Dagur - 15.01.1982, Blaðsíða 9

Erlent skemmtiferðaskip á Akureyrarpolli. Þau stóru skemmtiferðaskip sem ssekja Akureyri heim, hafa hvert um sig mun meira gistirými en hótelin
í bænum.
Einhvern veginn tölum við iðu-
lega um skólabæinn Akureyri á
viðmóta sjálfsagðan hátt eins
og ferðamannabæinn Akur-
eyri. Önnur nafngiftin virðist
eiga við um bæinn að vetri - hin
um Akureyri að sumrí. Þessi
kennimerki hafa um langt ár-
abil verið nefnd óafvitandi -
enda voru þau réttnefhi um
miðbik aldarinnar og líklega
fram að byrjun áttunda áratu-
garins.
En á síðustu árum hefur mátt
heyra á máli manna og lesa víða
gagnrýnar raddir skólamanna þar
sem þeim finnst eins og Akureyri
hafi dregist aftur úr. Uppbygging
skóla hafi setið á hakanum síðasta
áratuginn eða jafnvel lengur,
meðan skólar hafa sprottið upp
víða um landsbyggðina. Skólamál
Akureyringa og nánustu byggðar-
laga hafi beinlínis staðið í stað,
hvað þá að um afgerandi upp-
byggingu hafi verið að ræða.
Vitaskuld er nokkuð til í þessu.
En á það ber þó að líta að það
hlýtur að verða keppikefli allra
landshluta að námsaðstaða verði
bætt heima í héraði, og meðan
stórt átak hefur verið gert í þeim
efnum síðasta áratug hefur þróun-
in í þeim efnum í sjálfum skóla-
bænum (þ.e.a.s. þeim utan
Reykjavíku) orðið að bíða um
sinn, en vonandi eru nú stórvirki í
vændum.
Hótel spretta upp
Á sama hátt hefur það gerst síð-
ustu tvo áratugi, að hótel hafa
verið byggð upp víða um land,
víða sem sumarhótel í tengslum
við byggingar heimavistarskóla,
eða beinlínis sem hluta af félags-
heimilabyggingum. Ef til vill hafa
bjartsýni og metnaður haft ein-
hvers staðar undirtökin í glímunni
við arðsemissjónarmið, en á það
ber þá að líta, að einhvers staðar
þarf að byrja. Ekki er hægt að
hefjast handa um uppbyggingu
ferðamannamóttöku nema gisti-
aðsstaða sé fyrir hendi - og gisti-
aðstaða nýtist heldur ekki nema
önnur aðstaða sé fyrir hendi, eða
sé gerð í framhaldi.
Nú hefur það hins vegar orðið
svo, að Akureyri, sem fyrir tveim
til þrem áratugum síðan þótti hin
sjálfsagða miðstöð ferðalanga á
Norðurlandi, getur varla staðið
undir heitinu „ferðamannabær,,.
Varla fremur en margir aðrir
staðir. Þó er ekki fokið í öll skjól.
Sé það vilji bæjarbúa, bæjar-
stofnana og fyrirtækja að efla
ferðamannaþjónustu á Akureyri,
þá þarf hins vegar að hefja veru-
legt átak í þeim efnum. Heppileg-
ast virðist vera að það sé gert í
samvinu þeirra fyrirtækja, sem
þegar starfa á einn eða annan hátt
að ferðamálum og hins opinbera,
bæði Akureyrarbæjar og Ferða-
málaráðs. í rauninni þyrfti helst
að koma til eins konar Ferða-
málaráð Akureyrar, sem myndi
móta stefnu og sam hæfa krafta.
Mörg rök hníga að því.
Kynningarstarf
1. Þegar er varið talsverðu
fjármagni til bæjarkynningar,
með auglýsingum og öðru móti.
Þetta gera aðilar hver fyrir sie oe
án samráðs. Það er kunn stað-
reynd að auglýsinga- og kynning-
arfé nýtist best, þegar því er ráð-
stafað á heildstæðan hátt eða til
verulegrar kynningar á einstökum
verkefnum. Eitt árið gæti það ver-
ið skíðaaðstaðan, annað árið ráð-
stefnuhald o.s.frv.
2. Nú þegar íhuga fleiri aðilar
en einn að aukningu gistirýmis. í
rauninni má það furðulegt teljast
að gistirými hafi ekki aukist á Ák-
ureyri að nokkru nemi síðan
heimavist MA var tekin í notkun
sem sumarhótel fyrir tæpum 20
árum. Engin ný hótelbygging.
Vera kann að nýbygging hótels sé
svo viðamikið verkefni að til
þyrfti að koma samstarf tveggja
eða fleiri aðilja eigi að verða unnt
að ráðast í slíkt, ekki síst þegar
hafður er í huga hinn gífurlegi
fjármagnskostnaður sem fylgir
miklum byggingaframkvæmdum.
Og hugleiðing í framhaldi af
því: Hvers vegna fá ekki þau
hótel, sem rekin eru allt árið og
veita þjónustu alla 12 mánuðina,
að annast rekstur Edduhótelanna
á þeim stöðum, þar sem hvort
tveggja eru rekin yfir sumarmán-
uðina?
Ráðstefnuaðstaða
3. Það er staðreynd, sem er
þeim vel kunn, er starfa að mót-
töku ferðamanna á Akureyri, að
ekki er hægt að bjóða upp á að-
stöðu fyrir hinar stærri ráðstefn-
ur, sem haldnar eru hér á landi -
vegna skorts á gistirými, fundar-
sölum og annarri ráðstefnuað-
stöðu á einum og sama staðnum,
eða í sömu húsaþyrpingu. Það er
engin von til þess að nokkur ein-
staklingur, fyrirtæki né félaga-
samtök reisi á næstunni „ráð-
stefnuhótel“ á Akureyri - en sam-
starf gæti þarna leyst það mál.
Fyrirhugað er að verkalýðsfélög
mörg hafa áhuga á að reisa stór-
hýsi, einskonar félagsheimili með
skrifstofuaðstöðu fyrir félögin.
Enn er miðbæjarskipulagið nokk-
uð sveigjanlegt - og ekki hefur
enn verið gert ráð fyrir neinni um-
ferðarmiðstöð við miðbæinn.
Þarna má huga að sam starfi allra
hlutaðeigenda aðilja. Hver um sig
gæti úr slíku samstarfi fengið allt,
sem upphaflega er til stofnað, og
allir í sameiningu gætu að auki
haft hag af slíkri samræmdri að-
stöðu. Það erreyndaróhjákvæmi-
legt að á næstu tuttugu árum verði
eitthvert slíkt stórátak að koma
til.
Samstarf
En hver á að hafa frumkvæðið
að samstarfsnefnd á þessu sviði?
Það liggur e.t.v. beinast við að
eins konar fulltrúaráð þeirra, sem
þegar starfa að þessum málum,
ásamt fulltrúum bæjaryfirvalda
og Ferðamálaráðs, verði stofnað
og það velji síðan framkvæmda-
ráð með verulegt umboð tij
ákvarðana og framkvæmda. í
rauninni getur því hver þeirra,
sem vill stíga fyrsta skrefið haft
frumkvæðið. Það ætti ekki að
verða erfitt að fá menn til að
starfa saman. Það er vonandi enn
í gildi, þriðja kennimerki Akur-
eyrarbæjar, „samvinnubær".
Bjarni Sigtryggsson.
Bjaml Slgtryggsson:
.. þvíþað var
rum fynr j s 1
í gistihúsb 1IIU
15. janúar 1982 DAGUR - 9