Dagur - 25.05.1982, Blaðsíða 3

Vorvaka ’82
„Hvet sem flesta til ao hafa
samband hafi þeir eitthvað
i pokahorninu“ — segir Haukur Sigurðsson
N.k. fimmtudag hefst e.t.v.
einhver menningarlegasti
mánuður í sögu Akureyrar
með nær daglegum listvið-
burðum og menningaruppá-
komum ýmiskonar. „Vor-
vaka‘82“ verður hann kall-
aður og er einhverskonar Iist-
aahátíð á Akureyri.
Til að forvitnast nánar um
hátíðina var Haukur Sigurðsson
gripinn glóðvolgur á ritstjórn
Dags nýverið og hann látinn
svara nokkrum brennandi
spurningum, en Haukur hefur
umsjón með „Vorvöku" af
bæjarins hálfu ásamt Hermanni
Sigtryggssyni.
- Hver eru tildrög þess að
ráðist er út í þetta stórvirki?
Forsaga málsins er sú að
stjórn Listahátíðar í Reykjavík
hafði samband við bæjarstjórn
Akureyrar og grennslaðist fyrir
áhuga á að fá hingað einhver
atriði Listahátíðar. Einnig hafði
félag íslenskra myndlistamanna
sýnt því mikinn áhuga að setja
hér upp sýningu á sama tíma.
Bæjaryfirvöld tóku þessum til-
boðum vel og þegar svo kom í
ljós að fleiri aðillar s.s. Tónlist-
arskólinn og Passíukórinn
stefndu að hljómleikum og sýn-
ingum um þetta leyti sbr. „Tón-
listardagar í maí“ var öllu steypt
undir einn hatt og efnt til Vor-
vöku ‘82.
- Hver sér um kostnaðarhlið-
ina á hátíðinni?
Akureyrarbær sér um þau atr-
iði sem koma að sunnan og borg-
ar ferðir, uppihald og þóknun til
listamanna. Bærinn nýtur góðs
af því að taka við lista-
mönnum í Reykjavík og þurfa
ekki að borga millilandaferðir.
Einnig sér bærinn um sýningu
Félags íslenskra myndlistar-
manna en bærinn sér einnig um
sölu aðgangseyris og hirðir
ágóðann af því. Aðrir sjá um sig
sjálfir. Auglýsingakostnaður
verður sameiginlegur póstur hjá
öllum.
- Verður mikið af heimatil-
búnu efni?
Nei, ég get ekki sagt það. Af
15 atriðum sem á dagskrá eru
eru 3 alfarið úr bænum. Það eru
tónleikar hljómsveitar Tónlist-
arskólans, Passíukórsins og sýn-
ing í vinnustofugallery Guðm-
undar Ármanns og Ragnars Lár.
Þá tekur skólahljómsveit Tón-
listarskólans þátt í landsmóti
skólahljómsveita og Örn Ingi
verður á verknámssýningu FÍM.
Nokkur Akureyrísk börn fá að
taka þátt í trúðskóla Rubens og
þá eigum við von á að einhverjir
listamenn í bænum vilji notfæra
sér þá aðstöðu sem fyrir hendi er
í Skemmunni þ.e. hljómsveita-
pallur og aðstaða fyrir áhorfend-
ur og hafi þeir þá samband við
okkur, ég hvet sem flesta til að
gera það hafi þeir eitthvað í
poka-
horninu.
- Er þetta hugsað eingöngu
fyrir Akureyringa?
Nei, þetta er hugsað sem ein-
hverskonar listahátíð Norðlend-
inga og raunar er þetta hugsað
fyrir allt landið. Hér verða ýmis
atriði sem ekki eru á Listahátíð í
Reykjavík og við munum senda
auglýsingaplagöt um allt
norðurland og til Reykjavíkur
auk þess sem í prentaðri dagskrá
Listahátíðar í Reykjavík verður
sérstakur kafli um Vorvöku á
Akureyri. Forsala aðgöngumiða
hefst 3 dögum fyrir flutning
hvers atriðis þannig að það ætti
að auðvelda utanbæjarmönnum
að fá sinn skerf. Ekki verður far-
ið með atriði af hátíðinni út úr
bænum að þessu sinni hvað svo
sem síðar verður.
- Er stefnt að því að Vorvaka
verði árviss hér eftir?
Það fer náttúrulega eftir því
hvernig til tekst. Ef þetta gengur
vel verður það auðvitað hvatn-
ing til að halda þessu áfram.
Þetta er m.a. liður í þá átt að
teygja Listahátíð í Reykjavík út
á landsbyggðina og viljum við
Akureyringar leggja okkar af
mörkum að sem víðast verði fa-
rið með þau mörgu stórfenglegu
atriði sem þar eru á dagskrá.
Ég vonast til að Akureyringar
og nágrannar sýni þessu sem
mestan áhuga og fjölmenni á
Vorvökuna. Það er það sem
mestu ræður um hvort haldið
verður áfram eða ekki.
Fermingar-
afmæli
Undanfarin ár hafa þau sem
fermdust fyrir 10 og 20 árum verið
boðuð í Akureyrarkirkju á hvíta-
sunnudegi til þess að minnast
fermingarafmælis síns. í ár eru
þetta árgangarnir sem fermdust
1962 og 1972, þ.e. þau sem fædd
eru 1948 og 1958. Áð þessu sinni
hvetjum við áðurgreinda hópa,
með milligöngu blaðanna, til að
mæta í Akureyrarkirkju nk.
sunnudag, hvítasunnudag, kl. 11
f.h. til þess að minnast fermingar-
innar. Allir aðrir eru velkomnir í
þessa hátíðarmessu.
Sóknarprestarnir.
Þetta verður þú að
sjá með eigin.. .fe*
Fermingar-
barnamót
Fermingarbarnamót verður að
Stóru-Tjörnum 5. júní nk. og lýk-
ur með guðsþjónustu í Drafla-
staðakirkju. Þátttakendur þurfa
að taka með sér Nýja testament-
ið, vera með nesti til dagsins og
vera klædd til útileikja. Sundlaug-
in verður opin. Mótsgjald verður
kr. 50, en fargjald er enn óákveð-
ið. Þátttakendur úr Akureyrar-
prestakalli mæti til skráningar í
kapellu Akureyrarkirkju nk.
föstudag (28. maí) kl. 3-5 eða
hringi í síma 23665, en þátttak-
endur úr Glerárprestakalli mæti í
Glerárskóla á sama tíma eða
hringi í síma 22263. Farið verður
frá Akureyrarkirkju kl. 9.30 að
morgni mótsdags.
Sóknarprestamir._
Leiðrétting
í viðtalinu við Helga Símonarson
sem birtist í síðasta Helgardegi
var rangt farið með nokkur atriði
og barst blaðamanni bréf frá
Helga þar sem hann fór fram á að
mistökin yrðu leiðrétt. í bréfinu
segir: „Ofsagt er að ég sé búinn að
vera 50 ár fulltrúi á aðalfundi
KEA, en rétt er milli 40 og 50 ár.
Þá er skakkt að ég hafi komið í
Velli um fermingu. Loks hefur
föðurnafn tveggja manna, er ég
nefni orðið rangt, þeirra Jóns og
Angantýs sem voru í Ungmenna-
félagi Svarfdæla, þegar ég gerðist
þar félagi. Jón var Björnsson og
Angantýr Arrtgrímsson. Annað
skiptir ekki verulegu máli en þetta
eru meinlegar villur, hvernig sem
þær eru til komnar.“
Sumarfatnaðurinn
streymir inn þessa dagana.
Stórglæsilegur fatnaður
frá topp framleiðendum
enda gæðin þau allra bestu.
Vefnaðarvörudeild
Þýsk herraföt,
stakkar og jakkar.
Aldrei meira úrval af skyrtum.
Líttu við, það svíkur ekki.
Herradeild
Fyrír sa umaskapinn
Ný efni röndótt, köflótt Þunn gardínuefni, 3 metrar á hæð. Buxna khakíið loksins komið
Garðhúscröcmin
^níÍTfn^ fást hjá okkur.
Ótrúlegt úrval á einstöku verði.
Sportvörudeild
Myndsegulbónd
VHSogBETA
Greiðsluskilmálar
Hljómdeild
Gólfteppi,
Gangadreglar
Plastdreglar
Ný sendincr
Teppadeild
HAFNARSTR. 91-95 - AKUREYRI - SlMI (96) 21400
25. maí 1982 - DAGUR - 3