Dagur - 19.05.1981, Blaðsíða 4

Útgefandi: ÚTGÁFUFÉLAG DAGS
Skrifstofur: Tryggvabraut 12, Akureyri
Rltstjórnarslmar: 24166 og 23207
Sfmi auglýsinga og afgreiðslu: 24167
Ritstjóri (ábm.): HERMANN SVEINBJÖRNSSON
Blaðamaöur: ÁSKELL ÞÖRISSON
Augl. og afgr.: JÓHANN KARL SIGURÐSSON
Preotun: Prentverk Odds Björnssonar hf.
Réttindamál
í höfn
Mikið réttiætismái hefur nú náð
fram að ganga á alþingi með
samþykkt frumvarps um fimm ára
áætlun varðandi lagningu sjálf-
virks síma. Hið mikla óöryggi sem
dreifðustu byggðir landsins hafa
mátt við að búa í símamálum er
kunnara en frá þurfi að segja. Til
viðbótar miklum samgönguerfið-
leikum á vetrum hafa margar
þessara byggða verið í símasam-
bandi við umheiminn aðeins örfáa
klukkutíma á sólarhring. Mættu
þéttbýlisbúar velta því aðeins fyrir
sér hyernig sú tilfinning hlýtur að
vera, að vita sér allar utanaðkom-
andi bjargir bannaðar, ef eitthvað
alvarlegt skyldi bjáta á. Hætt er við
að einhver þrýstihópurinn væri
búinn að láta í sér heyra. Raunar
má það teljast furðulegt, að neyt-
endasamtökin skuli ekki hafa tek-
ið upp baráttu fyrir þessu réttlæt-
ismáli. Það er rétt eins og órétt-
lætið búi aðeins í Reykjavík, ef
miðað er við málflutning sumra
þeirrá sem telja sig í forsvari fyrir
neytendur f landinu.
Samstaða var á alþingi um þetta
umrædda frumvarp um lagningu
sjálfvirks síma. Samkvæmt því
sem þar kemur fram eiga allir sem
það vifja að vera búnir að fá sjálf-
virkan síma fyrir ársiok 1986.
Samkværnt þessari fimm ára
áætlun skai verkefnum raðað í
forgangsröð. Gert er ráð fyrir því
að aðflutningsgjöld og söluskatt-
ur við innflutning verði felld niður
af tækjum og búnaði sem þarf til
að koma á sjálfvirku símasam-
bandi samkvæmt áætluninni. Þá
er gert ráð fyrir heimild til að taka
lán, allt að tuttugu milljónum
króna árlega á áætlunartímanum,
og að lántökuheimildin breytist í
samræmi við breytingar á bygg-
ingavísitölu.
. >r. .
Fram kemur f greínargerð, að
um 3220 heimlli f sveitum búi enn
við handvlrkt samband. Slíku
sambandi fylgir mjög víða að ekki
næst samband út fyrir þá línu, sem
viðkomandi sveitabær er tengdui
við, nema fáar klukkustundir á
sólarhring. Nú til dags una menn
ekki því öryggisleysi sem þessu
fylgir. Tilgangur frumvarpsins er
að bæta úr þessu ástandi.
Heildarkostnaður við þessa
framkvæmd á verðlagi í ár er talinn
vera um 92 milljónir króna, þegar
aðflutningsgjald og söluskattur
hefur verið dreginn frá, sem er
talið vera 43,7 milljónir króna.
JÓN BJÖRNSSON
HERHVÖT
Þetta er áskorun til akureyrskra
kvenna, að þær móti stefnuskrá, er
geymi viðhorf þeirra til bæjarmála,
beri fram lista til næstu bæjar-
stjórnarkosninga á Akureyri, nái
þar hreinum meirihluta og taki
stjórn bæjarins í sínar hendur vorið
1982.
Þessi hugmund er ekki mín, hún
er ekki ný. Jafnréttissinnar hafa
íhugað hana og rætt, en lagt til
hliðar, af því þeir hafa álitið, að
jafnrétti í landinu mundi ekki
vinna á með þessum hætti, heldur
tapa. Tapa hverju? Ég ber samt
fram þessa áskorun, til þess að
hugmyndin verði íhuguð enn á ný
og jafnframt til þess að láta vita, að
ég og margir karlar aðrir, mundum
styðja svona framboð.
Afhverju kosningar? afhverju
sérframboð kvenna? afhverju bæj-
arstjórn? af hverju núna?
Við höfum samþykkt það, ís-
lendingar, að menn skuli kjörnir til
þess að fara með völd. Þeir (karlar)
sem ráða hér, voru til þess kjörnir í
kosningu. Völdin, áhrifin og rétt-
indin, sem konur skortir til að
jafnast á við karla detta ekki dag
nokkurn af himnum ofan né berast
þau fyrirhafnarlaust l jólaböggli.
Völd fást með kjöri. önnur valda-
taka er annaðhvort ólögleg eða
BoðlðtÍÍ
messu á
Miklabæ
I Miklabæjarprestakalli i
Skagafirði er um 300 manns en
fjórar kirkjur. Hofstaðakirkja
sem er ónýt, Flugumýrarkirkja,
Silfrastaðakirkja og Miklabæj-
arkirkja sem er heimakirkja
sóknarprestsins sr. Þórsteins
Ragnarssonar. Hinsvegar er að-
eins eitt samkomuhús í Akra-
hreppi sem sóknirnar fjórar til-
heyra. Er það að ökrum. Enda
eru samgöngur með ágætum og
greiðfært austan vatna. Þetta
kemur fram í Fréttabréfi Bisk-
upsstofu og þar segir ennfrem-
ur:
Sr. Þórsteinn hefur ítrekað boð-
að allar sóknir til messu að Mikla-
bæ og hefur sveitungum þótt gott
að koma saman til helgihalds, en
vera ekki alltaf skipt í þá smáhópa
sem sóknirnar eru.
Að loknum sauðburði verður
messa á Miklabæ sérstaklega fyrir
hestamenn austan og vestan vatna
og er þess vænst að menn komi vel
reiðfara til kirkju.
Messutilkynningar eru sendar í
fjölrituðu formi til sóknarbarna og
má kalla vísi að safnaðarblaði, því
að ýmiskonar fræðsla og upplýs-
ingar m.a. um texta sunnudagsins
kemur þar með ásamt stuttri hug-
vekju.
Nýverið voru fermingarbörn
þessa vors á móti á Löngumýri
ásamt unglingum frá Sauðárkróki
og presti þeirra, sr. Hjálmari Jóns-
syni. Þær Stína Gísladóttir, æsku-
lýðsfulltrúi og Margrét Jónsdóttir
skólastjóri tóku og þátt í mótinu og
var skoðað fræðsluefni æskulýðs-
starfs kirkjunnar.
Löngumýri hentar vel til slíkrar
samveru, m.a. er stutt í sundlaug í
Varmahlíð. Af landfræðilegum or-
sökum er erfitt með barnastarf í
Miklabæjarprestakalli. Því var að
ráði að reglubundnar guðsþjónust-
ar verði í formi fjölskyldumessu og
ævinlega sérstakt barnaefni haft
þar um hönd.
óraunsæ. Konur eru ekkert of góð-
ar til að sækja völd sín í kosningu.
Karlar eru í flestum lykilstöðum,
konur í fáum. Karlar afhenda ekki
þessar stöður fyrir góð orð ein —
eða heldur einhver það? Þeir halda
sínum lykilstöðum á öllum listum
til kosninga, nema þær verði frá
þeim teknar. Konur hafa ekki get-
að tekið sæti af körlum, nema rétt
eins og körlum líkar. Þær munu
ekki geta það, af því þær hafa ekki
völd til þess. Þær geta héreftir sem
hingað til verið með á lista, ein og
ein uppá punt, í fjórða eða jafnvel
þriðja sæti, en það færir þeim engin
völd. Það breytir ekki neinu — eða
heldur einhver það?
Konur verða einhversstaðar í
stjórnkerfinu að byrja að taka völd
í sínar hendur. Það þýðir ekki að
hugga sig við það, að næsta kynslóð
hugsi allt öðruvísi og þá verði allt
eott. Það er sjálfsblekking, þægileg
sjálfsblekking, sennilega til að
breiða yfir kjarkleysi. Næsta
kynslóð er núna börn, sem sjá og
sannreyna dag hvern, að karlar fara
með öll völd. Þeim mun finnast,
ekki síður en okkur, að það sé
sjálfsagt og eðlilegt. Nema við
breytum einhverju. Nema konur
taki völd núna, ekki með körlum
heldur af þeim. Einhversstaðar
verða þær að byrja. I sveitarstjórn-
um er fjallað um nærtæk, kunnug-
leg og fremur einföld mál. Sveitar-
stjórn er auðveldari viðfangs fyrir
óvana en önnur valdsvið. Það er
ekkert ofvaxið skilningi kvenna að
kunna á vatnsveituna, gatnagerð-
ina og fjárhagsáætlunina — eða
heldur einhver það? Sveitarstjórn-
armál eru ekki yfirmáta flokks-
pólitísk. Þau eru tilvalinn vetvang-
ur fyrir konur að byrja á og sann-
reyna áður en þær ráðast í stærra,
að það er ekki erfitt að stjórna bet-
ur en karlar.
Tækifærið til að nota vakning-
una frá síðasta áratug er að ganga
úr greipum. Sumir sem fóru að
vona þá, eru að verða vondaufir og
hugsa: „Æ, þetta var þá bara masið
eitt.“ Kvennaárið er að verða hluti
af Islandssögunni. Eigi að bíða
lengur eftir uppskeru af því, verður
hún engin, og seinni tíma konur
verða að byrja allt upp á nýjan leik.
Það verður að gerast núna. Eftir
önnur fjögur ár orða og engra
gjörða er það of seint.
Konur geta tekið völd á Akur-
eyri. Helmingur Akureyringa eru
konur. Margir karlar styðja þær.
Afgangurinn er klofinn í a.m.k.
fjórar fylkingar. Ef konur á annað
borð þora og nenna, þá munu þær
sigra. Hafi þær ekki þor til þess að
reyna, hvað meintum við þá allan
tímann með jafnrétti? Ef einhver
heldur að konur mundu tapa —
hverju mundu þær þá tapa? Jafn-
réttinu? Misréttinu? Jafnréttið gæti
ekki minnkað við þetta — er það?
Flokkarnir sem konur kusu síðast
mundu skrimta af, engar áhyggjur
af því. Þeir yrðu bara betri flokkar
á eftir, af því þeir mættu til.
Af hverju er ég, karlinn, að brýna
konur með svona tilskrifi. Ég skal
reyna að skýra það út. Ég er hlið-
hollur jafnrétti í orði eins og marg-
ir, vaska oft upp á mínu heimili, en
er alls ekki yfirkominn af jafnrétt-
ishugsjóninni né brennandi í and-
anum. Ég skrifa þetta af því ég i
einlægni trúi konum betur til þess
en körlum að gera bæinn, sem ég
bý í að góðum bæ, bæ eins og ég vil
búa í. Ég held að viðhorf þeirra
væru mannlífi hér hollari, virðing
þeirra fyrir fólki og þörfum þess
meiri en viðhorf núverandi bæjar-
stjórnar og næstu bæjarstjórnar af
sömu gerð og næstu og þarnæstu.
Til einföldunar skipti ég stund-
um sveitarstjórnarmönnum í tvo
hópa. Þar er annar hópurinn sá,
sem ég kalla af skömm minni
steinsteypu- og malbiksmenn.
Langflestir sveitarstjórnarmenn og
stjórnmálamenn á íslandi eru af
því tagi. Þeir meta mikils og hafa
gaman af steinsteypu, tækni,
rekstraráætlunum, beinum hrað-
brautum, reglustrikufjörum og
malbiki. Þeim eru afar hugleiknar
þarfis bílsins, svonefndar nauð-
synjar efnahagslífsins, kröfur iðn-
aðarins og tækniframfarir — og svo
náttúrulega hagvöxtur — þó hann
takist ekki alltaf sem skyldi. Þessi
atriði eru númer eitt, tvö og þrjú í
þeirra verðmætamati og þau hafa
forgang í hugsun þeirra og gjörð-
um. Aftur á móti leiðast þeim
gamlar dokkir, hægkeyrðar,
krókóttar götur, fúnar bryggjur,
börn, sem geta ekki verið hjá
mæðrum sínum, mæður, sem geta
ekki verið hjá börnum sínum, búfé
í bæjarlandinu, rekstur sem stendur
ekki undir sér, undirmálsfólk og
svo allt þetta nudd I fólki, sem á
ekki að skipta sér af því sem það
skilur ekki. Þetta er aftast á vin-
sældalistanum þeirra. Steinsteypu-
menn með þessi svokölluð stein-
steypuviðhorf eru í öllum flokkum
og þeir ráða yfirleitt ferðinni. Það
er ekki hótinu minna af þeim hjá
kommum en sjálfstæðismönnum
og þeir eru jafnalgengir hjá krötum
og framsókn. Þeir skilja hvorn
annan ágætlega og kemur vel sam-
an, hvar í flokki sem þeir standa, af
því þeim finnst sömu hlutirnir
mikilvægir og sömu hlutirnir
ómerkilegir. Hafið þið t.d. tekið
eftir hvað kosningaræðum flokk-
anna svipar saman? Steinsteypu-
menn eru undantekningarlítið
karlar. Þeim finnst að efnilegar
steinsteypukonur (konur, sem
hugsa eins og þeir) eigi að fá að
vera með í pólitík (í fjórða sæti) af
því að það er smart og af því þeir
eru með jafnréttinu, en þær eigi þá
að dútla við mannúðar- og félags-
mál, jafnvel umhverfismál og vera
til friðs. Þeim dettur ekki í huga að
setja þær yfir sín hjartansmál eins
og bygginganefnd og gatnagerð,
enda eru þær bara konur. Stein-
steypukonur í sveitarstjórnum er
fágætt og fremur vansælt fyrirbæri,
en mikið happ fyrir þann (karl)
flokk, sem þær á.
Hinn hópurinn hugnast mér
betur, enda hef ég valið honum
hlýlegra nafn: mannúðarmenn.
Foreldrasamtökin:
Jón Björnsson.
Mannúðarmanna gætir dálítið í
sveitarstjórnum en þeir eru hérum-
bil alltaf í minnihluta. Stein-
steypumönnum finnst þeir vera
ábyrgðarlitlir og kenjóttir og gera
gjarnan gys að þeim. Mannúðar-
menn eru marglitari hjörð en yfir-
leitt hafa þeir áhuga á umhverfi og
útliti landsins, grænu grasi, útivist,
gömlum húsum, listum og menn-
ingu (þó hún beri sig ekki), leik-
völlum, börnum, fólki sem á bágt o.
fl. Þeir eru lýðræðissinnaðir, hafa
minnihlutasamúð, enda vanir
sjálfir að verða undir, og stundum
eru þeir dálítið ruglingslegir og
órökréttir svo steinsteypumönnum
ofbýður. Þeim leiðast gjarnan að-
aláhugamál steinsteypumanna og
eiga oft bágt í samfylgdinni við þá,
m.a. af því þeir þurfa oft að greiða
atkvæði sér þvert um hug, vegna
flokkshollustunnar, skiljið þið?
Mannúðarmenn eru til í öllum
flokkum. Þeim semur oft betur sín í
milli en við steinsteypumenn eigin
flokka, en mega ekki láta það mikið
uppi — það væru flokksvik.
Mannúðarmenn eru fámennir í
pólitík af báðum kynjum, en sé
kona í sveitarstjórn, þá er hún iík-
lega mannúðarsinni, a.m.k. undir
niðri.
Bæjarstjórnin á Akureyri hefur
steinsteypuviðhorf og mun svo
hafa verið lengi (heimild: fjárhags-
áætlanir fyrir bæjarsjóð) Það örlar
á mannúðarmönnum, en þeir eiga
erfitt uppdráttar og eru í eilífum
minnihluta, innan minnihlutans
eða meirihlutans. Mér leiðast
steinsteypuviðhorfin. Á sama veg
er mörgum öðrum körlum farið.
Móti konur sína eigin stefnuskrá,
held ég, að það yrði ekki stein-
steypustefnuskrá. Nái konur meiri-
hluta í bæjarstjórn trúi ég að
mannúðarstefna réði. Mikið held
ég að það yrði gaman og mikið held
ég að Akureyri yrði þá góður og
skemmtilegur bær til að búa í. Það
er þessvegna, sem ég er að skora á
konur í framboð og ég vona, að ég
hafi ekki meiri trú á þeim heldur en
þær hafa sjálfar.
Fleiri dagvistir
nauðsynlegar
S.I. laugardag héldu Foreldra-
samtökin á Akureyri almennan
kynningar- og umræðufund um
dagvistarmál á Akureyri. Á dag-
skránni var m.a. erindi um innra
starf og markmið dagvista, sem
Valgerður Magnúsdóttir flutti,
svo og pallborðsumræður með
þátttöku fulltrúa stjórnmála-
flokkannna í bæjarstjórn og
nokkurra samtaka, sem láta
dagvistarmál til sín taka.
Fram kom á fundinum m.a., að
íslendingar standa allmikið að baki
öðrum Norðurlandaþjóðum í upp-
byggingu dagvista, auk þess sem öll
umræða um dagvistarmál þar ber
það með sér að talið er sjálfsagt að
til sé dagvistarrými fyrir öll þau
börn, sem þess óska. Þar gætir ekki
í slíkri umræðu, eins og oft hér-
lendis, fordóma um að stofnanir
muni að verulegu leyti taka við
uppeldi þjóðarinnar, þó að nokkur
hluti barna sé á leikskóla hálfan
daginn og örfá á dagheimili allan
daginn.
Á Akureyri eru nú rými fyrir um
\1% barna í bænum á forskólaaldri.
Jafnstór hluti þeirra er á biðlistum,
auk þeirra sem eru hjá dagmömm-
um og þeirra sem þyrftu á dagvist-
arrými að halda, en ekki er sótt um
fyrir.
Það var mál þeirra, sem þátt tóku
í pallborðsumræðunum, að það
væri jafnréttismál allra barna og
foreldra að ráðin verði bót á því
ástandi, sem ríkir í bænum í dag-
vistarmálunum, sem fyrst.
Hallfríður Helgadóttir
Fædd 19. maí 1887 — Dáin 10. maí 1981
í minningu vinar
Hún Hallfriður frænka mín Helga-
dóttir er látin. Þrátt fyrir háan aldur
og aðdraganda að andláti hennar
var klippt all hastarlega á til-
finningastreng minn, er ég fékk að
vita að hún væri öll.
Ungur að aldri sótti ég undarlega
mikið í faðm þessarar fjarskyldu
frænku minnar og einhverra hluta
vegna tók hún mig miklu ástfóstri,
sem entist fram til hennar hinstu
stundar, og allan minn breyskleik
umbar hún með sinni öguðu til-
finningu og eðlisgreind.
Ung að árum varð hún fyrir
þeirri sorg að missa maka og
einkason og bjó að auki við heilsu-
leysi alla tíð —• en ekki var um slíkt
fjasað.
Enn fyrirfinnst fólk í þessu lífi,
góðu heilli, sem lætur glaum
heimsins lönd og leið en hugar
meira að lífsbaráttunni og hefur
því til að bera það raunsæja lífsmat
og reynslu, sem haldið hefur lífi í
þessari þjóð. Slík var frænka mín.
Sem unglingi þótti mér Hallfríð-
ur oft vera af allt annarri og
óskiljanlegri kynslóð, sem lítið
skildi mig og mína jafnaldra — en
af löngum kynnum við hana komst
ég æ betur að því, hve heilbrigð
dómgreind, byggð á reynslu
kynslóðanna, ó'snortin af
gullkálfaæði samtíðar, er hollt og
gott vegarnesti.
Hafðu þökk, frænka mín, og er
það von mín að sem mest af þinni
lífsspeki verði mitt leiðarljós.
Hallgrimur Tryggvason
Er verkalýðshreyfingin ólýðræðisleg?
— Rætt verður um efnið á fundi;
sem haldinn verður á laugardag-
inn
Áhugahópur um aukið lýðræði í
verkalýðshreyfingunni er hópur
almennra féiaga verkalýðs-
félaga á Akureyri. Hópur þessi
hefur nú ákveðið að standa fyrir
almennum opnum fundi á Akur-
eyri 23. maí n.k. Fundurinn
verður haldinn í Nýja bíói og
hefst kl. 14. Efni fundarins
verður „Lýðræði í verkalýðs-
hreyfingunni?“
Ræðumenn á fundinum verða
þessir: Hákon Hákonarson, forseti
Alþýðusambands Norðurlands og
félagi I skipulagsnefnd ASÍ, en sú
nefnd hefur gefið fyrirheit um að
leggja fram í haust tillögur er miði
að auknu lýðræði innan hreyfing-
arinnar. Hákon fjallar um „Skipu-
lag ASf — kosti þess og galla.“
Magnús E. Sigurðsson, formaður
Félags íslenskra bókagerðar-
manna, fjallar um efnið „Viðhorf
bókagerðarmanna til ASl í ljósi
nýafstaðinnar atkvæðagreiðslu um
aðild að ASl,“ en eins og menn
muna hafnaði hið nýstofnaða félag
bókagerðarmanna aðild að ASf í
allsherjaratkvæðagreiðslu innan
félagsins. Hjördís Hjartardóttir,
sem staðið hefur framarlega í starfi
„Áhugasamra félaga í BSRB,“ talar
um „Lýðræðið í BSRB, starf
áhugasamra félag og starf Sétta-
baráttuhópsins í Reykjavík." Guð-
mundur Sœmundsson, Einingu, tal-
ar fyrir hönd áhugahópsins sem að
fundinum stendur og nefnir hann
erindi sitt „Um Gullíver verka-
lýðsformann o. fl.“ Gunnar Halls-
son, Félagi verslunar- og skrif-
stofufólks á Akureyri, ræðir um
„Flokksræðið á síðasta ASf-þingi,
en hann var fulltrúi þar.
Að þessum ávörpum loknum
verða almennar umræður, fyrir-
spurnir og athugasemdir.
Ýmis skemmtiatriði verða á
fundinum.
Fundarstjórar verða Bjarni Sig-
tryggsson og Sigurður P. Rand-
versson.
Merkjasala
Til að standa undir kostnaði af
þessum fundi sem verður ærinn
(húsaleiga, flugfargjöld fyrir gesti,
auglýsingar o o. fl.) verður gefið út
límmerki með áletruninni „Aukið
lýðræði í verkalýðshreyfingunni."
Én merkjasala mun vart hrökkva
fyrir öllum kostnaði, og er því ráð-
gert að sækja um einhverja aðstoð
til verkalýðsfélaganna í bænum.
Stofnuð hreyfing
I framhaldi af þessum fundi hef-
ur áhugahópurinn ákveðið að
halda innan skamms annan fund,
sem verður þá stofnfundur hreyf-
ingar. Félagsskapur sá verður op-
inn öllum launþegum hér nyrðra,
sem áhuga hafa á að beita sér fyrir
auknu lýðræði og aukinni þátttöku
almennra félaga I störfum og
stefnumótun launþegasamtak-
anna. Áætlað er að á fundi þessum
liggi frammi fjölrituð eintök allra
ávarpa sem flutt verða á fyrri
fundinum. Unnið verður í starfs-
hópum. Fundur þessi verður nánar
auglýstur siðar.
UMSJÓN:
Ólafur Ásgelrsson
Krlstján G. Arngrímsson
Erlingur Kristjánsson stekkur manna hæst og sendir boltann með þrumuskalla að marki I.A., en framhjá fór boltinn.
^ Mvnd: KGA.
I.A. SIGRAÐI
-1 DÆMIGERÐUM JAFNTEFLISLEIK
Á laugardaginn var fyrsti
leikurinn í fyrstu deild í
knattspyrnu leikinn á Akur-
eyri, eða á Sanavellinum.
Völlurinn sjálfur var ágætur,
sól skein í heiði, en norðan
kuldastrekkingur setti leið-
inlegt mark á leikinn. Áhorf-
endur voru um 600, en ef
leikurinn hefði farið fram á
grasvellinum, hefði áhorf-
endafjöldinn verið a.m.k.
helmingi meiri, þannig að
umtalsvert fjárhagslegt tap
er fyrir heimaliðin að leika á
öðrum velli en aðalleikvangi
bæjarins. Það er skemmst frá
því að segja, að Akurnesingar
fóru með bæði stigin í þessum
leik, en þeir sigruðu með einu
marki gegn engu, í dæmi-
gerðum jafnteflisleik.
Skagamenn kusu að ieika
undan golunni í fyrri hálfleik,
en strax á annarri mín. fékk
Elmar góðan stungubolta og
komst inn fyrir Skagavörnina,
en á síðustu stundu tókst varn-
armanni að krækja í Elmar og
þá með þeim afleiðingum að
hann fékk spark í öklann og
þurfti að yfirgefa íeikvanginn
eftir aðeins örfáar mín. af
leiknum. Smám saman náðu
Skagamenn betri tökum á
leiknum og með góðri hjálp
norðan golunnar pressuðu þeir
nokkuð á markið og fengu m.a.
margar hornspyrnur. Góð
marktækifæri fengu þeir hins
vegar ekki. Á 29. mín. fengu
Akureyringar að fagna marki.
Þá lék Gunnar Blöndal um
hægri kanntinn, skildi varnar-
mann Skagamanna hreinlega
eftir út i hægra horninu og lék
upp að markinu renndi síðan
boltanum einu sinni á Ásbjörn
sem strax í fyrstu snertingu
sendi aftur á Gunnar sem þá
skoraði örugglega. Allt þetta
skeði mjög snöggt, en línuvörð-
ur sagði Ásbjörn réttilega hafa
verið rangstæðan, og eftir að
dómarinn Grétar Norðfjörð
hafði ráðfært sig við línuvörð-
inn dæmdi hann markið ógilt.
Við þetta færðist meira fjör í
leikinn, sérstaklega urðu KA
menn sprækari. Á 40. mín sóttu
Skagamenn stíft að marki KA
og fengu m.a. tvær hornspyrnur
í röð.
Einn sóknarmaður Skagans
skaut síðan föstu skoti úr hægra
vítarteigshorni, en boltinn
stefndi gróflega framhjá, en
hann kom þá í læri Guðbjörns
Tryggvasonar og breytti þá
stefnu og fór í netið.
Þannig var það staðan í hálf-
leik eitt mark gegn engu, og
ekki ósanngjörn úrslit eftir
gangi fyrri hálfleiksins þar er
Skagamenn sóttu heldur meira.
KA hóf síðari hálfleikinn
með sókn sem lauk með sam-
stuði Jóhanns Jakobssonar og
markmanns ÍA og lágu báðir
óvígir eftir. Jóhann hafði fengið
slæmt högg á brjóstkassann og
var í skyndi fluttur með sjúkra-
bifreið á FSA. Sem betur fór
reyndust meiðsl hans þó ekki
eins mikil og á horfðist.
I þessum hálfleik sótti KA
mest allan leikinn en þess í milli
áttu Skagamenn góðar
skyndisóknir sem byggðust á
hraða Guðbjörns Tryggvasonar
og Sigþórs Ómarssonar, en
þeim tókst þó ekki að komast í
gott markfæri.
Á 18. mín. lék Friðfinnursem
kom inná fyrir Elmar, laglega á
einn varnarmann ÍA og stóð
fyrir opnu marki, en brást
bogalistin og skaut framhjá.
Tíu mín. síðar fengu KA
menn eina af mörgu horn-
spyrnum í síðari hálfleik og
gefinn var góður bolti fyrir
markið, og Erlingur hoppaði
manna hæst og skallaði að
markinu og stefndi boltinn í
bláhornið, en með góðri mark-
vörslu tókst að bjarga í horn. Á
40. mín. átti Ásbjörn góðan
'skalla að markinu en aðeins
framhjá.
Úrslit leiksins urðu því þau
að ÍA sigraði með einu marki
gegn engu, en eftir gangi leiks-
ins hefði jafntefli verið
sanngjörnust úrslit. en það
gildir að koma boltanum lög-
lega í netið ef sigur á að vinnast
og það tókst Skagamönnum.
Mjög lítið reyndi á mark-
menn beggja liða, en hjá KA
var Gunnar Blöndal bestur í
sókninni.
Ormar Örlygsson sem kom
inná fyrir Jóhann Jakobsson
stóð sig mjög vel. Hjá Skaga-
mönnum eru allir nokkuð jafn-
ir, en Guðbjörn og Sigþór eru
fljótir í sókninni og ógna mikið
með hraða og dugnaði.
Eyjamenn betri
Þórsarar sóttu Vestmanney-
inga heim á laugardaginn en
þá léku þeir sinn fyrsta fyrstu
deildar leik á þessu sumri, en
Eyjamenn höfðu áður gert
eitt jafntefli.
Leikur þessi fór fram á gras-
velli Eyjamanna, en að sögn
Þórsara var völlurinn slæmur,
ósléttur og þungur. Leikurinn
var oft á tíðum mjög góður en
Eyjamenn eru erfiðir á heima-
velli, og leika nokkuð grófan
fótbolta. Þeirsigruðu örugglega
í þessum leik, skoruðu fjögur
mörk en Þór aðeins eitt.
Fyrsta markið kom eftir slæm
mistök milli Þórsara sem ætlaði
að senda boltann til Eiríks
markmanns, en Eyjamaður
komst inn í sendinguna' og
skoraði örugglega. Annað
markið kom eftir aukaspyrnu,
en þá svipað mark og sást í
sjónvarpinu á laugardaginn
þegar Tottenham jafnaði hjá
Manchester City, en auka-
spyrnan jafnaði í öxl varnar-
manns hjá Þór og breytti stefnu
boltans þannig að hann fór í
netið. Þannig var staðan i hálf-
leik tvö mörk gegn engu. Jón
Lárusson minnkaði muninn
fyrir Þór strax i byrjun síðari
hálfleiks, þegar hann komst inn
í sendingu milli markmanns og
varnarmanns, og skoraði Jón þá
örugglega. Skömmu siðar átti
Jónas Róbertsson gott færi en
skaut yfir. Þriðja mark Eyja-
manna kom eftir hornspyrnu.
og það fjórða úr þvögu skömmu
siðar. Að sögn fararstjóra Þórs
voru Eyjamenn betri og verð-
skulduðu sigur í leiknum, en
hann sagði að erfitt hefði verið
að leika á móti þeim, bæði hefði
völlurinn verið erfiður. svo og
leikmennirnir fastir fyrir og
nokkuð grófir. Einhverjir þeirra
fengu líka að sjá gula spjaldið
hjá dómaranum. Eitt sinn hefði
t.d. Bjarni Sveinbjörnsson verið
kominn einn innfyrir vörnina,
en rétt utan við vitarteig hefði
hann hreinlega verið sparkaður
niður, mjög gróflega.
4.DAGUR
DAGUR.5