Dagur - 15.02.1983, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREVRI
RITSTJÓRNARSlMAR: 24166 OG 24167
SÍMI AUGLÝSINGADEILDAR DAGS OG AFGREIÐSLU: 24222
ÁSKRIFT KR. 90 Á MÁNUÐI - LAUSASÖLUVERÐ 10 KR.
RITSTJÓRI OG ÁBYRGÐARM.: HERMANN SVEINBJÖRNSSON
BLAÐAMENN: EIRlKUR ST. EIRÍKSSON, GYLFI KRISTJÁNSSON,
ÓLAFUR JÓHANNSSON (SAUÐÁRKRÓKI) OG
ÞORKELL BJÖRNSSON (HÚSAVlK)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Þjóðarsátt milli
þéttbýlis og strjálbýlis
A miðstjórnarfundi Framsóknarflokksins sem
haldinn var um helgina kom fram greinileg
óánægja meðal fulltrúa með þau vinnubrögð
sem flokkarnir þrír, Alþýðuflokkur, Alþýðu-
bandalag og Sjálfstæðisflokkur, hafa knúið
fram til að breyta kosningaskipan í landinu.
Greinilegt er að flokkarnir þrír hafa bundist
samtökum um að hrinda breytingum í fram-
kvæmd þrátt fyrir að þær séu ótímabærar og
illa undirbúnar og án þess að fólkið í landinu
fái að kynna sér þessi mikilvægu mál og segja
sitt álit. Flestir þeir sem tóku til máls voru and-
vígir þessum vinnubrögðum og bentu á það
misrétti sem ríkti á öðrum sviðum lands-
byggðarfólki í óhag og að nær væri að leiðrétta
þann ójöfnuð áður eða samhliða því sem
breytingar yrðu gerðar á kosningaskipan.
Hagsmunir fólksins á landsbyggðinni og
hagsmunir Framsóknarflokksins eru tengdir
sterkum böndum, enda flokkurinn með mest
af fylgi sínu í strjálbýlinu. Þrátt fyrir einstaka
óánægjuraddir í öðrum flokkum er stefna for-
ustumanna þeirra einfaldlega sú að draga úr
áhrifum landsbyggðarinnar og þar með áhrif-
um Framsóknarflokksins. Þessi aðför gengur
meira að segja svo langt að talað er um að við-
halda einhverju misvægi milli atkvæða en jafn-
framt að koma á algjörum jöfnuði milli flokka,
sem er ósamræmanlegt.
Á miðstjórnarfundinum var samþykkt að
taka áfram þátt í umræðum um þessi mál og
freista þess að hafa áhrif á gang þeirra og
vernda hagsmuni íbúa landsbyggðarinnar og
þar með allra landsmanna. Almennt gera
menn ráð fyrir að breyting á kosningaskipan
sem nú er stefnt að geti með engu móti staðist
til lengdar. Til þess eru þær breytingar sem nú
eru á döfinni of yfirborðskenndar og illa undir-
búnar.
Ef ekki á að koma til verulegs ósættis milli
þéttbýlis og strjálbýlis í framtíðinni verður að
koma til kerfisbreyting og þjóðarsátt um fram-
för landsins alls. Það verður að bæta fólki á
landsbyggðinni það upp að það býr við mjög
skerta þjónustu miðað við íbúa höfuðborgar-
svæðisins og hefur miklu mun lakari aðstöðu
til áhrifa. Það er fjarstæða að halda því fram að
vægi atkvæða og jafnrétti milli landshluta í
öðrum efnum séu óskyld mál. Misvægi at-
kvæða er tilkomið vegna misréttis á öðrum
sviðum. Það misrétti verður að lagfæra sam-
hliða jöfnun kosningaréttarins því ella gæti
komið til búseturöskunar, sem ein út af fyrir
sig er dýr og óhagkvæm og getur haft ófyrir-
sjáanlegar afleiðingar öllum íbúum landsins
til tjóns.
33
Engin ástæða
er til
bjartsýni“
- segir Jón Geir Ágústsson, byggingafulltrúi,
um horfurnar í byggingariðnaði á Akureyri
„Það er Ijóst að byggingarhrað-
inn er minni en áður var og
einnig er eftirspurn eftir lóðum
minni" sagði Jón Geir Ágústs-
son byggingafulltrúi á Akureyri
er Dagur ræddi við hann fyrir
helgina, um nýbyggingar í bæn-
um á s.l. ári.
„Á síðasta ári var hafin bygging
92 íbúða og var staða þeirra þann-
ig um áramótin að aðeins ein íbúð
var fullgerð, 41 var fokheld og 50
voru styttra á veg komnar. Þetta
sýnir minni byggingarhraða en
áður var og að róðurinn er víða
orðinn þungur hjá þeim sem eru
að byggja, hvort sem menn vilja
kalla þetta kreppueinkenni eða
ekki.
Ásókn í lóðirer áberandi mikið
minni en hefur verið, t.d. með
einbýlishúsin. Á þessu kunna að
vera ýmsar skýringar, það er
hugsanlega ekki alfarið það að
það kreppi að, heldur getur áhugi
verið mismikill á þeim lóðum sem
til úthlutunar eru, eftir því hvar í
bænum þær eru. Ég held að það sé
greinilegt að það er hluti af ástæð-
unni fyrir minnkandi ásókn í lóð-
irnar. Þegar úthlutað var í Jörfa-
byggðinni fengu færri lóðir en
vildu en það eru enn til lóðir í
Síðuhverfinu."
- Og hvað er þá framundan,
byggingarhraði minni en áður og
minnkandi ásókn í lóðir?
„Ég held að það sé ekki hægt að
segja annað en að menn í bygg-
ingariðnaði óttist atvinnuleysi.
Spáin okkar er ekkert glæsileg því
þótt byrjað verði á fjölmörgum
íbúðum segir það ekki alla sög-
una. Spurningin er hvað þessar
íbúðir fara langt og með tilliti til
þess sem gerðist á s.l. ári er engin
ástæða til bjartsýni.“
Á sl. ári var hafin bygging 92
íbúða á Akureyri á móti 56 árið
áður. Fokheldar íbúðir á árinu
1982 urðu 68 á móti 34 árið 1981.
Fullgerðar íbúðir á síðasta ári
voru 109 á móti 125 árið 1981 og í
árslok 1982 voru 288 íbúðir í
smíðum. Þessar tölur segja e.t.v.
að árið 1982 hafi ekki verið svo
slæmt þegar á heildina er litið
miðað við árið 1981. En ljóst er að
byggingartími íbúða er að
lengjast, og nú í ársbyrjun er
minni ásókn í lóðir en verið hefur
undanfarin ár.
Minning:
Þórarinn Kristjánsson
Þórarinn eða Tóti eins og hann
var ætíð kallaður fæddist að Ing-
vörum í Svarfaðardal, sonur
hjónanna Önnu B. Arngríms-
dóttur og Kristjáns E. Jóhannes-
sonar fyrrum frystihússtjóra og
hreppstjóra á Dalvík. Fjöiskyld-
an fluttist frá Ingvörum til Dalvík-
ur er Tóti var í barnæsku og þar
dafnaði hann vel og óx úr grasi.
Systkinin urðu fljótt fleiri og telja
í dag þau Hrönn, Ingunni ,Birnu
og Guðlaugu.
Snemma þótti Tóti mjög efni-
legur íþróttamaður og að loknu
almennu námi stundaði hann nám
við íþróttaskólann Geysi í
Haukadal. Svo fer sem auðið er
má segja um líf Tóta, sem og svo
margra annarra. Sjómennskan
varð hans ævistarf, að undan-
skildum fáum árum sem fisksali í
landi, og var hann lengst af vél-
stjóri í millilandasiglingum. Þar
til fyrir fáum árum er heilsan
brast.
Tóta varð á lífsleiðinni tveggja
barna auðið. Þau eru Arna Krist-
ín og Jóhannes og búa þau bæði í
Reykjavík. Síðustu árin bjó hann
með Sólveigu Þorsteinsdóttur en
þau kynntust að Reykjalundi hvar
þau dvöldust bæði sér til hressing-
ar og endurhæfingar og er óhætt
að segja að þau hafi notið hlýju og
ástúðar hvors annars í ríkum
mæli.
Tóti frændi, eins og við kölluð-
um hann, var frá því ég man eftir
mér hinn síungi og fjörugi frændi
sem alltaf var tilbúinn að hjálpa
og gefa og sannkallaður vinur í
raun.
Við sem höfum nú af honum
séð um sinn þökkum honum göf-
ugt föruneyti og vottum honum
okkar dýpstu virðingu í Guðs
nafni.
Krístján E. Jóhannesson.
4 - DAGUR -15. febrúar 1983