Dagur - 16.10.1980, Blaðsíða 8

IMCÖM.
RAFGEYMAR
í BfLINN, BÁTINN, VINNUVÉUNA
VEUIÐ RÉTT
MERKI
BRYRNAR YFIR EYJAFJARÐARÁ:
Verður þungum farar-
tækjum bönnuð umferð?
Brýrnar yfir Eyjafjarðará sunn-
an við flugvöllinn eru nú farnar
að láta á sjá, enda orðnar gaml-
ar, en þær voru byggðar á árun-
um 1922 og 1923. f viðtali sem
Dagur átti við Snæbjörn Jónas-
son, vegamálastjóra, fyrir stuttu
kom fram, að ástand gömlu
brúnna gæti komið til með að
ráða því, hversu fljótt yrði farið
út í að gera nýjan veg og brýr
yfir Eyjafjörðinn.
— Áður en kemur að gerð nýs
vegar yfir Eyjafjörðinn þarf að
ljúka við Víkurskarðið og vegagerð
á Svalbarðsströnd, þ.m.t. veginn
um Vaðlareit eins og hann er fyrir-
hugaður. Miðað við núverandi
framkvæmdahraða og að þessi
framkvæmdaröð haldist kemur
ekki að veginum yfir Leirurnar fyrr
en eftir 10 ár eða svo, þannig að
Eyfirðingar hafa nægan tíma til að
rífast um Leiruveginn, sagði Guð-
mundur Arason, yfirverkfræðingur
brúadeildar Vegagerðarinnar, þeg-
ar Dagur kannaði" málið nánar.
— Miðbrúin lítur einna verst út
og nú stendur til að vísa öllum far-
artækjum sem þurft hafa sérstaka
undanþágu fram í Eyjafjörð og
banna þeim umferð yfir brýrnar.
Til þessa hefur mjög þungum far-
artækjum verið leyft að fara yfir
biýrnar á sama hátt og þeim hefur
verið heimilað, í undantekningar-
tilvikum, að aka um þjóðvegina, en
við verðum líklega að taka fyrir það
vegna ástands brúnna, sagði Guð-
mundur Arason ennfremur.
Guðmundur sagði að ekki væri
mikil hætta á að miðbrúin hryndi
skyndilega og fyrirvaralaust, en
ekki væri hægt að útiloka að hún
hryndi og yrði ófær. Hins vegar
væri á það að líta, að miðkvíslin
væri nú orðið mjög vatnslítil,
þannig að e.t.v. væri hægt að fylla
upp i hana að verulegum hluta
undir brúnni og styrkja brúna
þannig. Slík bráðabirgðaviðgerð
myndi kosta einhverja tugi
milljóna.
Varðandi Leiruveginn sagði
Guðmundur, að í gildi væri staðfest
skipulag og því væri ekki hægt að
breyta nema með tilstilli sam-
gönguráðherra og samþykki sveit-
arstjórna í Hrafnagilshreppi, Öng-
ulsstaðahreppi og Svalbarðs-
strandarhreppi og á Akureyri.
Ástand brúnna yfir Eyjafjarðará er orðið slæmt. Ljósm.: E.D.
Þar er messað fjórum
sinnum á hverju ári!
„Varaðu þig — cf þú kemur nær skaltu fá að kenna á hornunum mínum.“ Þessi
föngulegi hrútur var ásamt vinum og ættingjum á túni fyrir ofan Akurcyri þegar
Ijósmyndarinn festi hann á filmu. Þegar myndatakan var afstaðin fóru sumar
skepnurnar að krafsa snjóinn ofan af grasinu og virtu áhorfendurna ekki viðlits
— líklega talið þá sauðmeinlausa. Mynd: á.þ.
Fyrir 1970 var Grímsey sérstakt
prestakall, en með lögum það ár
var því breytt. Annar Akureyr-
arprestanna hefur annast
kirkjulegar athafnir í eynni og
hefur séra Pétur Sigurgeirsson
haft veg og vanda af því. Meðan
Grímsey var sérstakt prestakall
þjónaði séra Pétur þar einnig og
hefur gert svo frá 1953. Nú er
messað fjórum sinnum á ári í
Grímsey og eins og að líkum
lætur fjölmenna Grímseyingar í
kirkju þegar messað er.
Fyrir skömmu fór séra Pétur
Sigurgeirsson til Grímseyjar þar
Fáir
árekstrar
Umferðin á Akureyri hefur
gcngið stórslysalaust fyrir sig
undanfarna daga. Að sögn lög-
reglunnar hafa árekstrar t.d.
verið mjög fáir, þrátt fyrir erfið
akstursskilyrði — hálku og þ.h.
Lögreglumaður sem rætt var við
sagði að svo virtist sem óhöpp-
um í umferðinni fækkaði ætið
þegar skilyrðin versnuðu. „Það
er ekki fyrr en sól skín í heiði og
allar götur eru greiðfærar að
óhöppum fjölgar til muna,
hvemig svo sem á því stendur,“
sagði lögreglumaðurinn.
Það hefur oft komið okkur í koll
— að hafa ekki nothæft skipulag
segir bæjarstjórinn á Siglufirði
{ fjölmörg ár hafa Siglfirðingar
ekki haft fullnægjandi skipulag
til að vinna eftir og hefur það
komið sér illa æði oft. Nú sér
hins vegar hilla undir nýtt
skipulag, en Árni Ragnarsson,
arkitekt, hefur unnið það fyrir
Siglufjarðarbæ. Gert er ráð fyrir
að hugmynd að skipulagi fyrir
Siglufjörð verði tilbúin til sýn-
ingar eftir u.þ.b. einn mánuð.
Vonir standa til að hægt verði að
fara að vinna eftir nýja skipu-
laginu strax næsta sumar.
Ingimundur Einarsson, bæjar-
stjóri, sagði að nýja skipulagið
gerði m.a. ráð fyrir vegi þvert í
gegnum kaupstaðinn inn að flug-
velli, einnig hefur arkitektinn gert
ráð fyrir sameiginlegu olíubirgða-
svæði, sem verður við höfnina og
meiri uppbyggingu við höfnina en
nú er. í hugmyndunum er ráðgert
að ibúðabyggðin færist suður og
verði ofan og vestan götu að flug-
velli. Ýmsar aðrar nýjungar eru í
skipulagshugmyndunum, sem ekki
er unnt að rekja hér í smáatriðum.
Eins og fyrr sagði er núverandi
skipulag orðið æði gamalt og á
margan hátt úrelt og því var Ingi-
mundur spurður um hvort það
hefði ekki komið sér illa að hafa
Losna við óþarfa loft
Á næstunni hefjast framkvæmd-
ir við að leggja safnæð frá virkj-
unarsvæðinu að Ytri-Tjörnum
að dælustöðinni á Laugalandi.
Þessi safnæð flytur vatnið úr
borholunum að Ytri-Tjörnum í
loftskiljuna sem er að Lauga-
landi.
Til þessa hefur orðið að dæla
vatninu beint inn á aðveituæðina,
en það hefur þýtt að mikið loft
hefur komist í vatnið og sérstaklega
hefur loftið angrað íbúa í Önguls-
staðahreppnum. Sungið hefur i
ofnum í Öngulsstaðahreppi, við
litla hrifningu bænda, sem hafa
orðið að hafa ofnlykilinn vísan.
sem hann messaði og prédikaði.
Kirkjukór Miðgarðakirkju söng við
undirleik Kristjáns Rögnvaldsson-
ar. Grímseyingar fjölmenntu við
messuna og að henni lokinni var
samsæti í félagsheimilinu þar sem
gestir þáðu kaffi og bakkelsi hús-
mæðra í Grímsey.
Jórunn Magnúsdóttir, formaður
sóknarnefndar, ávarpaði gesti og
þakkaði sérstaklega gjafir og önnur
framlög til Miðgarðakirkju, en nú
er nýlokið mikilli viðgerð á henni.
Kirkjan var klædd utan, bæði
veggir og þak, gert var við fúa sem
var orðinn allmikill og sökkullinn
var lagfærður. Verkið annaðist Jón
Hólmgeirsson, smiður og kennari á
Akureyri, nema hvað Finnur Jóns-
son í Grímsey gerði við sökkulinn
og gaf til þess alla vinnu sína.
Grímseyingar hafa allir unnið að
þessari viðgerð á einn eða annan
hátt, þ.á.m. nýstofnaður Kiwanis-
klúbbur. Unnið hefur verið að
endurbótunum síðustu tvö sumur.
Þess má svo að lokum geta, að
sóknarnefndin í Hrísey er öll skip-
uð konum og einnig safnaðarfull-
trúinn er kona, en þær voru kjörnar
ákvennaárinu 1975.
Mikill áhugi er á því í Grímsey
að það verði aftur sérstakt presta-
kall og eru helst uppi hugmyndir
um að fá þangað prest, sem einnig
gæti sinnt kennslustörfum.
ónothæft skipulag. „Ég held að það
sé óhætt að segja það að það hafi
oft komið okkur í koll“ var svar
bæjarstjóra „I fjölda mörg ár má
segja að þetta hafi gengið með alls
kyns „reddingum", því heildar-
myndina hefur vantað".
Bæjarstjórn Siglufjarðar ákvað
fyrir fimm árum að hefja skildi
vinnu við nýtt skipulag. Af ýmsum
ástæðum hefur skipulagsvinnan
tafist og verður það því ekki fyrr en
sex árum eftir að ákvörðun var
tekin að hægt verður að fara að
vinna eftir skipulaginu.
ra
Lb
SDiam
0 Vill einhver
stúlka giftast
mér?
„Ég er 27 ára gamall pipar-
sveinn. Ég hef áhuga á landi
ykkar og borg. Ef þið getið
sent mér eitthvað frá bænum
ykkar — þá gerið það. Ef þið
þekkið stúlku eða konu sem
vildi fyrst skrifast á og síðar
giftast, ungum Pólverja, þá
látið hana fá heimilisfang
mitt. P.s. Ég hef áhuga á
leikhúsum, kvikmyndum og
tónlist. Vinsamlega sendið
heimilisfang mitt til blaðs á
fslandi. Kær kveðja — og
síðan kemur nafnið. Þannig
hljóðaði bréf er barst til
Ferðaskrifstofu Akureyrar frá
ungum Pólverja. Starfsmenn
F.A. höfðu enga stúlku á tak-
teinum fyrir unga manninn,
en ef svo vill til að einhver vilji
skrifast á við hann — með
giftingu í huga — er heimils-
fang piltsins á ritstjórn Dags.
• Calicúla
Nú er sýnd í Reykjavík kvik-
mynd um rómverska keisar-
ann Calicúla, sem ku hafa
verið alveg einstakur þjóð-
höfðingi hvað brjálsemi
snerti. Myndin fær óhemju
aðsókn og fjallað var um
þennan menningarviðburð í
útvarpsþætti í gærkvöldi. Þar
kom reyndar fram, að hér er á
ferðinni mynd sem sýnir lítið
annað en ýmiss konar óeðli,
ofbeldi og morð. „Þetta er
ekki einu sinni klámmynd,"
sagði einn bíógesta í áður-
nefndum útvarpsþætti. En
hvað um það. Vonandi fá Ak-
ureyrskir bíógestir brátt að
sjá þessa „dýrustu klám-
mynd, sem gerð hefur verið“
og ætti hún að geta fallið vel í
kramið. Fróður maður sagði
nefnilega einhvern tímann að
það þýddi ekkert að bjóða
meirihluta bíógesta á Akur-
eyri myndir sem sýndu minna
en 13 morð og 4 nauðganir
fyrir hlé — eða var það
kannski öfugt?
0 Rjúpnaveiðin
hafin
Og nú mega veiðimenn halda
á fjöll og skjóta rjúpur. Fyrsti
veiðidagurinn var sl. mið-
vikudag og sjálfsagt hafa
margir Norðlendingar axlað
byssur sínar og gengið hnar-
reistir um vefðisvæðin. Æ
fleiri landeigendur hafa
bannað veiðimönnum að
veiða í sínum landareignum,
enda ekki nema von því
margir byssumennirnir
kunna varla að hlaða hólkana
— hvað þá að skjóta. En
þessi bönn verða líka til þess
að á lítil svæði þyrpist fjöldi
skotglaðra manna, sem er
óæskileg þróun svo ekki sé
meira sagt.