Dagur - 06.07.1982, Blaðsíða 12

MONRO-MATIC ®
SHOCK ABSORBER
Samþykktu
samningana
Félag verslunar- og skrifstofu-
fólks á Akureyri samþykkti
nýgerða kjarasamninga á fundi
í gærkvöld. Samningarnir voru
samþykktir samhljóða.
Atkvæði hafa enn ekki verið
talin hjá Einingu, en búið er að
greiða atkvæði á Akureyri,
Grenivík, Hrísey og Dalvík.
Fjallað verður um samningana á
Ólafsfirði í kvöld og atkvæði lík-
lega talin á morgun. Sem kunnugt
er samþykktu Iðjufélagar samn-
ingana með meginþorra atkvæða
á fundi á föstudag.
Eitthvað er um, að félög hafi
frestað umfjöllun um nýgerða
samninga. Svo var t.d. um Sveina-
félag járniðnaðarmanna.
Kristján
með
tónleika
Kristján Jóhannsson, tenór-
söngvari, er nú staddur hér á
landi, nánar tiltekið á Akur-
eyri. Meðan hann dvelst hér
mun hann halda tónleika víðs-
vegar um landið við undirleik
Guðrúnar Kristinsdóttur.
Fyrstu tónleikarnir verða næsta
sunnudag, 11. júlí, á Neskaupstað
og stðan sem hér segir: 12. júlí á
Egilsstöðum, 14. á Reyðarfirði,
16. á Siglufirði, 18. á Hvamms-
tanga, 20. á Blönduósi, 21. í Mið-
garði, 23. á Raufarhöfn 25. að
Idölum í Aðaldal, 28. júlí verður
svo söngskemmtun á Akureyri og
þann 31. júlí í Vestmannaeyjum.
Áttasóttu
um á Króknum
í dag verður væntanlega tekin
fyrir ráðning bæjarstjóra hjá
bæjarstjórn Sauðárkróks.
8 hafa sótt um og hafa 3 þeirra
óskað nafnleyndar. Hinir eru:
Pirgir Þórhallsson Akureyri,
riðrik Brekkan Sauðárkróki,
Snorri Björn Sigurðsson Sauðár-
króki, Guðmundur Benidiktsson
Kópavogi og Þórður Þórðarson
Kópavogi.
,v,v.vlví
Óli G. Jóhannsson hélt á föstudaginn málverkasýningu á Ráðhústorginu.
Bæjarbúar kunnu vel að meta þetta uppátæki Óla. Ofan í kaupið voru þeir
duglegir við að kaupa myndir; sagðist Óli hafa selt 12 myndir á fyrstu tuttugu
mínútunum. Mynd: KGA
Landsmót hestamanna
hefst á morgun
Segja má, að öllum undirbún-
ingi fyrir Landsmót hesta-
manna, sem hefst á Vind-
heimamelum í Skagafirði á
morgun, sé nú lokið. Gífurleg
vinna hefur verið lögð í það að
skapa sem besta aðstöðu á
svæðinu, og eru forráðamenn
mótsins tilbúnir til þess að taka
á móti 10-15 þúsund manns og
þúsundum hrossa.
Hreinlætisaðstaða verður öll til
mikillar fyrirmyndar, sölubúðir
verða starfræktar á svæðinu, og
segja má, að á Vindheimamelum
rísi upp heilt þorp þá daga, sem
mótið stendur yfir. Sérstakar fjöl-
skyldutjaldbúðir verða, einnig
svæði fyrir hjólhýsi og tjaldvagna
auk almennra tjaldstæða. Að-
gangseyrir fyrir alla dagana er kr.
350, fyrir þá sem koma aðeins á
sunnudag kostar 200 kr. og börn
yngri en 12 ára fá frían aðgang.
Landsmótið hefst á morgun, en
þá verða stóðhestar og gæðingar í
B-flokki dæmdir. Á fimmtudag-
inn verða kynbótahryssur dæmd-
ar og einnig gæðingar í A-flokki.
Þann dag hefst einnig Evrópumót
og fer þá fyrri hluti þess fram.
Á föstudag er unglingakeppni,
stóðhestar verða sýndir og kl.
13.30 hefst svo hin formlega setn-
ingarathöfn, en Stefán Pálsson,
formaður Landssambands hesta-
manna, setur mótið. Þann dag
verða kynbótahryssur sýndar,
síðari hluti Evrópumótsins fer
fram og undanrásir í 250, 350 og
800 metra stökki, auk þess sem
fyrri sprettur í 300 metra brokki
fer þá fram.
Á laugardaginn hefjast milli-
riðlar kappreiða kl. 10 um morg-
uninn og síðan tekur við unglinga-
keppni. Stóðhestar verða sýndir
og dómum lýst, gæðingar í Á- og
B-flokkum verða sýndir og kynnt-
ir 10 efstu hestar í hvorum flokki.
Þá verða kynbótahryssur sýndar
og dómum lýst, hópsýning rækt-
unarbúa er á dagskrá og fyrri
sprettur í skeiði.
Kl. 10.30 á sunnudagsmorgun
er hópreið hestamanna inn á
svæðið. Síðan er helgistund og þá
ávörp Pálma Jónssonar, landbún-
aðarráðherra, og Ásgeirs Bjarna-
sonar, formanns Búnaðarfélags
íslands. Á hádegi verður sýnt úr-
val kynbótahryssa og verðlaun
afhent, úrslit kynnt og verðlaun
afhent í unglingakeppni, úrval
stóðhesta sýnt og verðlaun
afhent. Þá verður 10 efstu hestum
í A- og B-flokki gæðinga raðað og
verðlaun afhent. Síðan kemur
röðin að sýningu ræktunarbúa, kl.
17 fara fram úrslit í skeiði og
brokki og öðrum hlaupagreinum
kappreiða og að kappreiðum
loknum verður mótinu slitið. Þess
má geta, að á föstudagskvöld og
laugardagskvöld verður kvöld-
vaka, sem hefst kl. 21 bæði
kvöldin.
Nokkur fjöldi fólks er þegar
mættur á mótsstaðinn á Vind-
heimamelum. Frést hefur af
fjölmennum hópum hestamanna
á reið víðs vegar um landið að
undanförnu, og allir höfðu þeir
sett stefnuna á Vindheimamela.
Þar verður mikið líf og fjör næstu
daga, og er vonandi, að veður-
guðirnir láti ekki sitt eftir liggja til
þess að hinn góði undirbúningur,
sem unninn hefur verið fyrir
mótið, fái notið sfn sem best.
Veiði yfir-
leitt mjög
dræm á
Norðurlandi
„Það er ekki mikið að frétta
héðan núna. Það eru komnir
124 laxar á land, sem er helm-
ingi minna en í fyrra á sama
tíma,“ sagði Helga ráðskona í
veiðihúsinu við Laxá í Aðaldal,
er við spjölluðum við hana fyrir
helgina.
Fyrir helgi voru nokkrir „stór-
laxar“ úr Reykjavík við veiðar í
ánni og létu vel af sér, þrátt fyrir
að veiðin væri ekki upp á það allra
besta. „Það er einhver reytingur
af fiski í ánni, en hann tekur illa
og það er enn ekki kominn nema
17 punda lax, sem er sá stærsti.
Veðrið hefur verið of gott, mikið
bjartviðri og það eru ekki bestu
skilyrðin til veiða,“ sagði Helga.
í hótelinu í Varmahlíð fengum
við þær upplýsingar, að veiðin í
Húseyjarkvísl hefði verið mjög
léleg, það sem af væri. Þar voru
komnir 4 laxar á land og byrjunin
því álíka slök og í fyrra.
Hins vegar er betra hljóðið í
þeim, sem hafa verið við veiðar í
Fnjóská að undanförnu. Þar voru
komnir á land um 40 laxar, sem
þykir gott á þessum tíma þar, og
yfir höfuð var þar um vænan fisk
að ræða, þetta 10-14 pund, og
enginn undir 8 pundum.
Aðrar fréttir, sem við höfðum
af veiði, eru þær, að Blanda hefur
gefið sæmilega vel miðað við aðr-
ar ár í nágrenninu og þá kemur
Laxá á Ásum að sjálfsögðu upp f
hugann. Hún er oft nefnd „heims-
ins besta laxveiðiá", en þaðan
hafa ekki borist neinar aflasögur,
það sem af er sumri.
Þessi stutta úttekt bendir því til
þess, að veiðin sé yfir höfuð ekki
mjög góð, það sem af er, þótt
undantekningar séu á því. Því
veldur ýmislegt og má nefna sjáv-
arkulda og kalt vatn í ánum.
Laxinn, sem kominn er í árnar,
hefur heldur ekki verið svo
gráðugur, að veiðimenn hafi þurft
að fela sig bak við stein, þegar
þeir hafa verið að beita.
# Sumarlokun
sjónvarpsins
Sumarlokun sjónvarpsins er
nú komin til framkvæmda. Ef
að Kkum lætur í síðasta sinn,
því umræður hafa farið fram
um það í útvarpsráði að
leggja af þetta mánaðarlanga
stopp á sjónvarpsútsending-
um. Júlílokun þessi hefurfar-
ið ákaflega misjafnlega fyrir
brjóstið á fólki. Sumir eru þvf
fegnir að losna undan ánauð
kassans, læra að tala saman á
nýjan leik. Þeir hinir sömu
gætu að sjálfsögðu haft sína
„prívat“-lokun hvenærsem er
með þvf einfaldlega að opna
ekki fyrir tækin sín. Sjónvarp-
ið hefur hins vegar einskonar
dáleiðandi áhrif á sumt fólk
og margir njóta þess að
slappa af og jafnvel að fá sér
blund þegar augun fara að
þreytast. Oðrum finnst þessi
lokun forkastanleg og tala þá
gjarnan fyrir aðra í þeim
efnum, nefnilega sjúklinga og
gamalt fólk.
# Myndbönd til
afþreyingar
En nú hefur ný tækni rutt sér
til rúms. Fjölmargir hafa eign-
ast myndbandatæki, sem þeir
síðan geta leigt snældur f.
Aðrir búa í fjölmennum hverf-
um þar sem komið hefur verið
upp kapalsjónvarpi, sem
sýnir kvikmyndir og annað
léttmeti til afþreytingar. Þeir,
sem þess njóta, eru hins veg-
ar ekki þeir sem hér að ofan
voru nefndir og þurfa mest á
afþreyingunni að halda, sjúk-
lingar og aldraðir. Einn kunn-
íngja blaðsins kom á framfæri
sniðugri hugmynd, nefnilega
þeirri, að myndbandaleigur
bæjarins (Akureyrar) tækju
sig saman og útveguðu
sjúkrahúsinu og jafnvel dval-
arheimilum aldraðra mynd-
bandatæki og snældur í
sumarleyfi sjónvarpsins.
Þannig gætu rólfærir sjúk-
lingar og gamalt fólk með
fótavist notið áfram þeirrar af-
þreyingar, sem sjónvarpið er
fjölmörgum. Þetta þyrfti ekki
að kosta myndbandaleigurn-
ar mikfð fé og sjálfsagt væru
aðstandendur fúsir til að sam-
einast um að greiða einhverja
upphæð ef eftir því yrði leitað.
Hugmyndin er góð og henni
er hér með komið á framfæri.
Framkvæmdamönnum sem
standa í rekstri myndbanda-
leiga ætti ekki að vera skota-
skuld að hrinda henni 1
framkvæmd.
# Sjallinn
vinsæli
Það er greinilegt að ekki var
vanþörf á því að fá Sjallann í
gagnið, því síðan staðurinn
opnaði hefur verið þar troð-
fullt hús á hverju kvöldi sem
opið hefur verið. Hefur gengið
svo langt að biðröðin fyrir
utan hindraði eðlilega umferð
ökutækja um göturnar og
varð lögreglan að fá fólkið til
að færa röðina til. En hvað
skyldi mörgum vera hleypt
inn í húsið?