Dagur - 23.03.1982, Side 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
RITSTJÓRNARSlMAR: 24166 OG 24167
SlMI AUGLÝSINGADEILDAR OG AFGREIÐSLU: 24222
RITSTJÓRI OG ÁBYRGÐARM.: HERMANN SVEINBJÓRNSSON
BLAÐAMENN: ÁSKELL ÞÓRISSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT H.F.
Steinullarverksmiðja
á Sauðárkrók
Eins og öllum ætti að vera kunnugt, hefur
bæjarstjórn Sauðárkróks unnið að undirbún-
ingi steinullarverksmiðju um árabil og lengur
en nokkrir aðrir hér á landi. Meðan þessi
undirbúningur hefur staðið, hafa Sauðkræk-
ingar ekki getað einbeitt sér að öðrum verk-
efnum í atvinnuuppbyggingu staðarins, enda
máttu þeir hafa tilefni til að ætla að hugmynd-
um þeirra yrði vel tekið af stjórnvöldum og að
þeir fengju að njóta þess frumkvæðis sem þeir
sýndu í málinu.
Það var raunar í bæjarstjóratíð Þóris Hilm-
arssonar, núverandi brunamálstjóra, sem
þessar hugmyndir komu fyrst fram og farið var
að vinna að undirbúningi þeirra. Á sama tíma
og Sauðkrækingar unnu að undirbúnigi stein-
ullarverksmiðju fyrir norðan var stofnað sam-
starfsfélag um jarðefnaiðnað á Suðurlandi,
m.a. til að kanna vinnslu Hekluvikurs og
Kötlusands til útflutnings.
Um það verður ekki deilt, að það voru Sauð-
krækingar sem fyrstir beindu sjónum sínum
að steinullarvinnslu og hófu undirbúning
málsins. Þessa frumkvæðis eiga þeir að njóta.
Hér er um að ræða mál sem snertir ekki að-
eins Skagfirðinga, heldur Norðlendinga alla.
Fjórðungssamband Norðlendinga hefur þrí-
vegis samþykkt ályktanir um málið á þingum
sínum og í einni þessara ályktana voru hörm-
uð þau vinnubrögð, að dreifa mikilvægum
gögnum og upplýsingum á viðkvæmu stigi
málsins, tilþeirra sem hafa vildu. Þetta gerðist
þegar starfsstjórn Alþýðuflokksins var við
völd í landinu. Fjórðungssamband Norðlend-
inga hefur krafist þess, að frumkvæði Skag-
firðinga verði metið og steinullarverksmiðja
staðsett á Sauðárkróki, að öðru jöfnu. Norð-
lenskir sveitastjórnarmenn eru þannig ein-
huga í þessu máli og ekki er vitað annað en all-
ir þingmenn Norðurlands séu einhuga í mál-
inu, því annað hefur ekki komið fram.
Kröfur Norðlendinga eru eðlilegar. Þær
byggjast fyrst og fremst á því, að atvinnuleysi
hefur verið mest á Norðurlandi. Þannig var á
síðasta ári og þó atvinnuleysi hafi ekki hrjáð
íslendinga verulega, hefur þess gætt mest á
Norðurlandi á undanförnum árum. Það þarf
augljóslega mikla atvinnuuppbyggingu á
svæðinu. Þegar stjórnvöld geta einhverju
ráðið um uppbyggingu í atvinnumálum, eins
og er varðandi steinullarverksmiðju, á það
svæði sem mest þarf á uppbyggingu að halda
að njóta góðs af. Það er í samræmi við stjórnar-
sáttmála ríkisstjórnarinnar og það er í sam-
ræmi við stefnuskrár allra flokka.
4 - DAGUR - 23. mars 1982
Elín Antonsdóttir (t.v.) og Guðrún Sigurðardóttir. Sú síðarnefnda hefur verið í félaginu frá því það var
stofnað, og mesta hluta þess tíma hefur hún verið í stjórn. Elín sagði eftir myndatökuna að hún vildi þakka öll-
um þeim sem gerðu þessa starfskynningu mögulega. Mynd: áþ
Vel heppnaður starfsfræðsludagur í Glerárskóla:
„Ahugi fólks á
foreldrafélaginu er
sífellt að aukast“
- segir Elín Antonsdóttir formaður félagsins
Á föstudagskvöldið í síðustu
viku varstarfskynningardagur
í Glerárskóla. Tæplega 50
fulltrúar ýmissa starfsstétta
sátu fyrir svörum, gáfu ung-
lingunum upplýsingar um
nám að loknu grunnskóla-
prófi.
Óhætt mun að fullyrða að
flestir hafi farið á vit fulltrúa
lögreglunnar, og spurt hann
um starf lögregluþjónsins, en
einnig var þétt setinn bekkur-
inn hjá úrsmiðnum, prentar-
anum og slökkviliðsmannin-
um svo dæmi séu tekin. Einn-
ig var hárgreiðslukonan mikið
spurð um sitt starf. Það var
Foreldrafélag Glerárskóla
sem stóð fyrir þessari kynn-
ingu, sem heppnaðist vel að
mati þeirra sem blaðamaður
ræddi við. Forráðamenn for-
eldrafélagsins hafa mikinn
hug á að þetta verði að föstum
lið í starfi skólans.
Elín Antonsdóttir, for-
maður félagsins, sagði að í
fyrra hefði félagið staðið fyrir
starfskynningu, sem var mun
smærri í sniðum. „Þetta tókst
þá með ágætum, en við vild-
um gera betur enda er þessi
miklu viðameiri. Hins vegar
er rétt að það komi fram að
Vilberg Alexendersson,
skólastjóri Glerárskóla, fór
þess á leit við okkur að félagið
annaðist þessa starfsfræðslu-
daga og á hann miklar þakkir
skildar fyrir þann áhuga, sem
hann hefur sýnt á foreldrafé-
laginu.“
Það korn fram hjá Elínu að
auðveldlega gekk að fá fólk til
að koma og kynna sín störf ,
en það voru nemendur í 7., 8.
og 9. bekk í Glerárskóla sem
var boðið að koma, auk nem-
enda í sömu bekkjardeildum í
Oddeyrarskóla. Elín sagði að
alls hefðu 150 nemendur úr
fyrrnefnda skólanum komið á
föstudagskvöldið, hins vegar
kom enginn úr Oddeyrar-
skóla. Ekki hafði Elín skýr-
ingar á reiðum höndum á
áhugaleysi nemenda úr Odd-
eyrarskóla.
-Ég er mjög ánægð með
þennan dag, ég er ánægð með
aðsóknina og áhuga krakk-
anna í Glerárskóla. Ég held
að mér sé óhætt að fullyrða að
áhugi fólks á foreldrafélaginu
sé alltaf að aukast. Nú eru um
170 manns í því, en nemendur
í skólanum eru um 700 talsins
svo þú sérð að enn vantar
mikið á að allir séu virkir í
þessum félagsskap."
Elín sagði að þrátt fyrir þá
staðreynd að Foreldrafélag
Glerárskóla hafi staðið í hart-
nær átta ár virtist enn gæta
nokkurs misskilnings á til-
gangi þess. Fólk heldur gjarn-
an að um nokkurs konar
kvörtunarfélag sé að ræða, og
segir sem svo að ef það þurfi
eitthvað við kennara barna
sinna að tala, geti það gert það
án íhlutunnar annarra.
í lögum félagsins segir m.a.
að tilgangur félagsins sé að
tryggja gott samband milli
Glerárskólans og þeirra barna
er þar stunda nám, og að
stuðla að framkvæmd ýmissa
mála í þágu skólans og nem-
enda hans. Tilgangi sínum
hyggst félagið ná m.a. með
því að halda fundi, þar sem
fjallað er um ýmis uppeldis-
fræðileg efni. Auk þess að
standa að eða styðja menning-
arlíf innan skólans, svo sem
bókmenntir og listir, eða það
sem að gagni kann að koma
fyrir skólann og nemendur
hans.
Þeir, sem sátu fyrir svörum
og blaðamaður ræddi við,
sögðu allir sem einn að starfs-
fræðsludagar hlytu að verða
að föstum þætti í skólastarfi
allra skóla í fram tíðinni.
„Einhvern veginn verður að
kynna krökkunum þá mögu
leika sem bíða þeirra. Þau fá
að vísu töluverða fræðslu um
þá í skólanum, en það hlýtur
að hjálpa þeim mikið að geta
rætt við fólk sem starfar við
það sem krakkana dreymir
um,“ sagði einn þeirra sem
fræddi unglingana á föstu-
dagskvöldið.