, þriðjudagur 10. júní 1980
41. tölublað
Gísli Konráðsson um málefni frystiiðnaðarins:
Þýðingarlaust að halda
áf ram að óbreyttu ástandi
Að undanförnu hefur mikið
verið rætt um þann vanda sem
frystiiðnaðurinn á við að etja
um þessar mundir. Vegna
söluerfiðieika í Bandaríkjun-
um, hefur verulega verið dreg-
ið úr framleiðslu þorskf laka og
sl. fimmtudag varð 5-10%
verðlækkun á nokkrum teg-
undum af frystum fiskafurðum
á Bandarikjamarkaði.
Samfara þessu hefur orðið
mikil framleiðsluaukning og
frystigeymslur víða um land að
fyllast. Árni Benediktsson fram-
kvæmdastjóri, segir í viðtali við
Mbl. að það sé algjört glapræði að
halda áfram slíkum rekstri og
Ólafur Gunnarsson á Neskaups-
stað segir að nú sé frystiiðnaður-
inn rekinn með 18-19% tapi.
Dagur hafði samband við Gísla
Konráðsson framkvæmdastjóra
hjá Útgerðarfélagi Akureyringa
og sagði hann að þeir sætu uppi
með geysimiklar birgðir, allt fullt
og mikill fiskur í geymslu hjá
Kristjáni Jónssyni. Hann sagði og
að ef ekki úr rættist sæi hann ekki
hvaða þýðingu það hefði að
halda framleiðslunni áfram.
„Þetta er vegna sölutregðu á
Bandaríkjamarkaði og ennfrem-
ur vegna þess að samningar okkar
við Rússa eru útrunnir og stopp á
framleiðslu til Rússlands. Þetta
hjálpast hvort tveggja að, að fisk-
urinn hleðst svona upp. Það
verður haldinn stjórnarfundur í
Sölumiðstöð hraðfrystihúsanna í
dag og þar verða líklega teknar
einhverjar ákv'arðanir um þessi
mál varðandi húsin í heild,“ sagði
Gísli að lokum.
í vinnusal Ú.A. Mynd: á.þ.
Iðn.
skólanum
slitið
Iðnskóianutn á Akureyri var
slitið 29. maí í sal skólans.
í upphafi máls síns gerði
Aðalgeir Pálsson skólastjóri
grein fyrir vetrarstarfinu. 75
ár eru liðin frá stofnun skól-
ans og fyrsta árið sem starf-
semi vélskóladeildanna og
tækniskóladeildanna eru
bókhaldslega undir hann
lögð.
Nemendafjöldi — alls voru
299 innritaðir og 272 sem
þreyttu próf. Þetta er svipaður
nemendafjöldi og á síðasta ári.
Frá skólanum útskrifuðust 37
nemendur af iðnnámsbrautum,
9 nemendur úr 1. stigi og 12
nemendur úr 2. stigi vélskóla. 12
luku raungreinadeildarprófi en
11 nemendur undirbúnings-
deildarprófi úr deildum tækni-
skóla. Hæstu einkunn úr iðn-
námsbrautum fékk Halldór
Brynjarsson ketil- og plötu-
smiður 9.4.
Skólastjóri þakkaði góðar
gjafir er skólanum hafa borist.
Glæsilegt málverk af Jóni Sig-
urgeirssyni fyrrverandi skóla-
stjóra gefið af iðnaðarmönnum,
iðnaðarfyrirtækjum og nokkr-
um stofnunum í þakklætis- og
virðingarskyni við Jón fyrir 40
ára kennslu og 26 ára skóla-
stjórn.
Veltir h.f. í Reykjavík gaf,
fyrir milligöngu umboðsmanns
síns, Magnúsar Jónssonar, bif-
vélavirkjameistara, dieSelvél af
Volvo-gerð og væntir skólinn
þess að gjöfin muni stuðla að
bættri kennslu bifvélavirkja,
vélvirkja og vélstjóra.
Fundur um
Pollinn
Um margra ára skeið hafa farið
fram líffræðilegar rannsóknir á
Pollinum. Þegar er búið að gefa
út 6 skýrslur sem greina frá nið-
urstöðum rannsókna og sú 7. og
síðasta er á leiðinni. Það er
Náttúrugripasafnið sem hefur
staðið fyrir þessum rannsóknum
og í sumar eða í síðasta lagi í
haust mun safnið, ásamt heil-
brigðisnefnd Akureyrar, halda
fund með viðkomandi aðilum
um ástand Pollsins.
Helgi Hallgrímsson, náttúru-
fræðingur sagði í samtali við blaðið
að ýmsir aðilar hefðu lagt hönd á
plóginn í þessum rannsóknum frá
því að Náttúrugripasafnið tók við
þeim árið 1971. „Það er sýnt að
með tímanum verður að koma á
betra ástandi á frárennsli en hefur
verið. Það fer nú óhreinsað í sjóinn
og það hlýtur alltaf að vera slæmt
meðan svo er.“ Ekki vildi Helgi
draga neinar ályktanir af þeim
rannsóknum sem búið er að gera,
en sagði að réttara væri að bíða
eftir fundinum.
Aðspurður sagði Helgi að til
viðbótar þeim rannsóknum sem
búið er að gera hefði þurft að gera
athuganir á efnasamsetningu
skólpsins, en ekki hefur unnist tími
til þess. Eins og áður sagði hafa
rannsóknirnar einkum verið líf-
fræðilegar og beinst að því hvernig
dýr og jurtir hafi brugðist við auk-
inni mengun.
Kvenfélagasamband
S-Þingeyjarsýslu 75 ára
Laugardaginn 7. júní sl. varð
Kvenfélagasamband Suður-
Þingeyinga 75 ára. I samband-
inu eru 14 félög með rúmlega
500 félaga. Nokkur félaganna
gáfu út blöð í tilefni afmælisins,
Kvenfélag Mývatnssveitar gaf
út Blaðkorn, Kvenfélag Aðal-
dæla gaf út Huldur, Kvenfélag
Nessóknar gaf út Baldursbrár,
frá Kvenfélagi Þóroddsstaða-
sóknar kom Ljósbrot og frá
Kvenfélagi Fnjóskdæla kom
blaðið Laufið. Blöðin eru ljós-
rituð og mjög fjölbreytt að efni.
Dagur hafði samband við
Hólmfríði Pétursdóttur, formann
Kvenfélagasambandsins og sagði
hún að dagana 5. og 6. júní hefði
verið haldinn aðalfundur í skólan-
um á Skútustöðum og mættu þar
um 50 manns. Á föstudagskvöld-
inu, 6. júní, var síðan haldinn opinn
fundurog var hann mjög vel sóttur.
Þangað var m.a. boðið fulltrúum
frá sveitarstjórnum og búnaðar-
(Framhald á bls. 6).
Um þessar mundir er veriö að mála leiðbciningalínur á göturnar á Akureyri.
Vonandi fara ökumenn eftir þessum linum sem ungu stúlkurnar voru að mála á
Hörgárbrautina í s.l. viku. Mynd: á.þ.
Lítill afli á Grenivík
Grcnivík 9. júní
Aflabrögð hafa verið ákaflega
rýr að undanförnu. Tveir stórir
bátar hafa verið á netum. Þeir
komu inn fyrir skömmu eftir
viku útivist með sín 8 tonnin
hvor. Báðir fóru á veiðar á ný í
dag. Sömu sögu er hægt að segja
um færafiskirí og línuna.
Atvinna í frystihúsinu hefur ver-
ið heldur minni en oft áður. Við
höfum fengið Akureyrartogara
hingað með grálúðuafla og töluvert
hefur verið ekið hingað á bílum frá
Akureyri.
Bændur eru bjartsýnir, en nú
vantar bara vætuna því allt er að
skrælna í þurrkinum. Ef kæmi skúr
mundi gróðurinn þjóta upp. Fyrsti
reksturinn í Fjörðinn var farinn í
fyrri viku og síðan hafa verið farnar
nokkrar ferðir með kindur. P. A.
Bílvelta í Vaðla-
heiði
I fyrrakvöld valt sendiferðabíll
með G-númeri í Vaðlaheiði.
Samkvæmt upplýsingum frá lög-
regluni meiddist enginn, en bíll-
inn skemmdist töluvert. Viðmæl-
andi blaðsins hjá lögreglunni
sagði, að enn væri ekki hægt að
merkja aukningu á umferð utan-
bæjarbíla, en gerði ráð fyrir
miklum fjölda ferðamanna á Ak-
ureyri um næstu helgi, enda á
Menntaskólinn stórafmæli og
margir koma eflaust til Akureyrar
í tilefni þess.
Hjartarbaninn
í Borgarbíói
Borgarbíó sýnir um þessar
mundir kvikmyndina Hjartar-
baninn, sem sýnd var í 10 mánuði
í Reykjavík. Kvikmyndin hlaut
fimm Óskarsverðlaun á síðasta
ári. í myndinni er fjallað um
fimm vini sem halda til Víetnam i
lok sjötta áratugarins -— lífið á
vígvöllunum og áhrif stríðsins á
ungu mennina. Þess má geta að
búið er að endurnýja Borgarbíó
og er það orðið hið vistlegasta.
Hjóluðu í London
Fyrir skömmu komu sex piltar frá
London, þar sem þeir tóku þátt í
alþjóðlegri keppni á reiðhjólum
og vélhjólum. íslendingarnir
stóðu sig ágætlega, en þeir höfn-
uðu í 10. sæti í vélhjólakeppninni,
en í 14. sæti í hjólreiðakeppninni.
Alls tóku 20 þjóðir þátt í mótinu. I
íslenska hópnum var einn kepp-
andi frá Akureyri, Hermann Örn
Ingólfsson.
Eimskip tekur
upp fastar
áætlunarferðir
Eimskip hefur ákveðið að hefja
fastar áætlunarferðir milli íslands
og New York. Fyrst um sinn
verður gámaskipið m.s. BERG-
LIND notað til þessara áætlana-
siglinga en auk viðkomu í New
York mun skipið jafnframt koma
við í Portsmouth.