Dagur - 29.10.1981, Blaðsíða 1

TRÚLOFUNAR-
HRINGAR
AFGREIDDIR
SAMDÆGURS
GULLSMIÐIR
SIGTRYGGUR & PÉTUR
AKUREYRI
64. árgangur
Tóku upp
tonn af
kartöflum
undan snjó
á einni
helgi
Túnsbergi 27. október.
Þrátt fyrir frost og hríð hefur
Guðmundur bóndi Haraldsson í
Hallandi tekið upp kartöflur að
undanförnu. Guðmundur mokaði
snjó ofan af grösunum og tók upp
örfáa poka á dag. Um síðustu helgi
mun Guðmundur hafa tekið upp
eitt tonn af kartöflum. Pokana setti
hann jafnóðum inn í bíl og kartöfl-
urnar eru hreint ágætar, enda er
ennþá allt heilt undir. Ekki vill
Guðmundur halda þvi fram að
þetta sé neitt sérstakt og þetta hafi
hann gert hér á árum áður, en ég tel
að þetta sé ekki á allra færi að taka
upp við þessar aðstæður. Menn
þurfa að búa yfir mikilli þolinmæði
og þrautsegju ef það á að takast.
S.L.
Fjárhagsörðug-
leikar Söltunar-
félagsins
Söltunarfélag Dalvíkur á nú í um-
talsverðum fjárhagserfiðleikum.
Erfiðleikarnir eru einkum skortur á
rekstrarfjármagni, en eignastaða
fyrirtækisins er góð. Málefni fyrir-
tækisins hafa verið rædd á fundum
bæjarstjórnar og kosin hefur verið
nefnd til að fjalla um hugsanlegar
úrbætur. í nefndinni eiga sæti
fulltrúar bæjarins og Söltunarfé-
lagsins. Dalvíkurbær á u.þ.b.
einn þriðja hlutabréfa í fyrirtæk-
inu, en stærsti hluthafinn er Snorri
Snorrason.
ÚTLAGINN
SYNDURI
BORGARBIÓI
Kvikmyndin Útlaginn verður sýnd í
Borgarbíói um helgina.
Sem kunnugt er, þá er Útlaginn
byggður á Gísla sögu Súrssonar.
Leggur myndin áherzlu á þá ör-
lagasögu um frændur, fóstbræður
og hefndir sem þar er sögð. Sýning-
artíminn er hundrað og fjórar
minútur, en miklu var til kostað að
búa myndina svo úr garði, að hún
iýsi þeim atburðum undanbragða-
leust, sem greinir frá í sögunni af
Gísla. Þvf var lagt mikið fé f leik-
sviðsgerð, búninga og byggingar og
fengnir til sérfróðir erlendir menn
til að bardagaatriði yrði trúverðug.
gk 81
•-y.4r- t .yÚ J® t>v

lilWl'i 'W* fl'IIIHHMBB—BMB—
Akureyri, fimmtudagur 29. október 1981
84. tölublað
Landsbyggðin borgar
„báknið“ í Reykjavík
Ríkis-„báknið“ vex aðeins í
Reykjavík og nágrenni, þrátt
fyrir það að fólk á landsbyggð-
inni leggi sifellt stærri skerf
hlutfallslega til rikisins í formi
skatta. Þetta er meginniður-
staða skýrslu sem Fjórðungs-
sambánd Norðlendinga lét taka
saman og nú hefur verið send
öðrum landshlutasamtökum og
einnig öllum þingflokkunum.
í ályktun síðasta fjórðungsþings
um þetta mál var lögð á það
áhersla, að við væntanlega jöfnun
á kosningarétti verði tekið tillit til
þessa og ríkisstarfseminni verði
jafnframt dreift meira um landið.
Nú hefur verið farið fram á við-
ræður milli landshlutasamtakanna
og þingflokkanna um framgang
þessarar tillögu en þetta mál verð-
ur rætt á sámstarfsfundi lands-
hlutasamtaka sveitarfélaga um
miðjan næsta mánuð.
{ skýrslu fjórðungssambandsins
kemur fram, að höfuðborgarsvæð-
ið hefur ekki lagt hlutfallslega
meira til rikisrekstrarins en áður og
í engu samræmi við aukna hlut-
deild í ríkisútgjöldum. Segja má að
ríkið afli síaukinna tekna úti á landi
og eyði þeim í vaxandi mæli á höf-
uðborgarsvæðinu.
Sem dæmi má nefna, að á árun-
um 1976-78 hækkuðu ríkisútgjöld
samkvæmt A-hluta ríkisreiknings
um 12,8% og af þeirri aukningu
fóru 69,2% til höfuðborgarsvæðis-
ins en rösklega 30% til allra hinna
landshlutaanna, þar af 8% til
Norðurlands eystra. Og allt niður í
2,2% til Suðuriands. Á sama tíma
lækkaði hlutfall höfuðborgarsvæð-
isins í tekju- og eignaskatti til ríkis-
ins úr 62,8% í 58,7%. Hlutfall höf-
uðborgarsvæðisins í launagjöldum
frá ríkissjóði hækkaði á sama tíma
úr 66,8% í 71,9%.
Þó að talsvert hafi verið unnið við að rifa gömlu síldar- öllu. Nú hefur einn eigandanna höfðað skaðabótamál á
bryggjurnar á Siglufiröi, er enn langt f land að þær hverfi með hcndur bænum vegna niðurrifs bryggju hans. Mynd: H. Sv.
Gamlar bryggjur rifnar á Siglufirði:
EINN EIGANDANNA FOR
IMÁL VIÐ BÆJARSJÓD
„Þegar það stóð til að rífa þess-
ar gömlu bryggjur, var haft
samband við eigendur þeirra og
þeir spurðir að því hvort þeir
vildu taka þátt í því og nota það
tækifæri sem byðist þegar
dýkunarskipið Grettir yrði hér.
Mér skilst að þáverandi tækni-
fræðingur bæjarins hafi reynt að
hafa samband við Óskar Gari-
baldason en það ekki tekist, og
þess vegna hef ég látið hafa eftir
mér að það hafi verið vafamál
hvort við mættum rífa bryggjuna
sem hann átti“ sagði Ingimund-
ur Einarsson bæjarstjóri á
Siglufirði í samtali við DAG.
Ósjcar Garibaldason undi niður-
rifi bryggjunnar illa, og hefur nú
hafið málsókn á hendur bæjarsjóði
Siglufjarðar. Vill hann fá 18.200
krónur í skaðabætur fyrir bryggju
sína.
„Allir aðrir eigendur samþykktu
að láta rífa bryggjur sínar og
það koma því ekki fleiri mál upp af
þessu tagi“ sagði Ingimundur. „Það
er tvímælalaust hægt að segja að
þetta hafi verið ónýt mannvirki.
Þau voru hættuleg og höfðu á sér
slæmt yfirbragð. Voru ljót og vöktu
athygli þeirra sem hingað komu.
Þetta voru allt bryggjur frá „Gull-
aldarárunum“ svokölluðu og það
eru reyndar fleiri eftir sem ekki var
kostur að rífa í þetta sinn.“
Ingimundur sagði að nú væri
unnið við höfnina. Sprengt hefði
verið utanvert í hlíðinni og grjót
þaðan notað til uppfyllingar í
smábátahöfn sem yrði út frá innri
höfninni svokölluðu. Hinsvegar
væri aðalhöfnin afbragðsgóð frá
náttúrunnar hendi, og vonandi
þyrfti ekki að kosta miklu fé til
hennar næstu árin. „Það yrði þá
ekki nema frekara viðlegupláss, þvi
stærri og fullkomnari skip kalla á
betri viðlegu" sagði Ingimundur
Einarsson bæjarstjóri.
Sæmilegur
heyfengur
Ytra-Hvarfi Svarfaðardal 28. október.
Samkvæmt upplýsingum frá
forðagæslumönnum er heyfeng-
ur hér um slóðir sæmilegur, en
einstaka mann mun þó vanta
hey. Svo virðist vera sem hey séu
ódrjúg og koma þar til ýmsar
ástæður.
Nýjar búgreinar hafa mikið verið
til umræðu og í Svarfaðardal er
Hjalti Haraldsson, Ytra-Garðs-
horni, að undirbúa refabú. Hann
gerir ráð fyrir að fara af stað með
refaræktina næsta sumar.
Eitthvað hefur misfarist af fé. Ég
hef heyrt það frá mönnum að eina
og eina kind vanti af því fé sem var
komið heim, en enn mun líða
langur tími áður en öll kurl koma
til grafar í þeim efnum. Jóhann.
Helgar-Dagur kemur út á
morgun, fjölbreyttur af efni.
Margrét Kristinsdóttir fjallar um
meðferð á hráu lambakjöti, Jón
Gauti Jónsson skrifar um hreindýr
á Norðurlandi. Viðtal er við Örlyg
Ingólfsson skipstjóra á Drang.
Handavinnukennararnir Auður
Sæmundsdóttir og Vilborg Aðal-
steinsdóttir sjá um föndurþátt og sr.
Hjálmar Jónsson um vísnaþátt.
Opnuviðtölin eru við Karl Jóna-
tansson og Sigvalda Þorgilsson
hljómlistarmenn um kabarettinn
„Gráu hárin“ sem frumfluttur
verður í Sjálfstæðishúsinu á Akur-
eyri um helgina, og rætt er við Örn
Inga listmálara, sem opnar um
helgina sýningu að Kjarvalsstöð-
um. Þátturinn „Dagdvelja" er í
umsjá Braga V. Bergmanns, Jón frá
Garðsvík skrifar greinina „ Og nú
er það hangikjötið," Helgi
Hallgrímsson fjallar um náttúru-
vernd, Noregspóstur frá Atla Rún-
ari Halldórssyni er á sínum stað,
einnig sjónmenntaþáttur Helga
Vilbergs. Þá eru glefsur úr gömlum
DEGI á sínum stað á baksíðunni og
þar fjallar Hákur á sinn sérstaka
hátt um skoðanakannanir. For-
síðumyndin að þessu sinni er eftir
Örn Inga listmálara.