Dagur - 31.03.1981, Blaðsíða 7

Lax-
veiðin
1980
Aðalfundur
U.M.F. Öxndæla
verður haldinn laugardaginn 4. apríl kl. 13.30 í húsi
félagsins. Venjuleg aðalfundarstörf.
Stjórnin
Laxveiðin 1980 hér á landi varð
alls 52.137 laxar að heildar-
þunga 248.492 kg, samkvæmt
upplýsingum Veiðimálastofnun-
ar. Er þetta 19% minni veiði en
meðaltal áranna 1970-1979 og
verður árið 1980 11. í röð bestu
laxveiðiára hérlendis, en er þó
28% betra en mesta veiðiárið
fyrir 1970. Hlutur stangveiði í
heildarveiði var 58% og er það
lægra hlutfall en um langt ára-
bil. Hafbeitarstöðvarnar áttu
6% í veiðinni eða 3.138 laxa og
hitt fékkst í netin eða 36%.
Meðalþyngd á laxi að þessu sinni
var ákaflega góð eða 9,6 pund, en
það er hæsta meðalþyngd sem um
getur. Meðalþyngdin í einstökum
kjördæmum var mest á Norður-
landi eystra eða 11,4 pund og hvað
einstakar ár varðar, hæst í Laxá í
Aðaldal eða 12,4 pd. Vatnsdalsá í
Húnavatnssýslu fylgir fast á eftir
Laxá með 12,3 pd meðalþyngd á
laxi. Þriðjungur ánna var með lax
að meðalþyngd 10 pd eða hærri.
Netaveiðin var yfirleitt góð og
mun betri hlutfallslega en stang-
veiðin, en misjöfn eftir veiðijörðum
og gildir það fyrst og fremst um
Ölfusár-Hvítársvæðið, annað aðal-
netasvæði landsins, hitt er Hvítá í
Borgarfirði. Á fyrrnefnda svæðinu
var óvenjulegt ástand í vatnsrennsli
ánna, eins og minnisstætt er, og olli
hinn mikli leirframburður úr
Hagavatni hægari göngu laxins
upp árnar en venja er, og virtist
laxinn stöðvast um tíma á neðstu
svæðunum.
Stangveiðin var ærið misjöfn
eftir ám en það á sínar skýringar. í
árnar gekk töluvert af vænum laxi,
en hins vegar kom mun minna af
smálaxi en venja er. Þannig var
hlutdeild ársfisks úr sjó, 4-6 pd að
þyngd, 28%, en meðaltal ársfisks 10
síðustu ára þar áður var 55%. Skort
á smærri fiskinum má vafalaus^
rekja til hins kalda veðurfars 1979.
Þá olli lág vatnsstaða í ám víða
veiðitregðu. Léleg veiði varyfirleitt
í ám þar sem 4-6 pd fisks gætir mest
í aflanum, en árnar með vænni fisk
skiluðu hins vegar yfirleitt góðri
veiði.
Hæsta stangveiðiáin að þessu
sinni var Laxá í Aðaldal með 2.324
laxa að meðalþyngd 12,4 pd, önnur
í röðinni var Þverá í Borgarfirði, en
þar veiddust 1.938 laxar að meðal-
þyngd 9,8 pd. Þriðja hæsta áin var
Miðfjarðará í Húnavatnssýslu og
fengust þar 1.714 laxar, en meðal-
þyngd var 10,3 pd., en fjórða var
Norðurá í Borgarfirði með 1.583
laxa að meðalþyngd 7,6 pd og
fimmta áin var Víðidalsá og Fitjá í
Húnavatnssýslu, en þar komu á
land 1.423 laxar að meðalþyngd
11,6 pd.
Á vatnasvæði Hvítár í Borgar-
firði veiddust alls 11,325 laxar sem
er 12% lakari veiði en meðaltal ár-
anna 1970-79. Hlutdeild netanna í
veiðinni var 52%. Stangveiðin 48%.
Stangveiðin var hins vegar 30%
lakari en fyrrgreint meðaltal. Á
Ölfusár-Hvítársvæðinu fengust alls
11.662 laxar og var hlutur netanna í
þeirri veiði 94%. Stangveiðin brást
alveg í Ölfusá og að mestu í Hvítá
og bergvatnsárnar gáfu lakari veiði
en um langt skeið.
í hafbeitarstöðvarnar komu alls
3.138 laxar. I Kollafjarðarstöðina
gengu úr sjó 2.580 laxar, í Lárós-
stöðina komu um 400 laxar, 120
laxar komu í fiskhaldsstöðina í
Botni í Súgandafirði og tæplega 40
laxar úr hafbeitartilraun skiluðu
sér í Fossá í Skagafirði.
Húsnæði óskast
Fjórðungssjúkrahúsið á Akureyri óskar eftir að taka
á leigu íbúð eða raðhús fyrir einn af læknum sínum.
Upplýsingar gefur Friðrik Friðjónsson í síma 22100
Fjórðungssjúkrahúsið
Páskabasar
Styrktarfélags vangefinna verður að Hótel K.E.A.
laugardaginn 4. apríl kl. 3 e.h.
Kökur — páskaföndur, prjónless og fl.
Kökum og munum veitt móttaka sama dag milli kl.
12-14 að Hótel K.E.A.
Nefndin
Kálfaslátrun
Framvegis verður smákálfum slátrað á mánudög-
um og þriðjudögum, þannig að á mánudögum eiga
að koma kálfar frá Glæsibæjardeild, Hrafnagils-
deild og Saurbæjardeild og frá hinum deildunum á
þriðjudögum.
Áríðandi er að kálfarnir verði komnir eigi síðar en
kl. 14.00. Síðasta föstudagsslátrunin verður 3. apríl
n.k.
Sláturhús K.E.A.
ÚTVEGSMENN
NORÐURLANDI:
Útvegsmannafélag Norðurlands heldur fund
fimmtudaginn 2. apríl 1981. kl. 15.00 að Hótel
K.E.A.
Fundarefni:
1. Fiskverðið.
2. Nýgerðir kjarasamningar.
Kristján Ragnarsson form. L.f.Ú. kemur á fundinn.
Stjórnin
ATVINNA:
Óska eftir manni í sveit. Æskilegt að hann væri
vanur sveitavinnu. Uppl. í síma 61561.
Óskum að ráða
fjósameistara
til að annast u.þ.b. 30 kúa fjós frá 1. maí 1981. Fæði
og húsnæði á staðnum. Upplýsingar um starfið
eru veittar af Þórði Sigurjónssyni bústjóra á
Möðruvöllum, sími 21951.
Umsóknir sendist Tilraunastöðinni á Möðruvöllum
pósthólf 151 fyri 15. apríl 1981.
Trésmiðir óskast
til sundhallarbyggingar í Þórshöfn í Færeyjum.
Mjnnst 4-6 mánuðir. Ferðir og uppihald frítt.
Upplýsingar í Færeyjum í símum 15141 á vinnu-
stað og 22226 eftir kl. 20.00 Eiríkur Ingvarsson,
Þórshöfn Færeyjum.
F.S.A.
Laus staða lyfjafræðings
Lyfjafræðingur, cand pharm. óskast til starfa við
Fjórðungssjúkrahúsið á Akureyri frá 1. júní næst-
komandi, eða eftir samkomulagi. Umsóknir er
greini námsferil og fyrri störf sendist stjórn Fjórð-
ungssjúkrahússins á Akureyri, fyrir 24. apríl n.k.
AKUREYRARBÆR

Vinnuskóli Akureyrar
Vinnuskóli Akureyrar óskar að ráða forstöðumann
og nokkra flokksstjóra. Upplýsingar í síma 25600
frá kl. 10-12 f. h. Umsóknarfrestur til mánudagsins
6. apríl.
Garðyrkjustjóri
Páskaegg
í þúsundatali
15% álagningarafsláttur næstu 10
daga.
Bökunarvörur á kostaboði
Hafnarbúðin
Skipagötu 4-6
og útibú Grænumýri 18
AKUREYRARBÆR
íbúð til sölu
Til sölu er íbúðin Smárahlíð 18c.
íbúðin er 3ja herbergja, 78,7 m2 brúttó á 1. hæð.
Byggð skv. lögum um leigu- og söluíbúðir sveitar-
félaga, og selst hún á kostnaðarverði, skv. fyrr-
nefndum lögum.
Umsóknareyöublöð fást afhent á bæjarskrifstof-
unni, Geislagötu 9.
Umsóknir sendist undirrituðum fyrir 9. apríl n.k.
Akureyri, 26. mars 1981
Bæjarstjóri.
DAGUR.7